|
ما هو الحل الامثل لهذا الامر ( الملامة )
السلام عليكم اخواني واخواتي اعضاء المنتدى وصبحكم الله بالخير .
لا اعرف من اين ابداء ولكن الهم والحزن يقبعان على صدري , احساس بثقل الحركة من مجريات الحياة ومن ضغوطات العمل !!! اعود الى المنزل فارى زوجتي وقد بدات تسيل علي الانتقدات من كل حدب وصوب احاول تهدئتها ولكن لا فائدة في فترة العصر تبداءت الماكينة من جديد فتوجة اسهم الانتقادات بدون ان تكل او تمل .. في الليل وقبل النوم تكرر الانتقادات وعلى اتفة الاسباب اسباب تافة اخجل ان اذكرها هنا . في الصباح الباكر وقبل الذهاب للعمل تفاجئني بسيل من الانتقادات وجهتها بقوة وصرامة وقلت لها ( الاكثار من الملامة يورث القطيعة ) وانتي تكثرين من الانتقادات واللوم ورفعت صوتي عليها فسكتت وحست بخجل كبير , بعد ذلك لم اكلمها لمدة فتمسكنت حتى تمكنت وسامحتها وعادت المياة لمجاريها ولكن الامر عاد مرة اخرى وكان شياءً لم يحصل اخواني واخواتي اطلب منكم المشورة في هذا الامر وكلي امل ان ترشدوني |
يمكن انت مش قصدك بس هي تحسك جاف ولا
مبالي. اكيد انت لما ترجع البيت تكون تعبان وما لك خلق تتكلم وتمزح وتونسها. تلاقيها طول اليوم قاعده تشتغل في البيت وتكد ومشتاقتلك. فانت لما ترجع البيت هي تكون متوقعة انك تعوضها حق اللي سوته في البيت طول اليوم وتقدر طبخها وتنظيفها وتسمعها شي كلمتين حلوين وانت لما ترجع البيت تتوقع من زوجتك انها تريحك لانك متعب وطول اليوم بره لبيت يعني كل واحد محتاج شي من الثاني وهنا انت تحسها نكديه وهي تحسك جاف , وماشي فارق معاك , وبارد . من وجهة نظري لما تكون في الدوام ارسلها مسجات حلوه مثلا اول ما توصل دوامك ارسلها مسج حلو وقبل ما ترجع بساعه او شي ارسلها واحد ثاني. وقت الظهر حاول تتصل فيها وتسأل عنها ومش لازم انك تطول في المكالمه واول ما تصحى صبح عليها وسألها كيف حاسه وكذه وقبل ما تطلع اسألهل تبغين شي من بره قلب ما اطلع صدقني هذا الشي بأثر فيها كثير وبتقول في نفسها هو يفكر فيني ومش ناسيني واذا رجعت البيت بتلاقيها بشوشه وليها نفس تريحك تستقبلك. اخيرا الله يوفقك ويقر عينك بزوجتك |
اقتباس:
شكراً على الرد الراقي وعلى الاسلوب وعلى الأفكار النيرة حاولت بشتى الطرق ان اتقرب اليها وكل ما تطرقت اليه قمت بعمله واكثر من ذلك ولكن لا فائدة من ذلك !!! |
ما فهمت على ايش هذه الانتقادات ؟؟ وش تبي منك زوجتك ؟؟ هل انت مقصر معها في شي ؟؟ هل جلست معها و قلت لها ما تريدين بالضبط و ان اسلوبك هذا يضايقني اما فقط تعرف كيف تصرخ في وجهها عشان تسكتها ؟؟ هل انتم متفاهمين مع بعض ام بينكم مشاكل متراكمه من السابق ؟؟ كم سنه صار لكم متزوجين ؟؟ هل عندكم ابناء ؟؟ |
اقتباس:
