|
ايهم افضل مستشفى المملكه او السعودي البريطاني ؟
السلام عليكم ورحمة الله وبركاته ..
عندي بعض الاستفسارات :29::29: .. _ آيهم آفضل الولادة الطبيعية ولا القيصرية ؟ (حذروني قرايبي من القيصري والطبيعي مصرخة بنت عمتي بوجهي ومرتاعه من الطبيعي ) .. _ آيهم آفضل مستشفى آولد فيه المملكة آو السعودي البريطاني ؟ _ النفاس هل آقدر آقعد بـ بيتي وآهتم بنفسي وزوجي وطفلتي (بوجود خادمة) ولا لازم يكون معي آحد كبير ؟ ولو بقعد في بيتي آيش الترتيبات الي آجهزها واستعد لها للاهتمام بنفسي وطفلتي والضيوف الفجأة .. والله يجزاكم خيـــــــــر .. |
من ناحية الغرف والفندقه المستشفى البريطاني افضل وفيه دلع اكثر ..
اما المملكه خبرتهم اكثر.. القيصري من سلبياتها المه يقعد فتره طويله وياخذ وقت على ما يلتئم الجرج وممنوع الرياضه في الفتره ال6 اشهر الاولى بعد الولاده.. ويفضل انك ما تحملي بعدها الا بعد سنتين من ايجابياتها مارح تضطري الى الخياطه في المنطقه الحساسه ورح تبقي زي ما انتي مافي تغيير.. الطبيعي سلبياتها الم في المنطقه الحساسه يستمر من 10 الى 20 يوم بسبب الخياطه ممكن تتعرضي لحالة غازات المهبل وعلاجها تمارين كيجل. ايجابياتها تحسي انك طيبه وتمارسي حياتك بصوره طبيعيه بعد اسبوعين الى 20 يوم من الولاده ممكن تعملي رياضه وقت ما تحبي بعد النفاس ممكن تكرري تجربة الحمل مره اخرى في اي وقت تحسي انك مستعده باذن الله بما انك بكريه يفضل بقائك عند اهلك عالاقل اول اسبوعين خصوصا اذا ولدتي قيصري وحتى لو ولدتي طبيعي رح يبقى الم الخياطه مؤلم وتحتاجي للراحه كثيييير ووجود الخادمه لا اعتقد انه يغني عن اشراف احد له خبره بالاطفال في عائلتك... |
مشكورة حبيبتي ع الافادة ربي يوفقك اجل القيصري مالها ايجابيات :( ..
آهلي من ؟؟ صعبة .. مشكورة يالغلا ربي يسعدك .. |
أنا ولدت قيصري والحمدلله مافيه أي مضاعفات ولاآلام عشان المسكنات طبعا مسكن رايح مسكن جاي !
وحتى الجرح إذا كان دكتورك شاطر ماراح تحسين فيه ! السلبية الوحيدة أشوفها الي هي أول مرة تقومين من السرير بعد العملية يعور شوي وياااالله تتحركين ..! وماتقدرين تكحين ولاتضحكين !! أسبوع بالكثير وتصيرين طبيبعة لكن ماتقدرين طبعا تمارسين الرياضة .. أما المستشفيات ماعندي خلفية إلا عن دكتورة فاطمة ودكتورة شمسية في الممكلة يمدحونهم مرررررة وأنا والدة في مدينة الملكك فهد حلوة مررررة بس لازم تحجزين لك غرفة لحالك من قبل .. |
هلا وغلا بهناوي ....
حبيبتي الطبيعي ....اولا تكفير ذنوب بأذن الله .....تدعين لنفسك ولزوجك(بهاذي مااظن):d تدعين لوالديك .......ثانيا ان اللي تولد طبيعي ونتيجة للآلم اللي تحسين فيها تكوني حنونة على اولادك الطبيعي آلمة شهر وتنتهي أما القيصرية تعب صدقيني اغلب قريباتي والدين قيصري بسبب ضيق الحوض أو وضع الجنين يقولون احمدو ربكم تراكم في نعمه ترانافي معاناهـ لايعلم فيها الا الله صديد والام وماتحملين ثقيل ولا تدفين شئ الشئ الثاني ليش ماتجلسين عند اهلك أمك وخواتك فترة النفاس يااختي النفاس يبغى سعة صدر لانها فترة اكتئاب آسفه لتدخلي في خصوصياتك لااعلم ماهي ظروك ولكن ليس لك اهل او اهل زوج ؟؟ تقبلي مروري ...... |
اقتباس:
|
اقتباس:
والمستشفى خلاص ثبت على السعودي البريطاني بإذن الله .. الله يسعدك مشكورة .. |
اقتباس:
خوفي ذيك الساعه ادعي على انا و زوجي :d .. مشكورة يالغلا بس الطبيعي خايفة من الطلق :24: .. آمي عند زوجها وزوجها ضيق وآنا آكبر خواتي ويمكن عند آهل زوجي لانها تكون عمتي شقيقة بابي .. مشكورة حبيبتي .. |
اقتباس:
|
أنا ماعندي خلفيه عن المستشفيات بالرياض,,بس برد على سؤالك بخصوص النفاس بالبيت لحالك,,
أنا أقول صعبه عليك بكريه وخياطه أوحتى عمليه وتقومين بنفسك وصغيرتك,,في بداية ال3أسابيع النفاس تبي الي يقوم بها ويعلمها كيف تهتم يالبيبي وتزين مهاده وهالأمور غير انه يبيلك غذا كويس وراحه وهالأمور ماراح تتوفر وانتي ببيتك حتى لو عندك خدامه,هذا غير الضيقه الي تجي لبعض الحريم بالنفاس وأنا وحده منهم صعب تتحملينها وانتي لحالك,غير كذا الجمعه ووجودك في بيت العيله وداخل وطالع بخفف عليك ويسليك,,الله يسهل عليك ولادتك ويهونها ويرزقك الذريه الصالحه,, |
هلا هناوي ...
