|
مصدومه من موقف حصل لأبني أرجو المساعده
السلام عليكم ورحمة الله وبركاته
بسم الله الرحمن الرحيم ..... وربي من الصدمه ماني عارفه وش اكتب تحملوني وتحملوا اسلوبي وارجو ان تساعدوني وهذه اول مشاركه اكتبها بمنتدانا الرائع بحكم اني من فتره ادخل للمنتدى .... اولا انا عندي طفل عمره 3 سنوات و10 شهور باقي 3 شهور ويكمل اربع سنوات وعند اخي ولد نفس نفس عمر ولدي بينهم فقط اسبوع هو اكبر من ولدي بأسبوع المهم ولد اخي متسلط شوي ولا تعجبني حركاته ما كأنه طفل حركات كبار يعني ويتلفظ على اي احد ولدي طيب طيبه لدرجة اني خايفه عليه من كثر ماهو طيب اخاف احد يستغله بشئ خوفي وقلقي زااد بالمره من بعد مواقف حصلت والله العظيم ماني عارفه وش اكتب واحس ايديني ترجف وخاااايفه مره المواقف اللي حصلت ان ولدي وولد اخي قبل فتره كانو يلعبو سوا وفجأه ماعاد سمعت صوتهم وانا من حرصي وخوفي كل شوي اطل عليهم اشوف وش يسوون طليت عليهم شفت منظر وربي حسيت الدنيا لافه فيني شفت ولدي نايم على ظهره وولد اخوي جالس مقابله ومدخل ايده داخل بنطلون ولدي وكاشف عن بطنه وبمجرد انه شافني ارتبك وقال نلعب ناديت ولدي وحذرته منه قال هوه يقولي شيل ملابسك انا جلست افكر وفي عالم ثاني ماني مع الناس ولمى رجعت خبرت ابوه قال انتبهي له واطفال ما اتوقع ان في باله شئ مشت الايام تقريبا بعدها بشهر وهو البارح بالليل كانو يلعبو تحت الدرج فجأه سكتو انا رحت اشوف على طول من خوفي لقيت ولدي جالس وولد اخوي نايم جنبه ومدخل يده جوا بنطلون ولدي ويحرك يده وماسك .......... انصدمت بقوه وناديتهم بالحوش الثنين عشان ما احد يسمع وقلت لولدي ليش تخليه يدخل يده قال هو قالي في اذني بشويش بافسخ لك مسكت ولد اخوي وهددته ودفيته برجلي واخذت ولدي ومشيت انهميت مره بعدها بشوي ولدي صار مره زي اللي يبي ينام وهو مو من عادته ينام ذاك الوقت وربي اني خااايفه مره ما ادري كيف اتصرف ارجو منكم ان تساعدوني كنت باقول لامه لكن ورب النعمه ما تصدقني وبتعبي راس اخوي وبالذات انهم مايرضون في ولدهم هذا شئ ومدلعييييينه على الاخر لدرجة انه يضرب امي وعادي عندهم .... اسفه انا طولت عليكم لكن اريد ان تساعدوني اش الحل وكيف افهم ولدي انه ينتبه منه ومن غيره وهل فعلا تفكير ولد اخوي شر لاني توقعتهم اطفال مايعرفون شئ ارجوكم لاتهملوني والله اني في خوف وقلق وهم لايعلمه الا الله خاااااايفه على ولدي وبالذات انه ما كان ينتبه للمنطقه عنده الا بعد هالمواقف صار يلمسها كثير وجزاكم الله خير سااااااااااااااعدوني لأن اولادي حياتي وكل شئ لي |
الله بعنيك و يحفظ ابنك من كل شر يااارب ...
