|
زوجي و الخمر
السلام عليكم ورحمة الله وبركاته..
اخوتي في الله انا محتاجه لدعاءكم .. فـ أنا أمر بمشاااكل كثير لا اعلم متى سأخرج منها.. زوجي وأقد أخبرتكم عن شربه للخمر المستمر .. فهو لا يترك الخمر الا اذا كان نائمآ وطول وقته يشرب الخمر.. ولدي منه ثلاث فتيان .. ولكنه لا يحمل لهم اي مشاعر ابويه .. واكبر ابنائي يبلغ من العمر 4 سنوات ونصف يسالني يريد استفسار لماذا والدي يشرب الخمر.. او كما أسماه بالعامية ( البُطل ) .. انا الان في منزل والدي لانني سئمت هذه الحياه .. وهو يريد ان يطلقني لكنه وضع لي شروط .. وهي ان اتنازل عن ابنائي.. وهذا مستحيل.. يالله كم يحمل قلبي من الضيق والهم .. تعبت فعلآ تعبت .. انا فتاه مازالت بعمر الزهور.. ابلغ من العمر 21 سنه .. هل تتوقعون سأجد فرصه اخرى؟؟ ام سأضل بهذا الوضع الكئييب .. يالله افرج همي.. |
عذرا..تم نقله للقسم المناسب..بالتوفيق |
الله يفرج همك
اختي الحبيبة اتركيه لا فائده ترجى منه واولادك لا يستطيع اخذهم منك والطلاق ممكن تاخذيه من المحكمه لأنه غير مؤهل الله يعوضك رجل افضل منه وحياة افضل وهو الله يشفيه ويهديه |
اختي القانون والشريعه يقول الاولاد في حضن امهم الى عمر السابعه ازا ما كنت غلطانه ومن هنا لوقتها في الف حل
والحياه قدامك انتي لسه صغيره حاولي تكملي دراستك الله يفرج همك |
يالبية
ياختي الله يعينك لاتشيلي هم انتي صغننونة والعمرقدامك ربي يفرج همك ويسخر لك ماتتمنين ويارب تحنن قلبه عليكم ويبطل هالخمر لاحول ولاقوة الابالله انتي نهيته عن معصية وان شاءالله يتركه يارب قرييب اويعوضك ربي بابرك منة عليك بسهام الليل يارب تنصرك علية ويوفقك يرزقك زوج احسن منه قادر على كل شيء اهتمي بنفسك وصحتك العمرقدامك ولاتخافين مدامهم صغارالحضانة لك لمايكبر يخير وان شاءالله لاتخافين يكبرون ويجونك هذاي عمتي حطت بنتها عمرها سنة وتزوجت وجابت ثلاثة والحين تشوفهم بالاجازات والحمدلله الدنيابخير لاتتحطمين واصبري وان شاءالله انك ماجورة وعليك بالاستغفار يارب توفقك وتسعدك وتكتب لك الخير |
بمجرد ماتقولي في المحكمة انه يشرب خمر يحرم من اولاده بدون تخيير كمان ,
|
ما هي المحاولات التي قمت بها من اجل ان يترك الادمان ؟؟ |
اختي كيف ما سألتوا عنه عندما تقدم لخطبتك؟؟ و عندما اكتشفتي انه يشرب الخمر لماذا انجبتي منه المزيد من الاطفال؟؟ |
اقتباس:
اختي دنيا مالها صاحب / بعطيك الحل السليم 100% بإذن الله ، ولكن قوي قلبك شوي ، وصدقيني بعدها بترتاحين منه طول العمر انتي وعيالك بإذن الله تعالى . أولاً / لازم تتفقين مع 2 شهود على انه شارب للخمر ومايصلي (( طبعاً فهمت منك انه بإستمرار يشرب خمر يعني مايصلي )) . ثانياً / تروحين للمحكمه بدون تأخير ، وتطالبين بالطلاق وبالوصايه على اولادك لأنه فاسد وغير سوي . النتيجه / فوووراً القاضي بيحكم لك بالطلاق وبالوصايه على الاولاد والزوج ماراح