الله يهون عليكي يارب ... بالنسبه للمستشفيات ماعندي خلفيه لاني مومن الرياض... وبالنسبه للولاده تراها تساهيل ... انا عيالي كلهم طبيعي والالم يختلف ... وربي في بنتي شفت الموت بعيني وكانت طبيعي وولادتي ماتنسي والدكااترة كلهم بالمستشفى يذكروني لان حالتي كانت صعبه ... وبعدها صرت بس اطلب ولاده قيصريه لكن دكتوري كان يقوللي الامانه الطبيه ماتسمحلي اولدك قيصري وحالتك ماتستدعي وانتس صغيرة والعمر قدامك والقيصري يقلل من العدد الطبيعي لولاداتك ... ولازم ماتحملي بسرعه ... وزوجي كان ماايده ومايبي قيصري ...ولما ولدت بولدي طبيعي الحمدلله تسهلت اموري ومامداني اطلع من النفاس الا وحملت بمشيئة الله وله انا ماكنت ناويه ... المهم لما رجعت للدكتور وانا حامل قاللي لوكنت طاوعتك وولدتك قيصري كان مرة تعبتي في ولادتك هذي ... وسبحان الله برضه في ولادتي الثالثه بغيت قيصري ... لاني مرة كارهه الطلق ... ورحت طوارئ بليل وطلبت قيصري وقعدت اصيح عند الدكتورة وفتحت ملفي في ولادة بنتي ورحمتني مرة وقالت مدام هذي رغبتك خلاص ... طبعا قالت لي لاتاكلي ولاتشربي للصبح عشان العمليه بس قالت لي مايسويها الا الدكتور الصبح ... ولما جا الدكتور عرفني طبعا لاني ماراجع الاعنده ورفض مرة ثانيه ولادتي قيصري وقاللي موبمزاجك انتي طبيعيه ومافيكي شي وولادتك هذي بتكون من اسهل الولادات لان توك والده قبل فترة والرحم مرن ومتوسع وحتى الطلق ماراح تحسين فيه ... وسبحان الله طلع وارسل الدكتورة تقيس فتحة الرحم وماشاء الله طلع 7 سم وموحاسه بطلق وماتمت نص ساعه الا انا والده والحمدلله ولاه جدا سهله .... طبعا ليش قلت هالكلام كله ... اول شي بعلمك حبيبتي ان كل ولاده عن الثانيه تختلف فيه الصعب وفيه السهل كلها تساهيل من رب العالمين ... وبقولك بع اني الحمدلله بعد ثلاث عيال ولاده طبيعيه مافي خياطات ببطني ولاالام عمليات ولاشي ... وكمان في النفاس بس الاسبوع ااالاول تتعبين من الخياطه وكذا وبعدين عادي ... بس القيصريه ياما يشتكون منها لسنوات .. وعلى قولة الدكتور انتي صغيرة والعمر قدامك .. لوبتحملين كل سنه مايعوقك سي باذن الله. وبالنسبه للنفاس ابد ماانصحك تجلسي لحالك وخدامتك ماراح تقدر تبدي عليكي انتي وبنتك والاردى والامر لوبيجونك ضيوف ... روحي لجدتك وله عمتك وله اختك اللي متزوجه قريبكم خلتجي عندك ....ان شاء الله مايقصرون |
ازا مافي اشي يضطرك للقيصري ليش تولدي قيصري؟؟؟؟
القيصري مفروض حسب الحالة يعني ازا الراس لاعلى او مافي طلق او الرحم مافتح وهيك امور بس لو امورك طبيعية اولدي طبيعي هوة بوجع موت موت موووووووووووووت صوتك حيروح من الصراخ يعني ماحقلك عادي الطبيعي وسهل بس بصراحة بس تشوفي البيبي بتحسي بمتعة بالالم وانو كل الوجع راح بس تشوفي البيبي الزغنون الامور والله انا بشوف انو الامر بستحق الالم والله بعدين لتحسي بطعم الامومة والولادة وصراحة الله كتبلنا الجنة إن شاء الله وفضل للام لصعوبة ماتعانيه في الولادة والطلق فاعتقد الامر يستحق والمستشفى انا مابعرفها :) ولو بتقدري حد من اهلك يجي جمبك بكون افضل انا مااجا حد لظروف البلد السياسية هناك عندهم