|
لكل حامل (بنت ولا ولد )
السلام عليكم ورحمة الله وبركاته
موعدي بإذن الله مع الدكتور بعد إسبوعين ...وراح أسوي أشعة صوتية أكون تقريبا في الأسبوع الـ 14 من الحمل .. ومدري اللقافة قاتلتني .. أبغ أعرف بنت ولا ولد .. الكل يقول لي وأنا كمان أقول أهم شي الصحة .. ويكون كامل الأعضاء وسليم .. يارب لكن أنتو عارفين بني ادم طماع .. يارب أرزقني الولد الصالح .. ولو قالت لي بنت ماراح أقول غير يارب لك الحمد كما ينبغي لجلال وجهك وعظيم سلطانك.. مدري .. أنتو مثلي تحبو تعرفو بنت ولا ولد ولا تخلوها لوقت الولادة ؟؟ |
انا ودي اعرف اذا كنت حامل
لكن ودي اعرف ولا اقول لحد حتى زوجي اى موعد الولادة الله يزرقك الولد الصالح يا رب بشرينا |
بكر الشيايب
أشكرك على المرور والله يسمع منك يارب .. إن شاء الله أبشركم .. إن شاء الله |
والله انا أحب أعرف
بس صراحه ما أعتمد على الأشعه الأولى لأن يكون فيه احتمالية خطأ وصارت كثير الله يسهل لك ويرزقنا وياك الذريه الصالحه |
شووكرا يالينا
صحيح كلامك أحيانا يكون في خطأ وبالذات في الأولى .. لكن عمرها ماصارت معايا قالولي بنت وفعلا طلعت بنت أستغرب لما أسمع وحدة تقول قالولها بنت وطلع ولد .. لأنو على حسب ما سمعت إنهم في الأشعة يشوفو تكوين الجنين من الداخل .. يعني إذا بنت راح يبان الرحم والمبيضين كذا يعني والله ما أعرف .. الله يكتب لي اللي فيه الخير |
انا بكون سعيدة اكثير بالبنات وبحب اعرف عشان احضر لبس الطفل واختار الالوان المناسبة له كل اللي يجيبوا ربنا كويس الف حمد وشكر الك يارب
بنت ولا ولد الاثنين زي بعض ربنا يهنيك يارب وتكون بنت زي القمر ولا ولد زي العسل قولي امين |
الله يرزقك ماتتمنين ..
وفعلاً أهم شيء حسن الخلق .. أنا كنت أتحمس أبي أعرف ... غريبه زميلتي . .. في أول حمل لها كانت إذا دخلت على الطبيبه تقول لها لاتقولين لي النوع أبغاها مفاجأة .. وحتى زوجها زيها .. وجهزت أخضر .. أصفر .. بيج .. وجابت بنوته ... تقولي ماتتخيلين حجم المفاجأة .. في حملها الثاني من الشهر الثالث وهي متحمسة .. تبي تعرف وقالت لها مابين وبعدين قالت بنوته وماشاء الله جاها بنوته |
تسلميلي ياحرم المعلم ..
والله ماهمتني الملابس .. أنا مو من النوع اللي أقيد البنت بالوردي والولد بالأزرق .. عادي أشتري أزرق على أحمر على وردي .. حلوة كل الألوان على المواليد .. لكن سبحان الله لأنو ماعندي ولد فأتمنى الولد .. ربي كريم .. والله يرزقني يارب .. دعواتك ياحرم المعلم |
دائماً رددي اللهم أرزقني الذكر الصالح حسن الخُلق والخَلق والهيئة يارب العالمين
دعواتك لولدي بالشفاء |
أنا شخصيا أفضل اني أعرف عشان ماأشفي أو أتعشم ويطلع الي في بطني غير الي أتمنى وبعدين أنصدم,,,أنا في بنتي الأولى كنت حاطه في بالي انها ولد يمكن من كثر ماتمنيت انها تكون ولد,,((عندي عقده احنا 6بنات وولدين))رغم ان الوالد الله يحفظه هو والوالده مايفرقون بينا أبدااا والله بس سبحان الله عقليتنا وصعب نغيرها))والحمد لله اني عرفت انها بنت من بدري في الشهر الرابع عشان مايزيد عشمي بالولد وتكون صدمتي أكبر,,في الثاني جاني نفس الاحساس ان الي في بطني ولد والحمد لله ضبط احساسي وجبت ولد,,الخلاصه أنا أقول الوحده لاتترك نفسها لاحساسها خاصة اذا كانت تتمنى جنس معين فاتنصدم اذا ماجاها ماتتمنى,عموما كلهم ذريه الله يصلحهم ويخليهم لنا,,
