الجبنة النابلسية المسلوقة (للخزين) من مطبخ sunshine545
 

http://www.66n.com/pics/hosted/ny292...tjajs467ji.gif


مساء الخير

اول مرة بسلق جبنة بيضاء في بيتي عادة الوالدة الله يحفظها ويخليها بتسلق الجبنه عندها وبتعطيني وبتعطي بيت اخوي

السنة قلت لازم اسلق الكمية الخخاصة فيي وارسل لها نصية هدية ومفاجأة واريحها ما سلقتها لحالي اجت خالتي (اخت الوالدة) لاني ما بعرف اسلق وخايفة اخرب الجبنة

ما صورت كل شي بحذافيره شوي لاني مش قادرة صحيا

الجبنة اول ما وصلتني استلمتها يوم السبت طرية ونسميها جبنة خضراء

الكمية 2 دلو عن تنكتين 5 نصية انا احضرت 4 نصية فباقي الجبنة وضعته بمراطبين ضغط وطلعوا 3 مراطبين

http://i41.tinypic.com/206ihrm.jpg

نقلتها على اوعية كبيرة وغسلتها منيح وبعدين بلشت مرحلة التقطيع والتمليح التنكتين بدهم ظرفين ملح يعني 2 كيلو ملح

http://i40.tinypic.com/17p9u1.jpg

قطعت المربع لنصين وصرت ووضعتهم على صواني كبيرة وصرت ارش كل طبقة بالملح اهم شيء وحتى تعرفوا انه الجبنة منيحة لما تقطعوها تنتبهوا ما يكون في داخلها ثقوب كثيرة وثقوب كبيرة اذا كانت هيك ما بتصلح للخزين

http://i39.tinypic.com/2hfnaci.jpg

http://i44.tinypic.com/16i2jk.jpg

http://i40.tinypic.com/10s99jr.jpg

وغطيتها بشرشف حفاظا عليها من الهواء والغبرة وكل يوم كنا نصفي الماء الي كانت تتصفي في قعر الصواني وبقيت من السبت ليوم الاربعاء و هو اليوم التي سلقت فيه

قبل السلق بنغلسها مرة ثانية من الملح (عمل شاق الجبنة)

طحنت المستكة والمحلب بمطحنة البن المولينكس ووضعناهم في قطع شاش وربطناهم لكن كل شيء في صرة المستكة لحال والمحلب لحال حتى نحطهم في السلق والباقي في النصاصي والمراطبين

المحلب

http://i40.tinypic.com/vew3ur.jpg


المستكة

http://i43.tinypic.com/doqg4p.jpg


عبينا 3 طناجر ماء وصارت خالتي تضيف الملح بالتدريج مع التحريك على طوشة البيضة حتى ظهرت اشارة القرش على قولتهم وفي بيعملوها على طوشة قرص الجبنة لكن كما فهمت انها تاخذ ملح اكثر وتكون مالحة جدا جدا (مش كل الماء بنستخدمه للسلق نترك الباقي لحين الانتهاء من السلق) ونضيفه على ماء السلق ونتركه لليوم الثاني


http://i41.tinypic.com/r2jcjb.jpg

نشعل نار حارة جدا ونسقط صرر المسكتة والمحلب

http://i40.tinypic.com/vxjg34.jpg

ولما الماء تغلى جيدا نبدأ باسقاط الجبنة في الطنجرة ونغطي الطنجرة نتركها تقريبا عشر دقائق

http://i40.tinypic.com/vxjg34.jpg

http://i39.tinypic.com/349art3.jpg


طبعا صار افلام معنا واضطريت ارسلت تاكسي لبيت اهلي جبت عينة الغاز الي بتسلق عليها ماما الجبنة وجبت طنجرتها لانها اكبر بكثير من طنجرتي لو ما عملنا هيك كان ما خلصنا سلق لانه النار اذا ما كانت حامية كفاية بتخرب الجبنة :( وانتقل الشغل من المطبخ للبرندة ويا عيني على الحالة

http://i40.tinypic.com/2h52zah.jpg

نرفع الجبنة من الطنجرة وننقلها مرة اخرى الى صواني ومباشرة نرشها بالمستكة المطحونة حبة البركة ونتركها لتبرد في السابق كانت الناس تعصرها بين كفوفها

http://i39.tinypic.com/14liypk.jpg

نبدأ بتعبئة النصاصي الى ان تمتلىء ونضع 2 صرة مستكة و2 صرة محلب

http://i42.tinypic.com/28qw6ci.jpg

http://i39.tinypic.com/207p5pt.jpg

صفينا ماء السلق بشرشف شاش وضفنا عليه الماء النظيف المملح وارجعناه على الغاز مع اضافة مرة جديدة مستكة ومحلب وغلياهم غلوتين وتركنا الماء لليوم الثاني لازم تكون باردة على الاخر حتى نضيفها على الجبنة

هذه الماء نسمهيا المرش

http://i40.tinypic.com/2ytxt3o.jpg

ضفناها على المراطبين والنصاصي اهم اهم اهم اهم شيء وضع كيس نايلون على وجه النصاصي واغلاقها اغلاق محكم اي تنفيسة بالنصية بتخرب الجبنة
http://i40.tinypic.com/1z36sli.jpg


وسامحوني على عدم تصوير كل الخطوات شفتوا الشغل كثير ومتعب جدا


ويسلموا ايدين خالتي على مساعدتها الي والله يشفيها عاجلا


وصحتين وعافية

ماشاء الله تبارك الله الله يعطيك الصحة والعافية ..
بجد شغلها متعب .. لكن ماشاء الله النتيجة تبهر ..وياعيني على الطعم اكيد بيكون مميز ..
الله يخليلك الماما وخالتو ..ويمدهم بالصحة والعافية
ويجزاك خير الجزاء ..على هالمعلومات القيمة ..ألف سلامة عليك يالغالية ..

