|
ابي اسوي ليزك ومحتارة
السلام عليكم ورحمه الله وبركاااته
حبايبي ياليت تساعدوني انا ابي اسوي ليزك واخذت موعد في مستشفى العسكري عطوني موعد بعد سنه وها الموعد مجرد فحص نظر وبعدالفحص بيعطوني موعد ثاني يمكن بعد سنه ثانيه عاد للعمليه :29: يوم شفت المسأله كذا قلت اسويها ع حسااااابي ومدحوا لي دكتور بالكوويت دكتور شاطر ويسوسها بخمسه الاف ياليت احد من الكويت يفيدني .,,لاني بعد اسبوع بروح للكويت ...واللي سوا من قبل ليزك يفيدنا عن تجربته وهل العمليه صعبه ؟؟؟ومشكورين مقدما:30: |
اووف
خمس آلاف كثير يا حبيبتي وين هالدكتور ؟ انا سويتها من خمس سنوات وماشاء الله روعة الى الآن مافي ضعف ولا احس بأي ارتداد للنظر بالكويت في عندك دكتور شاطر في مستشفى الشعب التخصصي يسويها بـ 350 دينار كويتي .. لكن هالكلام من سنه المفروض الآن ارخص واذا انتي بالسعودية سويها بالمستشفى التخصصي بالرياض اسعارهم احسن من الكويت |
اي نسيت اقولك
العملية ولا أسهل منها كلها ربع ساعة بالكثير وانتي خالصة وتنامين ست الى ثمان ساعات وبعدها تصحين وان شاء الله يبتدي يتحسن النظر تدريجيا اهم شي استرخي قبل العملية لا تتوترين ولا تشدين لا في ألم ولا في شي يخوف ابداااا ا |
اختى انا اقصد خمسه الاف ريال سعودي اي مايقارب 350 ديناركويتي,,وعندنا بالسعوديه يسونها غالي مايقارب تسعه الى عشرة الاف ريال ,,طيب حبيبتي وش ايم الدكتور اللي في مستشفى الشعب ياليت تقولين اسمه حبيبتي
|
مشكورة حبيبتي ماقصرتي
|
,والله حلو السعر اذكر سويتها عند د/ مبارك الفاران ب8500 بعد الخصم :) ،،
موفقه خيه . |
والله انا محتاااااارة وين اسويها ياليت الي له تجربه في الرياض او الكويت يقوول ....وحده اقنعتني اسويها في الشميسي طبعا على حسااابي تقول فيها دكتووور شااااطر وعنده احدث الاجهزة ومايأخذ الا خمسه الآف لانه يجيه دعم من وزارة الصحه ايش رايكم ياليت تتفاعلون معاي ودمتم
|
حبيت اشجعك على الموضوع وانا ان شاء الله ناوية اعملها لان خواتي عملوها وما شاء الله عليهم وحده صارلها سنتين والتانية صارلها 3 سنين
بس ما بقدر افيدك بخصوص اطباء العيون اللي في الكويت انا ناووية اعملها في بلدي الاردن ان شاء الله تكلف 250دك |
لاتفوتك عيادة المقبل في الرياض روووووووووووووووووعه
عن تجربة اقارب........ تبغين اي معلومات زيادهـ انا مستعدهـ ...... |
مشكوره حبيبتي ام كريم ...كنااافه كذابه انا ان شاء الله قررت اسويها عند يوسف المقبل وحجزت بس وربي ميته خووف ارجوك عطيني معلومات عنه يده خفيفه وهل هو شاطر ؟؟؟ وبكم يسويها ومشكورة حبيبتي
|
حبيت ادعيلك اختي الله ييسر امورك وان شاء الله العملية قصيرة جدا ممكن 10د الى 15 د
|
الله يجزاك خير ام كريم وان شاء الله بعد انتي تسوينها وترتاحين من النظارة ..موفقه اختي واسعدني مرورك
|
اختي الكريمة
