|
انا خايفه من الزواج
السلام عليكم صلو على النبي هذا اول موضوع لي اولا انامطلقه من سبع سنوات ولا فكرت اتزوج الاهالسنه لانه انا همي بس كله بيت , شغل , دراسه بسسسسسسسسس والحمدالله انا على خلق وجميله بس مشكلتي معقده من زواجي الاولي والاخص انا اللي خلعته والحين بعد سبع سنوات فكرت الامر بجديه ا اشوي والحين مشكلتي بزواجي الثاني الحين مادري من شنو خايفه اوخايفه من الفشل وربي مادري ابي حد يساعدني وخطيبي هذا كان متزوج وطلقها س الخوووف من السيطرةالرجال او الغيرة مادري انا وش خايفه منه انا حرة وما مشيت بالطريق الخطأ ولله الحمد بفضل الصلاه والاستغفار يمكن لاني دلوعه البيت اطلع واروح واجي منغير تحكم بشكل كبير طبعآ اناالساعه سبع ونص اكوون في البيت وهذا تحكم امي وابوي علي وانا راضيه فيه وحاولت اتزوج ما قدرت وربي احيانآ يتقدمون لي بالشهر اثنيه او ثلاثه وارفضهم كلهم من الخووووف انا عمري الحين 26 سنه وخطيبي اكبر مني بتسع سنوات يعني الحين عمره 35 سنه وانخطبت بشخص انعجب فيني في المركز اللي ادرس فيه وطبعآ كان متزوج وطلقها ومن اسباب الطلاق انه اكبر منها بـتقريبآ 11 سنه وه عمرها تقريبآ 20 او 21 ومن اسباب الطلاق بعد انها تقعد معاة اسبوع او اسبوع ونص وشهر شهرين في بيت ابوها يقولها ارجعي تقوله لا مابي انا مستانسه مع خوات وبنات خالتي نروح الستي ونطلع وانا خايفه الحين وش الحل ارجوووكم |
لو اختيارك موفق بالرجل المناسب
لا تخافى لانه راح يكون احن من والديك عن نفسى ياعنى لو بحب شريكتى |
عليكم السلام ورحمة الله
اللهم صلى وسلم وبارك على سيدنا محمد وعلى اهله وصحبه وسلم اخنى اذا كان الاختيار بناءا على الدين والخلق بأذن الله لن تندمى ابدا اما اذا كان الاختيار مبنى على المظهر او المنصب والمال فلن تامنى العاقبة وهذا تصديقا لحديث الروسل الكريم صلى الله عليه وسلم اذا جاءكم من ترضون دينه وخلقه فزوجوه الا تفعلوا تكن فتنه فى الارض وفساد عظيم او كما قال عليه افضل الصلاة والتسليم ولكن المشكلة يا اختى كيف نتأكد من ذو الدين والدين الحق وليس المظهر من لحية او تقصير الثوب والتزام المسجد لفترة قصيرة حتى ينخدع به الناس ومما يكشف هذا الامر كثرة صلاة الاستخارة واللجوء الى الله عز وجل وكذلك السؤال ولكن اهم شىء اختيار الشخص الذى سيتولى السؤال ان يكون مجد ومجتهد وآمين وكذلك اختيار من نسأله ثم نسأله بالله ان يقول كل ما يعلم لان بعض الناس هداهم الله يعتقد انه قوله السوء هنا يعتبر غيبة وسبب لافساد الزواج والحصول على الحلال ولكن يجب توضيح انه هنا مأتمن مثل الشاهد فى المحكمة ولكن كل هذا ايضا يجب ان يواكبه القرب الى الله من طرفك انت والابتعاد عن كل ما يغضب الله والالتزام التام بكل ما آمر الله عز وجل والتوقف فورا عن اى معاصى او ذنوب مع حسن الظن بالله بأنه سيقبل التوبة بأذن الله وسيبدل السيئات حسنات بفضله وكرمه ولا تنسى اختى الكريمة ان الزواج سنه رسول الله عليه الصلاة والسلام وهو من قال ومن اعرض عن سينتى فليس منا وايضا اليوم انت وردة بين اهلك بارك الله فيهم ولكنهم لن يدوموا وايضا جمالك لن يدول الا تتمنى ان تكونى ام و زوجة وليس معنى ان الانسان فشل مرة انه سيفشل كل مرة ولكن يجب ان يتعلم من الخطأ ولا يكررة بأذن الله ويجب ان يتفاءل ويحسن الظن بالله عز وجل |
لو شايفه انه علي دين وخلق وبيصلي دي اهم حاجه الصلاه خلاص اتوكلي علي ربك واعملي استخاره ومفيش داعي للخوف انتي مريتي بتجربه وفشلت خلاص لا ترتبي كل شيي عليها اتوكلي علي ربك
وربي يكتبلك الخير |
ليه خايفه.. عادي.. لاتخلي ماضيك ياثر ع مستقبلش وحياتش..
