|
اول راتب و يهددني بالزواج !!
السلام عليكم
انامتزوجه من 5 سنوات وعندي3 اولاد الموهم توني متوظفه جديد مع العلم اني كنت موظفه من قبل لكن استقلت لظروف و الحين رجعت وتوظفت من قبل لاتوظف وزوجي يلمح لي انه بيجي الوقت اللي بيشيل صرفيته عني وهو كان يعطيني مصروف 2000 ريال وماكان ابدا مكفيني لكن كنت صابره واحوش من عندي عشان ما اطلب منه و توه نازل لي اول راتب ( 16 الف )>>اول راتب وجاب مشاكل وكان يقولي انه مايبي شي من عندي بس بشرط انه افتح رصيد لكل واحد من العيال واحط فيه 2500 ريال يعني المجموع 7500 وانا كنت مخططه اني اجمع لنفسي لان طول عمري وانا ماجمعت شي لاني بالاصل ماكان مكفيني واصلا حتى يوم كنت اخذ منه المصروف كنت اشتري لعيالي والله ماكنت مقصره في البيت اشياء كثيره كنت اشيلها من مصروفي ولا طالبته بالمبالغ والحمدلله بيتي كان ولا زال مو ناقصه شي كل شي عنده فطوره غداه وعشاه وحتى حلو العصروو شاي و قهوة الدوام واجيب له من بين فتره وفتره هداياوتواجيب كلها عليوما كان عنديخلاف لانها كلها برضاي يعني انا لما اقعدبين صاحباتي اكون الزوجه المثاليه الوحيده اللي هي السوبر وومن اللي ماتضايق زوجها ولاتنكد عليه وطلباته كلها امرو سم المهم انا ماعجبني المبلغ قلت راح احط بس 1500 ريال لكل واحد عشان بالباقي اقدر احوش لي شي و بعد ازياده على كذا اقدر اصرف فيه عالعيال والبيت مثل ما كنت قبل لكن ماعجبه وو قعد يهددني انه ما يبغى مني شي وانه بيتزوج علي او يطلقني ويقولي روحي تهني ب 16 الف بروحك وحتى العيال بياخذهم الحين بعد هذا كله واللي سويته يقولي هذا الكلام والله انصدمت منه لانه كل ساعه يقعد يعيد ويزيد علي انه ما يبي شي من راتبي وانا من الاساس ما قلت اني باتمنن عليه هو الحمدلله راتبه كويس25 الف صحيح انها ماهي صافيه بس هذا حال كل رجال والحمدلله انا احنا الاثنين مااحنا راعيين فشخره وحياتنا قبل ما اشتغل كانت كويسه الله يعن الفلوس كانها بتفرقنا هو ما يبي يقدر اني ابي اجمع لنفسي وشلون اجمع وهو بيستقطع من راتبي 7500 ريال والله مره كثير وفي نفس الوقت انا حرمت نفسي كثير في فترة المصروف اختي وهي اصغر مني مو متزوجه تلبس احسن مني وانا البس من وراها صرت انحرج اذا رحت اخذ منها حاجه و زوجي ماهو شايف شي ماهو شايف كيف مابي اضغط عليه المشكله ان اللي حولنا كلهم زوجاتهم معطينهم كوع في كل شي في حياتهم لا اكل في البيت ولا حياه ولا ريق حلو وانا اللي مدللته ومخليته طاير بالسما جازاني بهالكلام اللي الله اعلم متى بيصير فعل وو على قولته قريب :( قولوا لي انا غلط ولا صح اخاف اوافقه يستغلني اكثر واصير انا ضايعه بين تهديداته بالطلاق او الزواج وبين رضوخي له مع العلم زوجي جدا طيب و ادري انه يحبني وانا بعد والله اموت فيه |
طيب ويحبك ويهددك ويبتزك علشان الوظيفة والراتب ؟
