|
زواجي ولا دراستي ؟
انا فتاه ابلغ من العمر 20 عاما من السعوديه تملكت قبل شهر ولكن انا مااكلم زوجي(من عاداتنا وعاداتهم) المهم هو يدرس ببريطانياوانا ادرس ثاني سنه بالجامعه وقسمي فيزياء وبعد مااتملكت قالت ام زوجي انه يبي ياخذني معاه واعتذر عن الجامعه هالسنه عشان اروح معاه وانا رفضت مابي سنه تضيع مني كذا ولما رفضت قال هو خلاص اذا الزواج السنه الجايه وانا اللحين افكر السنه الجايه يعني اروح معاه واترك دراستي يصير باقي لي سنه وبعد ماارجع من بريطانيا اكملها ولا لين مااتخرج (بس مااتوقع هو يرضى ولا حتى انا لان الفتره كذا بتطول وبنمل)
ابي رايكم ايش رايكم اتزوج السنه الجايه وعادي اترك دراستي لانه يصير باقي لي سنه اذا تزوجت السنه الجايه باي وقت اخلصها سهله ولا لين مااتخرج ولا هالسنه واترك سنتين يصير باقي لي |
الصباح أغلب الناس بدواماتهم
أنا من رأيي زواجك أهم |
انا من تجربتي اياكي واياكي تتركين دراستك .......لانه انا تركت سنتين من الجامعه على اساس اكمل دراستي بعد الزواج بس مع البيت والزوج والاطفال لا يمكن
الا اذا اتفقتوا انه ما تخلفو الا طفل واحد علشان تكنون مطمئنين من ناحيه الانجاب ...ويمكن انتي ظروفك تسمحلك انك تخلين اطفالك عن اهلك بعد ما ترجعين من الغربه ..... انا من واقع تجربتي ولا ظرف ساعدني اهلي واهله بعيدين عنا ولا عندي اي اقرباء بس انتي ذكرتي انك ما عرفتيه لحد الان ........طيب تضمني انه هو يساعدك بعد الزواج من ناحيه الدراسه وما يتمملل من دراستك وامتحاناتك؟؟؟؟ واذا تكملي السنه الثالثه احسن وبعدين نبقالك سنه تشوفيها سهله يعني مو تتركين الحين وتبقالك سنتين وتشوفيها هواااي وصعبه عليكي صلي استخاره والله يسهلك امرك ويوفقك |
مشكورين والله يسعدكم دنيا واخره
بالنسبه لزوجي هو اصلا متعلم ويحب الدراسه مررره حتى امه تقول وهو مايبي الا وحده متعلمه وقال لو راحت معاي بخليها تدرس برى اي شي عشان مايصير وقت فراغ لو حتى لغه |
عزيزتي لا تتركي دراستك...صدقيني لن تستطيعي اكمالها بعد الزواج... الزواج مشاغله ومسؤولياته لا تنتهي... ما دمت لم تكلميه الا الآن ولم يحصل أي تعلق من الطرفين الأفضل أن ترفضي ترك دراستك... وجهة نظر لا أكثر.. تحياتي.. |
كملي دراستك باقي سنة
أما بعد الزواج لو بتجلسين هنا خلاص كمليها بعد الزواج عادي الشهادة أضمن لك مستقبلا |
مشكوووورين على الردود بس احنا اللحين متملكين واذا خليت زواجي بعد مااتخرج بكذا يكون الزواج بعد اكثر من سنتين مده طووووووووووويله وبنمل بصراحه
وخصوصا اننا مانكلم بعض |
شوفي ياقلبي الي عندها همه وحاطه في بالها النجاح والدراسه ربي بسهلها عليها,,أنا تزوجت وأنا في سنه ثانيه كليه بين الترمين,,وحملت ببنتي البكروولدت ليلة الامتحان لسنه ثالثه واعتذرت وقدمتها في الصيف والحمد لله نجحت بعدين اضطريت اني أأجل دراستي سنه,,وحملت بولدي الثاني وأنا في في سنه رابعه وكان عز الوحم والنساه وأنا أقدم امتحاناتي النهائيه لكن الحمد لله ربي سهلها علي ونجحت بكل المواد وتخرجت,,لاتفرطين برجال كويس عشان سنه ولاسنتين ممكن تعوضينهم,
|
زواجك اهم
|
يعني اتزوج اذا خلصت ثالث صح
مشكوووووورين وربي يوفقكم وربي لاادعي لكم في صلاتي |
طالما انك مملكة كملي دراستك اهم شيء انا لو في مكان زوجك بنتظر لاني مملك
بعدين لازم تقنعي اهل زوجك بدراستك عشان يكلموه |
الدراسه أهم ....