حبيبتي .. انتبهي على ابنك ... عمره 4 سنوات تقريبا مو صغيير.... المفروض تكوني فهمتيه انه هذه المنطقة عييب و ماحد يشوفها ... المفروض تمني فيه مخافة الله و تعلميه عن الجنه و النار و انه اللي يخلي حد يشوفه هذه المنطقة الله ما يحبه .. حبيبتي .. دائما خليك مع اببنك و كل ماشفتيه ماسك المنطقو الحساسة ,, شتتي تركيزه بلعبه او اطلبي منه يجيب شي ... مثلا لا تودينه معاك الى اي مكان تكوني عارفه انه ولد اخوك بيكون موجود فيه .... اتعذري .. نايم .. ماوده يجي .... الخ ... دخليه مركز تحفيظ قران و نادي كرتيه او اي لعبه قتاليه عشان يتشجع و اتقوي ثقته بنفسه ... و فهميه اي حد مين ما كان يكون يقول لك افسخ هدومك عطيه بوووووكس و تعالي علمني ... .. اتمنى منك ايضا انك ما تهملي ابن اخوك ... لانه لو لاقدر الله ماحد انتبه له راح يجيب لكم الفضيحة بعيد الشر ... كلمي اخوك على اللي صار ... واذا ماتقدري... ممكن انتي تحاولي مع ابن اخوك اساليه من وين علم هذه الاشياء.. وبرضو نمي فيه الخوف من الله و انه اللي يسوي كدا لما يكبر ما حد يحبه و بعدين يدخل النااار و خاولي تقنعي امه تسجله بمركز تحفيظ قران كريم ... اذا تكرر الموقف للمره الثالثة . خلي امه تشوفه عشان هي كمان تنتبه على ولدها . واخيرا و هو الاهم .. لو بمقدروك تستشري اخصائي نفسي و اجتماعي يكون احسن لانهم بيعطوك احسن الحلول فيما يخص ابنك و ابن اخوك و بسرية تامة الله يحفظ اولادنا من كل شر |
الغريب انو عمرو 4 سنين يعني صغير كتير ليفكر بهيك امور
يمكن بعمل هيك من باب اللعب وحب الفضول لانو الاطفال بهالسن عندهم حب اكتشاف المناطق هاي فيمكن بكتشف اما مش قادرة اسدق انو بفكر تفكير جنسي ولد في عمره |
حتى وإن لم تنمو الاعضاء التناسليه بشكل كامل
إلا انه شعور الدغدغه يشعر به الاطفال حتى من سن الرضاعة وللأسف بعض الخدم يقومون بتعويد الاطفال على لمس هذه الاماكن من خلال اعتدائهم عليهم المشكله خطيرة اختي الغاليه يجب مراجعة طبيبة نفسية مختصه بالاطفال لاعطائك افضل السبل لمعالجة الأمر وأهم شي لا تعنفي الطفل ولا تنهريه اذا رأيتيه يلمس مناطقه الخاصة لأنه سيرغب بها أكثر حاولي الهاءه عن طريق اللعب أو القصص ونصيحة اختي نورا هي عين العقل الله يحفظهم من الشر وولد اخوك لااااازم لاااااازم تنقذيه من اللي هو فيه حرااام |
علمي ولدك إنه ما يستجيب له أبدا و لاتخليهم جالسين مع بعض لوحدهم
|
ولد أخوك يشوف أمه وأبوه
ويقلد . وهو مايعرف وش السالفة أنتي فهمي أمه وبتلقين هي السبب ممكن يكونوا يشوفون في التلفزيون أشياء مش كويسة والطفل موجود ويقلدهم وصدقيني الصراخ والخناق ماينفع علمي طفلك أذا أحد مسكة مع مكان حساس أنه يصرخ وخوفية قولي له بعدين ينزل منك دم كثــــــــــــــير وهو بعدين يبخاف وربي يصلحهم |
الله يعينك من جد صدمة
نصايح الاعضاء كفت ووفت |
الطفل لسه صغير
وصدقيني ما عرف هالشي الا من التلفزيون أو أحد منبهه أنتبهي يمكن أخوكِ عندهم شغاله .. وهي معلمته على هالشي يمكن يجلس معها عادي عند التلفزيون وتقوله شوف هذا وهذا يمكن أهله ما ينتبهون وش يطالعون وعيالهم معهم أو يمكن أحد عامل له هالحركة وجالس يطبقها على ولدك لأنه حس باللذة وصدقيني اهو ما يدري أن هذا شي خطأ مو حاس بعمره أنا من رأيي تخبرين أخوكِ عشان ينتبه لولده .. ومش ضروري تعرف زوجته أنك قلتي له بس أهم شي ينتبهون لولدهم .. عشان يكبر ويلهى عن هذي الاشياء بس وانتي تقولين له .. قولي انتبه لولدك يمكن شاف مقطع في التلفزيون كذا والا كذا سأليه انتو تتركون ولدكم مع الشغاله وبعدين آخر شي قولي شفت ولدك يعمل كذا وخلي ابوه يسأله مين يعملك كذا أو من علمك صدقيني راح يقول حق ابوه بسرعه لأنه ما يدري أن هذا الشي غلط .. الله يحفظنا من شرور هالزمن |
