|
يضايقني جداً لبس زوجي بالبيت امام الخادمة
مشكلتي في لبس زوجي في البيت امام الخادمه ....
لبسه سروال قصير جدا قطن فقط لاغير تعبت معاه بكل الطرق حاولت امنعه مافيه فايده قلت هذا اللبس مايصلح امام الخادمه هي اجنبيه وبشر البس بيجاما او روب على الاقل فوقه مو راضي يقول انتي بطريقتك هذي تفتحي عيونها واتركيني البس براحتي الله يهديه ان شاءالله تكفون ادعوا له بالهدايه رغم انه مو انسان سيء لكن الشيطان مامات وانا اخاف عطوني حلول الله يرضى عليكم ويوفقكم يرجى عدم التطرق الى الجنسيات الإشراف |
طيب انتي تعالي له من ناحية انك تغيرين عليه و ماودك حد تشوفه الا انتي يمكن يفرح :) و يلبس
واذا ما اتغير قولي له خلاص انا مايرضيني اننا نكسب ذنوب بهذا السبب عشان كدا بسفر الشغاله ومابي شغالات الا لما تتعدل ... و خليه فتره يشوفك حايسه بدون شغاله و يجي اخر اليوم و انتي مهدوده و مافي دلع و لا دلال .. ساعتها بيجيب شغاله و بيحاسب على لبسه .. ولو انه شكله الوزاع الديني ضعيف عند زوجك .. لازم من الاساس تحاولي تساعديه على تقويته من خلال الاشرطة الدعوية وغيرها من الوسائل ... ا |
الله يعيني مساكين احنا الحريم محاصرين من كل مكان
كل شي سار يخوف سواء برا البيت او جوة البيت الله يكفينا شر الدنيا |
السلام عليكم
انا جديدة على الموقع واقولك حل طنشي الموضوع وخليك كانك عادي معاه ولاتغاري بيجي من نفسو ويبطل مع خالص تحياتي احلى وردة |
مساء الخير
حبيبتي قولي له حبيبي انا اغار عليك ما ابي احد يشوفك بالبس هذا الا انا وبس وقولي اخاف ان شكلك يعجب الشغاله وتسحرك وتفرق بيننا بعدين انتي لاتكلمينه بعصبيه كلميه بهدوء واذا رفض لاتزعلين منه حاولي مرات عديده بس واذا شفتيه طفش خلاص لاتقولين له مالك الا انك تقولين للشغاله لاتطلع من المطبخ بعدين ياحياتي اذا ما انتي محتاجه الشغاله سفريها اللهم اهدي زوجك وسخره لك والله لايفرق بينكم يارب |
يااختي اريح لقلبك سفري الشغالة
وعيشي بحرية انت وزوجك واذا كنت موظفة ومجبورة على الشغالة سفري هذي وجيبي وحدة عجوزة وخليها تتغطى عن زوجك بكذا يصير بقلبها هيبه للرجال ولا تفوت ابدا من قدامه |
اقتباس:
المشكله انا موظفه وما استغنى عن الشغاله |
اقتباس:
ااااامين |
دوري في النت عن فتوى و أعطيها له
|
عنــدي لك فكــره ولعلــها تنفع.... قومي انتي بشــراء مايعجبك من لبس له واهديه له... في صندوق جميل مع كرت به
كلمــات منك ... وحالما يلبسها اظهري له الفرح والاعجــاب الشديد به وانها تناسبه وشكله جميل بها... وفقتي غاليتي.. |
اقتباس:
|
والله حتى أنا أقول سفريها أحسن لك والله صار يجي من وراهم بلاوي لاتعد ولاتحصى وصدقيني راح تقدرين على شغل البيت أذا حطيتي الشي هذا في بالك كم فيه واحده موظفه وماعندها شغاله وعاسشه حياتها مثل ألي بدون وظيفه بالذات أذا ماعندك عيال كثير
لأن الحركه ألي يسويها زوجك خطييييييره مره ماأدري كيف يقدر يطلع قدامها بهالشكل الله يحفظكم ويهدي زوجك |
انا اقول خللي جنبك شرشف وكل ماشفتيه غطيه اكيد مرة عن الثانيه بيتعود ... وانتي حاولي انها تصير بعيده عن جلستكم... يعني غيري مكان الجلسه خللي قعدتكم اليوميه في غرفه داخليه بحيث ماتكون ممر للشغاله ... والله يعيننا على رجالنا يشوفون نفسهم هم الصح وبس
|
يالغاليه انا لو بدالك اصلا ما أجيب لي شغاله في البيت
أسوي شغلي بنفسي وراح ارضي زوجي واخلي الغيره في طرف وآخذ راحتي مع زوجي في البيت وزوجي ياخذ راحته معايا هذا رأي.................. [read]وتقبلي مروري يالحبيبه[/read] |
