|
هل هذه السيارة تسوى هذه القيمة
السلام عليكم ورحمت الله وبركاته
زوجي واقع في مشكله مره كبيره وقلبة حياته راس على عقل واريد من اخواني الشباب في المنتدى المساعده زوجي عاجبته سياره صالون 2007 الا هي جي اكس ار اسود اللون وكان هو اول يبغى يشتريها 160 الف ريال بس للاسف سبقه واحد واشتراها ولما كلم زوجي الرجال الا اشتراها عشان يرجع يشتريها زود عليه وخلاها 180 الف سؤالي للشباب هل ممكن دي السياره تسوي دي القيمه بلعلم انها نظييييييييييفه مره ومو ما شيه كثير لانه قالو جاني زبون فيها ب180 ريال وابغاك ترد في ذي اليومين عشان كدا لو ما ردينا بسرعه ممكن تتباع ردو على بسرعه الله ييوفقكم ترى المهله يومين بس |
و عليكم السلام و رحمة الله و بركاته ..
أرجو منك التوضيح .. هل السيارة من نوع جيب تويوتا لاند كروزر .؟ و المعذرة تم نقل الموضوع إلى القسم المناسب و تعديل العنوان .. |
السياره صالون تويوتا جي اكس ار 2007
ارجوك اخوي رد بسرعه الله يخليك |
وعليكم السلام ورحمة الله وبركاته
انا والله مالي خبر بالجيوب لكن انتي تقولي كان بيشتريها 160 وجاء واحد واشتراها لما جاء زوجك للي اشتراها زود عليه 20 الف زياده احس انها كثيره بما انه شراها قبله 160 يعني لو زوجك يلف المعارض ويشوف سعره بالظبط وله قيمه ما يتعداها حبيت اقولك وجهة نظري |
بس الصالون نظيف مرررررررره وهو محتار
وصاحب السياره اعطاه مهله يومين لو ما رد خلال اليومين بيبيعها ب180 الف ريال الله يخليكم ابغي ردود اكثر |
هو غالي صراحة
الواضح من كلامك أنه مستعمل استعمال خفيف الوالد عنده VX-R طبعاً أفخم من GX-R السعر غالي لكن إن كان يبي هذا الموتر بالذات فاليستخير ويستعين بالله ويأخذه |
هل عندكم خلفية عن سعر هذه السيارة لموديل 2009 ..؟
أعتقد سعر هذه السيارة لموديل 2009 يقارب 200 ألف ريال .. يعني لا يفرق سوى 20000 ريال و السيارة مضى عليها موديلين .. لذلك أعتقد أن سعرها مرتفع نوع ما .. |
ليش التاني يريد ان يبيع السيارة ؟
أختي الموضوع مو كتير مريح إما انه هو وجد فيها غلط و قال ببيعها بيخلص منها او انه موضوع انه يوجد شخص تاني يريد ان يشتريها ب 180 كلو يكون كذب كي يحثكم على الاستعجال في شراء السيارة لذلك اختي كونوا حذرين جداً |
لو انها جديدة كثير عليها 180 فما بالك مستعملة صدقيني ما تسوى هذا الموديل طاح سعره بعد نزول الموديل الجديد خليه يا خذله بها المبلغ جيب طوارق احسن وافخم ولا يزود على المبلغ شوي وياخذ 2009 وبالتوفيق ،، |
يا اختي غاليه حيل :)
2007 بـ 180 ؟؟؟ :( طيب شوفي : هذا واحد من الشباب مشتري جيب في بداية نزوله GX-R V8 موديل 2009 والسعر فقط ** 179150 ** شامل لوحات واستماره وتأمين ضد الغير وشلون هذا 2007 بـ 180 ؟؟؟؟؟؟؟؟؟؟؟؟؟؟ وبعدين نصيحه يبعد عن اللون الاسود مشاكله واجد الخدوش .. والغبار توضح فيه وكذلك حرارة الشمس داخل السياره :) الله يوفقك |
وايد عليها لو من الوكاله..
اذا معزم يدفع هالمبلغ في نفس النوعيه اما يوصي ناس يعرفهم او... يذهب يشتري جديد في الموديل من ناحيه السعر متقارب بين 2009 وكلام اخي عبد العزيز صحيح.. |
انا زوج العضوة وعلمتني بالموضوع حراااااااااااااااااااااااااااااااااااااااام السعر هذا خيالي جدا وهذا الكلام عن خبرة يأخذ 2009 يبدأ من 166000 عند عبداللطيف جميل وأكيد عند البازعي أكيد أرخص وعلى فكرة اللون الأسود غير مرغوب عند البيع يعني سعره يكون اقل من باقي الالوان وعلى فكرة تكون حرارة الاسود اعلى من حرارة بقية الالوان الفاتحة سواء من ناحية حرارة البدي او حرارة المكينة
وبعدين اذا عنده زبون بهذا السعر ايش اللي يخليه ينتظر ينقزها 180 الف مو صاحي اخذ سيارة جديدة موديل سنتها محد ركبها قبلي بذا السعر لا تحتاج قطع استهلاكية مثل فحمات كفرات جلد مساحات ولا ولا ولا غيره:11: |
ترى موديل 2007 رائع جداً وسعره فيه
تذكرون كيف كانت أسعار الهايلوكسات الشكل القديم أنا شريت موتري هايلوكس 2006 أول ما نزل بسعر57 ألف وكان سعر 2005 فوق 70 ألف ريال يعني موديل 2007 من اللاند كررزر مرغوب جداً لأنه قبل الشكل الجديد |
بس مبالغ فيه
الحين الشكل الجديد احسن وافخم بكثير مع انه اول ما نزل ماكان مرغوب |
ياشاري الجيب
هذا شغل شريطية يبغى يلعب على زوجك ويتكسب من وراه!!! .خلي زوجك يشتري سيارة GMCيوكن افضل من الجيب بكثير اريح وافخم وارخص سعره 125 الف ريال فقط . اني لكم ناصح امين
|
الاند كروزر مافي زيها
اتوقع سعرها كذا لأنها شكلها القديم الشكل الجديد بايخ ومن ناحيت السعر مرتفع شوي قريب لنا شرا موديا 2006 نظيفه 160 الف لونها ابيض ومعروف تمسك سعرها اما الأسود مايمسك السعر |
| الساعة الآن 03:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©