السلام عليكم
اختي العزيزه وبدون مجامله ونعم الام انتي لانك حريصه على ابنك ويازين ما فعلتي بابن اخوك حتى لا يكررها مره ثانيه ويعرف هذا التصرف خاطئ وعلى راي الاخوات نبهي ابنك ان لا يعطي مجال لاحد يستغله سواء ان كان طفل او كبير |
الله يعينك اختي هذا الزمن مشكلة حتى لما يلعبوا الاطفال مع بعض
انتبهي لولدك اختي و حافظي عليه وانصحك تحفظيه قران و تشرحيله عن الحرام والحلال و الجنة والنار حاولي تزرعي فيه جانب الخوف من الله وانه سيدخل النار و يتعذب و هكذا والله يحفظلك ابنك يارب و نصيحة لوجه الله كلمي اخوك خليه ينتبه على ولده |
لمشكل الان هو الشغالين واش يسوا مع الاولاد الصغار والشغالين معظمهم يشكوا الوحدة فعند مايجدون انفسهم في البيت مع الابناء يستهويهم الشيطان لكل فعل قبيح وحرام فانا صراحة انصح كل اخت ام اواب ان لا يتركون ابناءهم مع هده الدءاب البشرية
|
أختي العزيزة
اهم مالديك هو أبنك كلمي والدته ولا تخشين من أي شيء ولو ما صدقوك أو ما أدبوا ابنهم لا تخلين ولدك يقترب منه للأبد وكما تفضلوا الأخوان الي سبقوني فهمي ولدك الحرام والحلال وأن هذه التصرفات فيها قلة أدب وعيب وحسسية أنه رجل وان الرجل لا يسمح بهذه التصرفات والله يستر عليك وعلى اولادك تحياتي |
اولادي حياتي اتوقعت المشكله بس عند البنات بنت جارتنا حركاتها اكبر من عمرها وتتلفظ بالفاظ وقحه جدآ عمرها 6 سنوات وعمر بنتي 5 وهي الوحيده ماعندها اخوات ولا اخوان وكانت تلعب مع بنت جارتنا ولاحظت تصرفات بنتي تغيرت و صارت تضربني تخيلي لما اقول لها شي او انصح بنتي قدامها توشوش بأذن بنتي وتقولها قولي لأمك مالك شغل ماصدقت اللي شفته اذا قالت مالك شغل اجل وش مسويه من وراي اخذت البنت وطلعتها برى وقفلت الباب (الباب اللي يجيك منه ريح سده واستريح) وكل يوم تدق ماتمل وبنتي تبكي تبي تلعب معها وكنت حامل بالشهر الثامن وعدت الايام وجبت بنوته ربي يحفظهم بنتي الكبيره ماتفارق اختها .......بس الطامه الكبرى سجلت بنتي بمدرسه بعيده علشان ابعدها عن هالبنت وسألتني امها بس مااتوقعت انها سجلتها بنفس المدرسه ومأخره بنتها سنه علشان بنتي والمشاوير يروحو مع بعض ......انصدمت وانهرت وبكيت كل هالتعب واخرتها بتدرس معها كله خمس شهور وتبدأ المدرسه...علمآ سجلت بنتي عند اختي وبنت عم بنتي والمدرسه محترمه
|
عمر بنتي الآن 6 و3 شهور وبنت جارتنا 7 والله العظيم تعبت تعبت ولما بنتي نستها بترجعلها قلت لزوجي ننقل من العماره بس ظروفه ماتسمح كلها سنتين وانقل لبيت ملك ...سنتتين كأنها عشر سنين....
|
اولادنا امانه في اعناقنا
انتبهو على اولادكم وكونو صريحين معهم لابعد الحدود وعلموهم الفرق بين الحلال والحراام بطريقه جميله ومهضومه يعني انتو وعم تلعبو الله يقدرنا على تربيتهم تربيه صالحه |
لاتخافي ولاتقلقي هذا شيء طبيعي يصير بين الأطفال
واطمئني الحركات هذه مجرد إستكشاف لاغير خالية من الأعراض الجنسية بتاتاً ولكن يأتي هنا دورك لتوعية إبنك بأن هذه الأماكن لايسمح لاحد مهما كان بلمسها لإنها عيب ولكن بصراحة عمر 4 سنوات مبكراً جدا لانها عادةً تظهر في العام السادس للأطفال ولكن الظاهر السبب كما قلتي أن إبن أخيك مفتح زيادة عن اللزوم وليس معنى ماحدث انه رأى أهله أو شاهد او احد أخبره كما قلت لك تحدث عند أغلبية الأطفال لمجرد الإستكشاف لاغير ولكن لاتنسي يااختي أن أبن أخيك أيضاً محتاج لك واضح انك تكرهي أمه لذا أنت حاقدة على الولد لما فعله بإبنك لذا اتمنى منك أن لاتخلطي بين مشاعرك مع أمه وبين الطفل لإنه أيضاً بحاجة لتقويم ولاتنسي أنك لو استطعتي الأن في صغره ان تبعديه عنه لن تستطيعي عندما يكبروا أن تفرقيهم لذا من الأولى أن تهتمي بإبن أخيك لفائدة إبنك مستقبلاً