|
خطيبي وتجاربه مع الشباب ساعدوني
مادري من وين ابتدي بس جد حاسه الدنيا تلف براسي.
خطيبي صارحني بتجاربه مع الشباب وانه كان يعتدي عليهم جنسياً. سآلته كم كان عمره وقتها؟ قال لي 18 سنه. وايضاً اكتشفت بان في شباب كانوا يعتدون عليه ايضاً. يعني جرب الاثنين!!!!!!!!!!! الصراحه ما ادري ايش اسوي احتقرت نفسي واحتقرت اليوم الي انخطبنا فيه. المشكله انه ابن خالتي. كيف اتزوج من شخص واعيش معاه واجيب اولاد وهو كان ...... ؟؟؟؟؟؟ في انثى فالعالم تتقبل حقيقه رجل بهذا الشكل؟ مستحيل انسى الي صار. الموضوع جداً حساس ومستحيييل اكلم حد فيه. ولجات لهذا المنتدى الي فيه ناس اكبر مني سناً واكيد عندهم الخبره الكافيه. ما اعرف ايش اسوي. افك الخطبه؟ انا ابي رآيي الشباب وارجوكم خلكم معاي صريحيين واعتبروني اختكم. هل تشوف الي صار معاي عادي؟ هل تعتقد بان الشاب الي مارس الوضعين يكون عادي وطبيعي وممكن يفتح بيت ويكون اسره؟ من حكم اختلاطكم بالشباب. النوعيه الي تكون كذا ايش انطباعكم عنها؟ |
حسبي الله ونعم الوكيل
و الله ما ادري وش أقول لك بس الله يصبرك ويكتبلك اللي فيه الخير تحياتي |
استخييييييييييييييييييييييييييري
|
والله يا اختي انتي في موقف لا تحسدي عليه
هل تاب خطيبك من هذه الأشياء ؟ فمن تاب وندم و اعرض عن المعصية فان الله غفور رحيم اما اما لم يتب او يندم على هذا لكن اعتراف خطيبك بهذا الفعل القبيح يوجب عليه الحد الشرعي على ما اعلم اختي الرجال كثيرون و ستجدين الافضل ان شاءالله لا تستعجلي ان شاءالله ربي بيعوضك احسن منه |
اكيد تاب وقال لي انها مجرد فتره مراهقه وعدت وانه يشوف الشي هذا انه غلط في غلط وندمان عليه.
انا احس بالندم ماليه وشي من الماضي بس انا مقدر انسى. شي صعب والله صعب. من البارح ماقدر انام من الي سمعته منه!!!! |
اختي اقلبي الادوار
لو فرضا بنت في فترة مراهقتها طلعت مع شاب وفقدت عذريتها أو حتى لو مافقدت وتابت ونادمه على هالشي واخبرت خطيبها بالموضوع حتى يكون على بينه وانها لو سكتت ممكن يجيه خبر بعد سنين وبعد وجود أطفال ويمكن تنتهي حياتهم الزوجيه بالطلاق فعشان كذا اعطته خبر ممكن هالشاب يتقبل وممكن مايتقبل انتي لك الحق بأنك تتقبلين وتنسين وتكملين معاه بنيه حسنه وهالشي ماضي ومافيه احد معصوم من الخطأ وربي ان شاءالله بيعوضك بحنانه وحبه وبأطفال بارين أو تنفصلين اذا مانتي قادره تنسين بس قبل لا تسوين أي خطوه كثري استخاره وشوفي وش احساسك بالموضوع وتوكلي على الله |
وبالنسبه للحد الشرعي ربي ستر عليه فما يقام الحد
|
السلام عليكم
يااختي استخيري اول وثاني شي انتي في البر اذا ماراح تقدري تنسين والله يسخرلك مع خالص تحياتي :21::21::21::21:احلى وردة:21::21::21::21: |
استخيري و إذا كنت حبيتيه و قلبك مطمئن له انسي ماضيه .. الحين كم عمره و كم صار على توبته و هل تتوقعي انه راح يعود لهالشيء لاسمح الله او له ميول اخرى لو له ميول اخرى لما تقدم لخطبتك و استمر في خطيئته هو غلطان انه اخبرك الله ستر عليه , ليه يضيق خلقك و يفتح باب شك يمكن انه قصده ان قلبه انفتح لك ووده يصير كتاب مفتوح والله اعلم الله يكتب لك اللي فيه خير |
ماعنده ميول نهائياً للامور هذي وانا عندي اقتناع تام بانه فعل مراهقه وراح بلا رجعه.