بدون ما تطلب اي شي انتقاذات على اي شي تشوفه على سبيل المثال تقول لي ليش التلفزيون مو فلات !!! ليش الماي مقطوع ليش انقطعت الكهرباء اقول لها ان الماي منقطع بسبب وزارة الماء او وزارة الكهرباء عندهم تصليحات تقول لي في بيت ابوي ما ينقطع الماي اشمعنا عندنا احنا وتبداء المناوشات والانتقاذات بالنسبة اني مقصر معاها .. الصراحة على كثر مدخولي مو مقصر معاها لو تبي عيوني اعطيها بس على قدر حالي وقدر استطاعتي . بالنسبة اني جلست معاها .. اي جلست معاها وكلمتها وتبداء بالصراخ والهواش وما تتقبل اي مصارحة .. بالنسبة ان احنا متفاهمين مع بعض او بينا مشاكل سابقاً .. الصراحة احس اني ما اقدر اتفاهم معاها بسبب اسلوبها وبالنسبة للمشاكل اي نعم في بعض المشاكل المتعلقة بالسكن خصوصاً واني ساكن مع اهلي وما اقدر اطلع في شقة بالايجار بسبب التزامي بتسديد ديون وقروض وهي تعرف هذا الشي مع العلم بانها تعمل مدرسة وما عليها اي قرض واذا اقول لها نتساعد اذا طلعنا تقول لي انت اللي تكفل بالايجار واني مالي اي دخل في هذا الشي وفي نفس الوقت تختلق مشاكل بسبب السكن وانا ملتزم بديون وقروض كما اسلفت سابقاً صار لنا 4 سنوات وعندنا بنت وحدة . |
لي عوده اخي الكريم .. |
واضح ان زوجتك مو مرتاحه في السكن مع اهلك و تختلق هذه المشاكل .. لكن هي قبلت بك زوجا و هي تعلم انها راح تسكن مع اهلك يعني لازم تصبر او انها تساعدك في ايجاد سكن مستقل .. ثانيا .. لماذا تقبل ان زوجتك ترفع صوتها عليك .. اذا لم تحكم و تشكم زوجتك و تدعها تحترمك فانها راح تظل على اسلوبها الغير لائق معك .. اطلب منها بكل حزم انها تحترمك و لا ترفع صوتها عليك ابدا ابدا ابدا .. |
اقتباس:
أختي الكريمة انا ما اسمح الى زوجتي الحبيبة انها ترفع صوتها علي بس اهي طبعها جذي من اساس تربيتها . تربية زوجتي كانت على يد والدتها لان والها توفى واهي عمرها 5 سنوات ما حست بأحساس الابوه ووجود اب لها من باب ثاني اهي اصغر بنت في اخواتها وتربة على دلال نوعاً ما بحكم صغرها بين الاخوات مع العلم بان حالتهم المادية ضعيفة ... أحياناً احس انها غير ناضجة فكرياً من ناحية التعاطي الفكري ومن ناحية الاسلوب والمنطق واقول الله يهديها واسماحها احياناً أحس ان فيها كبت داخلي نتاج امور كثيرها مرت عليها في حياتها ودائماً ادعوها انها ما تكون نسخة عني في الافكار لأن في النهاية كل انسان لابد وان تكون شخصية الفكرية مستقلة عن الاخر . ودائماً ادعوها انها تبني قناعاتها بنفسها وما تكون نسخة مصغرة او مكبرة عن الغير في شتى صنوف الافكار وشتى صنوف المسلمات الانسانية المتعارف عليها ... عموماً انا احاول قدر الامكان اني ابني نفس وفكر وانصدم ولكن لا حياة مع اليأس !!! شكراً اختي الكريمة |
كان الله في عونك اخي
بصراحه اخوي انت لازم تتحملها وهي كمان لازم تصبر دام هي رضت من الاساس تعيش معاك بعدين انت فهمها اول شي خذها مكان هادي عشان تقدر تتقبل كلامك وفهمها انه انت هذا السلوك مو عاجبك وانها لازم تراعي ظروفك ونفسيتك وان شاء الله ربي يصلح بينكم تقبل مروري |
زوجتك من عمرها ؟ هل اكملت تعليمها ؟؟ كم عمر بنتك ؟؟ و كيف معاملة امها لها ؟؟؟ |
شوف .. صفة تريد الكلام والعتاب هذي عادة في بعض الناس ..
