|
لست قادرة على التفاهم مع زوجي !
السلام عليكم
دخلت المنتدى واحسس بقهر :29: من حركات زوووجي .. اتصفح اشوف المواضيع ابي استفيد شي في اني اعيد تقويم زوجي عليه حركات ما تعجبني !! بقووووول لكم وش هي النقاط واتمنى استفيد منكم :: 1. ما يعرف يعبر عن مشاعره بالحب ولا يقول كلمة حلووه وحتى في .....!!! بتقولون انتي عوديه مشكلتي انا اللي ابي اسمع الكلمة الحلوة والله اشوف زوج اختي كل اتصالات ومسجات حب وهو زين اذا اتصل والمسجات عاد بالمرة ما يفتكر يرسل !! 2. ما عنده لباقه .. يعني كم مرة يصحيني عشان اسوي له اكل !! والا مرات الصبح يشوفني نايمة او في الليل يقوم يشغل مصابيح الغرفة ويسوي نفسه مشغول في حاجة ( عاد انا انقهر من هالحركة ) او انه يجي يصحيني بطريقة احسها دفااشه حتى مرة خرعني على بالي صاير وبالاخير سبب بايخ وبالنهاية انا اعصب وتصير مشكلة !! كم مرة اقول له اذا احد نايم لا تسوي ولا تسوي وانا مشكلتي ماحب احد يصحيني من النوم لان مزاجي يتعكر وطول اليوم اصير معصبه احب اصحى لحالي .. وهو ماهو متفهم هالشي كل مرة يقوم يسوي ويكرر هالحركات .... 3. لساااااااان زوجي يقول كلام بذيء احاول معاه انه ما يقول هالكلام بس لسانه متعود على هالكلام حتى طبيعته مع اخوانه كل واحد يقول هالكلام للثاني . انا اسمع كثير من البنات ان ازواجهم يحبونهم ولا يرضون عليهم ويخافون عليهم من نسمة الهواااا وحتى لو ما يعبرون بالكلام بيكون بالتصرفات وانا زوجي لا كلام ولا تصرفات :( والله احس كاني عايشه مع اخوي !! حاولت اكلم اهلي بس امي وابوي فوق راسي ماحبيت اضايقهم متحملة وساكته وكل فترة افضفض هنا في المنتدى .. والا كم مرة يقول لي اذا طلعنا بالسيارة انزلي بداية الشارع وروحي البيت مشي عشان قريب وهو مايبي يدخل في لفه .. انا اعصب اقول له شلون ترضاها لنفسك ؟؟ ما تخاف علي ؟؟ والله قهررررررر .. زوجي في باله ان الهدف من الزواج هو العلاقة وما عنده شي غير العلاقة والتلفزيون والاكل والنوم والعمل حتى طلعات مجمعات وملاهي ومطاعم مايحب يطلع !!! جاتني ازمة نفسيه تم تعديل العنوان الإشراف |
شوفي حبيبتي اغلب الرجال كذا ونادر واحد روماانسي تحملي مافيه الا الصبر والمشكله اغلبهم يقول زوجي مو رومنسيه الله يهدي البال بسسسسسسسس
|
هلابك اختي
روقي واصبري وانااختك وان شاءالله مع الايام يتغيــــر ليش تعصبين هدي نفسك والله يسعدك ان شاءالله مع الايام يتغير تفائلي خير ونصيحة محبة لاتقارنين بينك وبين خواتك وان شاءالله ربي يهدي بالك وييسراحوالكم |
انا صابرة ومحتسبه بس ابي حلووووول كل هذا بسبب تربيته ما تعود على شي
الله يكون بلعون |
أيتها المباركة أغلب الرجال مثل زوجك ولن يتغير اذا كان يظن انه غير مخطأ فيجب عليك ان تقنعيه بأن بعض تصرفاته خطأ وقد يكون الإقناع بأسلوب غير مباشر أما انك لاتحبين ان يصحيك أحد فكلنا هذا الشخص ولاكن الواجبات التي علينا تجعلنا نستقيظ في أوقات لانحبها وأنا معك بأن اسلوبه غير صحيح ولاكن الزوج يحب الزوجة النشيطة التي تستيقظ قبله وتهيء له ملابسه وتشرب معه القهوة الصباحية |