يحكم عليه بأي شي . يعني بتعيشين حياتك انتي واولادك من دون ماتشوفين (( رقعة وجه زوجك )) . ملاحظات مهمه / لاتقولين لزوجك اني بشتكي عليك وعندي شهود ،،، إلا بعد مايحددون لكم جلسه امام القاضي ،،، يعني لاتتفلسفين وتسوين نفسك طيبه وتتصلين على زوجك وتقولين له طلقني ولا بشتكي عليك وعندي شهود ، وخلنا في حالنا !!! صدقيني انتي الي بتندمين . طيب لو جيتي وقلتي لنا بالمنتدى ،، انا ماعندي شهود ، وش اسوي ؟؟؟ بهالحاله اقولك مالك غير انك تتصلين على هيئة الامر بالمعروف والنهي عن المنكر ، شرط يكون زوجك وقتها سكرااان (( طييينه )) يعني مستوي على الآخر ، وتقولين لهم زوجي سكرااان واحنا بخطر معاه في البيت وتعالوا وامسكوه ، وبعدها بيصير لك بدل 2 شهود 4 شهود من هيئة الامر بالمعروف وتصير عليه قضيه وطلاقك منه بيكون اسهل من شرب المويه . بتقولين (( اخاااف وما اقدر وما ابيهم يسوون عليه قضيه وما ابي احد يتكلم علينا)) ،،، بقولك والله العظيم ما احد خسران غيرك وما احد بيتعذب غيرك انتي وعيالك . والله يعينك ويسهل امرك ويوفقك انتي وعيالك ،،، |
اقتباس:
اضافة بسيطة وهي: أولادك في حضانتك حتى يبلغو سن السابعة بعدها يخيرون بين الأب والأم ..( طبعاً إذا كانو أبناء وإذا كانو بنات فإذا بلغت السابعة تنتقل لأبوها إذا كان قد المسئولية) الله يفرج عليك .. عليك بالدعاء وملازمة الاستغفار .. |
أختي دنيا
الله يساعدك .. أنت ضحية أهل رمو بنتهم هالرمية السودا أتوقع تزوجتي بعمر صغير بين 18 _ 19 .. يعني وش عرفك بالدنيا وبلاويها وما كنتي تملكين قرار ولا فكر ناضج .. أهلك قالوا لك تزوجي .. تزوجتي بكل الأحوال هذا قدرك وضروري تتحملين نتيجة الاختيار الخاطئ مو عشانك بس .. عشان عيالك .. وش ذنبهم يشوفون ابوهم ليل ونهار سكران ؟؟ تتوقعين مراح يأثر على نفسيتهم؟ راح يأثر ويستسهلون الشرب بس يكبرون وبيصيرون مثله ( الحب يطلع على بذره ) ماله داعي الأبناء يتربون في بيئة لهدرجة سيئة وفي حضن ماهو نظيف الأبناء أمانة في عنق الابوين راح ينسألون عنها أمام الله وإذا كان الأب فرط وخان الأمانة .. انتي لا تصيرين مثله اقتباس:
لأن الحياة مع شخص ما عنده غيرة ولا يخاف الله أنتحار وبالنسبة لإصلاحة أنا أقول ( من لم يكن له واعظ من نفسه لم تنفعه المواعظ ) ليش ما يدري أن شرب الخمر حرام .. وين عايشين أحنا فيه !! اهو محتاج لهزة عنيفة وعنيفة جداً من داخله .. مو منك هالنوعيات الجاهله ما تتعظ إلا من مصايبها لمن يحس أن فقد كل شي في الحياة يمكن .. يمكن يفكر يصلح نفسه ولو كان طالب منك توقفين معه وتساعدينه .. كان يمكن يتصلح بس اهو راضي بالهوضع إذا تبين تنفصلين وتبين حل عملي .. أخوي خالد الذابح ما قصر جابها لك من الآخر وتقدرين تربين عيالك بعيد عنه .. تبين تكملين معه وتجبين مزيد من ابناء أبوهم عار على جبينهم .. انتي حرة |
جزاكم الله خير على الدعوات اللي تثلج الصدر..
