|
دم خفييف وفاتح اللون
السلام عليكم ورحمة الله وبركاته ..
انا حامل وبكرية وعطوني موعد ولادة تاريخ 30/5/2009 على حسب موعد اخر دورة بس الى الان ماولدت امس بالليل نزل علي دم خفيييف جدا ولونه فااااتح مع آلام خفيفه تشبه آلام الدورة الشهرية ولين اليوم لما ابدل الملابس الداخلية اشوف مثل مادة مخاطيه بيضا ممزوجة بدم خفيييف وفاتح اللون ( احس بنفس احساس الألم لما تكون فيني دورة شهرية ) بس ماعرف ياليبت لو تساعدوني هل هذي اعراض ولادة ولا ؟؟ انا مااريد اروح للمستشفى الا بعد مااحس بالطلق الشديد ممكن أحد يفيدني في حالتي هذي !! جزاكم الله ألف خير |
هل في الالام منتطمة ؟؟؟ ولو في.. كل كم؟؟؟
لانهم بينصحوا تروحي المستشفى لو الالم كل 5 دقايق او اقل .. كلي تمر و امشي و جهزي شنطتك ... و اتصلي بطبيبتك احسن ... وهي بتقول لك على العمل حبيبتي هذه بشاير ولاده .... ان شاء الله ربي يكتب لك ساعه سهلله و يقومك و طفلك بالسلامة طمنينا عليك حبيبتي |
يلا خلاص جهزي نفسك عالولاده
واتاكدي كل اغراضك جاهزه انصحك تتحممي الان واعتقد عالمسا او بكره الصبح رح يزيد عليك الم البطن اللي تقولي زي الم الدوره لانه هذا اللي حصل معايا لما كنت حامل.. الله يسهل امرك ويعطيك ولاده سريعه وذريه سليمه.. |
البنات ماقصرووو
الله يسهللك عليك ويقوومك بالسلامه دعواتك لنا بالذريه الصالحه وطنينا عليك وعلى البيبي بالسلامه |
هلا بنت بلادي
حبيبتي الي نزل عليج يسمى علامة الولادة .. وهي سدادة مخاطية تسد الرحم طول فترة الحمل عبارة عن افرازات ممزوجة بخيوط رفيعة من الدم , ونزولها دليل ولادة .. استحمي وجهزي نفسج لان اللحين بيزيد الالم وتوكلي على الله وعلى الطوارئ على طول .. لما توصلين قولي لهم ولادة عشان يدخلونج داخل على الدكتورة على طول وما ينقعونج في الانتظار وطمنينا :) |
اقتباس:
مرجبا نورا بس انا الآلام اللي عندي مو منتظمه يجيني مثل تشنج في اسفل البطن مرات دقيقه او اقل ويروح جزاك الله خير |
اقتباس:
حبيبتي كريستلا جهزت اغراضي بس الألام تروح وتجي وآلام خفيفة مش قوية من امس احس فيها ومازادت واحس مثل تشنج اسفل البطن الله يسمع منك واولد بسهولة |
اقتباس:
ويرزقك الذرية الصالحة يارب |
اقتباس:
هلا والله بالغالين تعتقدين انها سدادة!! بس الكمية ضئيلة جدا جدا ومازادت من امس ولونها خفيف جدا جدا والالم نفسه من امس مازاد بس انا اخاف اروح المستشفى واقولهم ولادة ويطلع تو الناس لان ماجاني الطلق قوي وماابي أحد يفحصني من تحت الا بعد الشديد القوي :) |
اذا ما تحبي تروحي المستشفى .. و حاسة انك تمام و حركة البيبي جيدة استني شوي
لين يزيد الالم .. لانه مو مطول :) و لما ينتظم روحي ... ربي يسهلها عليك |
الله يسهلك يارب ويديكي ساعه السلامه
ويسهل علينا جمييعا |
اقتباس:
اللهم آمين جزاك الله الف خير |
يفضل تروحي المشفى لما تشوفي الدم حتى لو قليل
لكن اذا مو حابة تروحي حتى يزيد الطلق او تنزل ماء الراس حاولي تعدي حركات البيبي لازم تشعري بعشر حركات على الأقل خلال اليوم اذا أقل من عشرة روحي المشفى فوراً الله يسهل عليكي شكلها قربت كتير |
أختي ما اعتقد الامر راح يطول اذا مب حابة تروحين المستشفى .. انتظري يزيد الالم شوي .. واذا الدم نزل بعد جماع او فحص مهبلي فهذا طبيعي اما اذا بروحة فاتوقع انها السدادة مثل ما قلت في السابق في كل الاحوال .. انتظري يزيد الالم وذا حاسة حركة الجنين قليلة جدا لاتنتظرين روحي على طول ..
والله يقومج بالسلامة يارب |
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©