بس انا ايش الي راح ينسيني؟ هل راح اكون ظالمته اني ماحترمت صراحته لو طلبت فك الخطبه؟ هل تتوقعون راح يندم على صراحته ويتمنى لو انه خبى الموضوع. حالياً عمره 25 والموضوع صارله فتره. بس عندي خوف. راح استخير |
السلام عليكم ورحمة الله وبركاته
اختي لا بأس بذلك اذا تاب خطيبك عن هذه الاشياء(عفى الله عما سلف) وانا برأيي كل الشباب عندهم هيك شغلات لأنهم بعدهم عزاب ويحبون يسوون هيك اشياء لا انصحك بفك الخطبه لسبب بسيط وماضي اذا الله سبحانه عفا عنه كيف العبد ما يعفو عن عبد مثله واهم شي صلاة الاستخارة استخيري كثير الى ان يجيبك الله عن سؤالك ثبتك الله يا اختي والله يهدي هالشاب وجميع شباب المسلمين يا رب اللهم اهدنا با تحب وترضى وثبتنا واخواننا المسلمين في الدين على دينك طريقك |
اسمعي
دام انه اعترف اذن هو مستمر ومصمم للعوده الى ذلك والله اعلم ويريد تهيئتك او جس نبضك لذلك لانه لو تاب وستر الله عليه لما فضح نفسه في موضوع حساس جدا جدا |
موضوع حساس جداً
لكن من تجربة شخصية لزميلة مقربة لي قالت إن أغلب الذين يمرون بمثل هذه التجارب الجنسية الشاذة و هم صغار"برضا و ليس إعتداء" فعندما يكبرون و يتزوجون يفضلون إتيان زوجاتهم في المكان المحرم... و للأسف مرت زميلتي بهذه التجربة و عندما رفضت مطلبه رجع لطريقه القديم مع الشباب الشاذيين و تطلقت زميلتي بسبب هذا السبب بعد ما شاهدت بأم عينيها زوجها السابق في بيتها على سريرها مع رجل آخر بمحض الصدفة... فتأكدي كيف سيكون ميوله معك؟!! و استخيري |
انا باعتبرك اخت لي وان خطيبك هذا يبي ياخذ اختي ... قسم بالله العظيم نجوم السماء اقرب له ياخذك مهما يكون انا باعطي اختي لرجال يخاف عليها ويهتم فيها مااعطيها لرجال ماقدر يحافظ على نفسه وعنده ها الامور القذره ...وغير كذا لو هو اصلن رجال ونادم على ها الافعال كان ماقالك اصلن .. انا من رايي دامك على بر الحين انك تفسخين الخطبه ولا ترا ها الاشكال مالهم خاتمه .. صدقيني هذا الكلام من اخ لاخته ادري راح يعارضوني ناس بس معليش انتي معززه مكرمه في بيت اهلك احسن من واحد بكره ماتدرين انتي متزوجه رجال ولامره وهو يسوي ها الحركات عمره 18 يعني المفروض انه يكون رجال عاقل بالغ يعرف يقيس الامور |
اقتباس:
و كان رد زوجي كلمة وحدة اتركييييييييييييييييييه و هذا رأيي أيضاً لو نفرض أنها أيام مراهقة و انه تغير الآن ما الذي يضمن لك انه لن يعود أو يحن قلبه و جسده لتلك الفاحشة ؟؟؟؟ و من يضمن لك انه ما يطلب منك فعل الجماع المحرم (انتي فهمتي قصدي) |
انا اضم صوتي لصوت ماريا واحساس ثاني
اتركيه دامك على البر الله ستر عليه ليش يفضح نفسه ؟؟؟ وبعدين بيكون اصلا صعب عليه جدا اتيان المرأة من المكان الطبيعي كما قالت اختي مس اورديناري ويمكن اصلا ما يتقبل الانثى بحياته الله بيعوضك الخير استري عليه .. واتركيه لكن إن ضغطوا عليك اهلك مالك إلا تخبري أمك بالحقيقة في حال غصبوك |
