|
دمعات مغتربة جديدة
غربتي
حيث ألمي وحزني حيث فراق أهلي وأقاربي وأصحابي وأحبابي انتقلت مع زوجي حيث يعمل هنا يجد الكل وانا اكاد أتمزق من داخلي لا أشعر بالتكيف مع الناس هنا فهم على العكس تماما من أهل مدينتي الحبيبة الرياااااااااااااااااااااض رياض العز رياض المحبة رياض الخير والعطاء لم اعد اتمنى سوى ان يحويني ترابها بعد الممات دمعات مغتربة جديدة |
الله يعينك
فعلا صعبه في البدايه بعدين تتعودين ان شاء الله لان كل شيء في البدايه صعب |
ماراح اتعود على فراق أهلي
أبكيهم كل دقيقة ان لم يكن بعيني فقلبي يبكيهم |
حبيبتي ام داليا ... كلنا اتغربنا و بعدنا و لا ادري هل غربتك داخل بلدك ام خارجها ..
لكن اعرفي اننا تغربنا عن اهالينا و بلداننا و امهاتنا و مررنا بحالتك . لكن سبحان الله الانسان مع الوقت يتأقلم مع حياته الجديده و يحبها بحلوها و مرها .. من المعروف ان السنة الاولى هي الاصعب و بعد ذلك تتحسن الامور لا تدخلي نفسك في دوامة الاكتئاب و الاحزان ... و ابحثي عما يشغلك و يسعدك |
هوني عليك أختي
الحمد لله و الشكر انت مع زوجك , البعض يغترب عن كل اهله و ناسه و في بلد غريب تماما .. انا عشت فترة طويلة جدا لوحدي , و لم يكن هناك بشرا بجانبي .. الله كان معي اهتمي بنفسك و بغذاءك و اخرجي من البيت لكي لا يزيد الاكتئاب عندك .. مارسي الرياضة فهي تحسن المزاج |
الله يعطيكم العافية
نصايحكم على العين والراس فعلا الدنيا صعبة وماصفت لاحد واللي يشوف مصيبة غيره تهون عليه مصيبته لكن انا وحيدة اهلي والوضع محزن والمدينة اللي انتقلت لها تعتبر بدائية جنب الرياض الله يفرجها شكرا لكن |
اقتباس:
الغربه صعبه لكن سبحان الله الانسان يتأقلم والحمدلله انتي قريه بامكانك تروحي لاهلك بعطله نهاية الاسبوع انا حاسه فيكي لاني جربت ادرس بقريه نائيه في البدايه كان صعب علي لكن بعدين تأقلمت وحبيتها والحين احن لايامي فيها.. لوكنتي مثلنا الحين وش بتسوين وحنا بعديييييييييين عن اهلنا وان كنتي تشتاقين لاهل الرياض فانا يفز قلبي لاي احد يتكلم عربي .. الله يسعدك ويجلي همك وحزنك |
سلام الله عليكم جميعا
الغربه صعبه جدا فاحمدي الله انك ما رحتي بعيد وكل فتره راح تزوري اهلك كيف انا لي اسبوع الان في الغربه في بلد اوروبي لا اتكلم لغتهم ولا اعرف شيئا فارقت الاهل والاصحاب حياتي كانت مملوه فجأه اصبحت ساكنه الله يصبرنا جميعا |
شكرا لكم
|
اقتباس:
|
جنب
لا اقصد بها القرب انما بالمقارنة اما هذه المدينة فتبعد عن الرياض الحبيبة 1000 ك |
اضم صوتي لصوتك بس انا تركت مصر بلدي الحبيبة
|
الله يردنا لديارنا
سااااااااااااااااااااالمين أسعدني مرورك |
احمدو ربكم عندكم النت تنفسو فيه
وقت تتغربت لم يكن عندي شيء انما استغلت الوقت بالتقرب لله سبحانه وتعالى انتي قلتي انك وحيدة اهلك وانا اقول الله لو كان عندهم عشره غيرك نفس الفرقه واللهفه لي 20 سنه غربه وتزيد الايام ومازلت ابكي فرقاهم اهم شي نسمع انهم بخير |