يستاهل التميز والتثبيت ..

ما شاء الله

ما شاء الله

موضوع رائع فعلا

و يستحق التميز بجدارة


بارك الله فيكي حبيبتي

اضافة مميزة لعالمنا

الله عالجبنه مممممممممممم شو بدي أحكي ?? الله يخليلك الوالده و أخت الوالده ...
جد اشتقت للأكل و الطبيخ الفلسطيني خصوصا اكل والدتي ... الله يعيني على هالغربه! جد شهيتني الجبنه و فتحتي جروحي و ذكرتيني فيكم و بأكلات ماما و طبخاتك الله يخليكم

والله تعب وفعلا الله يعين ماما وهي كانت تعمل 10 - 15 تنكة جبنة

طعمها كثير اطيب وازكى من الجاهز وصراحة ما بنجيب جبنة مسلوقة جاهزة


طبعا ماما انبسطت كثير وكالعادة بيتغزلوا في شغلي


الله يعافيكٍ يا رب

وشكرا لمرورك العطر

وتسلم ايديك يارب

شغلها متعب وممتع بنفس الوقت

امين يارب

شكرا لمرورك العطر

الله يخليكِ

ويجزاكِ كل الخير

طبعا بعد التعب المتعة والاستمتاع وتشوفي النتيجة المرضية بعدها

شكرا لكم على التمييز والتثبيت كلم ذوق

وتسلم ايديكِ

امين يارب

شكرا لمرورك العطر

ضحكتيني ام بدر

شلون احنا ؟ احنا غاويين تعب

والله يا ام بدر ما عرفة شو هي الجبنة عندكم

بنشتري الجبنة طرية ولما نسلقها بتصير يابسة حتى نعرف نخزنها للسنة كاملة بدك تقولي له جبنه للسلق والخزين طبعا الطعم مختلف عن الطرية بيصير وشغل البيت اطيب من الجاهز لانك بتتحكمي في المستكة والمحلب وكمان الملح شغل السوق مالح جدا جدا

على كل حال بسال زوجي ووالدي عن النوع لانه في جبنة غنمية وجبنة بقرية حتى اعطيكي الصافي

وشكرا لمرورك العطر شرفتينا

تسلمي يا عسل

العالم مميز بوجودكم

شكرا لمرورك العطر

يا حياتي انتي

بس تيجي الاجازة بتاكلي من طبخاتنا ومن الجبني :d

تحملي البعد والغربة بعينك الله


شكرا لمرورك العطرررررررر

ماشاءالله بصراحه شئ رائع وعمل متقن ومنظم
الله يحميك

لله يعافيكي ويخلي لك اهلك واحبابك

بالهنا على قلوبكم

صحيح متعب بس بعد ما يشوف الواحد نتيجة تعبه بينسى التعب كله


تشرفت لمرورك العطر

الله يعافيكِ

الله يرحمها ويغفر لها يا غالية

في كثير ناس بتعمل هيك بتشتري جاهز وبتخزن بالفريزر بس حنا بنحب شغلنا والطريقة هذه في التخزين

هي مالحة بنشتريها بس لازم نملحها كمان مرة الظاهرة حتى تتحمل فترة التخزين وما تخرب لانه الجبنة الها افلام
شكرا لمرورك العطر

تسلمي يارب

شهادة اعتز بها

فعلا متعبة لكن افضل من السوق

الله يخلي لك الماما

شكرا لمرورك العطر

تسلمي كلك ذوق

والله كل الفضل لوالدتي بيرجع لانها المدرسة التي تعلمنا منها كل شيء واعتبر نفسي ما زلت طالبة لديها

الله يخليكِ


تشرفت لمرورك العطر

موضوع متعوب عليه تسلم ايدك

وتسلم ايديكي

الله يسلمك يارب ويخلي احبابك

شكرا لمرورك العطر

وتسلم ايديكي شكرا لمرورك العطر

ما شاء الله عليك
شغل مرتب و متقن
فعلا الشغل المحضر في البيت احسن و اضمن للصحة
سلمت ايادي عزيزتي

الله يعطيك العافيه ويسلم ايدك
بس سؤال في ايش تستخدم هالجبنه الي اعرفه ان النابلسيه تصلح للكنافه
لان شكلها قاسيه وكانها تاكل مع السطله مثلا ؟

تسلمي كلك ذوق

اضمن بكثير من شغل السوق وضامنة نظافة المكان

ووالدتي الله يحفظها عودتنا اذا الشيء سهل عمله بالبيت اعلموه بالبيت بالذات الاكل


شكرا لمرورك العطر

وتسلم ايديكي

تستخدم للمعجنات و الفتوت وللاكل على الفطور او على العشاء مثل اللبنة والزعتر بنحليها لاستخدامها في الكنافة والقطايف والكلاج

وايضا في السلطات وللخزين لكن نخزن كل سنة بسنتها

شكرا لمرورك العطر