يعني غلطته انه اعترف بماضيه
طيب لو ما قاللك او الايام اللي قبل ما تعرفي فيها الشي هذا ايش كان موقفك معاه ؟ عادي طبعا وتحبيه وكل شي ؟ ايش ذنبه انه حبك واعترفلك تقومي تردي اعترافه بانكك راح تتركيه اختي طيب شوفي حسناته ووشفي سيئاته كلنا نغلط وكلنا نندم |
معليش معليش
اللواط شي ثاني ..... هذا شذوووووووووذ والاخت اللي تقول اغلب الشباب عندهم مثل هالحركات ....لا معليش ما يسويها الا الخسيس ... لكن نجي لمسألة ثانية ... هل تاب ؟؟؟؟ تدرين إن التائب من الأشياء هذي ....مستحيييييييييييييييييييل يعلم احد عن ماضيه بالعكس يتمنى الارض تبلعه ولا يذكر ماضيه أما إنه يجي ويعلمك ويقول جربت الاثنين .... وانا ندمان .... معليش اصلا كيف يعلمك باشياء زي هذي ؟؟؟ أنصحك بالستر عليه وتركه ... انتي الآن في بر الأمان ربي يوفقك للخير |
اعذريني ولكني سأعتبرك مجنونة بحق ان فكرتِ بالإستمرار معه... أتعرفين ما عقوبة الشذوذ واللواط عافانا الله واياكم؟؟ راجعي الفتاوي وستصدمين من العقاب الذي سنه الله عزوجل على من يمارس هذه القذارة... يا أختي لو كان يشرب الخمر سابقا لكان أهون...كيف ترخص نفسك عليك هكذا؟!! لو كنت مكانك لذهبت مباشرة الى والدي وحكيت له الموضوع كي يخلصني من هذا الشاذ... ولا تعتقدي وتجزمي انه لن يعود الى هذا الأمر لأنه لو كان تائبا بصدق لما فتح لك الموضوع لأنه سيعرف أنك اما أن تتركيه أو تكرهيه وتتقززي منه طوال عمرك اضافة الى أنه سيكون خجلا من نفسه وربه ولن يرضى بأن يحكي معصيته العظيمة لأي مخلوق... لكن لا يبدو لي أنه تائب على الإطلاق..لا تضيعي عمرك عزيزتي مع شخص تجرأ على ارتكاب هذا الفعل الذي يغضب الله ولك أن تقرأي قصة النبي لوط عليه السلام... راجعي قرارك عزيزتي ولا تلقي بنفسك في متاهة قد لا تخرجين منها أبدا.. تحياتي.. |
أنا مستغربه انه صارحك بشيء مثل هذا
هل هي ثقة ولا تعبان نفسيا وده يفضض لو كان لسه ضايع ويبغى مساعدة بس مالقاها إلا منك ! ولا قالك يبغاها منك تطلبين تنفصلين لأنه ربما أهله غاصبينه يتزوج إحنا ما ندري عن اللي في داخله وما ودي أحط بذمتي لكن غريب انه هتك ستر الله عليه وخصوصا قدام اللي بتكون زوجته يعني ما استحى ما انحرج ولا هو مبسوط على اللي سواه جاي يقول بكل صراحة ولا وانتو توكم يعني لو متزوجين من فترة يمكن نلقى عذر وهو مو عذر ولكن تنبلع شوي أما الحين شكله يقصد إنك تكرهينه وتقولين ما تبينه انت ممكن تسألينه انت اعترفت لي بالهالماضي ليش عشان أتركك ولا أحبك زيادة ؟؟!!! الله لا يبلى مسلم |
انا مع الاخوان اللي ينصحونج بتركه
لانه لو صج تاب كان ستر على نفسه خاصه انه توه ما تزوجج يمكن مثل ما قالت الاخت كلرز مجبور يتزوجج خاصه انج قريبته ترى في واااايد ناس اذا شافوا ولدهم شاذ زوجوه عشان يعتدل يمكن غصبوه يتزوج و هو قال هالكلام عشان تتركينه او عشان يهيئج اختي اخاف بعدين ياخذ راحته و يقولج انا قلت لج من البدايه الله يكتب لج اللي فيه الخير |