اقتباس:
والله انا مطنشه بس احيانا انقهر خصوصا اذا مرت من عنده او هو مر امامها |
اقتباس:
جزاك الله خير اختي نعومة بس الشغاله ماقدر استغني عنها اولا لظروفي الصحيه وثانيا لوظيفتي وعندي اطفال الله يحفظهم |
اقتباس:
واخاف اجيب عجوزة وماتقدر تشتغل وابتلش فيها |
خلي زوجك في مكان والشغاله في مكان ولا تبيني له الشي هذا
لمن تكونوا جالسين في البيت حطيها مثلا في غرفه مه اطفالك وقولي لها لا تطلعي من الغرفه او حتى لو كانت في المطبخ انتبهي لا تخلي زوجك يدخل للمطبخ وفي نفس الوقت لا تحسسيه انك غيرانه عشان لا ياخذها بالعناد الله يفرج همك |
كلام ميس فوفو صحيح لكن اختي هل لديك اطفال لان لبس زوجك , عفوا غير ساتر له و هذا لايصح امام الخادمة او الأطفال عندما يميزوا اقترحي عليه شورتات قطنية خاصة بالبيت ,,,استر و شددي على الخادمة ان لا تتواجد في المكان اللي فيه زوجك بحجة عدم الإزعاج ,, تحياتي |
اقتباس:
والله يهديه ويهدي جميع المسلمين |
شر البرية ما يضحك
كأنكم قاعدين تتكلمون عن طفل بريء تبون تحمونه وش ذا الحالة هذي من لم يكن له واعظ من نفسه لم تنفعه المواعظُ زوجك رجال كبير طالع ورايح وجاي وفاهم وش قاعد يسوي ويقولك لا تفتحين عيونها .. اهو قصده انتي غمضي عيونك وصيري هبلة والا اهو رايح جاي أمام عيونها بالهللبس ليش !! والا اهي توها طفله أم 3 سنين عشان لا تفتحين عيونها ليش اهي مو بنت شابة وتميز الحركات حركات الاغواء هذي الرجال ما يسويها إلا للبنت الشابة الي تفهم أما الطفله ما يسوي عندها هالشي لا يكون على باله توه بيبي طالع من اللفة .. رجال طول وعرض ومسوي مسؤول عن بيت و أطفال .. و عامل كامل العقل والدين هذي فعايلة لا .. لا يسوي طفل قولي له انت رجال يدك اطول مني وقاعد تلبس هاللبس عند الشغالة إذا قالك لا تفتحين عيونها قولي له .. انت الي فتح عيونك وبسك غفلة ( من حام حول الحمى وقع فيها ) خل عندك غيرة على محارم الله .. ترضى البس روب نوم عند الهندي واقولك لا تفتح عيونه ترى فوقك رب يراقب ويحاسب ( يعلم خائنة الأعين وما تخفي الصدور ) والشغالة هذي وليها الله .. والله لا يسمح لك أن تمد لها عينك أو تعمل لها هالحركات الله خلقك وخلقها .. وحط لك حدود ولها حدود .. لا تطللع عنها وإذا ما تخاف من الله مع أن الانسان ما يدري متى يرحل عن الدنيا وبأي نفس طالع والا نازل لكن خاف على بناتك وأعرف أن هالشكل الي طالع فيه أمام الشغالة بنتك بكرة ضروري رجال غريب يقف أمامها بهالمنظر ويمكن أكثر ويعمل لها حركات إغواء شيطانية ... وما تدري يمكن بنتك تطلع ضعيفة قلب وقليلة الايمان وتنجرف ورى هالحركات ترى الدنيا دواره ومالها آمان .. والي تعمله اليوم تشوفه بكرة واقعد تحسر في دنيتك وآخرتك و سأليه يمكن يبي حاجات اعمليها له ... وادعي رب العالمين أن يحميكم من إغواء الشيطان |
اختي هي جمله وحده قوليها لزوجك و من بعدها شوفي ردة فعله .. اختاري وقت جدا مناسب يكون هو رايق .. قولي له عندي جمله وحده بقولها لك و هذا الشي مضايقني كثير و قالقني .. ( اذا كنت فعلا تحبني و تبغى رضاي عنك لا تلبس هذا اللبس في البيت ) اذا غير لبسه فهو بالفعل يحبك و يبغى رضاك لان اللي يحب يفعل اي شئ من اجل ارضاء محبوبه حتى لو كان هذا الشي يضايقه .. مع انه تغير عادة زوجك في اللبس ليس بالشي الصعب ابدا .. وان ما غير لبسه بيني له انك حزينه و انه خيب املك في هذا الطلب اللي طلبيته منه .. و طمنينا عن اخر الاخبار .. |
الله يهديه...
