|
موقف حدث لنا في المستشفى هل انا محقة ؟
السلام عليكم ورحمة الله
اخوتي انا اليوم صار لي موقف وحبيت اخذ رايكم فيه اليوم ولدي تعبان ووديته المستشفى ودخلته عالدكتور وبعده رحت الصيدليه وفي الصيدليه جات حرمه سالتني اذا خلصت او لا وسالتني عن بيتي باي حي بعد شوي سالتني اذا السوق قريب ويمديه تروحله من هنا وقلت لها انو بعيد ومعهابتين صغار وبعد كذا طلعت السياره بدون ماتقولي اي شئ وزوجي محرك السياره وماشين جلست تاشر له تبغاه يركبه معاه زوجي قال لي اش رايك وانا قلتله لا لاني اخاف تحطنا في مصيبه اوتقول انا خاطفينه ويمكن زوجها يسوي لزوجي مشكله وانتم عارفين الحركات اللي تصير هذي الايام زوجي مشي بس بعد كذا لامني وقال لو اخذنها مو افضل من انها تجلس في المستشفى وصراحه ضميري متعبني هل انا صح اولا وياليت كل واحد يرد يحط نفسه في الموقف واسفه عالاطاله تم تعديل العنوان الإشراف |
بصرااحه معااك حق...
وانا ماارتحت لذا الحرمه ولأسالتها؟؟وبعدين ياحبي لك مو كل الناس تجاوبي على أسلتهم وواضح انها تبي شئ ثاني لانها سألت عن الحي .. وبعدين لفت على السوق وبعدين مدري وشو.. الله يستر بس .. انتبهي من هالناس على العموم ماغلطتي ومن جد هالزمن يخووف.. الله يحفظك.. |
عليكم السلام ورحمة الله وبركاته
عذراً يُنقل للقسم المناسب .. |
و عليكم السلام و رحمة الله و بركاته
أختي ما راح أجاملك و أجلس أطبطب عليك ،، أول شئ ، هي كبيرة في السن ؟ لو كبيرة في السن فأنا أعاتبك و بقووووووووووة ، حطيت أمي مكانها لا سمح الله أختي نحن ليه دايم نفترض الإفتراضات السيئة ؟ و لو فرضا من هيئتها كان باين عليها حقة لف و دوران ، فكان ممكن تحتاطي منها بس ليييييييييييييييييييييه دايم نفترض الإفتراضات السيئة و اللي لها احتمال 1 بالمية إنها تحصل ؟ ليه ما نعمل الخير و نرميه في البحر ؟ 1 - حرمة 2 - جاية المستشفى 3 - معاها بنتين يعني لو بتصيع مثلا فما راح تجيب بنتين معها و يمكن تكون من الناس اللي ( عافيين نفسهم من سؤال الناس ؟؟؟؟؟؟؟؟؟؟؟ ) يمكن محتاجة لأحد يساعدها بس خجلانة تطلب ؟؟؟؟؟؟؟؟؟؟؟؟؟؟ كنتي كسبتي أجر فيها ، لكن إنت حرمتي نفسك من الأجر و إيش زوجها و ما زوجها ؟ يمكن تكون أرملة ؟ و ما عندها أهل في المدينة هذه ؟ ليه دايم افتراضات سيئة نحطها ؟ كم افتراض سيئ نحطه في حياتنا و ما تصيب و لا واحدة منها و بعد كذا نندم ؟ |
راح أقولك سالفتي أنا
مرة أنا في السوق وكنت أنتظر زوجي برا .. جت عندي حرمه تقريباً عمرها بالاربعين أو أكثر شوي قالت أنتي وين ساكنه ... قلت لها ليه .. قالت أبغاك توصليني المكان الفلاني وكان الوصف واضح .. قالت عندك سواق قلت لا زوجي قالت عادي... عاد أنا وقفت أسولف معها لان زوجي تأخر .. قالت أنا من العصر بالسوق وأحنا الآن العشاء أستغربت .. ومامعها أغراض نهائي .. قالت أني ساكنة جنب السوق .. وتقول ماعندي زوج مدري متوفي أو مطلقه وعندها ولد عمره 17 مهددها بالقتل ويبي منها فلوس وماعندها وطلعت من البيت مقهوره وخايفة تبي تروح عند وحده قريبه لهم.. تقول يمكن يخاف ويتراجع اذا شافني مارجعت الليله ... المهم جاء زوجي وقلت له عادي نوصلها قال عادي ..مع أنه موطريقنا وصلناها ودعت لنا وبس بس أنا بصراحة خوافه بس يمكن علشانها طولت بالسواليف معي قبل لايجي زوجي علشان كذا صدقتها... |