|
انا ما بقدر اصبر لاااااااااااااازم أعرف شو معي
ما بحب المفاجآت اللي من هذا النوع بحب أكون متحضرة نفسياً و محضرة جميع أغراض البيبي و ملابسه و هالايام ملابس البيبي إما أزرق للولد و إما زهري للبنت ما بحب أشتري كل شي أبيض أو أصفر للطفل لااااااازم يكون للبنت شي بناتي و للولد شي صبياني هدا غير انه بحب أحضر الاسم قبل الولادة و الجدل على اسم مع الزوج أسهل من الجدل على اسمين :) لكن على كل حال صعب الآن انتي تحددي نوع الجنين من 14 أسبوع ما بكون مبين اصبري شوي لنهاية الرابع و الله يخترلك اللي فيه الخير |
اقتباس:
أشكرك من كل قلبي |
اقتباس:
وهذا اللي بيصير معي .. مأمله نفسي على الولد .. وباقي مشوار على الولادة الله كريم |
سمو الأميره معليش رجعت مره ثانيه
بس تصدقي يقولوا الأم بيكون عندها إحساس بجنس الجنين انا جبت بنتين وبعدهم ولد وسبحان الله كان احساسي يسير |
سلطانة نفسها
ممكن تتمني ولد او بنت لكن صدقيني في احساس جواتك واساليني مجربه |
اقتباس:
ماريا أنا زيك نفسي أعرف لكن خايفة على نفسي من الصدمة وفعلا أتوقع إنو ما يبان لأنو بدري والبعض يقول يبان .. أما الإسم أصلا أنا حتى لما عرفت في بناتي ما نسمي إلا بعد الولادة فعشان كدا مو مهتمة في الأسم كتير دعواتك ياماريا دعواتك |
اقتباس:
المرة دي أكتر من المرات اللي قبل .. يارب إحساسي يصيب المرة دي |
بحملي الاول قالت لي الطبيبة نوع الجنس و انا بالخامس ... طبعا كنت بموووت عشان اعرف
انوااع اللقافة مو بس لوحدي كل العيلة لانو كان الحفيد الاول من الطرفين :) اتخيلي كنت اقرا بالانترنت عن طرق معرفه جنس الجنين فيا من تلاقيني منسدحة و اجرب ببطني ... يقول علقي دبلة الزواج بخيط و امسككيها فوق بطنك لو دارت بشكل دائري بنت ولو بشكل طولي ولد ... :) وكل يوم تجربة شكل .. لغابة ماعرفت و كان ولد ربي يخليه و يحفظه و طبعا امي بشرت .. بس زوجي ماكان مصدق يقول في احتمالية للغلط .. و ان شاء الله بالحمل الثاني اذا ربي كتب .. لاازم اعرف ماااقدر :) يالمناسبة حابة اعلق على قولك اقتباس:
عشان كدا لو قالو لك ولد معناه ولد .. واذا بنت في احتمال يكون خطأ ... لانه الشي البارز قد ما يكون بروزه واضح فايقولو بنت ويكون مش بنت .. ياستي بنت ولا ولد الحمدلله على النعمه و اهم شي الصحة و التربية الصالحة ربي يرزقك اللي تتمني و يتمم حملك على خير و يجعلها ساعة ولاده سهلله ياارب ويفرحك بشوفة ابنك صحيح و معافى من كل شر يااارب العالمين |
اقتباس:
ههههههههه نورا كأنك تتكلمي عني .. أنا الان كدا ماخليت شيئ وجربته .. كل التجارب اللي في النت سويتها أخخخخخ يانورا وكلها تطلع إنو بنت .. بنت ... بنت سويت كل التجارب .. وشفت في منتدى كاتبين تجارب على الزوج .. لكن زوجي مايوافق أطبق عليه .. يقول بلا خرافات طبعا مو هوا اللي حامل وتعبان .. شووووكرا على المرور حبيبتي |
[gdwl]بصراحه ولد ولا بنت كله خير من رب العا لمين
اهم شي الصحه والعا فيه ونقوم بسلا مه وهذا اكبر نعمه والحمد الله عندي ولد وبنت وحامل في الثالث ويلي يجي من ربنا كلهم حلوين وتحياااااااااااتي للجميع[/gdwl] |
اقتباس:
والله يكتب لنا اللي فيه الخير ويجعلهم بارين فينا يارب |
هو متا بيبن جنس المولود
انا زيك بيكون في الاسبوع 14 وبكون في زيارة للدكتور وبدي اسال انا بقول اهم شي يا رب يكون خلقة كاملة وشريفة والحمدلله بس حابة يكون ولد واللي من عند الله حلو |
اقتباس:
الي يقول هلكلام يكون خايف من العين فلا تستغربي الله يرزقكم بلذريه الصالحه |
اقتباس:
يارب يرزقني ويرزقك الولد الصالح ما أدري إذا يبان ولا لا في الأسبوع ال14 أنا سألت الدكتور هنا في المنتدى ومنتظره يرد علي |
اقتباس:
تصدقي أنا قلت نفس كلامك وحدة أعرفها كل ما أسألها عن زوجة ولدها تقول لي حامل في بنت وسبحان الله تولد ولد وكل مرة يقولو الأشعة طلعت غلط .. والله أعلم خايفين من العين .. الله يحفظلهم أولادهم .. العين حق |
حتى أنا قاتلتني اللقافة نفسي أعرف و زوجي يقول يا بنت الحلال خليها مفاجأة أحسن قلت ما أقدر على الأقل أنا اللي أعرف بس
سبحان الله رحت للمراجعة بداية الخامس على أساس إني أسأل سريا و متحمسة أكثر من اللازم لأنه أول واحد و قالت الدكتورة كل شيئ تمام الحمد لله و طلعت نسييييييييييييييييييييت نهائيا ما جاء على بالي أبدا و يوم أرجع البيت إنقهرت و للحين مقهورة لأن المراجعة الجاية بعيدة كل يوم أفكر أجيب خطة عشان أروح المستشفى لكن مافي أمل إني أروح الظاهر |
اقتباس:
جداوية تقدري تروحي لنفس المستشفى للطوارئ وتطلبيهم أشعة يسووها لكي تاني يوم أكثر الحريم يسوو كدا .. قوليلهم أبغ أتطمن على البيبي أنا لو رحت أنسى إسمي ولا أنسى أسألها بنت ولا ولد والله ما أبغ أسأل ونفسي ما أسأل عشان ما أنصدم وأتعب لكن أيش أسوي ... مخي يابس مقدر أعيش زي الأطرش في الزفة .. لااااازم أعرف شكلي راح أطلب منهم يوم الأشعة تخدير كامل:d .. عشان ما أفكر .. ولا أسأل ولا شي |
يا حبيبتي قلبي معكي
انا يوم كنت حامل ببنتي طلبت من الطبيبه ما تعلمني بجنس المولود وما عرفت لحين العملية و حمدت ربي لكن اختي الله يحفظها قتلها الفضول الزايد هي عدها بنت هسه حامل ببنت ايضا انا ما عندي قناعة بتصوير السونار ولا حتى الايكو اثنين من اقاربي قالولهم ولد وساعة الولادة عرفوا بنت وبنت عمتي جننوها يوم يقولون ولد ويوم بنت على فكرة ترى الطفل يحس بتقلب نفسية الام بالرغبة فيه او العكس وتؤثر على تصرفاته في المستقبل (هذا كلام اطباء ) الله يرضيكم بما يعطيكم ادعولي الله يرزقني الطفل المعافى |
اقتباس:
زهورة الله يجزاكي بالخير أنا عشان اللي في بطني ما يتأثر ما أبغ أعرف .. يعني لو قالولي بنت أكيد غصب عني مو بكيفي راح أتأثر .. أنا راضية بالبنت والله رااااااااااضية ... لكن نفسي في الولد .. والله يعلم فين الخير |
اختي
ملاحظه انك تكرري كلمة (صدمه) لو طلعت بنت وتبغي تعرفي الان عشان لا تنصدمي بس حبيت اقولك احمدي ربك واشكريه غيرك يتمنى بنت وحده بس اهم شي الصحه والعافيه ايش تبغي بولد مريض او عاص ... خذيلك لفه في قسم عاشقات حلم الامومه عشان تعرفي قد ايش انتي بنعمه ويغبطوك عليها ملايين.. اعرف انه نفسك بولد وهذا من حقك (النفس تشتهي) لكن لا تقولي ( صدمه وماعرف ايش) عشان لا يبلاك ربي بولد غير طبيعي.. اتمنى اكون ما ازعجتك بملاحظتي والله يرزقك بالولد الصالح البار المعافى عاجلا غير اجل.. |
اقتباس:
وربي عالم باللي بداخلي عمري ما أعترض على قضاءه وقدره جزاكي الله خير |
ما راح أروح يا سمو الأميرة لأني أخاف من الأشعة
|
بصراحة لم يحدث أبداً أن جربت شيئاً من التجارب التي أقرؤها على الإنترنت أو التي تحكيها بعض النساء .. ولكنني دائماً أتمنى لو أن جنس الجنين يظهر منذ الشهر الأول ;)
حقيقةً ليس عندي صبر للانتظار طوال تسعة شهور حتى أعرف ما في بطني!!!!! بالنسبة لإحساسي فهو خائب تماماً ... وعندما حملت لأول مرة كان إحساسي أنها بنت .. ربما لأنني أساساً كنت أتمنى بنتاً .... ولكن طبيبتي أخبرتني أنه ولد .. وبالفعل شرفنا ولي العهد سلطان ;) والآن كذلك لا أعتمد على إحساسي لأني أمنيتي في البنت لازالت طاغية ... إلا أن الطبيبة تقول إنها بالفعل بنوتة ... ولكن ولأنني أدرك أن الخطأ وارد حتى مع فحص السونار فإنني لازلت كل مرة أذهب فيها للفحص الدوري أسألها: بعدها بنت؟؟؟ ;) على كل حال ... ليس لي إلا الدعاء .. فاللهم متع عيني برؤية ما في بطني سالماً معافى من غير سوء. ورزقكِ الله يا أختي ما تتمنين ومتعكما بالصحة والعافية والسلامة. |
الله يرزقك الولد الصالح ياسمو الاميره
وترا احيان كثير يغلطون انا في بنتي الكبيره قالو لي ولد وانا بالشهر الخامس اذا ماني ناسيه ويوم سويت اشعه بالشهر الثامن قالت لي الدكتوره انها بنت طبعا انواع الصدمات مو اعتراض لا والله بس مدري هيئت نفسي على الولد هههههه والله البنات يهبلون وش زينهم بس بولدي قالو لي ولد وفعلا ربي رزقتي بولد الله يرزقك الولد الصالح والي يجي من ربي نعمه |
ادعولي يابنات ..
اليوم دخلت الشهر الرابع .. وبعد أسبوع الأشعة .. الله يكتب لي اللي فيه الخير |
انا عن نفسي متحمسه اني اعرف بس ماراح اقول لاحد حتى زوجي ابغاها مفاجاه للكل
|
هلا اختي سمو ان شاء الله الله يرزقج بالذريه الصالحه تامه الخلق
بس ياريت لو سمحتي اذا رحتي موعدج تسالينها عن موضوعي اظنج انج قريتيه انا ابي ادري شو جنسه بس ريلي قال يبيها سبرايز وانا موعدي الثاني متاخر على نهاي شهر 6 اتمنى ما اكون ثقلت عليج حبيبتي |
اهلا اختي
بصراحة انا مثلك اتحمسسس ولا اقدر اكون حامل ولا اعرف وش جنس اللي ببطني بولدي الاول ..وصلت الشهر الخامس وقالوا لي ولد والحمد لله فرحت بعدين غيروا دكتورتي لفترة ورحت للدكتورة الجديدة ..واقول لها طمنيني عالولد تقول نعم؟ مين قال انه ولد اصلا طبيعي تفاجأت .. كررت السونار وقالت ها بصي وشوفي دي ببببنت والله !!! طلعت وانا محتارة هي بنت ولا ولد .. وانتظرت شهر تقريبا او اكثر بعدها جات دكتورتي وقلت اللي حصل عملت لي سونار وبالضبط خلتني اشوف العضو الذكـري وصورت لي كذا صورة لاكثر من زاوية وفعلا طلع ولد ... الحين انا حامل مرة ثانيةـبالرابع الاسبوع الثاني ولحد الان ماعرفت الجنين شو ..بس بعد اسبوعين عندي مراجعهـ واتمنى اعرررف اتجهز نفسيا لاستقبال المولود او المولودة ..واجهز الملابس والاسم .... حبيبتي طبيعي اللي تحسي فيه الله يرزقك الولد الصالح وتفرح عيونك بشوفته وتربيه احسن تربيه ولو جتك بنت ..الله يحييها وقسمة ونصيب اهم شي الصحة والسلامهـ ,,, موفقة عزيزتي بشرينا عنك ... |
اقتباس:
أبشري راح أسألها بإذن الله |
هلا سمو الاميرة اخبارج
|
| الساعة الآن 03:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©