اختي الغالية هل زوجك موافق على مبدأ شغلك ؟ اذا كان السبب ابتعادك عن المنزل والوظيفة وهو مو راضي بلاش منها وظيفه والله يغنيك برزقه ان شاء الله والله هالأيام راتب الزوج ما يكفي ابدا.. حاولي اقنعيه انه اوضاعكم رح تتحسن وانك بتوفري علشان تبتدوا مشروع تجاري تستفيدوا فيه على جنب حسسيه انه فلوسك وفلوسه لكم جميع وخلي توفيرك بطريقة ذكية بدون لا تجرحيه وتحسسيه انه مو مكفيك مثلا اشتري ذهب وخبيه.. ومافي مانع تفتحي حسابات لأولادك .. فهم اولادك بالنهاية .. وخلي الوصي على الحسابات انتي مو هو الله يوفقك ويهديه ويسخره لك يا رب |
الله يعين الفلوس ياما فرقت النفوس
|
اقتباس:
مع اني كنت ادفع من مصرووفي الخاص كنت ادفع بكل لذه بس يوم شفت انه مايبين فيه قلت باجمع لنفسي وو باصرف على عيالي وانا لحد الحين موافقه على ال 1500 لكن هو قاعد يقول ما يبي مني شي وانا لازم احط رصيد عشان ما يصير عنده عذر لانه شكله من النوع اللي ما يحسب لو اني شريت للعيال او للبيت يا خوفي القى نفسي موافقه ع 2500 والقى نفسي طالع من المولد بلا حمص لان تهديداته كثيره |
مع العلم ارصدة العيال بطاقاتها في يد زوجي وهو يحط فيها وماعنده لعبه ولا بنات ولا سفرات
يعني ادري ان الفلوس بتكون للمستقبل وهو عنده نظاام التقشف لمستقبل افضل وانا ماقلت شي انا بعد باجمع بس بالمعقول ومانجمع ونحرم انفسنا في الحياه |
السلام عليكم...
اختي الكريمة..اطلبي منه تتفاهمو على هالشي بالهداوة..وليش ماتتفقو انه انتي تحطي مبلغ من عندك وهو مبلغ من عنده عشان يتجمع للعيال بالعكس هذا احسن شي تسووه لعيالكم...رواتبكم والحمدلله كويسة..قولي له هذول اولادنا واحنا نحب مصلحتهم ومابيننا فرق انا وياك فلوسنا واحد..يعني ان شاءالله مانختلف..وكل واحد يحط المبلغ اللي يقدر عليه .. زوجك شكله خايف يكبر راسك عليه عشان عندك راتب وخايف انك ماعاد تحتاجيه وتستغني عن خدماته ف انتي طمنيه انه هو الخير والبركة وانه مايقصر معاكم وان فلوسكم واحد مافي فرق بينكم وقولي لو مجاملة بالكلام انا كلي افداك انا وراتبي بس اهم شي رضاك..يعني تحايلي عليه:) الله يسعدك ويوفقك في حياتك يارب |
اقتباس:
مع اني والله فلوسي مو لي وما اطالبه بشي والله ان صديقاتي كل وحده كل ما شررت شي لعيالها دبست الفواتير في بعض وقالت له هذا اللي دفعته وانا والله ادفع لهم وما اقول شش واقول بعد هم عيالي |
اقتباس:
بس انا مو موافقه عالمبلغ اللي الزمني اني احطه و هو : يا احطه ولا بلاش ما احط ولا ريال ؟!! يعني ابدا ما اقدر اتناقش معاه يبي كلمته اللي تمشضي حتى على راتبي اللي لو جاني بالطيب باقوله امسكه في يدك بس للاسف داخل علي بكل وحشيه وكلامك صح بخصوص انه خايف انه يكبر راسي ودايما يذكر لي امثله وانا والله ابد مو من هالنوع انا احب اشتري لبيتي وعيالي والحين يوم ان صار راتبي 8 اضعاف مصروفي حبيت اني اجمع حق نفسي شي مو معقوله كل مارحت السوق باقعد اقصر على نفسي على اساس التجميعه طيب 3 ارباع الراتب اجمعه وو ربعه العب فيه ابي اعيش ياعالم |
نصيحة لوجه الله
دام الوضع مثل ماقلتي خلي راتبك لك .. والله ما ابي احرضك لكن مو من حقه انه يتحكم في راتبك .. يا خوفي يروح يتزوج من راتبك .. بصراحة تهديداته تعطي شعور بعدم الامان .. الله يلهمك الرشاد يارب .. |
اقتباس:
بصراحه انا مع هذا الراي ماعرف ماني مطمنه ابدن بعدين فهمت من كلامك انو هوا يحط فلوس في حسابات العيال طيب اعتقد ما يحتاج انتي كمان و الشي الثاني مستغربه ليش مصر على 2500 وليش البطاقات معاه ؟؟؟ معليش الدنيا مافيها امان مع اني احاول احسن النيه بالنسبه ليا اما اني ادفع 1500 وتكون البطاقات معايا او اني ماادفع واجمع فلوس لوحدي في حساب لوحدي وبعدين انتا جمع للمستقبل وانا خليني للحاضر :17: الله يفرج همك ياااارب |
اختي العزيزه
زوجك طيب وحب اعياله واما كلامه في الطلاق والزواج فهو مجرد كلام اغلب الرجال من تضايقون ايكولون هل الكلام انتي الان لاتجيبين اي سيره للموضوع وخلي الامور تمشي لوحدها اول شهر حطي للجهال 750 وبعدين ابدي قلللي قولي له مايكفي المصروف يعني شويه شويه وابد لاتفكرين بكلامه الي قاله بساعة غضب ولا تذكريه به |
مع احترامي لرايك اختي وشلون ما تفكر بكلامه
ساعة غضب ؟؟؟ ليش يغضب اساسا ؟ مالك عندي غير هالدعوة .. الله يلهمك الرشاد يا غاليتي .. |
أختي العزيزة...ليس من حق الزوج أن يمس فلسا واحدا من راتب زوجته..فإن أرادت هي أن تنفق على بيتها وأولادها فلها الحرية أما أن يرغمها هو فهذا ليس من حقه.. فمن شروط الزواج النفقة على الزوجة حتى وان كانت تعمل فبأي حق يشترط أن تصرفي على الأولاد؟! عزيزتي أنا لا أحرضك على زوجك وحين أعمل بإذن الله سأعطي بيتي وأولادي حتى ولو لم يطالبني زوجي... لكن كلام زوجك يظهر جانبا سيئا فيه..وهو الطمع والجشع...عيب على رجل أن يطالب زوجته بأن تصرف على اولاده أختي لا تتساهلي في حقوقك حتى لا يتساهل هو في حقوقك.. تحياتي.. |
ماشاء الله على ارائكم
للاسف اغلب الاراء صايره عدوانيه يا حازم يا لا اشكال والوان سمعنا وشفنا من ازواجنا يعني بشكله بسيطه وبكلمه لازم ناخذ ونشتري ادوات حرب نخزنها لكي نحارب بها وقت الحرب ارى بعض الاراء تحريض ليس الا وللاسف يااختي صاحبة الموضوع توجد نساء هدفهم التحريض والتخريب وهذه من الغيره اسفه لكتابتي عن الحق لكن الحق يقال |
انا مع شعاع ودلوعة حسين ومس فوفو ............
|
اذا انتي المسؤولة عن مصروفك و مصروف أولادك
هو عن شو مسؤول ؟؟؟؟؟؟؟؟ |
اختي ...
محتاجه حب ... بكل قوه اقول لزوجك ... خييييييييير ... خييييييييييييييير .. اش يبي هذا .. ليش تحطين لكل واحد من عيالك 2500 ... حالك كذا حال المطلقه او اللي زعلانه .. وما خذه عيالها معاها ... وتصرف عليهم ... وعلى فكره فوق هذا يلزمه الشرع بالصرف على عياله .. لكن هو رافع ايده ... من جد قهرني ... الشيء يا اما يجي بالرضاء ولا بلاش... قولي له انا يمكن اعطي كل واحد منهم اكثر من 2500 بدون ما احس وبحب ولذه .. بس انا ما احب الاعناد والقوه .. من جد مبتز .. قولي له ... الماليه وحده ليش اتفكر كذا ... وحاولي معاه بالطيب ... بس اذا ما رضى.. حاولي تشترين لك شيء ... يستهلك ثلاث اربع راتبك .. وتصيرين تدفعينه كل شهر ... بحيث يصير هالشيء لك ... وبرضاك ... والله يوفقك ويسخر لك .. لكن ممكن سؤال ملقوف ...اش وظيفتك ... واخيرا اسمحي لي مندفعه ومحتره وانا اتكلم اسمحي لي على الزلات |
عوده اخرى ...