أنتبهي اذا تزوجتي وجلستي فترة بعيده عن الكليه والملازم والامتحانات خلاص أصتصعب عليك الموضوع .. وشلتي هم ويمكن ماتقدري تكملي إذا مصرة تروحي معه حولي انتساب بس صعبه راح ترجعين مرتين في السنه علشان الامتحانات ... زميلتي في رابع كليه بعد مادرست شهر او اكثر شوي حملت وقدمت عذر... عن كلامها السنة الجاية اكون ولدت وادرس والى يومك ماكملت خلاص خسارة 4 سنين راحت هباءً منثورا اولى كانت باقية للاعادة وثاني وثالث هذي اربع سنين ويوم وصلت لاخر الطريق وقفت |
انا فكرت بالانتساب بس قسمي مافيه انتساب ابدا لانه عملي اكثر شي
ورايكم مااتزوج الا لما اتخرج؟؟؟ طيب وبجلس اكثر من سنتين وانا متملكه بدون زواج احسها صعبه شوي وخصوصا انه من عاداتنا اننا مانكلم بعض قبل الزواج يعني بنطفش انا وزوجي |
زواجك اهم
ادرسي في بريطانيا |
والله شايفة دراستك أهم...كمليها وبعدها تزوجي صدقيني إذا ماخلصتي
دراستك ذحين وانت فاضية متى حتخليصيها لما تكوني متزوجة وعند عيال ترى مرة حيكون صعب عليكي هذا إذا ماقررتي تبطلي ... وتاني شي ليه ماتكسري عاداتكم وتكلميه هو صار زوجك على سنة الله ورسوله عادي إذا كلمتيه وتواصلتو ... وإذا ماقدرتو والعادات غلبتكم عادي اصبروا الين ماتخلصي دراستك ولاتقولي طفش وملل وبتنمل يابنت ياهوووه صيري ثقيلة :29:ترى الثقل بعدين ماينفع لعلمك إذا ثقلتي على زجك حيديكي على راسك فأغتنمي الفرص أحسن لك ووالله الايام تجري السنة كأنها شهر وصدقيني ماحتندمي إنك أخرتي فرحك...وزي مايقولوا أسألي مجرب ولاتسألي طبيب... تحياااااتي |
زوجك أهم وأحق من دراستك؛صدقيني إذا كنتي تخافين على زوجك فاذهبي معه؛لاتدعيه يذهب لوحده إلى هناك وخصوصاً بريطانيا؛أنا لي بعض الأصدقاء ذهبوا إلى هناك واعترفوا بصعوبة العيش من دون زوجة؛العري في كل مكان وقليل من الناس من يصبر؛ صدقيني أصلحي نيتك مع ربك واحتسبي تركك للدراسة أن تقفي مع زوجك وتسانديه وسوف يسخره الله لك بعد عودتك ويقف معك حتى تكملي دراستك؛والجزاء من الجنس العمل. كوني واثقة بالله وسوف تجدي مايسرك.وفقك الله لما فيه خير. |
إذا كان الفترة المتبقية لدراسة زوجك طويلة ، ثلاث إلى أربع سنوات
اتركي الجامعة و انتقلي للدراسة في بريطانيا |
مشكووووورين المتبقي لزوجي سنتين
|
دراستك أهم أختي .....
لا تفرطي في تعب سنوات طوال وأمل أهلك فيكِ... فإنكِ لاتأمنين غدر الزمان. شهادتك سلاح لك ولأبنائك.. بالتوفيق. |
شخصياً أفضل بالطبع أن تنهي دراستكِ أولاً ثم تتفرغي تماماً لزواجكِ وزوجكِ وبيتكِ .. ودائماً أقول إن الدراسة هي في النهاية فترة مؤقتة ستنتهي بالتأكيد .. وهي تستحق شيئاً من التضحية والتنازل.