انا تزوجته وعمري 16 سنه .. يعني كنت جاهله باهالامور.. ويوم كبرت وفهمت نصحته بكل ما اقدر وترجيته ما يشرب لو يوم واحد لكن مافيه فايده يشتري الخمر بـ خمسين دينار يعني تقريبا 600 ريال .. ولو احتجت فلوس يعصب علي ويهاوش.. ماعليه هالموضوع مايهمني.. لكن هو يشوفني ليل نهار على سجادتي اصلي والحمدلله .. ومايهتز ولا يحس .. يطلع يشتري ويرجع يشرب.. ولا يهتم في عياله ولا شي.. بصراحه انا تعبت ورجعه له مستحيييله .. واخوي الكبير يقول مايقدر ياخذ عيالج لو شنو .. انا واقف معاج .. والله يستر دعواااتكم لي الله يخليكم .. |
اختي الكريمه زوجك ليس له اهليه لحضانة الاطفال اي قاضي يتأكد من معاقرته للخمر سوف يحكم لك فورا وانصحك بعدم الرجوع اليه او ترك الفتيات في منزله فنهاك خطر كبير عليهم اعانك الله على بلواك
|
الله يفرج همك ويفك كربك عاجلا غير اجلا ويعوضك خيرا يارب
|
لو تم الطلاق مابحقلو الاولاد لانو في سن الحضانة
ولو مش في سن الحضانة برضو ماباخدهم لانو غير مؤهل لتربيتهم والله بروحو فيها بعيد الشر بترفعي قضية وقتها انو غير قادر على تربيتهم وانو سفيه وهالشي سهل اثباته كون انو مدمن خمر بسيطة بفحصوه بالمستشفى اضافة لشهادة الناس ومن حولك بعدين لما يجيكي سكرن بما انو سكران افتحي الفيديو وصوريه كاميرة الجوال او خبي كاميرا تصورو وهوة مو داري ولانو سكران ماحيركز اصلا وسجلي صوته وهوة سكران عالجوال وفكرة الهيئة حلوة كتير بعدين اختك حرام ماتخافي ابدا وتشجعي حرام اولادك تطلع نفسياتهم تعبانة كلو الا اولادك انا لو زوجي هيك بعيد الشر يا بطلق يا بسكن بعيد عنو حراااام الاطفال شو ذنبهم ماتنسي تخبرينا بالتطورات الله يفرجها |
|
الله يكون في عونك ..................ويهدي زوجك....
|
الله يكون في عونك ويفرج كربك عاجل غير اجل يارب العالمين ونصيحتي ليكي انقذي نفسك واولادك اطلبي الطلاق وبالنسبه لاولادك مايقدر ياخذهم منك ابد ما تخافي بس اقولك شئوبصراحه ردي علياانتي لما تقدم لخطبتك ما كنتوا عارفين انه بيشرب خمر وقلبي معك
|
يا اخواني ادعوا لي ان الله يعيني على تربية ابنائي من دون اب ..
انا فكرت وغدآ ان شاءالله ابي اصلي صلاة استخاره واشوف ربي وش يكتب لي رجاء تدعون لي في ظهر غيب .. محتاجه دعواتكم .. والله يصبرني.. |
لاحول ولاقوة الابالله ..
الله يكتب لك الخير .. ويحفظلك ابناءك .. ويهدي زوجك .. |
شوفي ياقلبي آنتِ اللحين آستغفري وربي بيسر لك آمورك وآستخيري بالطلاق والدنيا مو فوضى بياخذ آولادك المحكمة بتكون معك ..
|
أسأل الله أن يفرج كربتك
ما موقف أسرته منه ألم يحاول أحد أن يساعده في التخلص من هذا الفسق ليس له الحق في أخذ أولاده لأنه غير صالح فبالشهود يحكم لك القاضي بحضانتهم .. أسأل الله أن يعوضك بصلاح أبنائك |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
