|
زوجي جرحني بكلامه كيف أتصرف ؟
السلام عليكم ورحمة الله وبركاته ماكتبت لكم الا لأن الموضوع حيرني وحسيت إن تصرفي من البدآيه ماجا بنتيجــه آبي رآيكم فديتكــم .. انا متزوجه من 9 شهور والحمدلله زوجي يحبني... ويخاف علي وماقد خلاني احتاج لشيء وقبل اسبوع اهداني خآتم وعقد ذهب لأني نجحت .. لكن المشكله كانت بدايتها قبل خمس شهور سافرنا بالسياره الى المدينه اللي يسكنونها اهلي واهله لزيارتهم.. ولما كنا بالطريق صدفــه ... ما أذكر ليش جا بيدي جواله بس هو اللي عطاني اياه فتحت سجل المكالمات لقيت فيه رقم دولي رحت للمكالمات المستلمه و الصادره لقيته ماسحهم بس الرقم موجود بالسجل حق المكالمات ومدة المكالمات لاتزيد عن الدقيقه حسيت الموضوع فيه شي ليش ماسح المكالمه على هالرقم والباقي مخليهم سألته شنو هالرقم ..؟ قالي وين قلت هذا وريته قال مدري..! قلت له من يدري جوالك ..! قال مدري اول مره اشوفه قلت له من اخذ جوالك فيه احد استخدمه وقتها كان الجوال معاي قال هاتي الجوال قلت لحظه بشوف كان قبل يومين عندنا اخوه و ولد عمه جا فبالي ان واحد منهم مستخدم الجوال قلت بشوف تاريخ وساعه المكالمه.. فجأه قال هاتيه بصووت عالي آول مره يصرخ علي قلت شوي بشووف قال هاتيه لأصكك كف ورفع آيده :( وقتها حسيته مو زوجي كأنه بيطقني مسك آيدي بقوووه آخذ مني الجوال بقووه مع اني كنت انا اتكلم بهدووء وعادي بس لما سوا هالشي قلت له طيب يا ...فلآآن.. وسكت بعده بشوي طلب مني اصب له شاي كان معنا رفضت قال اقوولك صبي قلت له ما اااابي كنا قبل متفقين نتوقف في مدينه قريبه نتعشى في مطعم وصلنا نزل عند مسجد اتوضى لأنه كان حيل معصب وبعدها راح المطعم انا كنت ساكته وماتكلمت ولا كلمه ولا تعشيت زين وحنا بالطريق قالي آسف ماكنت آقصد ..مارديت لين وصلت بيت اهلي نزلني وراح كنت زعلانه من جد المهم ماكنت ناويه ارضى عليه بس اتوفى اخووه وكلم يعلمني انه بيسافر للدفن والعزا وانا ماقدرت اروح معه غصب عني رضيت وعزيته وصرت اكلمه لأنه اللي اتوفى اقرب اخوآنه.. رجع جا للعيد شفنا بعض عادي سوالف ورحت عند اهله ولا بينت شي آو فتحت الموضوع ولما رجعنا بالطريق قالي خوذي جوالي اكتبي رساله لفلان قلت له ما رآح آمسك جوالك عقب ذآك اليووم ولاتفكر اني نسيت اللي صار لكن الظروف اللي صارت لك خلتني اتنآسى وآمشيها المهم من بعدها ما مسكت جواله كنت ابيه يحس باللي سوواه بس عادي هو اعتذر ولا همه اني مامسك جواله لأنه استانس اكيد المهم مرت الشهور وامس صارت بيننا مشكله بسيطه وجا هو بادر بالكلام ولما تراضينا جلسنا نتكلم قالي ليش لما يكون بيننا مشكله ماتبادرين انتي ليش انا اللي دايم اتكلم وآجيك قلت له لأنك انت اللي تغلط وجرنا الحديث لين قلت له (وياليتني ماقلت ) ان الشي اللي لايمكن انسآه المشكله اللي صارت بالسياره قالي للحين تذكرينها قلت له ماراح انساهاااا قالي عشآن آريحك بقولك شي اني انا اللي دآق على الرقم واحد اعرفه دق علي من برا يبي فلووس ودقيت عليه وقلت له انهم بحسآبك بس قلت له ليش ماقلت لي لمن سألتك قالي وش دخلك ؟ قلت وش دخلني؟؟؟ قال اي ليش انتي تشكين فيني قلت له لا مو مسأله شك بس انا استغربت الرقم الدولي وحبيت اعرف قالي انا مسئول عنك بس انتي مايحق لك تسألين قلت انت مسئول عني وانا مسئوله عنك قال لا مالك دخل فيني.. لحظتها كنت قريبه منه حيل وجهي فوجهه بعدت عنه قام بيمسكني بعدت ايده بقووووه عن جد جرحتني هالكلمه هو تندم على طول قال اسف ومن امس ماكلمنا بعض الا بأشياء ضروريه فكرت ماسوي له فطور ولا اي شي واقول مو تقول مالي دخل فيك؟؟ بس بعدها فكرت قلت لا مابي اقصر بشي من ناحيته بعدين يمسكها علي.. وهو يحاول يكلمني يعني لمن جا من الدوام قال شخبارك وتكلمنا على خفيف بس ابي اعرف كيف اتصرف معه ؟؟ هو قال آسف بس هالشي مايرضيني آنا من حقي اشووف جواله انا المره الاولى قلت مابي امسك جوالك ابيه يندم بس طلع العكس ابي ابين له اني زوجته والمفروض مايكلمني بهالطريقه لأنه دايم يبرر تصرفاته بأنه عنيد هو طبعه لمن يزعلني عادي يرجع يتكلم ويحاول يلطف الجو بس هالمره ماودي امشيها أبيه يحس بكلمته شرآآآيكم شسوووي وكيف آتصرف معاااه ؟؟ |
اللي اشوفه ان الوضع عادي لكن انتي اللي كبرتي الموضوع وبطريقتك هذي شوي شوي لين تجي مشاكل اكبر مما تتخيلي انتم توكم في بداية حياتكم ويا ما لكم من الأمور اللي بتصير واذا ماتم التعامل معاها بعقل راح تكون مشاكل لها أول مالها تالي ... وبعدين على موضوع له شهور وأول ماجت لك الفرصة حبيتي تبينين له انك مانسيتي الموضوع اللي كان وهذا بيفسره على انك حقوده وتشيلين ... ولا تنسي اذا ماتنازلتي وتغاضيتي بيجي لك يوم تتمنين فيه انه يتنازل ويتغاضى ... ولا تنسي ... (( النار الكبرى مصدرها شراره ... يطفيها قطر المطاره ... وان خليت الدعوى تكبر ... ما أطفتها عين جراره )) .... الحيــــــــــــــــــــــــــــــــــــــــــــــ ـــــــاة تساااااااااااااااااااااااااااااااااامح ...
|
اختي انفاس .. اياك ثم اياك ثم اياك تضغطي على زوجك لحد ما تثيري غضبه و بعدين لا تلومي الا نفسك لما يجيك كف منه.. و هذا الموقف انت مريتي فيه و رفع يده عليك .. ليش تثيرينه لحد ما تخليه يفقد اعصاااابه ؟؟ لا تنسين انت زوجته و لست امه او شرطي تراقبي جواله و تفتشيه و تحققين معه .. مين قال لك انك المسوؤله عنه ؟؟ هو رجال و ما يحتاج احد يوجهه او يعمله كيف يتصرف .. اختي لا تحطي راسك براس زوجك لان في النهايه انت الخسرانه .. و زوجك اذا غلط عليك فهو يبادر و يعتذر او يجي و يكلمك عادي يعني مو لازم يقول لك كلمة (اسف) عشان ترضي غرورك .. اختي خليك الانثى الرقيقه .. الحبيبه .. العشيقه .. اللي من كلمه واحده من زوجها ترضى و تسامح اختي زوجك باين عليه انسان طيب و يحبك .. داري على شمعتك يا اختي و لا تخسري زوجك بتصرفاتك اللي ما لها داعي .. اختي الموضوع اللي ينتهي و تتفاهمون عليه لا ترجعي تعيديه في موقف اخر تختلفون فيه .. لان هذه عاده سيئه جدا .. وربي يسعدك .. |
حبيبتى هذا زوجك مو ابنك علشان تأدبيه هو أعتذرلك خلاص ما تسويها مشكله وتنكدى على حالك وتنكدى عليه إيش مطلوب منه بعد ما أعتذر أرجو لك السعاده فى الدارين
