|
زوجي شارب للخمر و انا الآن في منزل اهلي
السلام عليكم روحمة الله وبركاتة
كنت قد أخبرتكم عن انتكاس زوجي يوم الخميس السابق وحينما شرب الخمر لم استطع التحمل والصبر رغم انه وعدني انها فترة قصيرة وينسى موضوع الخمر قمت ابكي وانهرت قال لازم تعلمين ابوك علشان ترتاحين انتي رفضت لاني عارفة ردة فعل ابوي لكنه اخذ الجوال واتصل وسمعني والدي وانا ابكي واجبرني على اخباره اخبرته فأمرني في الحال بالذهاب الى بيتنا الان انا بيت اهلي وقد امرني والدي باغلاق جوالي وعدم محادثة زوجي او اي احد من عائلته الا اني اعرف ان زوجي محتاج من يقف بجواره لاني لاحظت ان مااصابه بسبب العلاج النفسي وتدهور وضعه النفسي لانه قلل من الجرعة وانتكس لذلك مازلت اكلم زوجي لكن على فترات حتى لا يشعر والدي زوجي متضايق جدا ويقول انه ادخل والدي كي يحل المشكلة وهو الان يكبرها هو مو رجال ليه مايكلمني (علما اني من لحظة خروجي من المنزل وزوجي يتصل على والدي كي يحل المشكلة ووالدي يرفض محادثته )وقد اخبرني انه لو رأه عند المنزل سيتصل بالشرطة زوجي معصب جدا على والدي لانه قال ماراح اكلمه لحد ماأهدئ بعد اسبوع او اسبوعين ويظن زوجي ان والدي يبي يأدبه هالفترة ويقول زوجي ابوي ماقدر يأدبني يجي ابوك يبي يأدبني انا رجال طالع من ضلوع رجال احس اني كرهت ابوك وكلام كثير جرحني وخلاني اعيش في هم حاولت في والدي انه يكلمه لاني اخاف زوجي يتهور ويطلقني خصوصا انه قال لي علشانك بس ولا كان جبت الورقة ورميتها في وجهه والدي رافض مرررة يقول خليني ارتاح وخليه يحس بالللي سواه تم تعديل العنوان لتضح المضمون الإشراف |
مو جوزك بحكي انو رجال وطالع من ضلع رجال اذا خلي يحل مشكلتو بنفسو هو الي جاب هاذا الحكي لحالو وهو الي حكا مع والدك الله يحفظو وموقف ابوكي متل موقف اي اب بخاف على بنتو *ومع احترامي الشديد لزوجك عيب يحكي ارمي ورقتك بوجهو جوزك راح ولا اجا بضل الي بيحكي عنو ابوكي ولازم يحترمو
وبصراحة الوالد ما حكا اشي وبعدين انتي شايفة بعينك المشاكل الي بالمنتدى ولوين وصلت المتزوجات الي ما بتصارح اهلها من البداية حبيبتي شرب الخمر مو مزحة ابدا وفعلا لازمو ترباية والي عتب بسيط عليكي يا ثبات ابوكي حكا اذا بيجي على البيت بجبلو الشرطة وانتي ليش بتحكي الحكي الي بحكي ابوكي لزوجك وقفي مع زوجك ما اختلفنا بس خلي ابوكي يتصرف لانو المشكلة هاي ما لازم تتهاوني فيها واسفة كتيير اذا كنت قاسية معك |
الله يكون بعونك اختى
طيب ما دام انتي تكلمين زوجك على فترات ليش ما تنصحيه يروح المستشفى يتعالج هذه الفتره ما دام انتي في بيت اهلك والله يشافي زوجك ويترك السم |