اقتباس:
والله انا هذا رأيي وكنت برد عليكي من الصبح هو خبرك عشان بعدين تكوني مهيئة لهذا الوضع حتى لو شفتيه وهو بهذا الوضع راح يقولك انا خبرتك وما خبيت عليك شي وصارحتك من البداية ليه قبلتي فيني ؟ّ!! و سبحان الله الله يستر العبد والعبد يفضح نفسه وبعدين يعترف انه كان يُفعل فيه هذي والله مصيبة اذا وصل وضعه كذا زوجي يشتغل في الاستشارات في موقع أسلام ويب اليوم وحده مرسلة رسالة للشيخ انها شافت زوجها مع واحد من اصدقائه على هذا الوضع والله اذا انتي بتغامري وتكملي الزواج هذا شي راجع لك بس صدقيني اختي الشذوذ مو شي سهل بكره بتندمي كثر شعر راسك انك ورطتي نفسك مع هذا الزوج |
استغفر الله العظيم
مادي وش اقولك بس رجلك مافيه ذره مروؤه وكرامه |
لاحول ولا قوة الابالله ----اختي العزيزة-------الله يوفقك بزوج خير منه ---اتركيه ---انتي الان على البر ولاتدخلي في بحر المشاكل وتندمي بارك الله فيك--------والله يستر عليه ويكون فعلا تاب ويتوب عليه رب العالمين ---اللهم اهدي ابناء وبنات المسلمين للخير والصلاح امين. |
انا متآكده مليار فالميه انه مجرد ماضي ولن يرجع.
لان الموضوع هذا محد يعرفه. وقالي كان بامكاني اني اخبيه عنك واعيش حياتي سعيد. بس انا ماحب ابتدي حياتي مع انسانه مثلك شفافه واكون مخبي عنها شي. هوا انسان سمعته طيبه في شغله ومتعلم ورجل بمعنى الكلمه ظاهرياً وخارجياً. انا بس تمنيت لو انه مامر بالمرحله هذي من حياته لانها ماتشرف بصراحه. ماعندي احساس انه بيوم راح يرجع له لانه قال لي انا كل ماتذكر اتمنى الارض تنشق وتبلعني واحتقر نفسي. احترم صراحته واكمل حياتي معاه؟ ولا النوعيه من البشر هذي من الاحسن الواحد يتحاشاى حتى لو تابت لان الماضي راح يكون معلم فيهم للابد |
يبدو أنك تريدين شخصا يقول لك سامحيه واكملي حياتك معه وفقط !
حبيبتي من يطلب النصيحة يجب أن يكون مدرك ومستعد أنه سيسمع ما لا يرغب اغلب الآراء قالت لك اتركيه وسيؤثر فيه مستقبلا ونحن نتكلم عن خبرة لا تملكيها وفي النهاية.. القرار بيدك ولكنك طلبتي نصائحنا كإخوان .. والشفاء من هذا الداء الذي هو فيه ليس بهذه السهولة |
يا اختي
في ناس يزنوووون وفي ناس تمر وفي ناس تسوي اكبر الكبائر وتابوو وانااقولج راح يندم اذاانتي عايرتيه او ذكرتي السالفه القديمه انسي يا اختي وكل وااحد سوا في نتيه اشياء ويخبوون بس زين انه جا واقالج عشان تكونين واضحه وحاولي تعيشين حياتج وتنسين ولا تحطين في بالج هالشي والله يستر عليه وعشان ترتاحين رووحي معاة العمرة والله يفرج همك يا رب |
اااي والله
كل بني ادم خطاء وخير الخطائين التوابون ومادام انه تاب وجا وصارحج معناتها انه يحبج ومايحب يخدعج ولايعيش في كتمان وضيقة وتأنبت ضمير وأحسن من انه يجي ويخبي عليج وتعيشين معاه وانتي ماتدرين عن شي وعيشي حياتج واستانسي والله يوفقكم ويرزكم بالذرية الصالحة وبالتووووفيق |
اختي الكريمة ,, استخيري كثيراً ..