|
ولهان
شكرا على اهتمآمك ... انا ماعندي مشكله وبطيبته معاي اقدر اتجاهل هالشي بس هو بالدوام وطلع وانا ماكلمته بس صحيته وحطيت الفطوور واليووم بتجي اخته وزوجها يتعشون عندنا وانا متعوده اذا جانا احد واحنا متزاعلين ما آبين لحد واتكلم معاه عادي يعني كيف بنظركم اني ما اعآتبه ارضى فجأه ..؟ وش بيقوول فيني حاله نفسيــه هههههههههههه كيف ابدأ معاااه ..؟ |
عزيزتى
زوجك شكله باله طويل ويحبك بالحيل بس إنتبهى حبيبتى إنتى شكلك دلوعة شوى وتحبين زوجك يدلعك .. بس لاتخلين هذا الشى يخلى بال زوجك ينفد .. وإنتو للحين فى العسل ما شفتو مشاكل حقيقية .. وإن شاء الله ماتشوفون قريب .. حافظى على زوجك ولاتزعليه فى الفاضى ترى شكلو رجال وايد زين ويحبك .. والله يوفقكم ..... |
هذي غلطتي يا آميرات اني عدت الكلام بذاك الموضوع وهو آنتهىى
انا آشوف مشاكل اللي حولي وآحمد ربي كثييييير انا ماشفت الموضوع على اني آمه او آبي آربيه حنا من تزوجنا متفاهمين وكنت آشوف نفسي اني حبيبته اللي لازم ماخبي عنه شي والعكس وحتى لمن سألته ما قسيت عليه وبكل حسن نيـه ومن باب الفضوول سألت لأني وآثقه انه مو من النووع اللعوب بس هو ثآر فجأه وصار اللي صار انا مابي شي بيننا يتغير ... ابي اشوف رآيكم آسكت وماكن شي صار اعآتبه ..؟ ولا آعتذر آفيدووني .. |
أهمس لك همسه تعاملى مع زوجك على أنه حبيبك.........عشيقك وأنت سوف تعرفين كيف تبدئين
|
اقتباس:
لا يا اختي لما ترضين فجأه ما راح يقول فيها حاله نفسيه .. راح يقول هذه اطيب زوجه في الدنيا و قلبها كبير ومو حقوده .. تعلمي كيف تتصرفي في مثل هذه المواقف بذكاء الانثى .. و كيف تبدأين معاه ؟؟ اقتباس:
تعلمي من اخلاق زوجك الراقيه في فن التسامح .. |
اقتباس:
ونتصارع ههههههههههههه لأن ماعندي غيره بنفس المدينه وهو ماعنده الا اخته مشكورين فديتكم |
كلكم // جزيتم خيـــراً...
معليش آخذت من وقتكم لكن اعتبروني آخت لكم وآي خلاف بطلب مساعدتكم لأني مابي آشغل بال آمي آو آحدى قريبآتي علي :) يعني الله يعينكم @@ |
الحياة الزوجية تسير على التسامح والتغافل والمودة وزوجك ماشاء الله رائع ومحب لك وان صدر هفوات بسيطة لا تكدر الحياة لماذا تبحثين عن النكد عيشي حياتك بسعادة واتركي النكد واذا بدأتي انتي المسامحة عادي
والاشياء التي تثيره ابعدي عنها وابحثي عن مايقربكم لبعض واسرار بيتك حافظي عليها مهما كانت |
مشكوره سحابه لأهتمامك
|
اختي وفقك الله لكل خير
انتي اخطاتي في مماطلتك مااعطيته مباشرة الا عندما صرخ عليكي ....................! باين عليكي دلوعه وتحبي تدلعي :d اكتفي بردود الإخوان وفقهم الله عامليه ببراءه وتسامح والللللللللللخ الله يحفظكم من كل شر |
اقتباس:
جميل جداً. اثبتي على هذه القاعدة دوماً يا عزيزتي. نعم قد يكون تدخل الأهل ضرورياً ((في بعض الأحيان)) .. ولكن مثل تلك المشاكل البسيطة لا يجب أبداً أن تتعداكما. |
باين عليك دلوعه كثير تعاملي مع زوجك بحكمة |
غاليتي .......