أهلاً
قرين ... يعلم الله أني أفتقدتك .. وكل مادخلت المنتدى رحت ابحث عن الردود ... ودائماً أحصلك غير متصله وضاق صدري .. بس الحمدلله على سلامتك ونور المنتدى ... |
حبيبتي أم داليا
الله يعينك أنا مثلي مثلك الحال من بعضه أقسم بالله أني أكره يوم الاربعاء والخميس أحس كل الناس مبسوطة الا أنا ... أحس كل وحده عند أهلها ألا أنا ... وأحياناً والله أجلس أصيح من ضيقة الصدر ... حتى المنتدى الاربعاء والخميس مايقرأ المواضيع الا أنا فقط ... بس حاولي تعايشين حاولي تصبرين .. عساه فراق دنيا ولا فراق آخره... حاولي تعرفين على جيران كانك بالشمال أو الجنوب ترى أهلها حبيبين ... وعندك النت ... وان شاء الله تتأقلمين ... أحاول أواسيك وأنا أبي من يواسيني ........ |
أسعدني مروركما
كثيرا حرم المعلم تدرين ماافكر اتعرف على الجيران لاني تاذيت منهم الله يكفيني شرهم ويهون علي مصائبي شكرا لكم |
الله يخفف عليك غربتك ويفرجها عليك قريب والله ادمعت عيوني وانا اقرا موضوعك آآآآآآآآآآآه ياحبيبتي فتحتي علي جروح عجزت اداريها عن امي واخواني وزوجي آآآآه ياقلبي ايش كثر بيستحمل يا رب صبرني على الفراق وخاصة اني مغتربه للعلاج اكتب ودموعي غصب تنزل الحمدلله على كل حال يارب عجل بشفاء ولدي شفاء تاما لايغادره سقما يارب واجمعني باخوه عاجل غير اجل وافرحني بلم شمل اسرتنا الصغيرة وساعد امي وصبرها على فراقي يارب انك سميع الدعاء
|
اقتباس:
تسلمين يا يا رب والله وانا فقدكم جميعا انما ما كنت اقدر ادخل النت لي حوالي شهرين رحت زرت الغوالي اهلي وبنتي في ارض الوطن وها انا اعود لكم من جديد |
أشكر الاميرة على مشاعرك
واسال الله العظيم رب العرش العظيم بين الاذان والاقامة ان يشفي ابنك ويردكم لدياركم سالمين |
أم داليا كأنك تتكلمين عني نفس المسافه بيني وبين اهلي بالرياض.... الله يصبرنا بس ... كم لك ناقله؟
انا عروس وعلى طول برا الرياض وبكمل سنه ان شاء الله ... حتى من قشارة اهل الديره ما لقيت عندهم وظيفه مع ان تخصصي مطلوب؟ يا اختي المطاعم وهي المطاعم ما تلقين ابسطها واذا لقيتي ما فيه نظافه والله احس اني بسجن خاصه امس واليوم اربعاء وخميس اهلي يدقون علي مجتمعين الله يهنيهم حتى المسنجر ادخل اوف لاين وامس اخوي يسألني ليش اوف لاين قلت اربعاء مسويه نفسي طالعه :) ومن ناحية جيران لي علاقات الحمدلله بس مثل ما قلتي لابد من الأذى عشان كذا بديت ما اختلط بالبعض... مع ذلك يا طول الوقت ويا شين البعد.. ويا زين ديرتي وديرة اهلي والا اقول يازين المكان اللي امي فيه وبس... الله يسهل علي وعليك وعلى كل مغتربه اللهم آمين |
آآآآآآآآآآآآآآآآآآآآآآآآآآآآآآآآآآآآآآآآميــــــــ ــــــــــــــــــــــــــــــن
لي إسبوعين كانه دهرين الله يهون علينا دنيانا الصعيبة |
اعانكي الله على غربتك
وسدد للخير خطاك |
جزاك الله خير
اخوي |
| الساعة الآن 08:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©