اللوم على زوجك .. هو اللي اتصل على ابوك و فضح نفسه .. زوجك يتخبط في تصرفاته .. و بدل ما يتعالج عن حالته النفسيه عند طبيب نفسي صار لازم ايضا يتعالج عن ادمانه على الخمر .. لازم تكون مكالماتك لزوجك قويه و مؤثره جدا.. انصحي زوجك اذا كان يحبك ان يرجع يتعالج عند طبيب نفسي و يترك عنه الخمر او راح يخسرك .. لكن ترجعين تعيشين مع واحد معتل نفسيا و يشرب يخمر هذا ما تقدرين تأمين نفسك معه و ما الوم ابوك على تصرفه .. فهو تصرف طبيعي جدا لاب يخاف على ابنته .. ادخلي على زوجك من باب الحب و العشره وانك تحبيه و ما تبين تخسريه و حاولي تقنعيه بالعلاج بدل ما تضيع المكامله في التجريح في والدك .. طمنينا عن اخر اخبارك .. بالتوفيق ان شاء الله .. |
بالنسبة للادمان الحمد الله هو ماوصل لمرحلة الادمان لانه كان يشرب مرتين بالاسبوع والحين خلاص تركه له كم يوم وراحت الاعراض الانسحابية
بالنسبة للعلاج النفسي راح لطبيب وكتب له علاج وراح يبدا فيه الخميس لانه بدايته يسبب ارق ويقول راح يبدا فيه الخميس المشكلة انه استشار شخص يقول انه صاحب علم وقاله ان ابوها الغلطان مفروض يساعدك مو ياخذ بنته بما انك اللي اصريت عليها تكلمه وانت اللي تبي المساعدة للتخلص من الضغوط النفسية انا الصراحة انقهرت من رد زوجي وكلامه على ابوي واكثر شي قاهرني هو انه يبي الموضوع يخلص بسرعة وكانه ماصار شي والا انه راح يطنش علشان يأدب ابوي اويمكن يتسرع بأمور لانه يرى ان ابوي مااحترمه ومفروض وقف معاه واولا واخيرا هو ماضر بنته ابدا ماضر الا نفسه ومفروض يقدر هالشي وش المفروض اقول لزوجي لما يتصل هو من النوع العجول مررررررة ويرى بما انه خلاص تاب خلصت المشكلة وأبوي رافض يكلمه الحين |
اقتباس:
انا ماقلت لزوجي ان ابوي راح يجيب الشرطة الا لانه قال راح اجي اخذك الحين وابوي قال ايضا لخوات زوجي اذا فكر يجي راح اجيب الشرطة انا ودي اقنع زوجي انه غلطانة بكلامه على ابوي وان تصرف ابوي سليم لكن مدري كيف |
والدك يا عزيزتي انسان حكيم وتصرفه كان طبيعيا جدا... زوجك انسان مريض...يجبرك على الحديث الى والدك ثم يغضب من تصرف والدك.. طيب ماذا تريد لأب - عرف أن زوج ابنته يشرب الخمر - أن يفعل؟ وأنتِ أخطأتِ حينما تحدثتِ الى زوجك دون علم والدك كان الأولى بكِ أن ترفضي محادثته وحتى العودة الى بيته حتى يعالج نفسه المريضة ويتوب عن الخمر... لو كنت مكانك لسحبني والدي من بيت زوجي سحبا ولأرغم زوجي على طلاقي... كيف ستربين أولادك مع أب كهذا؟ رأيي أن تقطعي اتصالك بزوجك الذي لا يتقن سوى العويل والبكاء عوض اتخاذ خطوة واضحة في اصلاح نفسه المريضة والإقلاع عن الخمر وأخبريه صراحة أنك لن تعودي الى بيته حتى يتعالج ويتوب أو أن الطلاق مرحب به ان ظل على حاله تحياتي.. |
مدامو رجال من ضلع رجال ليش بشرب ومش عارف يحل مشكلتو وفاقمها ووصلها للوالد
حاولي توصلي الو هالكلام وخليه بعيد عن الوالد لحتى ماتهدا النفوس بعدين يتفاهمة كلام رجال الله يفرجها |
اقتباس:
شوفي ثبات حبيبتي لا تخلي الحب يعمي الحقيقة عن عنيك جوزك مبتلى ولازم حدا يوقف بوجهو ويفرجي انو الي بيعملو غلط بعدين على ما اعتقد انو جوزك لما حكا مع ابوكي ما كان بستنجد في كان بستفزك عشان يبرهنلك انو مو خايف ولا الي بدو يصلح الموضوع ما بحكي وبسمع صوتك لابوكي وانتي بتبكي |
صراحه زوجك غلطان مليووون بالمية