لاتضيعي فرصة ان زوجك اذاغلط يتأسف..... تصدقي من تزوجت بحياته ماقال آسف ويردد انا بحياتي ماغلطت عليك .....كنت فاهمة ان الزوج زي البيبي ابربية على كيفي اثارية هواللي رباني ....تنازلت وتنازلت علشان امشي حياتي اذا على المكالمات راح تقولين ياالله والله اني تافهة وقفت على هالمشكلةالصغيره..... بيدك نعمه لاتضيعيها اعطية الثقة حتى يثق فيك ... تقبلي مروري ....... |
ذكرتيني في نفسي اول ما عرست كان زوجي نفس زوجج ..
وبايدي انا اللي خليته يبعد ويصير زعلي ما يهمه خلي دايما زعلج يكون لسبب لا تزعلين على كل شي لا تحاولين تغيرين ريلج انتي تغيري عشانه انا يوم كنت ازعل من ريلي كنت اكتب له رساله ... الحين بعد ٣ سنوات ونص زواج اقولج كان عقلي صغير واسباب زعلي تافهه والله اني اضحك على نفسي .. احس اني كنت ياهل لكن للأسف اكتشفت متأخر وايد خلاص ريلي صار انسان ثاني هالدلع اللي شفته رااااااح وماظن اقدر اصلح اللي انكسر انتبهي حبيبتي لا تزعلين على كل شي ... في بعض المواقف العتب يكفي ... وحطي عندج قاعده ... هاي نصيحه من اخوي الله يحفظه افصلي بين زعلج وواجبج كزوجه... بما معنى.. اذا انتي متعوده تسوين له ريوق سويه اذا متعوده تكوين له الشماغ اكويه اذا متعود اول ما يوصل من الدوام يشرب عصير شربيه... لأن هالشي مايخصه ابد بالزعل اللي بينكم الله يسعدكم ويبعد عنكم العين ويخليكم لبعض |
الله يكون بعون زوجك ...
حافظي عليه وما تضيعييه بايديكِ ... |
زوجك طيب ويحبك والدليل إنه يعتذر ياما رجال أغلاطهم أكبر من الجبال ولا يعتذروا
ولا تكثري من التدقيق لأن هذا يدفعه إنه يخبي عليك انسي وتناسي لتسير السفينة وأنتم ما زلتم في بداية الطريق |
اخت انفاس اذا ااستمريتي كذا مع زوجك صدقيني راح تتطلقي اسلوبك مرة سيء معه حتى لو هاوش أو هدد مو مفروض تجلسي شايله في قلبك خمسة شهور مو قلب ذا اللي يشيل هالامور التافة كل ذي الاشهر
|
معليش راح أكون قاسية عليك بس حبيبتي من خوفي عليك..