اتمنى ان لا يكون كلامي تحريض ... ولكني اعرف ان الزواج ليس استعباد |
من وجهه نظري داام ان الفلوس لعيالي ماعندي اي مشكله اجمعها لهم بشرط البطاقات معاايا
ونفسي اعرف ليه الرجل الخليجي لمن يعرف ان الزواجه عندها فلوس يقوم يوقف عليها لا حول ولا قوه الابالله |
اقتباس:
اقتباس:
عفوا غاليتي نحرض من على من؟؟؟ .. من هي أو من هو حتى نسعى للتخريب بينهما ؟!!!!!!!!!!!!!!!!!!!!!!!!!!!!!!!!!!!!!!!!!!!! نغير من ماذا ؟ من وضعها المتأزم مع زوجها ؟!!!!!!!!!!!!!!!!!!!!!!!!! سبحان الله!!!!!!!!!!!! .. الأمر في غاية البساااطة .. مشكلة وطلبت آرائنا فيها .. ونحن كتبنا ما يمليه عليه ضميرنا .. لانريد منها جزاءا ولا شكورا .. ويعلم الله أنني أريد الخير لها ولجميع العضوات والاعضاء في منتدانا الكريم .. لك فااااااااااائق ودي واحترااامي .. |
يا رب شو صاير بهالرجال هالايام
الله يعينك انا آخذ كل فلوسي والآن يقول قومي روحي اشتغلي الله يعين بس حبيبتي كل القصه هو عاوز الفلوس وانتي تقدميهم على صحن من ذهب ما رح اقول الا الله يعيين وفكري منيح وكوني قويه لحقك ومش ظالمه قفي لحقك يهدد بالزواج يكفي بيته الاول ومن ثم يتزوج الا اذا كان ناوي يعملها من المصروف اللي رح تضعيه للاولاد في حسابهم يعني انتي تزوجيه من فلوسك وبدل مبروك جاللك ولد يكون مبروك جالك ضره اشتريتيها من عرق جبينك |
خليه هو يحط لهم في حسابهم 2000 وانتي حطي 500
ليه انتي اللي تتحملي مصاريفهم وهو ما يتحمل شي الحياة مشاركه وهو عليه الحمل الاكبر وانتي مجرد مساعده لااكثر حتى مو لازم مدامو مقتدر الله يبعد عنكم كل زعل وخلاف ويسخركم لبعضكم |
ياقلبي انتي ماتهنيتي برااتيك الا ونكد عليكي
شووفي مو صعبة ولا كبيررة انك تقوولين انا اسفة مو مقتنعة في كلاامك ومارااح انفذة وزوااج يبغى يتزووج ماافية مشكلة خلية يتزووج لأنة لو هو حاط فكرة الزوااج براسة بيتزوج سواا ءصرفتي على عيالك او لا ؟؟ يعني في كل الاحواااال هي وسيلة ظغط منة على راااتبك واجبااار لكي على التنفيذ والا فية شرط جزاائي الخلااصة تهني بفلوووسك واصرفي على نفسك انتي لأنة شرعاا الزوجة مالهاا تصرف على عيالها الا من طيب نفسهاااا وانتي مابتقصرررين اماا يجبرك لااااا مو من حقة جربي قولي الي بقلبك لة وتكووني صرريحة ورااح ترتاااحي عجبة كلاامك كان بها ما عجبة خلااااص بدأت اقتنع انة الرجل ما يحب زووجتة يكون عندها فلووووس لية ماااا ادري صرااحة ؟؟؟ |
افتحي حساب فرعي بدون بطاقة لكل واحد من ابنائك و حولي له المبلغ الذي تريدين ,,,
عموماً الموضوع لا يستحق كل هذا التصعيد ,, و ليس من حق زوجك ان يفرض عليك مبلغ معين .. حاولوا تحلوا الموضوع بهدوء و تفاهم |
وينك ...؟
|
انا رجعت