انا لو بنتي سمعتها تبكي في بيت زوجها لانحر زوجها على عتبت بيتع واللي يصير يصير ممكن يضربها واعرف هالشي لكن ما وراي شي طبيعي لكن اسمها تبكي واسكت صراحه زوجك غلطان والمفروض يجي ويعتذر بس لا يجي لوحده خليه يجيب واحد وجيه من اقاربكم وتكون له كلمه اقل شي الله يجمع بينكم ولا يفرقكم ويعينك على قرف زوجك ويهديه |
زوجي الحين مررررررررررررررة معصب من أبوي وكذلك اخواته يقولون الله غفور رحيم وبدل ماتوقف هي وابوها معه ياخذها ابوها
ابوي يقول انا منصدم وماتوقعت يوم من الايام اصير بهالموقف ودي اصدق مو قادر ماودي اقابله وانا معصب ودي اقابله وانا فاهم الموضوع كامل واعرف احل المشكلة وبنفس الوقت خايف يكون التوبة هذه بس لاجل ينتهي الموضوع زوجي اليوم كلمني من طرف خشمه وانا خايفة صراحة يتركني وخايفة تكبر المشكلة لو ابوي ماكلمه هاليومين مدري وش اسوي ودي اليوم اعطي زوجي رابط الموضوع علشان يشوف وجهة نظر غيرة وجهه نظرة يمكن تهدئ شوي |
مش عارفه ايش اقول
أنا ما أدري انتي ليش متمسكه في زوجك لهدرجة لا تقولين حب .. ترى وربي بدت الكلمة تفقد معناها من كثر ما تبهدلت وتعلقت عليها كل الجرائم والآثام زوجك مريض نفسي .. نفسه ملوثة من جميع الآثام والذنوب .. وإذا تصرف كذا نقول مو صاحي بس حتى انتي تصرفك صار غير طبيعي .. لا يكون يعديكي من تصرفاته تكلمين ابوكِ ولما جاء ابوكِ يبي يحميك ترجعين تكلمينه .. ليش ليش ما تحمدين ربك أن عندك رجال يدافعون عنك !! عندك أب يقول ان ما و سعك البيت العين والقلب لك ابوكِ تصرفه تصرف طبيعي .. تصرف رجال .. رجااااااااال عندها نخوة .. رجال عندها شرف تتبي تحافظ على شرفها من مرمطة التراب الي حاطك زوجك فيه ابوكِ يبي يرفعك وانتي تنزلين نفسك .. ابوكِ يبي لك الكرامه ورفعه الراس وانتي .......... ابوكِ يتصرف بكامل وعيه .. يتصرف معاكِ على أنك آمانة في رقبته مسؤل عنها أمام الله وزوجك ما يدري وين ربه كافي آخر كلمة قالها أن حتى ابوه ما قدر يربيه .. معترف أنه مو متربي قولي لي : لما تشوفين ابوكِ .. وتشوفين زوجك .. كيف تقيمينه ؟؟ ابي افهم انتي كيف عايشة معاه ؟؟ بقولك شي .. خافي على نفسك .. لأن كثرة معاشرة الناس السيئين تعدي .. حتى انتي بكرة تشوفين شرب الخمر عادي كنه دخان .. صدقيني عيونك راح تتعود على القبح ومراح تقدرين تحسين بالفرق بين الجمال والقبح الخمر وريحته عادي عندك .. راح تستمرئين شكل زوجك .. لأني شايفه بوادر هالشي عليكِ .. صاير عادي عندك تعاشرين وتجلسين بالبيت معاه وتحبينه بعد عن النبي صلى الله عليه وسلم قال " إنما مثل الجليس الصالح والجليس السوء كحامل المسك ونافخ الكير.. فحامل المسك إما أن يحذيك وإما أن تبتاع منه وإما أن تجد منه ريحا طيبة.. ونافخ الكير إما أن يحرق ثيابك وإما أن تجد ريحا خبيثة " هلين عرفتي ليش ابوكِ تصرف كذا لأن ابوكِ بعيد عن هالاجواء الملوثة .. رؤيته صارت واضحه ويشوف الشي على حقيقته لكن انتي من كثر جلوسك معه صارت عندك تشوش في الرؤية وضبابيه .. مثل زوجك من عاشر القوم اربعين يوم صار منهم طاوعي ابوكِ .. وخافي على نفسك |