اهلين اخي سووووووري حنون
انا ما اقصد الواجبات وهذا الشي على راسي والله انا قصدي الاسلوووووب واللباقه هذا اللي يقهرني فيه .. |
زوجك شكله يعاملك كأنك واحد من اصحابه مو متعود على معاملة البنات ومايعرف ان البنات كائنات رقيقة ويحبو يتدلعو ويسمعو كلام حلوو
انت حاولي تتفاهمي بعاه بالهداوة بدون ماتنتقديه على اسلوبه..بس قولي له مثلا لا تحسبني واحد من اصحابك تصحيني بهالطريقة ..صحيني برقة تعال بوسني وقولي صباح الخير حبيبتي..يبي لك تلقنيه هالاشياء الين يتعود يقولها لان شكله مايعرف شاهدي معاه فيلم رومانسي بما انه يحب مشاهدة التلفيزيون..يمكن يتعلم شوي.. اعتبريه طفل يتعلم على ايدك وكوني حنونة معاه وان شاءالله يغير معاملته مع الوقت الله يوفقك |
والله يا اختي كانك تتكلمي عني نفس الشيئ اعانيه بل يذداد عليه الغربه يعني هو واسلوبه مافيه كلام اللي لمايبغي شيئ وانا لمحتله اكثر من مره نفسي الاقي زوجي اتكلم معاه حياه صارت بارده مثل الثلج مافيهاشيئ يصحي الصبح يروح علي الشغل يجي يتغدا ينام يصحا يروح الشغل الدوام الثاني يجي يتعشايجلس يتفرج علي التلفزيون يدخل ينام خلاص اتعودنا علي كده الله يعين ويظهر ان اغلب الرجال كده الله المستعان هوني علي نفسك
|
اختي ناديتك هلا .. معلش طووولي بالك شوي .. ليش حنا اللي دائما نطالب الطرف الاخر بالتغير ؟ ليش مو احنا اللي نحاول نتغير و نتقبل الطرف الاخر .. انت اللي حاولي انك تتأقلمي مع طبع زوجك و في نفس الوقت بالكلمه الطيبه فهميه مره و انثين و مليون ان مثل هذا التصرف يضايقك .. بعدين انت كمان عندك طبع مو زين .. ليش العصبيه و ليش اذا احد صحاك من النون مزاجك يتعكر طووول اليوم ؟؟ غيري من هذا الطبع يا اختي .. انت كمان عندك عيوب لازم تشوفيها في نفسك و تحاولي تصلحيها مو بس لابسه نظاره مكبّره و تدققي على عيوب زوجك .. اتفقي مع زوجك على الخروج يوم في الاسبوع للفسحه و تناول وجبه في المطعم .. يعني قبل بيومين ذكري زوجك بانه واعدك على الطلعه ليكون يرتبط بموعد ثاني او يغير رايه .. اذا طفشانه من جلسة زوجك في البيت حاولي انك تشغلي وقتك بهواياتك .. انزعي النظاره المكبّره و عيشي حياتك بصبر و قناعه .. |
اقتباس:
مشكووووورة |
اقتباس:
بس مو معناه ان نجلس ويدنا على خدنا هذا الانسان بنعيش معاه طول العمر لازم نحااااااااول ونحاااااااااول مشكووورة اختي |
اقتباس:
انا عارفه لي عيوب ومحد خالي من العيوب بس انا قصدي في اسلوبه ولباقته معاي ما عنده بالمرة احس حتى لما يكلم الشباب احسن مني والله انقهرررررر اقول انا زوجته ما يعاملني هالمعاملة وهي نفس المعاملة اللي يعامل فيها امه واخواته .. اذا يطلع ما يتصل واذا اتصل يسال عن الاكل الغذا او العشا ؟؟ واذا انا اتصل له يقول لي انا في مكان الفلاني مااقدر اكلمك ... ما عنده رومانسية بالمرة جلسته بالبيت يا ساكت والا طلبات حتى صرت اعتبر نفسي مثل الشغاله ما يعرف يسولف الا اذا بيختلق مشكلة عشان يتهاوش معاي يعني ما يتكلم الا اذا فيه مشكلة غير تصرفاته اعتبرها مرات دفاشه الحين صرت اعامله مثل الطفل اقول له عيب ولا تسوي ولا تقول مادري ينفع هالاسلوب او لا والله ما اقارن بس اتمنى يكون هالشي فيه ان تكون عنده لبااقه في الكلام ولباقه في الاسلوب بس الله يعيييييييييين المشكلة مو فيه المشكلة في بيتهم اهله ربوه على هالتصرفات وهم كلهم مثله |
اقتباس:
معلش يا قلبي .. طووولي بالك شوي .. دام ان زوجك ما يهينك و لا بخيل و لا يمد يده عليك و لا يعاملك معامله سيئه اذا عليك بالاحسان اليه .. هو تربى بهذا الاسلوب .. وانت قبلتي فيه يعني لازم تتحملين .. بعدين اسلوب انك تعامليه مثل الطفل اعتقد انها جيده دام انه زوجك ما يزعل من هذه الطريقه و في نفس الوقت تجيب نتيجه .. امدحيه اذا تعامل باسلوب لبق و راقي .. وسعي صدرك و خليك ذكيه و دبلوماسيه و تعاملي مع زوجك باسلوب حلووو و راقي .. احترميه و قدريه .. المسأله محتاجه منك وقت و صبر عشان تلاحظي تغير زوجك في اسلوب معاملته لك بالتوفيق ان شاء الله .. |
اختي ...
اصبري وحاولي تتاقلمي مع زوجك مع المحاوله في الاصلاح ترى مع السنين والعشره تتغير المعامله عوديه انك تتصلين عليه وترسلين مسجات عوديه على الرومانسيه لا تعصبين وتطلبين الرومانسيه!! اذا كان متربي على اسلوب معين سنين عمره صعب يتغير بسنه او سنتين او ثلاث !!!! الله يسعدك ويسهل امرك يارب |
ايه والله اختي كلامك صحيح
الحياة صعبه وهذا نصيبنااااااا دعواتكم |
سبحان الله انا ما احب يكون زوجي رومنسي معي احب يتركني بحالي في بعض الاحيان لكن لما يبعد اشتقله.. تقدري تكوني دلوعة معاه وتطلبي منه اللي تريدينه بدلع وغنج انا هيك اعمل زوجي مو بخيل بس يضل ينق انو عنده دفوعات وشيكات بالبنك لازم يغطيها عنده البنك اهم من حاجاتنا والكل يعرف مصاريف البنك ما تخلص بنقضي حياتنا نسدد ديون لازم نعيش وننبسط انا زوجي كل اسبوع يفاجئني بطلعة على مطعم او نزهة صغيرة بعيدة عن اجواء العمل النسوان بطبعها تحب المفاجئات.... انا ما اشتغل انا بربي بنتي والولد التاني على الطريق يعني اذا بدي علكة لازم اطلب من زوجي فلوس والوحدة تعرفي تستحي تطلب فلوس من زوجها كل يوم وتهين حالها فمنشان هيك لازم يكون عندنا اسلوب نعود زوجنا عليها وبالتوفيق لكي؟؟ |
يااااااريت الدلع يفيد
عنده ان الحب كلام فااضي ؟؟ واعتقد انه مقتنع بهالشي ولا يعرف يقول كلمة في الحب بالمرة جاااااف احسه غير عن اللي في جيله ومن اقول له سوي لي هالشي يقول تبين البيت يقولون عني كذا وكذا ... والحين صاااير عنده طبع جديد وهو ياكل وياخذ غفوه شوي على الكنب بعدين يقوم يغسل !!!! انقهررر حدي من هالتصررف كلمته مرة ومرتين ونفس الشي بدون فايدة .. وش تنصحوني !! |