والله يكتبلك الخير ..ويشرح صدرك ويوفقك .. بس لفت نظري هذا الــــــرد اقتباس:
|
أمس زوجي قرأ المشكلة و قال لي مجنونة لو تكمل معاه
( إنت طلبتي رأي الرجال و هم أدرى مننا ) لا تخلي العاطفة تحكمك |
الله يغفر له ووايد شباب يمرون بهالمرحله وهالتجربه وفي بنات نفس الشي والحمدلله اذا عدت ودام اعترف لج بقصد البوح ولانه واثق فيك .. واللي يحاول يقنعك بانك تتركيه وغيره ارجو انج ماتسمعين كلامه الحياه الزوجيه مو بهالسهوله ننهيها ودام الله هداه طلبي من الله يثبته وربي يوفقكم انشالله
|
اقتباس:
يا أخي الفاضل : يمكن الرجال حاس إنه هذا الموضوع كاتم على صدره و وده يشكي و يفضفض و ما لقى غير خطيبته و زوجة المستقبل حتى يقول لها البنت إلي فيها مكفيها و ردك هذا راح يزيد وضعها سوء و حيرة ........... الله يفرجها عالجميع |
لست أدري ماذا أقول لك؟
لست أريد أن أشكك في مدى نزاهة خطيبك أو مصداقيته, الله أعلم بنيته و سريرته, لعله فعلا تاب و الله غفور رحيم و لكنني استشرت زوجي في موضوعك و نفس الكلام الذي قاله الرجال كان رأي زوجي فقد قال لي هذا شيء لا يعترف به رجل بسهولة و هذا ليس بالأمر الهين و خاصة لو اعترف به لزوجته ثم حتى لو تاب فالمفروض أن لا يجهر لأي مخلوق بشيء ستره عليه الخالق وخاصة بمثل الأمر الذي ارتكبه زوجك في الماضي ثم شيء آخر, لنفترض و لو بنسبة 1 في المائة أن خطيبك هذا عاد لارتكاب هذا الشيء لسبب أو لآخر و اكتشفت أنت عودته فحسب رأيك كيف سيكون موقفكما: بالتأكيد أول ردة فعل سيقول لك: آسف ....... ثم أنت تعلمين عني هذا الأمر قبل الزواج و أنا لم أخدعك استخيري استخيري استخيري ووفقك الله لما فيه خيرك و سعادتك |
ما أقدر أقول إلا إنك تدعين الله إنه يوفقك لفعل الصواب
والله يا أختي بدون تزكية أنا كرجل ما أحب أعلم أحد بذنب فعلته حتى لو كان أقرب المقربين ولو كانت زوجتي فكيف بأمر فضيع كهذا أنا أعرف إن الأمر صعب عليك خصوصا إنك بنت في مقتبل سن الزواج وتحبين واحد رجل بجانبك ما عندي إلا الدعاء إن الله يوفقك لفعل الصواب لأنه سبحانه أعلم بالمستقبل والله يوفقكم لفعل الصواب هو العليم الحكيم |
قديمك نديمك !! من شب على شيئ شاب عليه
أتوقع إن النفس تكره هذا الشيئ حتى لو كان ماضي أما اللي تقول كل الشباب هيك رجاء خاص لا تجمعين حتى لا تأثمي لأن في شباب محترمين و أنتي ما تعرفينهم |
الله يعينك اختي
نصيحتي اتركيه احسن لك ،،، حتى لو تآب ( الله يتوب علينا وعليه ويهدينا واياه لطريق الحق ) انتي نفسيا ماراح تنسين هالشئ وراح تتخيلينه طوال حياتك الله يعوضك بأحسن منه .... |
السلام عليكم
