|
زوجي صعب الارضاء
السلام عليكم جميعا أنا عضوه جديده هنا وأتمنى أن أجد لي مكانا صغيرا بينكم وأنا حاليا أحتاج لمشورتكم في مشكلة تزعجني فلاتبخلوا علي بها أنا تزوجت منذ سته شهور لكني لست سعيده مع زوجي زوجي جاف عاطفيا معي .. من أول زواجنا لم أسمع من أي كلمة مدح أو غزل أو رومانسيه فضلا عن أنه ينتقدني على كل شئ بغض النظر إن كان يستاهل أو لا .. ولو سويت شئ معين عشان ارضيه مايبين معاه ومايحاول حتى يشكرني عليه .. مثلا لما أطبخ طبخه جديده وأكون تعبت نفسي فيها ساعتين ثلاثه ألقاه ياكل بشهيه على السفره ومع ذلك لما اسأله بعد الأكل هاه كيف كانت الطبخة اليوم ؟ ألقاه يقول لي .. معفن وماعجبني .. أقوله طيب وليه أكلت منه طالما ماعجبك يقول لي وش تتوقعي طيب من واحد ميت من الجوع ! أكيد بياكل أي شئ قدامه أنا حاولت مرات كثيره أعاتبه على تصرفاته معي لكنه يكابر دائما ومايعترف بغلطه ويتعذر بأنه كان يمزح معي بس :eek: وأحيانا يتهمني بأنني نكديه وعقلي صغير وأحب اختلق المشاكل !! أنا مليت من معاملته هذه وأحس إني مقدر أصبر على هذا المنوال أكثر من كذا .. ساعدوني جزاكم الله خير |
مبروك الزواج وعضوية المنتدى اختي ممكن ان زوجك متعود من خلال الاسرة التي كان عايش فيها بعدم تقدير كل طرف الطرف الاخر اواحد اوحى له بان يكون قاسي الطبع او بمعنى أسد حتى يفرض صيطرته عليك وعليك باختيار الوقت المناسب ومناقشته اذا كان لديه ملاحظات عليك ومنها اذكري ملاحظاتك فلعل وعسى ان يتفهم الموضوع ويتحسن والا المعامله بالمثل بدون اخلال بواجباتك الزوجيه نحوه ونحو بيتك والله يهديه ان شاءالله .
|
اقتباس:
الله يبارك فيك أخوي وجزاك الله خير على ردك لكن ردا على كلامك لا ماهو هذا طبعه مع أهله بالعكس هو يتحول لإنسان ثاني لما يتكلم مع أمه وخواته .. أشوفه دائما يلاطفهم بالكلام ويجاملهم ومايرد لهم طلب مهما كان متضايق أو مشغول .. الردود الجافه هذيك يخصني بها أنا لوحدي مدري ليه ! |
السلام عليكم ورحمة الله وبركاته
اختي الغالية مبروك الزواج بس هاتيلي رجل واحد بالدنيا يعامل زوجته مثل ما يعامل امه واخواته ولك اللي تبيه :) ماااافيش حاولي اكسبيه يا اختي حبيبتي يمكن انه يقول انه عقلك صغير وتحبين المشاكل لانك تسألين كثير وتطلبين المشاعر اعطيه فسحة . اعطيه مجال يعبر بدون اسئلتك تجاهليه وشوفي كيف رح يركض وراك يطلب رضاك بعدين يا غالية المعاملات البشرية بالغالب معدية . خصوصا بالزواج امدحيه واشعريه بحبك بدون لا تطلبي المقابل .. وبتشوفين نتيجة تبهر الله يوفقك يا رب ويحفظكم ويسخره لك |
الف مبروك الزواج اختي شمس .. وان شاء الله تظللك السعاده و الهناء طوول العمر وحياك الله بيننا في بيتك الثاني .. واتمنى انك تظلي تتواصلي معنا في المنتدى عشان تستفيدي من خبرات الاعضاء بخصوص الحياه الزوجيه .. اختي هل سبق و جلستي مع زوجك و عاتبتيه عتاب المحبين على اسلوبه معك ؟؟ هل قلتي له انك تراقبي معاملته مع امه و خواته و كيف هي رائعه لكن معك تشعري بانه جاف .. قولي له كم انت جميل في نظري و انت تتكلم مع خواتك و امك .. ارى الحنيّه تقطر من شفتيك و من نظرات عينيك .. لكني لا اجدها حينما تتعامل معي .. لماذا ؟؟ لا تظن اني سوف تسوء اخلاقي لما تعاملني باللين و اللطف .. بالعكس هذا راح يكون له مردود عليك باني اغدقك بالحب و الحنان .. كيف تريد مني ان اعطيك الحب و الحنان و انت جاف معي .. و اطلبي منه انه يوجهك اذا اخطأتي باسلوب لطيف .. الله سبحانه و تعالى خاطب النبي عليه السلام قائلا .. ولو كنت فظا غليظ القلب لانفضوا من حولك .. قولي له اسلوبك الجاف معي راح يخليني انفر منك .. جربي هذه الطريقه مره و مرتين و ثلاث واذا ما نفعت معه هناك حلول اخرى و لكن لكل حادث حديث .. وربي يسعدك .. |
اقتباس:
لأ في يا حلوة..شو تعطيني؟ :d عزيزتي صاحبة المشكلة...يبدو أن زوجك اعتاد على هذا الأسلوب أو أنه يخاف ان المديح والدلال قد يفسد الزوجة.. الحل الوحيد هو أن تصارحيه بحب ولطف وتخبريه بما يجول في خاطرك... تحياتي.. |
اقتباس:
الله يبارك فيك أخوي أنا من تزوجته وأنا أحاول أكسبه واتقرب منه ماخليت شئ ماسويته طاعة واحترام واجتهاد في ارضائه عن طريق الطبخ ونظافة البيت والتزين له وحتى بالكلام الطيب وشكره والثناء عليه على كل صغيره وكبيره لكن ابدا مافي فايده مايتجمل ابدا مهما سويت ودائما يقهرني بكلام مزعج .. والله عجزت معاه مشكووور أخوي على دعائك لي ولك بالمثل إن شاء الله |
اقتباس:
الله يبارك فيكي أختي ويحميكي ويسعدك أنتي كمان وبالنسبه لأمه وأخواته أنا صرت أغار من خواته كثيييير بسببه وحاولت أكلمه أكثر من مره لكنه يقهرني بردوده ويقول كلام مثل هذولي أهلي وأكيد إني أحبهم وأفضلهم عليكي ويطلب مني ماعاد أجيب سرتهم ولا أقارن بين علاقته بي وعلاقته بهم ويخليني اسكت بعدها من القهر على حالي عجزت ياأختي أتكلم معاه لكنه مايفهم ويصر دائما إنه صح في كل شئ |
أختي الفاضله ***
الكثير من الزوجات يعانون مثلك من قساوة أزواجهم *** وهذا بسبب التربية التي تربى عليها *** أقصد هو يشاهد معاملة والده لوالدته وهذا يؤثر عليه *** وقد يكون السبب أنه يعتقد أن الزوج إذا مدح زوجته أو تغزل فيها يقلل من أحترامة أمامها *** ثم تستغله لحبه لها *** طبعاً هذا حسب ماسمعته من بعض الشباب هداهم الله *** طبعاً أنا ضد هذا كله *** لأن الحياة الزوجية هي شراكة اساسها الحب والأنسجام والأخلاص والتضحية *** لكن أتمنى أنك لا تكبري الموضوع *** صدقيني مع الوقت سوف يتغير للأحسن *** طبعاً هذا بجهودك وصبرك في معاملة زوجك *** بتقولين كيف ؟؟؟؟؟؟؟ أفضل وقت تتفاهمين معه هو وقت مايكون زوجك راغبك ويرد حقه الشرعي *** في هذا الوقت أستغلي مزاج زوجك الرايق واطلبي منه ماتريدين بأسلوب ناعم ورقيق *** بدون عصبيه أو رفع الصوت *** أهم شي وصلي له المعلومة التي تريدينها *** وقولي له أنا أكون في قمة سعادتي إذا أنت أثنيت علي ولو بكلمة بسيطه *** وأرجوك لا تبخل علي بالكلام الجميل الذي يرفع من معنوياتي ويسعدني *** ثم لا تستعجلي النتائج *** كوني صبوره مع تعويده على سماع الأطراء الجميل *** والكلام الناعم الذي تريدينه منه *** ومع الوقت سوف يبادلك بنفس الكلام *** وأحذري تكرار هذا الطلب في كل وقت *** علشان لا يكابر ويصبح الموضوع عناد بينكما *** بالتوفيق إن شاء الله 0 |