يا جماعة الخير انا كلمته اليوم وقلت له يا بو فلان عسى ما شر من امس زعلان علي قال ولا شي انا ماني زعلان قلت له من امس وانت على هالحال لا نتكلم ولا شي قال خلاص الموضوع منتهي ولا ابغى اتكلم فيه وقلت له انزين وبعدين على فكره انا ما احب اجواء الحزن دايما في اي نقاش ينتهي بجو كذا لازم ابدأ بالصلح عاد هو عنيد وراسه حجر ما يرضى بسرعه المهم قلت له قولي شاللي يرضيك وانا باسويه قال ما ابغى شي > واجد يتدلع قلت له انا موافقه باحط في حسابهم موب في جيبك قال ولا ابيك تحطين لهم ريال واحد انا ابوهم وهذولا عيالي انا اصرف عليهم قلت له بس انت ما قلت كذا من قبل قلت انا احط وانا بصراحه ماابي طلعتي للشغل واني اخلي العيال الصبح تكون حجه له لازم احط ولا شرايكم وهو اكيد ما راح يدري باللي احطه انا ابي اجمع للعيال تحت عينه يعني لازم يشوف تضحيتي ما يصير تكون سكيتيه ولام تعرفون انه ترى ما يبي الفلوس له وانا متاكده ومجزمه على هالشي يعني يبيهم للعيال او مستقبلنا او بيتنا الملك لان قاعدين نبنيه والله ماني عارفه ايش اسوي ابي رضاه وابي اجمع لعيالي وابي كلنا نفرح بالراتب مابي يكون نحس ونكد علينا لاحول ولاقوة الا بالله واللي سالتني وين اشتغل انا مو بالسعوديه |
ابي رأي رجال بصراحه
ادري الحريم بيكون كلامهم نفس كلامي |
أختي جمعي فلوسج واشتري لك بيت باسمج
ماتدرين عن هالدنيا باجر عيالج يتزوجون وماتضمنين ريلج .. |
اختي بانتظار الرجال يردوا عليكي
لكن انا اشوف انك تفتحي حساب ثاني لوحدك وتحطيه فيه فلوس اولادك كلها وتخبريه |
2500 مبلغ كبير للاطفال شيسوون فيها انا ارى ان احسن شيء تسويه سكت عن الموضوع خليه يهدأ شوي وافتحي حساب وديعة للاطفال باسمك وحولي المبلغ الي تريديه شهريا لعيالك وخلي الباقي لك انت الدنيا ما لها امان
وصدقيني كثرة النقاش تسبب كثرة التهديدات لما يتكلم لا تفتحين فمك بولا كلمة بس قولي خير ان شاء الله وخلاااااااااااااااص . للاسف لما ترادديه بالكلام يحس انك صرت اقوى و يبدأ كمعضم الرجال بحسابات اخرى "هذه صار عندها راتب" "بدأت تستقوي براتبها" و راح يحاول يسلب مصدر القوة باي وسيلة وهذه احسن وسيله . هو ما ياخذ بس بحجة للاولاد يسحب منك البساط. ارفضي وهذا من حقك وقوليله تهديداتك لي تخليني اخاف على مستقبلي اكثر لان معناه ما لك امان نقطة اخيرة لو بالفعل هذه الفكرة براسه اسهل وسيلة للتنفيذ هي حسابات الاولاد يعني انت بتدفعين عرسه!!!!!!! |
اختي
خلاص زوجج قفل الموضوع حلو جت منه الحين ..انتي حابه تحطين لاولادج مبلغ ولا لا؟؟ اذا حابه..روحي افتحي باسمك حساب توفير ونزليه فيه المبلغ الاجمالي لاولادك..وعلميه علما انك فتحتي حساب لهم ...وانتهى بيزعل يوم يومين ثلاث اخرته ما عنده حجه وبيرضى |
لا يا غاليتي
كلامنا ليس مثل كلامك ابدا .. وراجعي ردودنا .. نصحناك وانتي حرة حبيبتي .. لك فاااائق ودي واحترااامي .. |
اقتباس:
و بعدين تشتكي ؟؟؟ عالعموم ، إنت تبغي رأي الرجال |
انا مع اللي قالوا راتبك من حقك ولاله اي حق ياخذ منه ... بس غريبه ذا الرجال انا والله نفسي زوجي ياخذ مني ... زوجي محسسني كأن بيننا حواجز ماياخذ مني الا وقت الزنقه .. ولايجلس يوومين الا رجعهم لي .. مع اني والله ماامن عليه ولا اتكلم فيها .. الله يهدي الجميع يارب ويصلح احوالنا
|
إنتهى المشكل . وفري لاولادك المبلغ الذي تريدين في حسابات جديدة لو شئت. كما انه لك الحرية في المشاركة في المصروف أو لا. الظاهر ان زوجك لا يطمع في مالك و لكنه لا يريد منك ان تضييعه في ما لا يعني.لذلك هو طلب منك لتوفير للأبناء.هوني عليك اختي فالامر لا يستحق كل هذا التعقيد.