اقتباس:
الدنيا ما خلت من الرجال .. في رجال تنامين وانتي مطمنه في حمايتهم رجال ترفعين راسك بس تقولين هذا زوجي وابو عيالي ورجال ما ينتعاشرون ولا ليلة ظلمه ليش خايفه .. ومن يكون .. وايش الي يخلي أمرأة عندها كرامه تتمسك في واحد كذا هذا نقطة ضعفك .. ان نفسك ولا شي عندك للأسف نفسك ماهي عزيزة عليكِ للأسف أعتذر على الكلام .. لو أدري ان هذي شخصيتك ما علقت ولا بكلمة |
اقتباس:
زوجك ما عنده احد من اهله يرسله عشان يقابل ابوك ؟؟ |
ما أقول إلا الله يعينك ويفرج كربتك
|
انا مع ابوك كل شي سواه صح
انتي تحبينه ايه بس حبي نفسك اكثر فكري بالمستقبل لو ما تاب وجاك عيال منه ترضي عيالك اشوف ابوهم كذا بالله عليكي ترضي عياللك اقلدو ابوهم اكيد لا والف لا وهذا وفيه امور اكثر وامر من هذا بس مابي اتطرق ليه خليه يتأدب ويعرف ان الله حق ويمكن اكون هذا درس ما يناساه ابدا درس ابوه ما عرف اعلمه فيه انظري للبعيد لا تنكسي راسك كيف ستعيشين اذا رجعتي له وهو لم يتعالج وراح كل مرره اعايرك بانج ما سمعتي كلام ابوكي لا تكسري كلام ابوك عشان يعرف انك مو بروحك وراك رجال ينشد فيهم الظهر والزوج لو لا سمح الله راح فيه غيييره ولا تقولي لا لا بس الاب ما ينجاب بداله ابوه ثاني ابوك والله ذهب لا اتضيعيه على حساب شاااااااااااارب اعذريني على الكلمه بس جد ابوك ما يستاهل تصدمينه فيك |
بس ياناس زوجي ماكان كذا ابدا ابدا كان من احسن الرجال والله
لما تغير في لحظة ضعف اتركه انا احس اني تايهه مدري مين الصح مين الغلط وكلكم حطيتوا الغلط على زوجي اللي عمري ماشفته يسوي غلط حتى لو غلط احس اللي يسويه صح مدري ليه يعني عارفة ان شربه الخمر غلط بس احس احيانا معه حق يعصب لانه تاب ياناس انا ام ولدين وانا عشت معه احلى ايام عمري شلون اضيع حياتي في لمحة بصر اقول مفروض ابوي يتنازل ويكلمه لان لو تطلقت ابشيل في نفسي على ابوي طول عمري ياناس قولوا لي اللي تشوفونه صح وماعلكيم من كلامي لاتفكرون اني مامني فايدة |
اقتباس:
لا ماودنا يدرون الناس صعبة مرررة |
اقتباس:
جميل يا اختي الستر .. ربي يستر عليك .. اختي حاولي انك تهدأي زوجك .. طمنيه ان ابوك في مرحلة صدمه من اللي صار . و قولي له انت السبب في المشكله لازم تتحمل ردة فعل والدي و لا تزيد الطين بله .. اركد و اهدأ .. المشكله محتاجه منك الي صبر يا زوجي و لازم تهدأ عشان نقدر نتوصل الي حل طمأني زوجك بانك سوف ترجعين له لكن المسأله محتاجه الي وقت .. اطلبي من زوجك اذا كان يحبك ان لا يتهور و يصبر .. |
الله يفرج همك ويهدي زوجك ويعطيك على قد نيتك
توكلي على الله ربي يساعدك وهو وحدةعالم باحوالكم ولاتزعلين من ابوك حتى هو في قلبة زي النار عليك وعلى اولادك يعني احمدي ربك لوانتي لجأتي لة ورفض يساعدك وتخلى عنك وعن اولادك كان مصيبتك اكبر حبيبتي خلى زوجك يتادب وقبل كل شي يتادب مع الله اذاكان مريض الله يشفيه واذاكان عاصي الله يتوب علية وينور عقلة وقلبة فرج الله قريب |