ولكن بشكل عام فإن الأمر يعتمد عليكِ يا عزيزتي وعلى قدرتكِ واستعدادكِ. يعني هل ستتمكنين ـ بعد الزواج ـ من القيام بواجبات زوجكِ وبيتكِ وربما طفلكِ إن منّ الله عليكِ بالحمل خلال تلك الفترة .. إلى جانب القيام بواجبكِ والتزامكِ الدراسي؟؟ هناك أناس رزقهم الله القدرة على الاهتمام بأكثر من أمر في وقت واحد .. وهناك آخرون لا يستطيعون العطاء كما يجب إلا في مجال واحد فقط .... فانظري إلى نفسكِ إلى أي الفئتين تنتمين وبعدها قرري إما تأجيل الزواج أو تأجيل الدراسة. |
مع اختي مهره
وفقك الله |
يااااخواتي انا بدرس لين مااخلص ثالث وبعدها بتزوج ايش راااايكم؟؟
لانه اذا انتظرت لما اتخرح بيصير زواجي بعد اكثر من سنتين وربي بطفش الملكه الطووووووويله تجيب الطفش حسو فيني الله يخليكم |
;)
سبحان الله! .. أنتِ تريدين رأياً موضوعياً أم تريدين تشجيعاً على تطنيش الدراسة والإسراع بالزواج؟!!! خلاص يا عزيزتي لا تطفشين ولا شي .... توكلي على الله وتزوجي .... في النهاية دراستكِ لكِ وليست لنا! |
زواجك الأول
|
حسيت انك تحبي دراستك
وعندك رغبة صادقة في الاستمرار في وحدة اعرفها مثل وضعك بالظبط بس لما رجعت كملت انتساب لانها انجبت لكن تقدري تاخري الانجاب حتى التخرج اريح لك وامتع لك ولزوجك اعزمي وتوكلي على الله وبلاش تفكير زايد وهم استمتعي بحياتك ودراستك وتجهيزاتك لسعدك الله يامملوحة |
اذا اجلتي والله خلاص معد تقدري اتابعين بتتعبين وبتملين خلاصي الدراسة وبعدين تزوجي لانه والله دراسة وزوج تعب موت مثلا انا تزوجت بعد الثانوي على طول وكملت عند زوجي تعرفين كيف انجنيت مت الين تخرجت صح الحمدلله ما عمري رسبت او اجلت بس مرة تعب وجهد على العموم الله يكتب لك الخير ومبروك مقدما
|
مشكووورين على الردود
انا فكرت ماراح اتزوج هالسنه بتزوج السنه الجايه لما اخلص ثالث(لانه هو طلب يقول مليت لوحدي في الغربه محتاج ونيس واحد يخدمني وهالكلام وصلنا من اهله) المهم انا لما اتزوج ماراح احمل الا لما اتخرج وقسمي للاسف ماااااافيه انتساب وعندي تعليق على كلام الاخت اللي تقول بتتعبين من الدراسه هي سنه مو اكثر اللي بيبقالي وبتهون وش رااااااايكم ايه ولا لا؟؟؟ |
لالالالالالالالالالالالالالالالالالالالالا والله تعب ترا الزواج والله مسولية وانت وراك درسة وتخرج هذا رايي وانت حرة شي راجع لك
|
اعزمي على رايك
والنفس تستقبل التفكير الايجابي والسلب كذلك لذا اذا حطيتي ببالك تعب ومسؤولية راح تتركي الدراسة واذا حطيتي ببالك ان انا قدها راح تكملين وللمعلومية ترى مو صعبة الدراسة مع الزوج اذا كان راض عنها انا درست سنتين ونص مع زوجي وهي افضل من الفراغ الحين |
اختي الحبيبه
انا مريت بنفس حالتك كانت ملكتي في السنه قبل الاخيره وزواجي في السنه الاخيره وزوجي يدرس برع بصراحه اتفقنا على انه نتزوج وبعدها يرجع هو للغربه وانا اظل اخلص دراستي وهي سنه..ونزل خلال هالسنه مرتين مره اجازة الصيف ومره الكريسمس..وكنت مخلصه في الكريسمس ورحت معاه انتي تشوفينها صعبه بس صدقيني كل واحد منكم بيكون مشغول بدراسته ..وبعدين هو في بريطانيا يعني قريبه نسبيا يقدر ينزلك كم مره بالسنه وبتعدي السنه على خير ان شاء الله لكن نصيحه اذا تركتي السنه الاخيره ..بتحسين في الغربه انه في هم بقلبك..وما راح تروحين وانتي مرتاحه... بس بشكل عام اذا ما وافق خطيبك خلاص خلي عليك سنه ...وتوكلي على الله... مع شرط اللي هو تاخذين كتبك معاك لبريطانيا وتراجعين اول باول عشان ما تنسين .. وانا ما اشوف انه صعبه لما ترجعين تكملين دراسه ..لا ..انا الحين بعيد عن الدراسه صار لي سنتين ..بس ناويه اذا رجعت البلد اكمل ماستر..مع اني حامل ...بس اللي في همه ...ما يوقفه شي |