بما أني رجل سأقول لك. الرجال أنواع و أشكال هناك الذي يطمع في راتب الزوجة فيأخذه كله و هناك الذي يريد جزءا منه و هناك الذي لا يريده و لكن يشترط عدم اهمال البيت و هناك الذي لا يريد شيئا. أنا عن نفسي فإني من النوع الذي لا يريد شيئا و يشترط عدم إهمال البيت. ولكن ان تبخل علي و لو بفلس واحد أو هدية صغيرة فهو أمر يحز في ليس من باب الطمع و لكن من بب العشرة و الأخذ بالخاطر.أما أن أطلب منها أنا شيئا فلا ولو ذبحوني. و نسأل الله أن يغنينا عن الناس. |
مرحبا اختي
طيب ليش ما تتفقوا انتي وياه مع بعض انو انتي الاتنين تدخروا للاطفال وهيك بيقل عليكي الحمل شوي وحاولي تتناقشي معو وربنا يهدي الجميع |
لاحبيبتي
والله مايقدر يسوي شي من تهديده والله العظيم حياتك مابتخرب الا اذا وافقتيه صدقيني شكلك طيبه وعلى نياتك وهو عارف هذا الشي وواثق انك بتطيعينه لانك ماعمرك عارضتيه بشي اختي حبيبتي اقفي بوجهه بقوه بيتزوج.. قولي روح تزوج ماتهمني وخذ عيالك عندك انا صبرت عليك كثير لاتكوني متردده ولاتدللينه كثير طنشيه واقسم لك بالله العلي العظيم راح يرجع لك و يحترمك لانه بس تهديد عارف انك تحبينه سوي اللي قلت وشوفي كلها ايام ويرجعلك الله يسخر لك زوجك ويحنن قلبه عليك |
اقتباس:
|
عجبني رأي الاخ التونسي ولا يهونون البقيه
وانا متأكده زوجي من هالنوع اللي قال عليه ولا ازكيه على الله بس انا متأكده انه ما يبيني العب فيه وهو من النوع اللي التوفير عنده فوق كل شي مب لبخل منه بس كذا يحب التوفير \ المهم اتفقنا ان خلاص انا ما احط في حساب العيال شي بس عطيته خبر وقلت له لازم تعرف ان انا بارفع للعيال 5000 ريال و5000 لي يعني المجموع 10 الاف ووو هو بعد قالي انه ما راح يقطع المصروووف لانه من حقي >> مع انه كان يعيد ويزيد من قبل انه راح يقطعه ويخليه لاشياء ثانيه (راتب خدامه ثانيه او تسديد قرض سياره) بس قال خلاص بيخلي المصروف مثل ماهو انا عرفته اني بارفع لهم عشان ما تكون طلعتي للشغل حجه له بانه يقول ان طلعتي بلا فايده واليوم رحت البنك وخليت البنك يحول الـ 10 الاف للتوفير وخلاص انتهى الامر صحيح انه للحين ما رد 100% مثل قبل بس شوي شوي ان شالله بيكون اوكي ادعوا لي يارب انه يوفقنا ويخلينا للبعض يارب وانا متأكده ان وحده وحده بيخليني احط معاه لان كننا بانيين احلام على هالراتب ان ممكن نسافر ونتقاسم السكن او التذاكر لكن هو الله يهديه عنيد يعطيكم الف الف عافيه والله ما قصرتوا والله يهديني لما هو فيه صلاح يااااا رب |
الحمد لله
ان شاء الله تكونين مرتاحه الله يوفقك |
| الساعة الآن 01:28 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©