اقتباس:
|
لا لا لا لا يا ثبات بحكي معك من طرف خشمه وانتي خايفة يتركك شكلك نسيتي انو اذا رب العالمين كاتبلك اضلي معو بضلي غصب عن خشومو*واذا مكتوبلك تتركي بتتركي اتزكري هادا الكلام كتيير منيح
|
هل اوشك الفراق ؟
السلام عليكم ورحمة الله وبركاته
اكتب لكم وعيوني امتلت من الدموع من امس ماذقت طعم الاكل زوجي من طول امس مطنشني ولما ارسلت له رسالة كتبت له اني مالي ذنب باللي حصل وليه انت زعلان علي رد علي الله يكتب اللي فيه خير ارسلت له رسايل ترجيته انه مايطلقني طنشني اتصلت كم مرة وبالاخير سكر الجوال اليوم ارسلت له رسايل قلت له اني منهارة وماقدرت انام وراح اتحطم لو تتركني ذكرته بوقفتي معه ذكرته بحبي له مارد علي دقيت عليه قلت له انت بتتركني قال الله يكتب اللي فيه خير ارسلت بعدها رسايل وقلت له ان ابوي يشتغل بالسجن ومايعرف قصص الشاربين الا من السجن بعدين دقيت عليه قالي ابوك دمر سعادتي وسعادتك انا حتى لو رجعتي لي ماراح اعيش معك زي اول ابدا بصير بنفسي شئ ا ان شاء الله تتزوجين ازين مني اهلك مايصلحون لي ولا اصلح لهم انا ماقدرت اعيش معهم اهلك مافهموني قلت له انت بتعيش معي مو معهم قال ولو ماراح انسى اللي صار ابد انتوا ناس زينين مرة ولا تصلحون لنا قمت اصيح انهرت انا مااتخيل الا هو زوجي مااتخيل اني زوجة الا له عيالي وش بيصير عليهم انا عشت خمس سنوات من اجمل سنوات عمري فجاءة تنقلب حياتي واصير مطلقة ومالي ذنب انا حاولت احتوي المشكلة وهو اللي طلعها لكن وحتى لما طلعها علشاني علشان ارتاح هو وعدني انه ماراح يتركني مهما صار ليه الحين يتخلى عني انا وش سويت ؟ وشلون اقنع ابوي احيانا افكر اني انحاش واروح له انا تعبااااااااااااااااااااااانه مررررررررررررررررررررررررررررة |
انتبهي تنحاشين .. اركدي يا اختي و استهدي بالله .. ما هو موقف امك و اخوانك ؟؟ هل جلستي مع ابوك و تفاهمتي معه ؟؟ |
وكلي امرك لله سبحانه
والخيرة فيما اختار الله خلي ايمانك بربك قوي يا غالية ويمكن يكون الفراق احسن لك وله ما تدرين الخير وين ربي كاتبه عطيه وقت .. واعطي نفسك وقت وصدقيني الزمن كفيل بإصلاح كل شيء وفقك الله |
بسبوسة الاحلام
ممكن يا اختى تشرحى لينا اية المشكلة اللى خلت زوجك انقلب عليكى وعايز يطلقك اكيد فى حاجة كبيرة عشان نقدر نساعدك فى الرد
|
لا مااحس ان الفراق احسن لي ولا له
احس اني ابنهبل خلالالالالالالالالالالالالالاص يارب تفرج همي |
انتبهي انتبهي تخرجي من البيت (تهربي) ترى ما يصير لكي قيمه عنده مرة وغير كده اهلك راح يغضبوا كل الغضب عليكي واذا فيه احد غلطان ترى هوا محد قاله يكلم ابوكي وعلى اي اساس يتوقع ان ابوكي حيوقف معاه
معليش اختي حطي نفسك مكان ابوكي وافرضي جات بنتك عندك وقالت لك زوجي يشرب ؟! المفروض انتي تتصلي عليه تقولي ترى فيه غيرك واحسن منك على الاقل ما يشربوا ولا تتكلمي عن ابوكي بكلمه وحده غلط طول الوقت قولي ابوي صح وهوا لي انا وعيالي كتف لحم وكتف شحم على قولتهم معليش اختي اي حب هذا اللي زوجي فيه يشرب وكيف تقدري تربي اولادك مع اب يشرب ؟! |
