|
متى يصير التبويض بالضبط
بسم الله الرحمن الرحيم السلام عليكم ورحمة الله وبركاته :d عندي استفسار مجنني وملخبطني وأتمنى تفيدوني :15: يا بنات الحين دايما اقرأ ان التبويض يبدأ باليوم ال14 فما فوق طيب اذا هالكلام صحيح .. كيف بعض النساء يحملوا بعد الدورة على طول !!!! وهو بالأصل بويضه وحده كل شهر ؟؟؟؟ معقولة ؟؟؟ وقريت ان عمر البويضة يكون من 12 ل 24 ساعه طيب وبعدين وين تروح والدورة لسه ما جا وقتها ؟؟؟؟؟ بحثت وقريت بس اتلخبطت أكثر أتمنى حد منكم يفيدني بكلام مبسط لأني خاطري أفهم آلية التبويض بالضبط تعرفوان ايش اللي خلاني أفكر في هالسؤال... زوجة أخوي كانت من كم يوم تقولي عن حملها هي ماشاءالله ولدت خلاص الله يخليلهم ولدهم المهم .. هي حملت السنة الماضية بشهر فبراير طبيعة دورتها 3 أيام بس من يوم تزوجت صارت كذا .. ومنتظمة .. انزين يا بنات ..بعدما طهرت من دورتها .. صار جماع على طول بتاريخ 14 فبراير وحسيت بأعراض وراحت للطبيبة وفحصت بتاريخ 8 مارس يعني بعد أقل من شهر وطلعت حامل ... والطبيبة حسبتلها الحمل صار بتاريخ 14 فبراير .. يعني بأول جماع بعد الدورة!! قلتلها كيف يصير كذا اللي اعرفه التبويض يجي في ال14 للدورة !!!! :25: أنتظر ردودكم لأني احترت على فكرة بعد كلامها انا قلت خلاص مارح أحسب لا تبويض و لا غيره واذا الله أراد بحمل في أي وقت :d |
فعلا ياهيا لا تحسبي تبويض ولا غيره ..
خلي الحمل طبيعي وفي أي وقت .. راح أجاوبك باللي أقدر عليه .. هناك علامات للتبويض وهوا نزول سوائل شفافة .. وتكون مثل زلال البيض .. هذا معناته تبويض .. أما السوائل الصفرا والغير لزجة هذا مو تبيوض التبويض يختلف وقته من وحدة لوحدة لكن عموما يكون في منتصف الأيام بين الدورتين .. تحديدا لو دورتك كل 30 يوم يكون في اليوم ال 15 .. وبرضو مو شرط .. في ناس يقدم أو يأخر .. لازم أنتي تتابعي بمراقبة السائل اللي ينزل من المهبل ... حتى تعرفي متى تبيوضك بالضبط .. حاليا حبيبتي أنتي لأنك عروس خلي الحمل يصير بأي وقت .. أيام التبويض وغيره .. في بعض الحريم يترقبو يوم التبويض بالذات لأنه في هذا اليوم يرجح أن يكون المولود ذكر .. وقبله بنت .. وكمان نسبة التلقيح طبعا تكون عالية . .. إي صح .. ويوم التبويض تحسي بألم خفيف .. ساعتها تعرفي أنه تبويض أتمنى أكون أفدتك .. |
انا اللي اعرفه ان التبويض يبدا بعد متخلص الدوره باسبو ع يعني الاسبوع اللي بعد الدوره مباشر هذا بيكون فترة امان يعني مابيحصل فيه حمل والاسبوع الثاني بيكون فترة الحمل فيه اكبر باذن الله تعالي والله يعطيكي الزرية الصالحة يارب
|
لو بتسالى عشان الجماع فالاضمن من اليوم 9 لليوم 21من بداية الدوره
|
يختلف التبويض من وحده لأخرى
البعض يكون التبويض متقدم يعني في اليوم 9/10 /11 والبعض يكون وسط 13 /14/15 والبعض يكون متأخر 18 /19 /20 يعني ماتقدري تعرفي الا بالسونار وفعلاً زي ماذكروا الأخوات للحمل من 9 ــــ21 الله يرزقك |
ما قصرتوا حبيباتي
^_^ |
بالنسبه لي انا باليوم 11
وقت التبويض.. بس الصراحه كل شئ بيد الله لو ربي رايد الحمال اول يوم طهاره ممكن يصير.. وسلامتك.. |