والله يا أختي انت في موقف شديد الصعوبة الله يكون في عونك انت قبل كل شي استخيـــــــــــــــــــــــــــــــري الله واكثري الدعاء بس بصراااااحة لو العريس دا كان اتقدم لي ولا لأي أحد يعز على اكييييييييد حارفضضضضض وبشدة شديدة جدا كمان هوا لو كان يزني - والعياذبالله- كان ممكن ممكن - بالقوة- أقول لك اللي قالوه البنات عن التوبة بس هذا مش بس ذنب دا انتكاس في الفطرة ويدل على نفس شديدة القذارة ومنتهى الانحطاط انا فكرت انه ممكن بيجس نبضك فعلا زي ما قالوا لانه عادة الرجل أقوى من انه يفشي أسراره القديمة بشكل قد يؤثر على حياته كيف يحطمها,,ايش الضمان وحتى لو افترضنا انه تاب .. ممكن جدا انو يرجع لانو من المصايب اللي تركها صعب فوق ما تتصوري ممكن يطلبك بالحرام .. ساعتها يقول انا قيد قلت لك .. دا غير الشك اللي ممكن يصيبك لما يتأخر مع أصحابه وغير المشاكل العائلية التي قد تحصل. الله يوفقك اقولها من كل قلبي وانا ممكن كلامي يضايقك بس لازم تفكري صح الزواج مو لعبة وفرحة وفستان والناس يقولو عروسة مبروك..وسفريات كلها تروح وتجي الحياة الحقيقية وبعدها الابناء والتربية هل ترضي انو مربي اولادك يكون شاذ!! تضمني عدم تأثر اولادك به وممكن الناس يزلوهم او حتى تضمنيه عليهم؟؟ اذا رجع للشذوذ.. استخيييييييييييييييييييييييييييييري الموقف شديد الصعوبه وفكري لو ان الشخص دا خطيب صحبتك عشان ما تكوني عاطفية في اتخاذ القرار.. طبعا سألت زوجي وقال بالحرف: طيب ايش الهدف من انو يقول لها؟؟لو تقدم لأختي - فلانه- ما اعطيه. الله يوفقك |
اقتباس:
كلام سليم .. |
وعفوا في كلام تاااني دوبي انتبهت له
اقتباس:
ما في شي اسمه متأكدة الا اذا كنت تقرأي الافكار ناس يعاشروا ناس عشرات السنين ويكتشفوا(في لحظه) أشياء كانو متأكدين مليار في المية انها غير موجودة... انت تفكري بعاطفة والدليل قولك ( ما عندي احساس انه بيوم راح يرجع) يا قلبي من متى الاحساس هو اللي يستشف المستقبل والقلوب!! عجيييب طمست على عقلك الحقيقة زي ما قلتي مجرد كلمتين منه ولو كان كل ما تذكر تنشق الارض وتبلعه ..الخ ليش تعدى مرحلة التفكير وقال لك؟؟ وكلامه انو بامكانه انو يخبي ويعيش سعيد ... الخ لاممسرحي و قدييييييييم سمعناه لين شبعنا .. اعيدي قراءة رد العضو بكر الشايب . الاخوات اللي يقولوا حطي نفسك مكانه لو تعرفي شاب.. لا كلااااااام غلط ايوه ممكن احط نفسي مكانه لو كان راعي بنات لكن دا شاااااااااااااااااااااذ بلا كرامة أو مروءة بجد خلاص انا تعبت .. بس الله ينور عليك. |
استخيري
وشوفي نفسك هل راح ترتاحين اذا تزوجتيه |
| الساعة الآن 05:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©