الكل يمر بتجارب ويعيشها.. انتي مب اول وحده.. لاتخاف ولاتحاتي.. وانشاء الله مايصير شي الا فيه صلاح..خلي ايمانش بربش قوي.. |
استخيري الله وربي يجعل لكي مخرجا
|
اقتباس:
سُبْحَانَ الله وَ بِحَمْدِهِ سُبْحَانَ الله العَظِيِمْ الله المستعان والله كلامك على عيني وعلى راسي بس بعد الخوف مسيطر علي ومشكووور على ردك |
اقتباس:
سُبْحَانَ الله وَ بِحَمْدِهِ سُبْحَانَ الله العَظِيِمْ الله المستعان الصراحه اشكرك على الكلام الاكثر من رااائع واللي يريح قلبي اشوي بس بقولك على حاجه قبل لا يعرفني كان ما يصلي عدل يعني مقطع في صلاته وانا لا مستحيل اخلي صلاتي ولو شنو وربي احيانآ اوقف عند اقرب مسجد واتخبى في اي مكان واصلي معاهم وبعدين لما يغا يتقدم لي قلت له اذا تبيني صلي يقولي انا اصلي والحمد الله قلت له لا انت تصلي صحيح بس تقطع في صلاتك والحين اشوفه ما شاء الله عليه يصلي اكثر التزام بس عندي مشكله بسيطه كلما اصلي الاستخارة ثاني يوم تطلع لي سالفه منه او اكتشف شي مثلا سألت عنه وقالي عنه كذا وكذا وماعرفت هل هذا دليل انه مش خير لي والله مادري بس هو طيب وعلى خلق وعلى قولتهم مش راعي بنات وش تنصحني يا اخوي تكفوووون لا تخلوني ولا هنتي يا اخوي واشكرك مرة ثانيه |
سُبْحَانَ الله وَ بِحَمْدِهِ سُبْحَانَ الله العَظِيِمْ
الله المستعان اخميمه مش عارفه وش معنى اسمج ههههههه مشكوووورة واسعدني مرورج وراح احطه بعين الاعتبار |
اقتباس:
سُبْحَانَ الله وَ بِحَمْدِهِ سُبْحَانَ الله العَظِيِمْ الله المستعان يا عزيزي او عزيزتي ماعرفت اسمك على شنو يدل ولكن اسعدني مرورك وحبيت اوضح لك شي صحيح مااراح اخلي الماضي يأثر فيني بس وش اسوي انا سبع سنوات خايفه وربي اذا حد تقدم لي تحصلني ابكي واتضايق واحس الدنيا مسكرة في وجهي ومااتذكر وهو ماضي على قولتك في ماضي عن ماضي يفرق انا تعذبت مع طليقي وخلاني اكرة الزواج او كل رجال يمر في حياتي والله المستعان |
تزوجي صاحب الخلق و اللي يعجبك منطقه و شخصيته
و أهم شي لا تدعي للشيطان أي سبيل انه يفرقكم بأن يجعلك تقارني بينه و بين طليقك معظم الأحيان اللي بصير باللي خطب او تزوج من قبل أنه يبحث عن مواصفات شريكه اللي تركه و فوقها زيادة و هذا شي مستحيل لأن الناس تكامل مو تفاضل يعني كل واحد فيه الجيد و السيء و استحالة تلاقي كل ما كان في طليقك من حسنات و فوقها حسنات أكتر انسي طليقك و ماضيكي و افتحي صفحة جديدة و كأنك بتتزوجي أول مرة و لو منعك زوجك من شي لا تعترضي و كوني له زوجة صالحة و لا تقارنيه بأهلك الزواج حب و الحب تضحية الله يوفقك و يتمملك بالخير |
ان شا ءالله يا ماريا وبسمع كلامج حبيبتي
|
ياقلبي انسي الماضي وان شاء الله ربي بيوفقك
واصابع يدك ماهي سوا يمكن هذا يسعدك بسنصيحه استمري بالاستخاره والله يكتبالي فيه الخير |
اذا كان هذا المتقدم صاحب دين وخلق ومحافظ على الصلاة واستخيري ربك اكثر من مره
اعانك ربنا على اختيار الصواب واسعدك الله وعوضك خيرا |
ام يارا
سحابه صحراء ولكموووو على على الرد وان شا ءالله بحط نصيحتكم بعين الاعتبار ولا هنتو على مروركم |
الله يكتبلك الخير ويبعد عنك كل شر
|
مشكوورة على المرور حبيبتي
والله يوفقج ويوفق الجميع |
الله يوفقك ويكتب لك الخيرة حيث كانت ..