زوجك واعذريني يقال عنه "شين وقوي عين".. شارب للخمر...يرافق أصحاب السوء والله أعلم ما يخفيه عنك...توقعي أي شيء من شارب الخمر... يا الهي كيف لك أن تعيشي معه لا وأن تحزني لفراقه؟!! ألا ترين أنه يرتكب واحدة من أكبر الكبائر؟! ما هو موقف أبنائك حين يرون والدهم شاربا للخمر؟! أتضمنين انهم لا سمح الله لن يصبحوا مثله مستقبلا؟! يا أختي راجعي الفتاوي التي تصدر حينما تشتكي الزوجة أن زوجها لا يصلي...ما بالك بالخمر؟!!! والله لو كان زوجي من أكمل الرجال وأفضلهم وأحسنهم وأحنهم علي واكتشفت أنه يشرب لقتلته ربما ولا يمكن أن أظل معه ولو للحظة!! أنت هكذا تشجعينه على خطأه ولاحظي هنا أنه لا يحس بتأنيب الضمير بل (راسه كبران) عليك ويهددك بالطلاق وهو المخطأ.. زوجك مغرور ومريض ولا يتعظ أبدا...صدقيني أصبت بالقهر منك ومن ضعف موقفك وانعدام التصرف السليم لديك...!! |
الله ييسر امرك ويسخر لك زوجك ويهديه ويصلح حالكم
|
يا أختي اركدي شوي هو شافك متعلقه فيه وصار يسوي ثقل ... ويقلب ظهر المجن بدل مايصير الحق عليه خلاه عليكم.. وإنتي ساعدتيه من البداية المفروض يفهم إن اللي صار ردة فعل طبيعية لكل أب وهو اللي خلاك تكلمين أبوك
بعدين كثرة اتصالاتك ورسايلك قوى جانبه أكثر بدل مايخجل من نفسه ويخشى الفضيحة استقوى أنا أشوف إنك ماعاد تكلمينه أو تترجينه وإياك ثم إياك أن تهربي إليه والله مايصير لك قيمة عنده وتخسرين أهلك وكرامتك .. |
دلوعة حسين وانا خالتك زوجها ما يشرب الخمر لسوء في طبعه انما يشرب الخمر بسبب الحاله النفسيه التي يعاني منها .. و هو يتعالج عند طبيب نفسي .. بعدين يا اختي ثبااات .. اثبتي يا قلبي .. اكثري من الدعاء و الاستغفار و الصلاه و قراءة سورة البقره بنية ان تنحل مشكلتك .. و كمان يا قلبي خففي اتصالات على زوجك .. اعطيه فرصه انه يراجع نفسه و يفكر لا تضغطين عليه اذكري الله .. الا بذكر الله تطمئن القلوب .. ان شاء الله تنحل مشكلتك لكن محتاجه منكم الصبر .. |
اقتباس:
خالة أميرات كلامك على العين والراس...لكن الله سبحانه وتعالى لن يمهله لأن حالته النفسية سيئة... الله عزوجل أوجد الدواء والعلاج...وزوجها يتكبر عليها ويهددها وهي الوحيدة المتضررة والتي لا حيلة لها... وأولادها؟ ما موقفهم وهم يرون أباهم يشرب؟ أولا ستصيبهم لا سمح الله عقد نفسية بسبب عدم استقرار الجو وكثرة المشاحنات وأخيرا الشرب... والدها تصرف تصرفا سليما هو لم يرغم زوجها على تطليقها بل أخذها الى حين يتعالج زوجها ويتعافى وهذا الموقف كان عليها هي أن تأخذه لا أبوها... وهي بضعفها سمحت لزوجها بالتكبر والتهديد واماتت فيه الضمير الذي هو آخر صفة حسنة بقيت فيه... لو أني رأيت من زوجها موقفا ايجابيا لفهمت سبب تحسرها وحزنها ولنصحتها بالعودة اليه...لكن أنت بنفسك رأيت موقف زوجها الذي لم يزد الطين الا بلة! |
اقتباس:
يا عيوني يا دلوعه كلامك ايضا على عيني و راسي .. زوج ثبات الان في حالة هياج و تخبط و الغضب عامي عيوني و مو داري وش يسوي خايف ان ثبات تطير من بين ايديه و هذا دليل انه يحبها .. لكن هذه الحاله من التخبط و الهياج و سوء التصرف و شرب الخمر كلها نتيجه للحاله النفسيه بمجرد ما يتعالج و تهدئ نفسيته كل هذه العوارض بإذن الله راح تزول و هذه الغشاوه اللي علي عينه راح تزول و راح تتضح له الرؤيا و راح يشوف كل شي بحجمه الطبيعي .. و تصرف والد ثبات سليم ميه في الميه ما احد يقدر يلومه .. المطلوب من ثبات دام انها تحب زوجها و زوجها يحبها ان تستغل هذه الحب الجارف في اقناع زوجها بالعلاج و ترك الخمر و الهدوء و الصبر .. فالحياه الزوجيه ليست بهذه الهشاشه بحيث ان اقل ضربه تهشمها و يضيع هذا الحب .. |
والله ياأختي أني رأيت في زوجك الخير الكثير ( بغض النظر عن شرب الخمر ) ,, أقصد خير في الطباع ... أنا خالطت النوعيات هذي وأعرف مابداخلهم من طيب , و احتقارههم للوضع الذي يعيشونه داخل أنفسهم ... زوجك محتاج شوية صبر وتذكير بالله ,, وأنصحك ترسلي عليه شخص من أهل الخير يصادقة ويتكلم معه , بس يكون الشخص على قدر من العلم ... لأن النوعيات هذي عاطفية وتتأثر بسرعة وتحمل بداخلها إحترام للكلمة الناصحة .. رغم مايملكونة من مكابرة أحيانا ً .. زوجك يحبك داخل نفسه , وهو متمسك فيك أكثر منك , لأنه أنتي الإنسانة الوحيدة الي وقفتي معه .. لكن مكابرته تمنعه من قول هذا الشيء .... عليك بكثرة الدعاااااء , فوالله أني أعرف الكثير والكثير ممن هم على شاكلة زوجك , وهداهم الله بسبب كثرة الدعاء .. * زوجك متقبل العلاج ومتقبل النصح ويجاهد نفسه , فكوني له عونا على ذلك ... اسأل الله له الهداية والتوفيق , وأن يريه الحق حق ويرزقه اتباعه , ويريه الباطل باطل ويرزقه اجتنابه .. عليك بالصبر وعدم اليأس ,,, فقد يبدل الله من حال إلى حال |
اسالي الله العظيم ان يرده اليك ردا جميلا
وكرري هذه الدعوة امرأة اعرفها معرفة شخصية حصل لها العجب العجاب مع زوجها لزمت هذه الدعوة وبقدرة الله القادر رجع لها زوجها كما ترجو وأكثر وعليك بالاستغفار اما بالنسبة لوالدك فيجب عليه ان يبادر بحل فهو يرى مدى انكسارك وحاجة اطفالك لوالدهم عليه ان يعلم بضرورة وقوفك مع زوجك في مثل هذه الظروف واما زوجك فهو تحت تأثير محاولة استرجاع شيئا من كرامتة التي اهينت وتحت تاثير كلام اخواته كان الله في عونك ذكريه بالعشرة اللي بينكم وكيف له ان ينساك وينسى اطفاله |
الله يجزاكم خير على وقفتكم معي ماتدرون كيف كلامكم أثر في نقسي كثير وخصوصا نقاش اميرات ودلوعة حسين
ابقولكم آخر اخباري بس ارجوكم ثم ارجوكم لاتتركوني ردوا علي ولو كلمة تراها تنفعني امس ابوي خلا اخوي يكلم زوجي وقاله ياابوفلان ترى الموضوع راح يكبر وحنا ماودنا احد يطلع على السالفة وش رايك تقابل الوالد هالاسبوع وتتفاهمون قال زوجي انا امهلوني ابي افكر ابي اشوف خلو النفوس تهدا والله يكتب اللي فيه خير وكأن يقصد بكلامه هل يستمر مرتبط بي ولا خلاص طبعا اخوي كلمني وقال ياثبات ابوي سوا اللي عليه في الاول مابغى يقابله