أنا شخصياً ما أحبها أحسها تنفخ القلب ..بس الانسان إذا داخله مليان ومتعود يردد من غير ما يحس يعني تلاقيها اهي متعودة ومن غير شعور تردد وتعيد وتزيد في الكلام زوجتك شكلها تحب تفكر بصوت عالي .. يعني هالعصبية والملامة تدور داخلها وما تشوفك إلا أنت تفرغ فيك .. عشان ترتاح .. لا تعتبر انها كل مرة تتكلم معاك معناته تنتقدك أعتبره تفريغ عن شحنة سلبية داخلها ولا تاخذ كل شي بجدية .. أغلب النساء كذا يشتكون ويشتكون .. بس يبون أحد يسمعهم ويحس فيهم اظهر لزوجتك أنك حاس فيها وأنك تقدر موقفها وهذا الي تبي المرأة .. أنا شايفة انتقادتها مو حاجات اساسية .. يعني مو مطالب بس تفريغ عن مشاعر وهي شكلها من النوع الي مو متعودة تكتم شي في قلبها .. كل شي تطلعه مثل ما قلت تفكر بصوت عالي .. مجرد تفكير .. فاهمني يعني لا تاخذ كل شي بجدية .. سايرها وبتشوفها تهدأ إذا قالت ليش الكهرب مقطوع ؟؟ أظهر انزعاجك حتى أنت من هالشي .. معاكِ حق بس ايش نسوي .. لو اقدر شلت بيتنا وحطيته في منطقتكم إذا قالت بيت ابوي ما ينقطع ؟؟ قل لها .. يا ليت ساكنين جنبكم كان ما نقطع ماي ولا كهرب .. بس الكلام الحين مافي فايده بالنسبة لموضوع المصارحة في ناس كثار يفهمون هالشي انه انتقاد وانتقاص من الطرف الثاني .. يعني المصارحة بالنسبة لها ( انك تقولها أنك مقصرة وان كل شي تسوينه خطأ ..) أختار الأسلوب الأمثل .. وانت تكلمها طبطب عليها .. خلها تحس أن هالشي عشانك وعشانها وانكم تتكلمون عشان تفهمون بعض مو عشان كل واحد يطلع نواقص الثاني وبالنسبة للشقة بره بيت اهلك .. حاول انك تعوعدها بس تتحس الظروفف وتحس انك مو مضغوط تطلعون .. بس فهمها انها تصبر عليك قل لها أن الي يحب يضحي .. قل لها عشاني اصبري لين الله يفرجها قول لها أنا ماكذبت عليكِ من البداية .. أجل صبري مو غصب عنك .. لا برضاكِ إذا ما تفهمت .. حط الكرة في ملعبها واطلب منها تجيب لك حلول في اي مشكلة قلها شنو تقترحين الحل .. في مشكلة البيت شنو تقترحين ... ولما تقترح حل قولها سلبياته وايجابيته عليك وعليها يعني حطها في موقع المسؤولية .. بكذا راح توصل لها افكارك بشكل عملي وبعد كذا قبل تطلب اي شي راح تفكر .. حتى في الحاجات البسيطة الي تعتبرها تافهة .. قل لها شسوي يرايك ؟؟ على فكرة النسوان ينزعجون من هالكلمة لصارت على شي تافهه وهذا كعناته انهم بس يبون يعبون عن مشاعرهم وبس اكثر منه طلب لحل مشكلة |
السلام عليكم اخوي
تقريبا مريت بنفس المشكله لكن مو الى هالدرجة في بداية الزواج ممكن لكن بعد 4 سنوات زواج وبينكم بنت كأن الموضوع طول اكثر من اللازم بالنسبة لي لما حصلت من زوجتي ورفعت صوتها علي وقفت بوجهها وقلت لها انا غلطان اوكي اتفاهم معاك اوكي نوصل لحل اوكي اما ترفعين صوتك هذا شئ ما اقبله واخطات بحقها مره ثانيه ولما رفعت صوتها مره ثانيه توجهت مباشرة الى ابوها وقلت له الوضع كذا وكذا وكذا وكلمتها وقلت لها لو انا غلطان ولك حق تاخذينه لكن ترفع صوتها وانا غلطان او ماني غلطان ما اسمح لها وفعلا كلمها وعقلها اصبحت تتناقش بهدوء وبطلت رفعة الصوت نهائياً ولما تنفعل بنقاش وتبدأ ترفع صوتها بنظرة واقولها وش قلنا برفعة الصوت وترجع تهدأ الحل انك تكلم ولي امرها اللي زوجها لك سواء عمها او خالها وتقوله انها ترفع صوتها وهذا شئ عيب وانت ما تقبله ولازم يتصرفون معاها ومسألة انها تدقق على اتفه الأمور كلمهم ايضاً على هالنقطة خلهم يعلمون البنت ان هالامور تسبب مضايقات ونكد للرجل ولازم توقف وتدقق على الامور المهمه فقط لابد من تدخل طرف تحترمه زوجتك وكلمته لها تاثير عليها ويفهمها لو استمريتي على هالحال الرجال بيطلقك لانه طفش وان شاء الله تتيسر امورك مجرد رأي وهذا ما حصل معي ونفع مع زوجتي |
ودائماً ادعوها انها تبني قناعاتها بنفسها وما تكون نسخة مصغرة او مكبرة عن الغير في شتى صنوف الافكار وشتى صنوف المسلمات الانسانية المتعارف عليها ...
عموماً انا احاول قدر الامكان اني ابني نفس وفكر وانصدم ولكن لا حياة مع اليأس !!! حبيت اعلق على جملة صنوف المسلمات الانسانيه المتعارف عليها مازالت هي مسلمات كيف تقلد فيها غيرها وكيف تبني لها قناعات حاصة وهي مسلمات ؟؟!!!!!!!!!!!!!!!!!!!!! |
| الساعة الآن 02:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©