اقتباس:
الله يديم عليك سعادتك ويهنيكي أكثر وأكثر مع زوجك ربما يكون تخمينك صحيح بخصوص قناعته بإنه الدلال يفسد الزوجه لأنه يمتنع عن مدحي أمامي لكنه يمدحني عند الآخرين .. أنا سمعت من قريبه له إنه مدح طبخي عند زوجها ولاأعرف مدى صحة كلامها هذا ! |
اقتباس:
اختي شمس ديري بالك تبيني لزوجك غيرتك من خواته و امه .. انتبهي لتصرفاتك جيدا .. المطلوب منك انك تقوي علاقتك مع اهل زوجك لانه واضح انه زوجك متمسك في اهله و هذا شي طبيعي جدا .. و دايم اذكري اهله بكل خير .. و لا تخلي زوجك يكون في موقف انه يختار بينك و بين اهله .. لانك انت الخاسر الاكبر في هذه المقارنه .. خليك ذكيه .. وربي يسعدك .. |
اقتباس:
جزاك الله خير أخوي على نصيحتك واسأل الله أن يوفقك في كل أمورك ويحفظك من كل سوء الحقيقه لم يخطر على بالي مسبقا أن أحدثه وقت العلاقه أشعر بالخجل من سؤالي هذا لكن هل تنصحني أن أحدثه قبل العلاقه أم بعدها ؟ |
اقتباس:
ليس قبلها او بعدها *** كلميه خلال العلاقة *** قبلها قد ينفر منك *** وبعدها لن يسمع منك *** بالتوفيق إن شاء الله 0 |
اقتباس:
حبيبتي أميرات أنا صرحت لزوجي بغيرتي هذه وماعاد اقدر اخبي الآن أنا والله أحب أمه وأبوه واحترمهم كثير .. وحتى خواته ماشفت منهم إلا كل خير ناحيتي .. لكني أكره تفرقته في المعامله بيني وبينهم عاطفيا وماديا وخصوصا مع خواته على فكره اخواته ثلاث وكلهم مزعجات وطلباتهم ماتخلص وطول اليوم يسووا له رنات عشان يتصلهم وكلها عشان طلبات وخدمات وكل يوم جيب وهات وسوي وأعمل وهو ماشاء الله مايقصر معاهم ماديا حتى للمتزوجات منهم يعطي عطاء من لايخشى الفقر وأنا زوجته مافي مره فكر يعطيني مصروف أو يشتري لي هديه ومافي مره اشترى لهم غرض وفكر يشتري لي مثله من باب المجامله حتى والله ياأختي الحبيبه أنا قلبي مليان عليه لأسباب كثيره وأحس إني كرهته مره |
اقتباس:
بجرب إن شاء الله مشكوور أخوي على متابعتك واهتمامك |
اقتباس:
أرأيتِ؟ زوجك يا عزيزتي يحبك ويفتخر فيك دون شك لكنه لا يريد - على حد تفكيره - أن تتسلطي عليه في حال دللك وأثنى عليك.. عليك أن توضحي له بتصرفاتك الحكيمة واللطيفة أنك تريدين ولو القليل من المدح حتى تتشجعي وتعرفي أن جهودك لا تضيع هباء..اجلسي معه بهدوء واطلبي منه ذلك بحب.. تحياتي.. |
شوفي قلبي انا بقول لك حلين ممكن احدهم ينفع معه انتي جربي الاثنين
الاول كل مايقول لك كلمه سيه ردي عليه بكلمه حلوه زي لما قالك الاكل ماعجبني ومعفن ...لاتبيني انك زعلتي ( انا اعرف انه هذا الشي يزعل ) بس انتي ردي عليه وقولي له بالعافيه على قلبك حبيبي المهم انك شبعت وان شاء الله المره الثانيه اعوض بشي احلا يعني اي كلمه منه مو حلوه انتي ردي بشي حلو وصدقيني اكيد وان شاء الله بلين معاكي والحل الثاني مادري ينفع معك او لا اقرب شي تقدري توصلي لزوجك الي بخاطرك ..