انا سويتها في السعوديه عند الدكتور الاحمدي في مستشفى الاحمدي بالمدينه المنورة دكتور ممتاز وجدت عليه اقبال من كل الدول طبعا التوتر والتفكير والخوف يسيطر على الذين لم يسمعوا عن نتائج هذه العمليه ولكن من جد العمليه جدا سهله وما تشعرين بها ولا تخافين مطلقا فأنا بمثابة اختك وانصحك بما يرضي الله يمكن لو طول ربع ساعة وبعدها تحمدي ربك على نعمة النظر العمليه مكلفة بسته آلاف لكن عند دكتور ثقة والمال نفنيه في اشياء تافهة فما بالك بصرفة على عملية مهمة وتحديد مصير اختي لا بد ان تأخذي معك نظاره سوداء لانه يمنع ان تتعرضي للهواء والنور لفترة يقررها الدكتور مع مراعات استخدام القطرات بانتظام وبإذن الله تدعين لي اعقلي وتوكلي اسأل الله رب العرش العظيم ان يشفيك شفاءا لا يغادر سقما تقبلي مروري ولك شكري |
دبياااج الجنان الله يريح قلبك ريحتيني وربي...وبالنسبه للفلووس عادي سته الاف او سبعه بس بعض الدكاترة الله يهديهم يااخذون عشرة وتسعه بس الله يكتب اللي فيه خييير لي ولك ومشكووورة اسعدني مرورك حبيبتي
|
كنافه كذاابه ارجوك ردي علي لاني ناويه اسويها عند عياده يوسف المقبل كيف هو وبكم يسويها وهل قبل العمليه مايصلح احط كحل وكم المده ومشكووورة قلبوو
|
هههههههههههههههههههههههههههههههه مش مجرد كلام اجل مريتي بنفس معاناتي انا رحت لمستشفى الملك خالد التخصصي للعيون وعطوني موعد بعد شهر وفرحت طلع الموعد لفتح الملف وموعد الفحص انتظار وله تقريبا ست شهور ما صار عليه شي ههههههه
وبعدين وش يوديك للكويت الله يهديك بس فيه مراكز كثيرة هنا تسويها واستشاريين على مستوى عالي والعالم تجيهم من برا |
كتير 5000 دينار كويتي
انا عملتها في المغربي و دكتور ممتاز كلو مع العلاجات و العملية والفحوصات 800 دولار خيالي السعر جدا شوفي انا عملتها وكنت خايفة لكن صراحة الي هلأ عاملاها اكتر من سنتين مرتاحة ماشاءالله تبارك الله عيبها انو العين بتتاثر بالجفاف جدا يعني عشان انا في منطقة جافة جدا فعيوني بتنشف وبتدايقني و يتحرقني شوي لكن حسب الجو والعلاج بسيط جدا في قطرات دموع اصطناعية روعة بتبرد وبتريح العين وهوة مش عيب مهم ابدا يعني لو قالولي يرجع الزمن و تعمليها تاني ولاكيف اكيد حعملها بدون تردد بالنسبة الي مافي عيب الا هالعيب البسيط مقارنة بالمميزات الحلوة ماشاءالله بلا نظارة بلا هم زهقنا منها |
بس لو حتعمليها في مستشفى حكومي فحكايتك حكاية من قرائتي للردود مصيبة صراحة سنة عشان العملية
لا اعمليها عحسابك الخاص وامرك لله وافرحي وانبسطي المغربي للبصريات كتير حلو وانا مافصلتلك في النصائح الي قبل وبعد العملية لانو الدكتور ماحيقصر طبعا ان احتجتي شي لاتترددي بس تروحي تعمليها ويسرد عليكي نصائح اكتبيها هون عشان لو نسي يقلك شي ننبهك الو |
مشكور حبيبتي ملك الشاادي بس انا اللي اخااف منه انها تعوور ,,وانتي شكلك مسويتها بمصر ماادري مغربي فيه نااس مايمدحونه بالسعوديه..اسعدني مرورك
|
السلام عليكم ورحمه الله وبركاته
كنت مزعجتكم بالليزك والليزك قبل يومين سويت فحص على اساس بسوي ليزك طلع عندي جفاف في القرنيه وقال الدكتور القرنيه عندك تعباااانه مرة عطاني قطرة ومرهم وقال بعد شهرين تعالي ...وقال لا تلبسين عدسات في ها الشهرين لانها هي اللي متعبتك ....طيب تتوقعون ها الجفاف بيروح وبعدين اقدر اسوي ليزك بصراحه انا انصدمت يوم قالي ومااستفسرت منه طلعت على طووول تكفوون ردوا على اذا عندكم مشكله مشابهه او احد اقاربكم |
هلا غلاتي أنا سويت الليزك قبل 6 سنوات بالمغربي عند البروفيسور طارق أبو زيد ولا أسهل منها ولا أحلى من نتايجها..