اختي ناديتك هلا انت من كم سنه متزوجه ؟؟ عندك اطفال ؟؟ ما عرفتي هذه الطبايع في زوجك وقت الخطوبه ؟؟!!!!! |
اقتباس:
صار لي سنتين من تزوجت وللحين الله ما رزقناااا اطفال .. في الخطوبة ما كانت تبين هالتصرفات وكان احسن ( اهون ) من بعد الزواج يمكن عشان ما كنا نشوف بعض كثير وقتها ..تصرفات كثيرة بينت لي بعد الزواج يمكن عشان الحين اعيش معاه في بيت واحد وقبل لا احسه يبي له تقوويم واعادة تاهيل ابيه يختلط بمجتمع ثااني يتاثر فيهم يغير من عاداته حتى النت ما يحب يدخله ولا عنده شي اسمه ايميل ولا يقرا مواضيع عن الحياة الزوجية .. مرة انا قمت وطبعت له من النت مواضيع عن الحياة الزوجية عصب وقال لي انا مو صغير ولا غبي عشان جايبه لي اوراق تعلميني فيهم .. افكر اخليه يسجل في منتدى يمكن يستفيد .. |
اختي كيف هي معاملة زوجك مع اهلك و مع الناس و في عمله ؟؟ |
اقتباس:
مع النااس :: قليل اذا يتكلم يعني مو من النوع اللي يسولف كثير ..يعني يا دوب يرد على قدر السؤال .. ومرات انحرج لان اهلي يسولفون كثير وهو كل ساكت ويالله يقول كلمة .. وفي عمله نفس الشي يكلم اللي معاه والقريبين منه والباقي ما يفتكر فيهم يعني مو اجتماعي بالمرة |
اختي هل زوجك بخيل ؟؟ هل يسيئ معاملتك ام يعاملك بالمعروف ؟؟ هل يحبك ؟؟ |
اقتباس:
هو مو بخيل بس مادري شلون يعني يعطي مرات ومرات ما يعطي حازم في هالشي .. بصراحة هو ما يسييء بس تصرفاته هي اللي تسيئ وسبق وقلت لك من تربيته شي وتعود عليه .. بس هو بطبيعته لما اقول له ما يقصد الاساءة .. يحبني وكثير بعد بس ما يعرف يعببببببر مدري هو خجل والا شلون مو متعوود على هالشي .. |
اختي ناديتك هلا .. صار لك سنتين من تزوجتي يعني لازم تتعودي على طبع زوجك و تتأقلمي على تصرفاته .. التدقيق الكثير و الحساسيه الزايده راح تتعبك كثير .. غظي الطرف و طنشي و فوتي و تقبلي و تأقلمي و و و و او راح تتعبي .. يمكن الاعضاء يفيدوك اكثر مني .. بالتوفيق يا قلبي .. |
اقتباس:
|
انتي تبغي
من زوجك احتراااااااااااااام محبة ورومانسية ورقي في التعاااااامل .. الحل وعن تجربة انتي عامليه بكل احترام وذوق واغدقي عليه بالكلمات الحلوة حتى لو ما تجاوب معاكي والله راح يكون سعيد بهالمعاملة وبدون أن يشعر سوف يبادلك بالمثل .. لا تناديه باسمه في كل مرة اسم دلع .. اذا صحاك من النوم او قام بازعاجك اتمالكي اعصابك وقولي له خير حبيبي محتاج شي ؟ أسوي لك شي ؟ راح يتفاجأ ويقولك لا ما ابي شي .. أو يرد عليكي بجلافة أول مرة وثاني مرة وثالث مرة راح يخجل من ذوقك معاه .. ويبدأ يلين شوي .. .. وهكذا كل ما شفتي أي تصرف اختاري أرقى أسلوب في التعامل معاه .. واي تصرف رقيق يصدر منه .. الفتي انتباهه له بانك سعيييييييييييدة جدا معاه خاصة لما سوى هالحركة او رد هالرد .. وابتعدي عن توجيه الاوامر والنقد اللاذع لأن مفعولها عكسي .. أنا و؟