اشكركم حبايبي عارلد بس هي مو كبيره في سنه وهي قالت ان زوجه جابه وقال لها انو ماراح يرجع الاعشره يعني هواعطها خبر كان تقدر تاجل روحته للمستشفى خصوصا ان شكله موتعبانه مره وبناتها موتعبانين بس ماادري
|
أنا أرى إنك غلطت بصراحة ، لماذا افترضت سوء الظن بالحرمة ، زي ما ذكرت إحدى الأخوات بالمستشفى ومعها بنتين وانت مع زوجك الله يسامحك بس والله إني زعلت على المرأة هذه
لماذا نضيع المروءة علشان الغيرة أو الشكوك؟؟؟؟؟؟؟؟؟؟؟؟ |
لا اختي هذي موغيره هذا خوف لا ن صاحب زوجي حصل معاه موقف مشابه وصار له مشكله مع زوج الحرمه
|
بصراحة انا رايي الباب الي يجيك منه الريح سده واستريح
وبصراحة حسيتها بجحة جدا والي فعلتيه صح 100 بالمية |
السلام عليكم
بصراحة في هالزمن الغريب العجيب ... ممكن تجيك المشاكل وانت ما تدري عنها انا اشوف اختي تصرفك سليم .. ومثل ما قالت الاخت ... الباب اللي يجيك منه الريح (قفله) |
والله اذا وحده تبي توصليه تكون صريحه (( ممكن توصلوني للبيت ؟ )) بس وين ساكنين وبأي حي والسوق قريب .. الخ .
بهاليومين كل شي جايز والحذر واجب . |
الحمدلله سيارات الأجرة على أفا من يشيل ..
واللي يخليها تركب مع رجل غريب تركب اللموزين وخلاص.. |
جزاكم الله خير اخواني عالردود فعلا الواحد صار يخاف هذي الايام
|
يا اختي التكاسي ماليه الدنيا اذا كانت ترغب بتوصيله
ما عليج لوم |
يمكن صح معاكي حق الدنيا مالها امان
|
والله انا راي اللي عملته صح تمام لان اسئلتها تدعي الي الشك والخوف وكمان في سيارات اجر كتير وانا لو مكانها كنت سويت كده الزمن ده مفيش حاشه فيه مطمونه والله يرحمنا برحمته
|
تصرفك صحيح 100 في 100
ولو أنا مكانك حتى لو كانت كبيره في السن دامها نزلت السوق أو لمستشفى فقادره تآخذ تاكسي وترجع البيت وعادي جداً تحياتي |
جزاكم الله خير الجزاء الحمدلله ردودكم ريحتنيوحسستني انو هذا اللي لازم اسويه
|
احسن شي الي سويتية الدنيا تخوف ولا عاد احد يضمن تصرفات من احد يعرفة فما بالك الي ما يعرفة
ابقولك مرة انا كنت بالسوق وتاخر زوجي علي قفلوا السوق وكنت والله مرة خايفة واتصل علية يقولي شوي وجاي زين المهم شوي وتجيني وحدة هي وزوجها تقولي اركبي اوصلك بالصراحة خفت بالمرة انالحالي وماعرضت عليهم اني اروح معهم مرررررررررة رفضت مع ان بيتي قريب من السوق بس ما تضمنين العالم لكن الله يجزاها خير جلست بالسيارة مع زوجها الين جاء زوجي ومن ذاك اليوم كل ما تذكرتها دعيت لها هي وزوجها بس انا من كثر ما اسمع قصص وحوادث وبلاوي صرت نخافِ |
أول شي أسئلتها غريبة وماقالت لك مباشرة وصلوني وإنما أشرت لزوجك
مثل كذا أقول لها تبين حق الليموزين وأعطيها وأريح نفسي |
الحل المثالي عطيها حق الليموزين وبكذا توصلينها وتكسبين اجر وتحافظي على اسرتك
|
أنتي لست مخطئة ،، بالعكس
ماذا لو نقلتيها وسببت لكم مشاكل وتبلت عليكم ! هي لن تتضرر لو كانت صادقة فسيأتي من يقلها ، وليست حياتها واقفة عليكم ولكن أنتو قد تدخلون بمشاكل لا تنتهي لو كانت مخادعة أو ناوية شر أحسنتي صنعا ً . |
هى مو كانت بتموت لو مو وصلتوها واكيد لقت ناس ثانيين ووصلوها
بس الانسان المفروض يفترض حسن الظن مو يسىء الظن |
جزاك الله خير الجزء وانا ماقدرت اصلح غير كذالاني اخاف تتبلى علينا او يشوفها احد من اقاربها ويسبب لزوجي مشاكال خصوصا انا في مدينه مايتعملون الا بالاسلحه والقتل وانا صراحه اخاف على زوجي
|
مرحبا اختي