تزوجي وروحي معاه ..ودراستك اتركيها يعني ماهي شي تتحسفي عليه ..دراسة بريطانيا احسن بكثييير
اذا كان مبتعث يحق لك الالتحاق بالبعثة كـ مرافقة ..بس مش تأكدة اذا كان باب الالحاق مازال مفتوح لبريطانيا عموما خذي معاك السجل الاكاديمي وكافة المستندات مترجمه .. واحتمال اللي درستيه يتعادل لك يعني مايروح عليك وحتى لو ضاع ترا كلها سنة تتعوض .. اهم شي تكملي دراستك برا 1000 % ولا تخلي اي شي يشغلك ويمنعك اذا لا والله ماراح تقدرين تكملين ببريطانيا لاي سبب تمسكي بدراستك الحالية ولا تفرطين فيها ابداا |
أمممم
طيب عزيزتي إذا كنت في الرياض يعني النظام واحد اللي أعرفه إن التأجيل بس سنتين بعدها يطوى قيدك .. إذا كان زوجك مطول برى فخلصي دراستك بعدين تزوجوا بس إذا كان مو مطول يعني سنة أو سنتين فأجلي وإذا رجعتي يكون خير ولا يهم مسألة العيال والدراسة ماشاء الله معانا بنات الأوائل على فرقهم وهم متزوجات ومخلفات الله ييسر عليك ويتمم لك على خير |
مشكورين على المرور وبالنسبه لزوجي السنه موذي اللي بعدها زواجي بيصر باقي له سنه بس
|
مشكووووووووووووووووورين على الدعاء
|
هلا فيك أختــــي,, طبعا اول مشاركه لي هنا ولو اني كنت متابع بصـــــــمت زي مايقولو بس حبيت ارد عليكي لأني نفس وضع خطيك هنا اللهم انا لسا ادووووور على بنت الحلاااااااااااااال... اسمعيني زين وركزي عيونك على الشاشه الزوااااج تزوجي يعني تزووووووووجي غصب عنـــــك مو بكيفك=حاس بحال خطيبها اول شي دراستك ياشطووره تقدري تكمليها هنا ولاتخافي مارااااح تضيع السنوات اللي درستيها في جامعتنا الفاشله اووووب اقصد الراقيه.. تعادلي المواد اللي اخذتيها من عندك وتجي هنا بريطانيا وتاخذي قبول جامعه ولغه وتعطيك الملحقيه بعثه على طووول والجامعات هنا يعادلون لك السنوات وتكملي يعني مالك اي عذر وفوق كذا كماااان تخيلي يالدوووووووبيه راح تتعلمي لغه سنه ونــص..راح تقولي طيب اذا خلصت فترة دراسة زوجي ايش نسوي ؟؟بسيطه يحول من مبتعث الى مرافق معاكي او يكمل المرحله التعليميه الثانيه اللي هي دكتوراه لأنه اذا سنتين اعتقد ماستر؟ انا اختي هنا هيا وزوجها الموووووهم زوجها يوم باقي له سنه ويخلص دخل اختي تدرس على شان بعد ما يخلص من دراسته يسير هو مرافق معها وهي تدرررررررس ويطولو في بريطانيا العظمى ==الله يعين على قرف السعوديه,, بس لا تتزوجي الا اذا خلص زوووجك فترة اللغه عشان يطوور من لغته افضل,,, بس متى اخطب عشااااااااااان مايجي الكرسمس الا وجــــــــــدهــــ منورهــ بحضووووووووووووري وانا عريس عموووووووووووووووووووووووووووووووووووووووووووووووو ووووووووووووووووما أخــــــتـــــــــــــــــــي Good luck |
عزيزتي تذكري
أن هناك بنات يتمنون الزواج ويتركون أغلى شيء يملكونه ولكن نصيبهم ماجاء تذكري ذلك جيداً ... وقولي الحمد لله |
الحمدلله على كل شي وربي انا احمد ربي ليل ونهار بس اخاف لما تزوج اصير مابي ادرس لان كثير من زميلاتي صارلهم كذا
|
وبالنسبه للاخ اللي يقولي كملي ببريطانيا سالنا وقالولي قسمي مافيه هناك معادله له
|
اقتباس:
أما إذا بطلتي فأكيد جاء شيء وريحك وأهم من دراستك والشيء اللي ابي اقوله ان دراسة المرأه تنوير لها .. وليست غايه مثل طلب الرزق مثل الرجل إلا القليل طبعا . ومستواك جامعي وهذا يعتبر تنوير رائع لك وأن كملتي فخير وبركه شكرا لك |
زواجك اولا فرصة كثير من البنات اهتموا بدراستهم وفاتهم القطارررررررر تزوجي وسافري ادرسي لغة وحاولي لو يسولك معادلة تكملين نفس تخصصك بالخارج يااااااااسلام. اسال الله ان يجعل لكي من كل هم فرجا ومن كل ضيقا مخرجا ومن كل بلاء عافية |
| الساعة الآن 12:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©