أنتي أنبسطتي على كلمة آســــف ودك لو كل شوي يعيدها .. لكن قولي الحمدلله اللي رزقني بزوج يقدرني ويعتذر مني ... لان أغلب الرجال مايعترفون بخطأهم .. ولايعتذرون ... زي ماقالت كنافه ... أنا أول زواجي أكابر وأزعل لمدة عشرة أيام و15 يوم وانواع الملل .. لكن أبو الشباب مطنشني .. وإذا بعدين تناقشنا قال ماغلطت علشان أعتذر .. وإذا بينت له غلطة ويكون واضح 100% قال عادي أنتي فهمتي غلط .. أو أنتي حساسة زيادة عن اللزوم ... يعني لاتدققين علشان ماتخسرين زوجك وإذا أعتذر عاد الله يعافيك أقبلي اعتذاره ولا تتغلين......... |
الاعضاء ماشاء الله ردودهم كافية ووافية ,,
وحابة ازيد ان زوجك الحين يعتذر ويتاسف لكن بيرجع يطفش ويمل ولو تشربين البحر بعدين ماراح يعتذر او يهتم لزعلك راجعي تصرفاتك ومو اي شي تسوي عليه زعل,,, صح اي وحدة في شي يضايقها من زوجها لازم توضح له ان هذا الشي ضايقها بس بدهاء حواء ومكرها بدلال وغنج ودلع وتغلي واذا حس واعتذر تقبلي اعتذاره وانسي السالفة خلاص مو لازم تعيديها حتى بعد مدة واذا صارت سالفة جديدة تذكري القديمة لاتكوني حقودة ترى الحقود اللي ماينسى الاساءة وخليك متسامحة مع الكل فما بالك بزوجك ... الله يهدي بالكم ويصلح شانكم يارب ,,, |
أنت الغلطانة أكيد ..خلاص تركيه وانصحك لا تتدخلي بشؤونه اقصد أذا شفتي شئ خطأ اعملي نفسك مو شايفة ومو كل شئ تتققي عليه ولسا ما صار لكم متزوجين الا شوي يعني الحياة بدها انك تتغاضين عن بعض الامور والرجل أصعب شئ عنده العناد يعني شو صار لو قلتي له ...على راحتك اذا ما بدك تقول لا تقول ..يعني عطيه حريته وبعدين والله كل شئ تاخذينه من الرجل بالكلام الحلو لان الرجل بده يعرض رجوليته على زوجته تركيه وبعدين كل شئ بيقولك اياه مع الزمن بس أنت عطيه الثقة والحب
أتمنى لك السعادة في الدنيا والأخرة |
الصراحه اختي بحسب كلامك حسيت زوجك مرررررررره طيب ويحبك ماشاء الله واحمدي ربك انه يعتذر كثير رجال مايعتذرون والظاهر انك حساسه زياده كلمه وقالها بلحظة غضب واتاسف لا تقعدي تذكريه باغلاطه هو مو ابنك حتى تحاسبيه على كل شي ترى بيمل
|
ترى بتتعبين لو قعدتي على هالحال لأن الرجال بوقت الزعل يرمو كلام ويسوون تصرفات بدون أي حساب أو أحساس أسألي مجرب
تعبت من حساسيتي الزايده لي 3 سنوات متزوجه وفيه بعض الكلمات قالها لي زوجي ببداية زواجنا بوقت زعل ولحد اليوم وانا كل ماأتذكرها ابكي وكلمانتزاعل على شي أرجع أتذكر وابكي واتنكد واعصب كانه توه قالها يعني المرأه الحساسه تتعب بحياتها الزوجيه كثيييييير |
الله يهديك زوجك اتسف لك وفهمك الموضوع خلاص انسي ومشي سفينتك بهدوء وحب وتسامح بارك الله فيك ويسعدك رب العلمين.
|
عزيزتي وكأنك تصفينني في علاقتي مع خطيبي (زوجي) سابقا... كنت مدللة الى حد لا تتخيلينه... لا أبادر بالإعتذار أبدا أبدا...ولا أقبل كلمة آسف مرة واحدة! خطيبي ما شاء الله عليه يعتذر حتى وان لم يكن المخطيء.. كنت لا أهتم مع أني أحبه كثيرا... حتى انتبهت على نفسي وفهمت أن ما أفعله خطأ.. حينها تغيرت كثيرا وفهمت أن الحياة أخذ وعطاء...أصبحت لا أكبر كل مشكلة وما شاء الله علاقتي به سمن على عسل.. أفهم ما يريده ويفهم ما أريده... عزيزتي توقفي عن هذا الدلال فهو غير محبب صدقيني وزوجك مع أنه يحبك الا أنه يبدو لي عصبيا والدليل أنه كاد ان يضربك.. لذا لا تعرضي نفسك الى غضب زوجك فهو قد اعتذر مرات ومرات ولا تعيدي له موقفا حصل منذ زمن وتقولي له بأن لم تنسيه الى الآن فهذا كفيل بأن يعقد علاقتك به كثيرا صدقيني... كوني انسانة شفافة تنسى الإساءة وتقدر ما يفعله زوجها لها...وتعلمي أن ما حصل قبل ساعة يعتبر من الماضي ولا يجب عليك ان تعيدي ذكره... لا تجعلي زوجك يهرب منك او يطفش صدقيني هذه الحركات وهذا الأسلوب ستخسرين الكثير ان ظللت عليه... تحياتي... |