وماجبت خدامة زوجي الله يخليه ماشاءالله تبارك الله ماقصر ابدا بس بضل الام الها خصوصية يعني زوجي حاول وماقصر بس مثلا مابعرف يعمل الشوربات والاطعمة الخاصة بالنفاس مع انو حرام كان يحاول بس انا كنت احزن عليه واقوم اعملهم لوحدي وكنت اتعب احيانا لو قادرة تجيبي حد من اهلك بكون افضل الك نفسيا كمان او لو زوجك بساعدك وبهتم فيكي بكون كتير منيح المهم حد يكون جمبك وممكن الخدامة برضو لتريحي زوجك كمان بس انت ماتحلمي او تتوقعي تعملي اشي انا حتى اول فترة ماكنت اغير ولا اعمل اشي للولد غير الرضاعة لانو الغرز بتخليكي مش عارفة تتحركي وماكنت انظف ولا اعمل اشي يادوب شوربتي او هيك وبالاغلب الاكل من برة في مطاعم رز ودجاج وهيك امور منيحة خططي من بدري عشان ماتحتاسي |
هون الله عليك وضعك طبعا الولادة الطبيعية اسهل بكثير صحيح الطلق عذاب بس كله بأجره بس في مرحلة النفاس اسهل للحركة والحمل الثاني ممكن على طول عكس القيصرية
الولادة اذا كان في احد سوف يأتي اليك في بيتك مثل ام او اخت اخاله اجلسي في بيتك وترتيبات الزوار سهلة والحمدلله في الرياض متوفره المحلات التي توفر لك افضل الاشياء من حلويات اومعجنات اوعصيرات اما اذا كان لن يحضر اليك احد وعمتك عندها استعداد لك اجلسي عندها |
السلام عليكم
س اجيبك عن سؤال المستشفيات اولا .. نصيحة مني اختي لا تبحثي عن الوجاهة والخدمة الفندقية ..لوكن ابحثي عن الخبرة الطبية الأفضل .. حتى لاتلومي نفسك فيما بعد لا سمح الله ... واذا قمتي بذلك فلا واحد من المستشفيين الذين ذكرتي يصلح .. ودلة مستشفى بخبرة اكبر من ناحية النفاس ..اذا كنتي بكرية ربما افضل لو كانت معك ممن لديها الخبرة وان لم يحصل فليس بالاشكال الكبير والله يسهل عليك ويهون الولادة اللهم هون طلقه واحسن خلقه اللهم آمين |
هناوي الله يتمم لك على خير
بالنسبة للمسشفيات خليك عند الخبرة أفضل هذا اللي عندي |
الحمادي الافضل لانه الاقدم منهم والاكثر خبره والتيسير من رب العالمين الله يفرج لك ولاتسوي القيصريه وفيه امكانية الطبيعي |
اقتباس:
تسلمين ربي يسعدك .. |
اقتباس:
وان شاء الله اللحين امشي عشان يقولون تخفف الولدة والله يستر .. وجدتي الله يرحمها .. وبروح عند عمتي .. تسلمين حبيبتي ربي يسعدك .. |
اقتباس:
الدكتورة قايلة طبيعي .. يالله ماتخوفيني زيادة والله مرتاعه واحيانا بتحمل الالم بس ابي ارتاح .. مشكلة النفاس حلتها عمتي حلفت علي اجي عندها .. ماشاء الله تبارك الرحمن مااقصر زوجك قام بالواجب الله يسعدك .. |
اقتباس:
حمل ثاني خلاص ماافي هذا الاول والاخير .. بروح عند عمتي .. تسلمين حبيبتي ربي يسعدك .. |
اقتباس:
المملكة اخترته لانه على التآمين والسعودي البريطاني معجبني لانه دلع .. مشكلة النفاس حليتها الحمدلله عند عمتو .. اللهم آمين تسلمين حبيبتي .. |
اقتباس:
يمكن المملكة .. الله يسعدك .. |
اقتباس:
يمكن آثبت على المملكة لان الدكتورة الي اراجع عندها بالمملكة .. الدكتورة تقول طبيعي ان شاء الله بس مرتااااعه منه .. اللهم آمين .. الله يسعدك حبيبتي .. |
| الساعة الآن 07:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©