حبيبتي اسهل اجابه لك
هو اختبار يشبه اختبار الحمل اسمه اختبار الاباضه ovulation test وهذي يعمل كالتالي العلبه فيها خمس اعواد اختبار .. تبتدين تستخدمين الاختبار الاول في اليوم ال 11 للدوره او اليوم ال10 للدوره هو يجي نفس اختبار الحمل عن طريق البول (يعني يطلع لك خطين وقت التبويض ) تستخدمين الاختبار بنفس طريقة اختبار الحمل .. لمدة الخمس الايام وتستهلكين الاعواد الخمسه .. وانتي ويوم تبويضك .. متى ماطلع لك الخطين .. معناه ان اليوم اللي طلع لك الخط واليوم اللي بعده تكون الاباضه هذا حل عملي لو ماعرفتي تكتشفين موضوع الافرازات الشفافه والاعراض الطبيعيه .. الخ هذا حبيبتي كل اللي عندي وان شاء الله يكون موضوع مفيد |
أشكركم على تفاعلكم
بس انتو مو فاهميني للأسف انا الحين ما أتكلم عن نفسي انا حبيت أعرف بشكل عام ... كيف تتحدد أيام التبويض انها بعد الدورة بأسبوع مثلا ؟؟ وفي ناس يصير عندهم حمل على طول بعد الطهارة .. بس فهمت انه كله بيد الله تعالى أكيد .. ومو كل الكلام العلمي صحيح حلمي قريب كيف صحتك الحين .. ما تشوفي شر حبيبتي أعرف الجهاز واستخدمته الشهر اللي فات .. وبديت من اليوم ال14 وكان فيهم خطين لونهم غامق لمدة 3 أيام .. يعني 14 و 15 و 16 باليوم ال17 و ال18 ما ظهر الا خط واحد بسسس اللي فهمته اني كنت في فترة اباضه عاليه في الأيام ال3 .. وخلصت بعد اليوم ال16 والله أعلم ^_^ |
الله يوفقج ياقمر
والله حبيبتي علمي علمك بخصوص التبويض هذا شي محير انا عملت سونار يوم 12 من الدوره ... صار ال .... في نفس اليوم وبعدها ابو الشباب سافر ... وكنت فاقده الامل اني اكون حامل هالشهر لان يوم صار ال ... ماكانت البويضه انفجرت .. يعني لو كنت مستخدمه التحليل الاباضه كان ماظهر لي خط وصار الحمل الحمدلله بأذن الله يعني لاكلام دكاتره ولا يحزنون |
شفتي كيف حلومة
هذا اللي بغيت أوصله .. وأتأكد منه والحمدلله انتي يوم صار عندك الحمل .. حتى لو البويضه كانت لسه ما انفجرت .. الحيوانات المنويه تظل 48 ساعه تسبح .. يعني هي انفجرت اليومين اللي بعد اللقاء ... الله يسهل عليك حملك يارب .. أشوفك بديتي تدلعي وتتعبي ..شدي حيلك حبيبتي .. وما تشوفي شر ان شاء الله |
اشكرك ياحبيبتي
وان شاء الله ربي يرزقك اللي خير لك يا رب ويفرحك يا قمر |
ام هيا .. والله كلام العلم عى راسنا
لكن بالنهاية كل شي بارادة رب العالمين سبحانه ... اعرف كثيرات حملو من يوم قبل الدورة .. يعني استحاالة يكون في تبويض لكن سبحان الله حصل الحمل و بنات حملو بعد الدورة مباشرة و انا منهم :) .. رغم انه المفرةوض مايكون في تبويض .. و على كلام القاعدة المعروفة .. المفروض اني كنت اجيب بنت لانه التلقيح حصل بدري لكن سبحانه رزقني بولد الله يحفظه ... وقيسي على هذه الامور كمان .. هناك من يقولك لا تسوي مانع لانه اللي تسوي مانع زي الحبوب او الابرة او او ما عاد تحمل .. و شفت بعيني بناات استمروا على الحبوبب زمن يصل ل10 سنوات واول ما وقفوها حملوا و بنات ركبوا ابر على طول بعد الزواج و بعد ما شالوها حملو وبالمقابل بنات ما عملو