،،،، بس يبدولي والله أعلم أن بعد كل استخارة تكتشفي شئ غير جيد .. !!! فهذا مؤشر لك بإعادة النظر بدل المرة ألف مرة !!! ،،، آتمنى لك كل ماهو آجمل مافي الوجــود .. |
المفروض أن ننسى الجزء الذى مر من حياتنا ونبدأ من جديد ويمكن أن يرزقك الله بما هو أفضل
|
توكلي على ربك و استخيري و اسشيري
|
الاستخارة يا أختي
واسألي عن الرجال زين أهله اخوانه أصدقاءه وتضرعي يا أختي الى الله في الدعاء لأن الله سبحانه هو الوحيد الذي يعلم إذا كان هذا الشخص يناسبك أو لأ وانتبهي تغتري بالمظاهر أو الكلام الحلو الله يسعدكم |
شوفي ياختي الاستخاره ثم الاستخاره وماتحدث الامور بعد كذا هوالخير لك اذا كان خير لك راح تمشي الامور وراح تزوجي منه واذا كان شر راح تدخل امور في امور ولن يكون من نصيبك الاستخارة ياختي مو انك تحسين بشي لا مو شرط انك تسحين بشي ممكن انك تكونين سعيده مرة وفرحانه فية وبعد كذا مايتم النصيب موشرط الله وحدة عارف وين الخير لك واقولك عن تجربه صعبه مريت فيها لو سويتي بحث باسمي بنفسج والمواضيع الى كنت اكتبها والى اي درجه كنت محتاره بالى تقدمو لي مع بعض سبحان الله 3 مع بعض بنفس المده والفترة الزمنيه واحد فيهم الى كان مستبعد تماما اني اقبل فية بسبب سمعه له سيئه بالشركه مع انه يشتغل مع اخوي ورفضت قريبي وصديق اخوي المقرب رفضتهم كلهم وقبلت المستبعد تماما الي فيه سمعه الي ساكن بعيد عن منطقتي الي مايقربلي حتى وبعيد جدا عن قبيلتي وكل هذا سبحان الله بسبب الاستخاره الله قربه لي والى قلبي عشت 3 شهور هواجس وخوف وترقب بس ماغير استخير وبنهايه قبلت فيه وسبحان الله الحين متزوجه منه من قبل 6 شهور وكل الى طلع عنه من سمعه كذب بكذب واكتشفت انه مظلوم وان طريقه كلامه هى سبب في سمعته ماغير يتباهى وينصب على اصحابه هههههههههه وهم يصدقون وطلعو عليه سمعه مسكين ومدلعني اخر دلع مع انه مقصر في امور ومتبع اهله على صح والغلط ولكن بشكل عام حنون وابن حلال والحمدالله على كل حال المهم السمعه الي قالو عنها طلعت كذب وانه احسن من غيره فاقولك عن تجربه موشرط كل هذا الى تشوفينه من امور تحسينها انتى فقط استمري على الاستخاره واذا كان خير لك راح يتتمه ربي وبالتوفيق اختي |
اقتباس:
عسى الله يوفقج يا رب ويفرج همج ويوفقج بالحياة الزوجيه يا رب |
احمدي ربك واشكرية انتي متزوجة من قبل وحسيتي بطعم الزواج والحين تطلقتي وجا الحين احد خطبك وانا الحين عمري 22 ولا احد خطبني ابد وانا كلمة جميلة شوية علي وحنونة وانا داخلة احسن الاقسام في الجامعة بس شوفي الحظ والله يوفق الجميع
|
عسى الله يفرج همج يا رب
حبيبتي لا تستعجلين والله يوفقج ويسخر لج ولد الحلال ويبعد عنج عيال الحرام يا رب |
| الساعة الآن 05:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©