شوفي ابحط اول شي نفسي مكان الحرمة لو زوجي حطني بالمستشفى مع بناتي وكان عنده شغل ضروري طيب ومع الزحمة المتوقعة قالي بيجيني بعد ساعتين ولا يقدر قبل لكن لما نزلت وشفت الوضع لقيت ان المستشفى غير مزحوم ودخلت وجاء دوري وخلصت شغلي على طول طيب بقى من الوقت الي بيجي زوجي فيه ساعة او ساعة وربع طيب ومعي وحدة من بناتي مثلا تحتاج اغراض ضرورية من السوق وبيضيع الوقت اذا كنت ابنتظر زوجي الين يجي اول وبعدين اروح السوق .. ففكرت اني اشوف لي احد يوديني السوق وبعدين اخلي زوجي يجي ياخذني من هناك دخلت الصيدليه اخذ الادوية ولقيت حرمة توسمت او ظنيت فيها خير ونفسي تحدثني ان اذهب معها لان شكلها مريح واكثر امان ابسالها اول شي وين ساكنة عشان اضمن ان مشواري مايكون بعيد مرة عن بيتها... سالتها عن السوق اذا بعيد ولالا,, يعني من باب التلميح ابيها تعرض علي المساعدة بس ماعرضت علي يوم راحت وركبت سيارتها وشفت انها مع ابوهم وشكله رجال محترم قلت اقول بس خليني اطلب منهم المساعدة لاني اقدر اضمن على نفسي وبناتي معهم يمكن اكثر من غيرهم.. طيب الان ابحط نفسي في موقفك انا بالصيدلية اشتري ادوية جتني حرمة وسالتني اذا خلصت ولالا وبعدين سالتني عن بيتنا في اي حي؟؟ وسالتني عن السوق اذا قريب ولالا.. وبعدين ركبت السيارة وشفتها تاشر وقالي زوجي خلينا ناخذها معنا انا في هذي الساعة ابقوله والله ودي اساعدها لكن احتمال يكون كذا كذا لكن لو حاس انهم طيبين توكل على الله واخليه هو الي يحدد عشان بعد مايلومني بعدين لو صارت له مشكله بس اذا وافق ياخذها انا انزل من السيارة وادخل وادخلها معي الصيدلية وهناك بصوت عالي اقول (عشان الي بالصيدلية يكون شاهد) وين تبين يااختي؟؟..من هذولي الي معك؟؟.. بناتك اكيد؟؟.. ونتوكل على الله من فرج على اخيه كربة من كرب الدنيا فرج الله عنه بها كربة من كرب يوم القيامة وانا وامي متعودين نوصل الحريم اذا لقيناهم باي مكان (بالسوق ..عند المسجد..) |
اقتباس:
غاليتي إنتي تقولين يمكن و يمكن ليه ما يكون العكس يمكن إفتراضات الأخت صحيحة هي مو متأكدة وإنتي مو متأكدة لأنك تقولين يمكن . أنا لي قريب مثل كذه أشرت له وحدة و معاها ولد معااااااااااااااااااااق و وصلها مكان ما تبي لكن طلعت بالآخر نصابة و عملت له فضيحة........ على شان كذه لازم ننتبه و ما نوصل أي حد |
أنا من النوع اللي ما يحبذ هذا النوع من المساعدات
الله لا يحطني في موقف أحتاج فيه لأحد مو عن سوء ظن ولكن كثرت المشاكل اللي تجي من وراها وإذا الواحد علق مع متبلين ولا حرامية ومروجين ايش اللي يطلعه غير رحمة الله كثير ناس كانو يبون يسون خير لكن للأسف وقعوا بمشاكل نتيجة النصابين ومرة تصادمت أنا وزوجي بسبب أمر مشابه انه نقل واحد من على طريق سريع يقول سيارته خربانه وغيره لين رجع وقالي قلت ما خفت يطلع مروج ولا شيء يبغى ينحاش ومآخذك في الواجهة ولا حرامي معاه سلاح وبيسرقك قالي إني أنانية وأسيء الظن ووسواسة ومن هذا الكلام وبالمناسبة أحد الردود أعجبني في انه نعطيها حق التاكسي وتتوكل على الله لكن الواحد وقتها يمكن ما يجي على باله كذا الحمد لله الموقف انتهى بكذا وهو خير إن شاء الله |
مشكورين حبايبي الله يعطيكم العافيه فعلا ردودكم ريحتني حسيت انو مو انا بس اللي ملاحظه انا الناس السيئين ماسيبو لعيال الحلال طريق وانو قطعو علينا الاجر وحرمونا من الثواب وانو حسن النيه صار يخوف هذي الايام
|
| الساعة الآن 03:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©