شي و ربي ما اراد لهم الحمل ... وبنات فيهم تكيسات و حملو و بنات بمبيض واحد و ضعيف حملوا ... و كمان يقولوا اللي تفكر بالحمل كثير ما تحمل ... برضوا شفت العكس و انا منهم كان الحمل شاغل تفكيري من اول يوم اتزوجت فيه و الحمدلله ربي اكرمني فعشان كدا الوحدة منا المفروض تتوكل و تسيب كل شي على رب العالمين و متى اراد بيصير حمل و تسيب موضوع الخلفة على رب العباد لانه رزق منه فقققققط.. ان شاء الله ياربي تبشرينا و ينات التجمع و غلا 2005 و كل البنات باخبار حملكم و ربي يزقنا و اياكم بالذرية الصالحة |
اقتباس:
لو اقولكم تجربتي تستغربو استخدمته لمدة 4 شهور متواصله وكان يطلعلي خطين اظن من يوم 12 او 13 ويبقى الى يوم 15 بخطين بعدها يختفي الخطين ويصير خط واحد ... طبعا انا لما اشوف الخطين على طول اهتم باللقاء الزوجي وبس يروح الخطين اوقف كم يوم ... بقيت عالحال هذا 4 شهور وحاسه انه فيه شي غلط واجي هنا اسال البنات ويقولولي طريقتك صح.. وكان الله ما يريد انه يتم المراد والحمل.. بعدها قلت خلاص باتابع عن طريق السونار اكتشفت انه الايام اللي كنت اوقف فيها جماع لانه كان خلاص ما عاد يطلعلي خطين هو الايام المهمه بالنسبه ليا وكان مطلعلي بويضه جاهزه للانفجار وانفجرت باليوم 16 مع انه مافي كان خطين على اختبار التبويض حق البول.. طلعو في اليومين المعهوده 12-13-14 واختفو !!! صرنا انا وزوجي مستغربين من الدكتوره انه طلبت مننا جماع في الايام 16-17-18 واللي احنا متعودين فيها الشهور اللي راحت انه نوقف خلاص لانه يكون التبويض انتهى!! والله اراد سبحانه وتعالى وصار الحمل:) حبيت اقول تجربتي اللي هي عكس تجبرة حلمي قريب تماما وبالاول والاخير مارح يحصل الحمل الا بارادته سبحانه وتعالى متى شاء يقول كن فيكون ،، واحنا نجري جري لكن غير نصيبنا واللي الله كاتبه لنا مارح نحصل.. |
حلمي قريب .. .
بجد ... قلقتيني .. أنا أتوقعت إنو اليوم ال12 من الدورة مافيه حمل .. طيب معليش قوليلي كل كم تجيكي الدورة ؟؟ يمكن دورتك قصيرة عشان كذا صار الحمل |
الله يوفقكم يا بنات ويرزقكم ويبارك فيكم يارب
^_^ |
اقتباس:
انا تجيني الدوره كل 28 يوم اذا بنحسبها مع اسبوع الدوره ... واذا بنشيل ايام الدوره ... تصير كل 21 يوم من نهاية الدوره اتمنى اكون افدتك |
كل شيء بيد الله سبحانه
وبالنسبة للتبويض يختلف من وحده لوحده وفي نفس المرأة في الشهور المختلفة عموما اللي دورتها قصيرة يعني تجيها كل 24 يوم مثلا يصير التبويض عندها يوم 10 يوم 11 واللي 26 يتغير واللي 28 وهكذا وطبعا هذه مو قاعدة أساسية لأن سبحان الله ممكن يتقدم أو يتأخر التبويض لأسباب أخرى واللي بعد الدوره يصير جماع وتحمل الحيوان المنوي سبحان الله ممكن يعيش 3 أيام فوقت ما تنفجر البويضة يصير الحيوان المنوي موجود أصلا داخل ويحدث الحمل بإرادة الله الله يكتب للجميع اللي فيه الخير |
السلام عليكم
اختي العزيزة ايام التبويض بعد الدورة مباشرة ولمدة تسع ايام هذه الفترة يحصل فيها حمل بالتوفيق ان شاء الله |
| الساعة الآن 06:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©