لانه كان مصدومي وعجز يستوعب وبنفس الوقت ماودنا يكلمه وزهز معصب علشان مايتصادم معه وفي هالفترة زوجك فكر ان ابوك يبي يأدبه وحنا اصلا وش دخلنا فيه نأدبه الواحد يلا يأدب نفسه يأدب غيره الحين لما طلب ابوي يقابله رفض وعلى العموم حنا مازلنا نقدره ونحترمه كزوج أخت والإنسان هو اللي يزرع نظرة الناس وحنا كنا دارين انه كان في اول حياته يمكن شرب او دخن لكن بما انه لما تقدم لك كان مستقيم ويصلي بالصف الاول وكلن يشهد بصلاحه زوجناه الحين زوجي يقول انا مضغوط مرررررة خليني والله يكتب اللي فيه خير ويقول خليني أادبهم اتمنى انه يدخل المنتدى ويشوف ردود الناس كيف ان الكل يقول ان تصرف ابوي صح واتمنى انه يفكر شوي ويعرف والحين ابي تنصوني وش اسوي كيف اتعامل معه وتتوقعون انه فعلا مازال يحبني ولا راح يتركني |
ابي أسألكم بعدهل تتوقعون ان البعد يمكن يقسي قلبه علي
يعني الافضل اروح عنده على الرغم انه قال انا ماابي احد هالفترة وبالنسبة للأخ مهاجر فعلا زوجي فيه خير كثير واانا اعرف هالشي وكلامك فعلا حقيقي كانك تعرفه شخصيا طيب وش اسوي انا ماودي اعيد عليه موضوع الشرب لاني احسه يتضايق واحسه فعلا نادم علشان كذا مدري كيف انصحه ولا ودي احد يدري بوضعه مع اني اتمنى احد يتكلم معه وساعده لكن مدري احسه مايبي احد ويقول انا اللي حطيت نفسي بمشكلة الشراب ماحد يقدر يساعدني غير نفسي احب اسرتي ابوي يقول انا حاولت يجي اتكلم معه لكن رفض وش تبين اسوي يابنتي تبين اروح له وترجاه يرجعك وبالنسبة لكرامته فعلا انا احس كذا |
يا غالية يا ثبات
عطيه وقته لا تضغطون عليه يعني تعتقدين انه زوجك ما يعرف في قرارة نفسه انه ابوك صح؟ مو هو أب اساسا وما يرضى على عياله وبناته اللي يصير عليك لكن اعطوه مساحة لنفسه يفكر ويفكر ويفكر وخلك مؤمنة بأن اللي كاتبه ربك بيكون هو الخير لك ولأولادك ولزوجك كم مرة كلمتيه وقالك الله يكتب اللي فيه الخير انسان واعي ويعرف انه وجوده بالوقت الحالي معك يؤذيك صدقيني يحبك ولا يقبل اذيتك خلك من كلامه في ساعة الغضب وعطووووه وقته يتعالج ويصحصح ويقدر يرفع راسه قدام الناس ويرجعك كذا ما يجوز ابدا... اذا تحبينه.. اصبري لكن خلك بعيدة |
[read]ما ودي ازيد همك هم بس الحقيقه انتي الي تشجعيه على شرررررب الخمر صدقين والدليل انك تترجيه يرجعك وانا احبك على ايش اسمحي لي لو كنتي تاركته من ذاك اليوم كان حس بغلطه وقفلتي جوالك كان عرف يرجع وهو ندمان لا بشروطك بعد احمدي ربك ان ابوك واقف معك ما فيه اب الى كان يسوي الي سواة ابوك بدل ما تنحاشين ويحتقرك وتخسري اهلك وكرامتك وفوق هذا احتقاره لك اتركيه انتوا سويتوا الي عليكم وبد ما يجي يبوس الأيادي يرفع خشمه على ايش لا وانتم الي تقولون تعالوا نتفاهم ويرفض بعد تلاقيه خجلان من نفسه اسمحي لي شخص زي هذا ما ينعاش معاه لان وين الامن معه نصيحه قفلي جوالك ولا تردين عليه وجع ساعه ولا كل ساعه وراح يجيك ندمان[/read]
|
| الساعة الآن 09:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©