بإذن الله ولفائدة المجتمع حتى عندما ندعوا فإننا لاندعوا لأولادنا فقط ونقول (اللهم أهدي أولادنا) بل أشملي الدعاء بأن تدعي لأبناء المسلمين لإنهم سيخالطون ابنائك مارأيك عزيزتي أن تشغليهم عندك بأشياء مفيدة ليكونوا تحت نظرك هاتي لهم أوراق والوان ليرسموا علميهم الأرقام والحروف حفظيهم سور صغيرة من القرآن وبذلك تاخذي أجر قراءتهم لها طول عمرهم قصي عليهم قصص الأنبياء وقصص تعلمهم الأخلاق الحسنة علميه أن من العيب ضرب الجدة أو رفع الصوت على الأخرين ربي وأغرسي فيه مالم يعلموه أهله وضحي لأبن أخيك أيضاً أن العورة عيب أن يراها أو يلمسها أحد وفهميه أن لايسمح لاحد أن يمسكها وفي النهاية ستأخذي اجر كبير بمساعدة تقويمك طفل سينشيء بإذن الله ويكبر ويكون عضو صالح في المجتمع لانه عجينة طرية بإمكانك تشكيلها ولكن أهم شيء ليتبع نصائحك أن تجعليه يحبك بان تأخذيه معكم للنزهة وتشتري له حلويات وهدايا مثل ابنك وبذلك تكوني اطمأننتي أن ابنك عنده قريب وصديق صالح ربيتيه تحت نظرك اللهم اهدي ذرياتنا وذريات المسلمين وحبب إليهم الإيمان وزينه في قلوبهم وكرهم عليهم الكفر والفسوق والعصيان |
ام جمانه اشكرك على الطرح الرائع
|
جزاكم الله خير جميعا على الردور وجعله في ميزان حسناتكم
الله يعينا على تربيتهم ويهديهم ويصلحهم |
لاتقلقي ..
فقط انتبهي ولاتجعليهم لوحدهم ابدا الان فهمي ولدك انه هالمنطقة عيب حد يشوفها وانه الله يوديه النار الي يكشف عنها .. ولازم محد يشوفها واذا حد حاول لازم يخبرك .. ولاتعصبين علية لان ممكن حد لا سمح الله يحاول يتعبث ويخاف يقول لك مرة ثانية ويتم ساكت فخلي الموضوع بمودة من بينكم |
حولي افهمي من الولد احسان
|
لاحول ولاقوة الا بالله
انتي لازم تفهمي اخوكي بينك وبينه حتى لو هو يسأل ولدك والطفل مستحيل يكذب وانا رايي مو لازم ترحين بولدك المكان اللي يكون اخوكي موجود الا اذا لحالك لانه بصراحه شي خطيير اللله يعينك |
بسم الله الرحمن الرحيم
اولا السلام عليكم ورحمة الله وبركاتة مرة هذه الحالات عند كثير من الاطفال الذين اراهم في المصح لا اريد ان اطيل اعطيكم المختصر اكتشفت ان الحاله هذه التي عند الاطفال من شئ يغفل عنه الاهل وهو التلفاز لان الطفل من طبعه التقليد والحل هو تخويفه بالله مثل ان تقولي له ان الله جعل لنا الجنة كبيرة وحلوه وتبداين بشرح ما فيها من كل ما يتمناه الناس كان تقولي فيها العاب وفيها كل شي وثم تقولين له ان اللي يدخلها المؤمن اللي يصلي واللي يسمع كلام ماما وبابا ووان الله يزعل اذا شافك تسوي كذا واذا ماسويت هذا الشي يدخلك الجنة هاه تبي تزعله ولا تنسين ولد اخوك لانانتي تكونين عمته برضوا كلميه وعلميه ان الشي هذا غلط لان الضرب والعصبيه صدقيني تخلي الشخص يزيد بافعالهومثل ماانتي خايفه على ابنك خافي عليه لان هذا الشي ما صار من عدم لانه من فراغ حنان وعلمي اخوك ياخذه معاه ويعلمه اسلوب الرجاجيل ويفضى له صدقيني انه محتاج لحنان والديه اكسبي اجر هطفل باسلوب حلو وهادي وجربيها وخبرينا ولاتنسوني من الدعاء |
[[rainbow]glow=0]حبيبك محمد صلي عليه[/ gl03ow]3CC[/rainbow]
|
اختي العزيزه --اول-- سؤال هل الولد ينام مع امه وابوه؟ ثاني سؤال---هل الولد يترك مع الشغالة ؟وبعدها سوف تتضح الامور---انتبهي لابنك وولداخوك ايضا ولك الاجر ان شاء الله وحفظهماالله لكم من كل شر .
|
الطريقه الحلوه
انك تقولين لولدك مايستحي~ولد اخوك~ وانه مو شاطر وعينه بيصير فيها دوده اللي يشوف ~~ حطي العيب في غيره عشان لو احد سويله الحركه مره ثانيه يتشيحط ويعلمك وحاولي انه مايختلط معاه ورين ان هالشي قدامك لان المدارس مليانه بلاوي اح مدي ربك |
| الساعة الآن 07:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©