بالنسبه للجفاف أحب أقولك أنا صار لي فتره أعاني منه ولما رحت عند دكتوره زينب الحباب بسعد التخصصي قالت لي الأسباب اللي سببها جفاف العين عند النساء وهي : 1- التعرض لتيارات الهواء مباشره كالجلوس أمام التكييف سواء بالبيت أو السياره.. 2- القراءه فتره طويله فالعين تكون قليله الرمش .. 3- الجلوس على النت فترات طويله.. 4- كثرة السهر وعدم النوم كفايه.. 5-والهرمونات لدى المرأه تلعب دور نتيجه الحمل والولاده والدوره الشهريه فلخبطتها تسبب جفاف لدى النساء أكثر من الرجال.. أي سؤال تحت أمرك ، اسأل الله لك ولأسرتك كل ماهو أجمل بالوجود ، دمتي ايجابيه دوما:d |
اقتباس:
|
يااخواتي العزيزات -----بنتي عمرها 13 سنه واريد اعملها ليزك ماهو السن الناسب للعمليه؟ مع العلم نظرها ضعيف جداوشكرا
|
انا سويتها عند الدكتور عثمان العمر في الرياض وكانت سعرها8000ريال من 6سنوات والعملية تستغرق ربع ساعة وترتحين شوئ وخمس ايام علاج بالقطرات ومتابعة شهريه لمدة تقريبا 5مرات
واخوي سواها في مركزالحبيب بنفس السعر والحمدلله ماشية كلتا العمليتين توكلي على الله وعند عمل العملية البسي فترة نظارة شمسية فترة وحافظي عليها من اشعة الشمس ويوجد مرطبات على شكل قطرة ومعقمة استخدميها بين كل فترة |
اقتباس:
|
اقتباس:
|
انا عملتها من سنتين ونص ...الحمد لله عند الدكتور خالد الشريف بعمان ......الأردن....
والحمدلله ....هم وانزاح....بتكلف اقل من 3000 ريال سعودي ....وبنصحك لاتترددي |
اعومي وتوكلي على الله وان شاء الله تبشرينا برجوع نظرك
|
آسفه حبيبتي والله توي اشوف الموضوع اذا كنتي من النوع اللي تلبسين عدسات
اغسلي ايدينك من العمليه لانه مايصلح للي يلبسون العدسات.... والدكتور لاتخافين مسوي اكثر من عمليه وناجح والله اسعارهـ حليوهـ توكلي على ربي وسويها .......... |
بنات انا دائما استخدم العدسات لي سنتين تقريبا
بس من فترة قريبة عملت لي التهاب والطبيب منعني البس عدسات وفصلت نظارة والحين ناوية اعمل ليزك بس بليز خبروني مافيها مضار ؟ وهلا هي مضمونة 100% ان شاء الله ؟ وياليت تعطوني اسم مركز او مشفى بالرياض مع اسم الدكتور شكرا |
اقتباس:
|
اقتباس:
وأنا كوكتيل نظارة وعدسات : ) الله ييسر بس |
كناااافه كذابه
ليه ماينفع ليزك مع عدسات؟؟؟ انا البس عدسات بس بطلت من قريب عشان التهاب عملت لي يعني ما ينفع ؟؟ وليش طيب ؟؟؟ :( تحطمت |
السلام عليكم
اختي مش مجرد كلام ان شاء الله تسويها وما عليك شر بس ودي اسألكم عن السن المحدد لعمل هالعمليه لاني ودي اسويها لولدي من يوم هو في الروضة يستخدم النظاره الله يجزاكم الخير ردو علي |
هلا وسهلا أنا سويتها قبل 3سنوات في مركز الحبيب الطبي بالرياض . وحمد لله الوضع تمام والنظر رجع 6 ع 6 والعملية أستغرقت 20 دقيقة . وعند الأستشاري د/ عبدالرحمن المعمر ،، رئيس الأستشاريين بمستشفى الملكــ خالد الجامعي . دكتور فاضل وخلوق , والعملية كلفتني تسعة ألاف ريال بس . وبالنسبة للعملية بسيطة جدأ ومارست حياتي بعد العملية مباشرة كأني لم أعمل شي , بحمد ربي .. |
اقتباس:
|
اختي كنافه كذابه عااادي يصلح الواحد يسويها وهو يلبس عدسات ....اختي تلبس عدسات من عشر سنوات وقبل سنه سوتها وعااادي وضعها اللحين ...صح العدسات تسبب اللتهاب وتررقق القرنيه انا سوت فيني كذا بس مو معناته ماتصلح عااادي كثير يلبسون عدسااات وسوها
|
اقتباس:
|
| الساعة الآن 01:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©