|
متى المفروض أخذ حبوب تنشيط المبايض ؟
السلام عليكم
كيفكم خواتي مر على زواجي 4 أشهر .. أول شهرين استخدمنا العزل آخر شهرين بدون عازل .. و الله ما كتب حمل .. ولله الحمد انا فحصت قبل وماعندي مشاكل الحمدلله بس انا حابه أخذ حبوب تنشيط المبايض .. وللحين ما رحت للطبيبة أستشيرها وأمس بداية دورتي حابه أعرف من البنات اللي جربوا الحبوب هذي .. يعطوني من خبراتهم متى مفروض أخذ الحبوب ؟؟؟ بأيام الدورة ؟؟؟؟ و لا متى بالضبط؟؟؟ خبروني عن هالموضوع بشكل عام واشكركم جدا الله يرزقكم ويحقق أمانيكم يارب =) |
لاتسوين شيء ولاتأخذين منشطات قبل لايفحص زوجك إذا تأكدتي من سلامة زوجك أوكي ...
وبعدين من شهرين بس أستني أقل شيء ست شهور أنا ماأدري أنتي مستعجله على أيش الله يرزقك يارب |
اختي لا داعي للقلق مرة بدري عليكي
ابدا لا تفكري ان المنشطات حل يمكن مل احتاجيها و مثل ما قالت اختك حرم المعلم خلي زوجك كمان يراجع و تطمني على سلامتك انتي و زوجك اخذ المنشطات بدون اشراف طبي قد يعرضك لاخطار انت في غنا عنها منها و من اهمها تكيس المبايض تطمني ان شاء الله ما فيكم شي بس انتي مرة بتقلقي نفسك من بدري |
يمه شوي شوي علي حرم المعلم
اختي مستعجلة مو مستعجله هذي مشكلتي! وزوجي راضي مشكورة على ردك ^_^ أختي دوبي لا أكيد انا مو ناوية أخذ أي حبوب بدون وصفه طبيه .. لو لاحظتي انا كاتبه اني أبغا أستفسر من البنات اللي جربوا ياخذوا قبل ما أروح للطبيبه والله انا مو قلقانه انه فيني شي .. لأني أدري اني مافيني الا العافيه بعد الفحص بس عشان أبكر في الحمل |
أهلاً فلافل
حبيبتي معليش كان حسيتي أني معصبه .. بس أنا بصراحة أعاني من ولدي معاناة .. علشان كذا ودي أنك تبسطي وتتهني وتسافري وتطلعي تتمشي لان الاولاد بصراحة يطفشوا الله لايحرم أحد منهم ... سامحيني ... بالنسبه للمنشطات تؤخذ في وقت الدوره يعني تراجعي ثاني يوم من الدورة وتبدي في الكورس العلاجي طبعاً في البدايه إذا كنتي تحتاجين منشطات راح تعطيك حبوب .. اذا مافيه استجابه الشهر الثاني حبتين ... الشهر الثالث حبوب مع أبر طبعاً فيه بعض الطبيبات تبدأعلى طول حبوب وأبر يعني على حسب الحاله ... الله يعينك بس أنصحك خلي زوجك يعمل فحص قبل ... لاتغلطين غلطتي جلست فترة أتعالج وأخذ منشطات وأبر وزاد وزني وتبهذلت وبالنهاية بكل برود قال لي الطبيبه لازم نعمل تحليل لزوجك .. يعني تمتنعون عن الجماع ثلاثة أيام ويسوي تحليل سائل منوي ... الله يرزقك يارب |
تعوذي من ابليس يا اختي
بدري على المنشطات يعني بالنسبة للي تتزوج من 6 شهور إلى سنة الوضع طبيعي ما تحمل فليش تحملين جسمك منشطات وانتِ مو محتاجتها ولا فيك شيء احمدي ربك على العافية وانتبهي تآخذيها من غير استشارة طبية عموما في منشطات طبيعية مثل ما قلت لك في رد سابق مثل العسل وغذاء ملكات النحل وممكن تلقين في GNC أشياء تنفع لزيادة الخصوبة وهي كلها مكملات وفيتامينات وممكن تسوين متابعة التبويض وتقولك الدكتورة عن الأيام اللي فيها فرص الحمل أكبر بإذن الله وبالمرة تتطمن على نمو البويضة وحجمها ولا تشترين اللي تنباع في الصيدليات تحدد أيام الخصوبة مع إني ما جربتها شخصيا لحد الآن وكل شيء بيد الله وربي يكتب لك اللي فيه الخير |
تقصدين الفل است
والله هي مهم اذا هذا تقصدينها عشان الجنن ولمناعه |
لسى بدري تاخذي منشطات
اتكلي على ربك واذا اراد راح يرزقك اربعه شهور زواج وشهرين عزل مده جدا قليله الله يرزقك |
السلام عليكم
الله يرزقنا واياكم و كل المحرومين بالذرية الصالحة يا رب اختي انا ساقول لك عن الطريقة التي اخذتها اخذت الكلوميد من يوم الثالث من الدورة حبتين في اليوم لمدة خمسة ايام في اليوم 11 عملت سونار عند الدكتور ووجد بويضة تبلغ17 مم اعطاني ابرة تفجيرية لاخذها اليوم التالي يعني اليوم اللي بعده بس كدا اتمنى اني وضحت لك الامر ........ وانا الان في انتظار الفرج من الله ادعولي اخواتي الكرام وربنا يرزقنا ويرزق جميع المسلمين الذرية الصالحة اسالكم الدعاء |