تبين الصراحه اشوفك انتي غلطانه... انا من تزوجت ما قد فتشت جوال زوجي .. وتصدقين لو اني بموقف زوجك بسوي نفس الشي بعدين مكالمة دقيقه مدري دقيقتين وسويتي كذاا !!! كيف لو اكثر؟؟؟؟
ترا الخصوصية حلوه مو معنى تزوجتيه خلاص ماله خصوصية ... وعلى فكره انتي تقولين كنت هاديه واسأله بهدوء :) ترا هذا الاستفزاز بعينه :) |
اقتباس:
|
بسم الله الرحمن الرحيم
الاخت العزيزه ( انفاس ) حياك الله والله لست مجبراً على الرد على كلامك ولكني سأرد والله عشان مايصير لك زي الي صار لي مع زوجتي سبحان الله والله كانها انتي بالضبط حتى دائما تقول نفس كلمتك تجرحني سبحان الله !! كنت اعتذر لها والله ولكني لن اعتذر ابداً لانه كان نقطه ضعف مني بالفعل فيها من الدلع الشيء الكثير وهي الان ببيت اهلها ويعلم الله اني ساتزوج من اخرى قريبا اذا طال الامر ولن ارضى بها الا اذا اعتدلت اختي الفاضله ترى كلام زوجك صحيح هو مسئول عنك وانتي غير مسئوله عنه سواء شئتي ام ابيتي اختي الفاضله لاتلتفتي الى المشاكل الصغيره ارجوكي لاتكوني كزوجتي التي طفشتني ارجوكي كوني خير عون له لاتلتفتي لصغائر الامور ولاتفشي الاسرار لاهلك مهما كان مادام انه يعطي ويمدح ويؤثر ومعجب بك حاولي ان تكسبي ود زوجك .. اختي الفاضله اعلمي ان بدايه الزواج يكون هناك اختلاف في وجهات النظر والكل يريد كلمته هي من تمشي ولكن اعلمي ان الزوج هو الربان للمركب هو القائد لدفه هذه الحياه بما اعطاه الله من حكمه وقوه واتزان بالامور انتي من سوف تحددي حياتك القادمه : اولا : في حاله استمرارك على رايك والله اعلم هو طريق المشاكل والزعل والضيق و الانفصال حتى وان طال والله اعلم ثانيا : في حاله تغيرك وتحسين علاقتك معه والتخفيف من دلعك فستنعمين برغد العيش حياه افضل اتمنى لك حاه سعيده ووالله ماكتب ردي الا لكي تستفيدي من تجربتي تحياتي لك |
اقتباس:
أختي أنا أعدت قراءة موضوعك ولفتتني العبارات باللون الأحمر.. 1- ماذا يرضيك اذا؟ أن يفرش لك الأرض وردا ويركع امامك ويبكي حتى تسامحيه؟؟!!! ان ظللت هكذا فلا تتوقعي ان زوجك سيعتذر اليك في المستقبل أبدا أبدا صدقيني سيصبح زعلك دون أي معنى لأنك (شغالة زعل 24 ساعة) 2- من أعطاك الحق في تفتيش جواله؟ أتعرفين أن هذه العادة سيئة جدا؟!! ألست واثقة منه؟ اذا لم التفتيش؟ خطيبي جواله امامي متى أردت لكني أكره التفتيش فيه ولا أفتحه الا اذا طلب مني وكذلك الحال مع جوالي... 3-تستطيعين ايصال هذه الرسالة بطريقة أكثر أنوثة واحتراما من أن تعيدي ذكر الماضي له عشرين مرة في اليوم لا تعتقدي أن زوجك سينصاع لأوامرك بهذه الطريقة المتعجرفة 4- (أمشيها وما أمشيها)!! هذه الألفاظ لا تستخدميها مع زوجك...خلقك الله أنثى فكوني أنثى حقيقة ولا تعامليه وكأنك رئيسه في العمل...أنت زوجته... اعذريني على قسوتي كل ما اريده هو مساعدتك... تحياتي.. |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©