بيني له غيرتك عليه وإنك مايعجبك حدا يشوفه غيرك....وإن قلبك يعورك كلما شافته الشغالة بالثياب هذي... الله يساعدك... |
اقتباس:
الله يهديه يارب |
لازم تقنعيه بتغير لبسه الصراحة لبسه هذا مغري في وجود انسانه غريبة عنه والشيطان شاطر انتبهي
اشتري له قمصان واسعة للبيت وكلما اراد تغير لبسه خليك مجهزته له حتى يعتاد عليه ااعانك الله اختي |
اسمحي لي اختي اللي قالت
قولي له اني اغار عليك واخاف من الشغالهتشوفك كذا والشيطان شاطر اتوقع بان الزوج بيزيد وبتفتحين عيونه ويتلفتين نظره لاشياء يمكن غايبه عنه ويفكر في الغلط احتمال هذا الشئ يصير فحاولي باساليب ثانيه بطريق غير مباشر انه يغير لبسه او ماتخلين تجي الشغاله جهته ولا تلتقي فيه وهو لابس هذا اللبس القصير |
حبيبتى انا من وجهة نظرى ماتقولى له انا اغار عليك ومااحب احد يشوفك كدة حتى ماتتفتن بيك والاشياء هادى
لااااااااااااااااااااا الكلام هاد ممكن يزيده انتبهى لانه حيلفت نظره والرجال تحب كده انا ارى انك تجيبيها من باب الدين وانه فى عورات وحرام تلبس كده لانها اجنبية واننا مانبى ناخذ ذنوب من وراها |
اقتباس:
جزاك الله خيرا |
اقتباس:
|
اقتباس:
اختي باريسا ما ادري وش اقول بصراحه كلامك خوفني مرررررررره مشكووووره يا اختي كلامك فتح عيوني كثيررررر عن اشياء غافله عنها |
عيب والله عيب
اشهالعالم يلبس شورت قصير عند الخادمة ليش زوجتك مو بشر وتغار ياحبيبتي اذا مافهم من نفسه مستحيل احد يقنعه |
أختي ماجاوبتي على ردي !!!!
أريد رأيك ... |
اقتباس:
ان شاءالله اختي راح احاول قد ماقدر الله يهديه ان شاءالله |
اقتباس:
اسفه اختي رسيل شكلي تجاوزت بعض الردود سهوا مارديت عليها راح ارجع لردك يا رسوووله تسلمين حبيبتي |
اختي دلوعه اسمحي لي بدون زعل .. لاحظت من خلال ردودك ان همّتك ضعيفه و لا تستطيعي ان تواجهي زوجك .. كذا مره كررتي ( راح احاول) .. اكاد اشعر بترددك و خوفك من مواجهة زوجك حتى بالكلام الطيب .. مثل ما قلت لك قولي له بكل هدوء و في وقت يكون رايق : اذا كنت تحبني غير لبسك .. رديتي علي راح احاول !!!!!!! ما هذه السلبيه و هذا الضعف و هذا التردد؟؟ هل زوجك شخصيته قويه و تخافي منه ؟؟ قوي قلبك اختي و لا تسمحي بهذه المهزله في بيتك .. والله قهرتيني .. |
اقتباس:
|
اقتباس:
فكره رااائعه الحقيقه راح اسويها ان شاءالله مشكوره رسوووله |
اقتباس:
والله يساعدني راح احاول اكثر الف شكر اختي الغاليه |
اقتباس:
وببذل جهدي كمان مشكوره سحابه |
اقتباس:
والله حيرتووووووووووووووني اللي تقول قولي اغار عليك و و و واللي تقول انتبهي لاتبيني غيرتك ولاتقولي له و و و تكفووون رسوني على بر اسفه اختي بس ودي احصل حلول منطقيه تساعدني بدون ما اتشتت مشكوره |
| الساعة الآن 06:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©