اقتباس:
و لا يهمك حبيبتي ما صار الا الخير :d انا رحت الطبيبة اليوم وبعد ما أخلص رد على البنات بقولكم ايش صار |
اقتباس:
أشكرك كولورز على ردك حبيبتي تعوذت من ابليس والشيطان الرجيم الحين أخبركم ايش صار |
اقتباس:
:25: |
اقتباس:
آمين ويرزق كل محرومة ^_^ |
اقتباس:
الله يرزقك يا رحمة الله عاجلا غير آجل يارب ومشكورة ع الإفادة :22: |
الحين أخبركم ايش صار اليوم
رحت لطبيبتي .. كانت فاحصتني قبل شهر ... اتضح فيه كيس وظيفي عندي في المبيض الأيمن صغير .. حجمه 2.2 سم .. اليوم قالتلي خلني أتأكد اذا نزل أو لأ ؟؟ مع العلم انا ماخذت علاج أبدا واتضح ان الكيس لسه موجود .. وصار حجمه 2.8 سم .. كبر شوي بس بعده صغير الحمدلله أما باقي الأمور عندي طيبة .. ولله الحمد الطبيبة قالتلي انه 99% من النساء يصيرلهم هالكيس .. وأحيانا ما يدرون عنه وينزل بروحه ومايمنع الحمل أبدا وهو يطلع لعدة أسباب .. نشاط المبايض أو عبارة عن بويضه فاسده .. الخ على فكرة هو مو تكيس قلتلها انزين يا دكتورة نصحيني .. قالتلي مستحيل أعطيك منشط مبايض بدون فحوصات لك ولزوجك .. غير كذا انتي لسه عروس!! ماله داعي أبدا .. غير كذا انتي مبايضك نشيطة وشغاله بدليل ظهور الكيس ولو خذيتي منشط بيسببلك تكيس لا سمح الله .. قلتلها انزين ايش أسوي الحين سوتلي جدول التبويض وفهمتني كيف أتصرف بعد الجماع وهو اني ما أقوم الا بعد ساعه ,, وعطتني حبوب تنزل الكيس .. أشربها من 5 يوم للدورة .. هي تقول انها منظمة للدورة غير مانعه للحمل وقريت بنشرة الحبوب .. انها غير مانعه للحمل .. فقط منظمة .. مع العلم دورتي منتظمة ,, وحتى الطبيبة قالتلي انها منتظمة .. قالتلي حتى لو أخرت أو قدمت 5 أيام عادي منتظمة دامها تجيك شهريا .. بس هالحبوب ممكن تنزل الكيس الوظيفي مع الدورة الجايه بإذن الله (ادعولي) :22: وهذي كانت زيارتي للطبيبة وحسيت بعدها براحة .. خصوصا انها بالها طويل ماشاءالله وشرحتلي كل شي أشكركم على رحابة صدركم حبيباتي والله يشهد اني أدعيلكم بصلاتي بس بستفسر منكم .. المرتين اللي سويت فيهم سونار .. الطبيبة تقولي عندك غازات وايد واضحه بالجهاز وقالتلي طبيعي لأنك بفترة دورة طبعا هذي مالها علاقة بالحمل أبدا بس أبغا أعرف كيف أتخلص من الغازات؟؟؟؟؟ دايما أعاني منها ... يعني على طول بطني ينتفخ .. على أي شي أكله .. مع العلم انا ما أحب الأكل اللي يحرق وايد .. بس أشرب غازات من وقت لوقت مو بكثرة .. يعني بالأسبوع مرة يمكن والحليب البارد يسوي غازات .. قمت أشربه دافي .. قولولي ايش أسوي عشان ما عاد ترجعلي الغازات؟؟؟؟؟؟؟؟؟؟؟؟ مضايقتني وايد :24: |
ممكن تسوي كاسات الهوا الي عند الممرخات
بس شوفي وحدة شاطرة وعروفة ...راح يفيدك انا كنت مثلك بس ولله الحمد لما سويتها عند الممرخة ارتحت كثيييييييييييييير |
اللهم لك الحمد زين اللي أرتحتي ...
بالنسبه للغازات أشربي نعناع .. يانسون حاولي تتجنبين الاكلات اللي تسبب أنتفاخ وغازات .. وأحتمال يكون القولون عندك متهيج بسبب القلق والنفسيه هاليومين بسبب الدوره .. ماتشوفين شر يافلافل يم يم يمي |
اقتباس:
أشكرك مرميس بس انا ما حابه أكبر الموضوع وهو صغير خلاص .. < < < مسرع ما قلبتي خخخخ :d لأني على كلام الطبيبة ماعندي أي مانع للحمل واتكالي على الله سبحانه وتعالى هو حسبي ونعم الوكيل ^_^ |
اقتباس:
الله يسلمك يا حرم المعلم ما تقصري لا مشكلة الغازات دايما بصراحة مو بس في فترة الدورة .. عاد الحين زايده عشان الدورة وأحاول أشرب نعناع باستمرار .. وأحيانا أضطر اشرب ENO احس الهضم عندي مو شي أبدا :29: عاد بسألك بما انك هني < < < عطوها وجه :25: :d ايش المأكولات اللي تزيد الإخصاب عند الرجل والمرأة؟؟؟؟ قلتولي العسل .. وانا عندي عسل ماشاءالله كميه .. بخذ انا وزوجي ملعقه يوميا .. طيب ايش بعد ؟؟ بانتظار ردك وردود البنات :17: |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©