أنا أنثى اذا جاني الطلب بصيغة الأمر أ و نقد ما أسويه حتى لو كان في نيتي أسويه فما بالك برجال ومتربي على اسلوب صعب .. الخلااااااااااااااااااصة .. خليه يحس بالفرق بين الحياة معاك والحياة اللي كان عايشها .. الله يهدي سركم يارب .. لك فاااااائق ودي واحترااامي .. |
اقتباس:
مشكوورة |
مثل ما انتي متضايقة
أتوقع انه هو كمان متضايق من عصبيتك الزايدة .. غيري نفسك أول شي وبعدين فكري تغيريه لأن العصبيه والصوت العالي ما يجيب نتيجة صحيح الواحد يفقد أعصابه أحيانا بس لاااازم يحاول يقلل من عصبيته ويخليها على اشياء تستاهل .. إنتي أنثى رقيقة ما تليق عليكي العصبية .. وصدقيني التطبيق مو صعب بس يبغاله طولة بال شوي .. ولا تتوقعي النتائج من أول مرة .. راح تاخذ معاك وقت على حسب شطارتك ومهارتك .. الله يهدي سركم يارب .. |
اقتباس:
و هذا اعتراف صريح منك يا اختي .. انتبهي على حالك .. الزوج ابدا ما يحب المرأه العصبيه اللي صوتها عالي .. دربي نفسك على تمالك اعصابك .. ارجعي الي مداخلتي رقم 9 و اعيدي قراءتها .. |
اقتباس:
والله العظيم انا كمان اعاني من نفس الشئ وكنت اقول في نفسي انا الوحيدة المعذبة بس اقولكم ايه اتعودت على هذا الوضع والان انا عايشة عشان اولادي وبس هم حبايبي وهم بسمتي وكل شئ بالدنيا اما هو فهو كما هو لم يتغير منذ ان عرفته لمدة 6 سنوات بس الصبر جميل اختي اصبري والله يجازيك على صبرك عليه كلنا في الهوا سوا |
هلابك اختي
الله يحنن قلبك علية وسعي صدرك شوفي اختي عيشي حياتك وارضي بالمقسوم وزي ماقالواالبنات عاملية الله يسعدك يارب جتني فكرة ممكن تنفع اشتري كتاب رومنسيات زوجية للرجل تيب وخلية مكان واضح يشوفة يعني كانه بدون قصد وان شاءالله يشوفة ويقراة ويتاثربه يارب تسعدك وتحنن قلبة عليك جربي وحلوالاعتراف بالحق انتي عصبية انتبهي من هالصفة الله يوفقك ويبعدهاعنك |
اختي الكريمة .. اعانك الله ..
وحاولي ولاتأسي .. الاخوان والاخوات ماقصروا حاولي وان شاء الله تجدين الثمـــار عاجلاً غير اجل .. بس في نقطة بصراحة استفزتني .. اقتباس:
كوني حازمة في هذا الامر ولاتنزلي .. وفقك الله .. |
[اختي العزيزة الله يعينك اغلب الرجال مثل زوجك اصبري وادي وجباتك المفروضه عليك نحوه ولك الاجر من رب العالمين . |
اقتباس:
نفس رايي,, |
وينك ياراعية الموضوع
طمنينا عليكي .. ما يصير تطنشي موضوعك وتردي على مواضيع ثانية .. الله يهديكي بس .. |
عذراا
بس اللي يشوف مصايب غيره تهون عليه مصيبته والحمدلله على كل حال جزاكم الله خيرا اخواني واخواتي بالنسبة لزوجي الحمدلله احسه مع العشره شوي شوي يا اني بتعود عليه او انه بيتعود علي يعطيكم الف عافية |
| الساعة الآن 06:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©