اذا كنت من النوع الي يعصب ويزعل بس ينرفزك وماتقدري توصلي لحل معه خذي ورقه وقلم واكتبي كل شي بخاطرك تجاه زوجك ... واهم شي تبيني بالرساله انك تحبينه وتبغين رضاه واكتبي اي شي مو عاجبك فيه او اجلسي معه جلسه هاديه قولي له بصراحه وهدؤ ايش مو عاجبك فيني ...وليش تعاملني بهاذي الطريقه يعني عندك كذا طريقه اختي بس انتي حاولي تختاري الوقت المناسب بس ركزي على اول شي كتبته لكي اي رد مو حلو منه قبليه برد حلو منك وربي يوفقكم ويسعدكم تقبلي مروري |
اقتباس:
مشكووره ياغاليه على متابعتك واهتمامك لكن زوجي من النوع العنيد والمكابر إذا وجهت له إي عتاب مهما كان لطيف مايتقبله لازم لازم لازم يزعل مني ويخاصمني بالإيام حتى لو كان يدري إنه غلطان وكل مره أنا اللي اتنازل وروح أصالحه واراضيه عيشه تقصر العمر والله لو كنت ادري إن الزواج كذا كان جلست في بيت أهلي أكرم لي |
اقتباس:
أشكرك على نصائحك وراح اجرب اطبقها وخصوصا موضوع الرساله عسى ربي يهديه ويسخره لي الله يحفظك أختي من كل شر ويوفقك ويسعدك وين ماكنتي |
اقتباس:
اقتباس:
اي نعم انت اخطأتي بتصريحك هذا لزوجك لكن مو معناته انك ما تصلحي الخطأ .. ما طلبت منك انك تنافقي زوجك و لكن حاولي انك تبيني اخلاق اخواته الطيبه و تعاملهم الجيد معك و انك مع مرور الوقت تتعلقي فيهم اكثر وتحبيهم اكثر .. اقتباس:
يا شمس هم اخواته و انت زوجته .. هم عاشوا مع بعض سنوات طووويله هم من دمه و لحمه .. وانت ما لك الا كم شهر متزوجه .. يعني لو اخوك يعاملك مثل ما زوجك يعامل خواته هل راح ترفضي هذه المعامله من اجل ان لا تزعل زوجة اخوك ؟؟ اقتباس:
طيب بسيطه .. اطلبي انت مصروف شهري .. ومو لازم يشتري لك هديه .. اذا خرجتي معه الي السوق و شفتي اي شي نفسك فيه اشتريه و اعتبريه هديه من زوجك .. اقتباس:
يمكن ما جا على باله هذا الشي فيك تلمحي له و اذا ما فاد التلميح اعطيها اياه كاااش و انت تبتسمين كأنك تمزحين .. يا شمس الشغله مو صعبه ابد .. انما محتاجه منك الي شوية دهاء و ذكاء و تاخذي كل اللي تبيه و زياااده كمان .. |
اقتباس:
لكن ياأميرات وش الفايده إني اطلبه هديه أنا بنفسي أبغى المبادره تجي منه هو لأنه راح يكون لهديته طعم ثاني وقتها وبالنسبه للمصروف الشهري هو مادياته مو قويه مره وراتبه جزء منه يروح في تسديد ديونه حق الزواج ومصروف لأهله وطلبات لخواته والباقي نمشي فيه حالنا بالعافيه وأنا كنت ومازلت أرحمه وماودي أثقل عليه بشئ ولو لقيت معاه فلوس لساني ينعقد واستحي اطلبه ومع ذلك كله مابين بعيونه ويبخل علي حتى بالكلمه الطيبه وكل اللي همه أهله ثم أهله ثم أهله ياخسارة كل تعبي معاه وأنا وش استفدت منه غير وجع القلب هذا هو زوجي زعلان مني من يوم الجمعه ومايكلمني إلا للضروره والسبب إني زعلت من انتقاده لحلى سويته له والله ياأميرات أنا ودي أتعلم كيف أكون قاسيه وشريره وأنانيه وماأفكر غير بنفسي بس أنا اكتشفت مؤخرا إن الرجل مايقدر ولايحترم إلا الزوجة اللي توريه الويل ونجوم الليل بعز الظهر |
اقتباس:
حبيبتي اولهم اخويه انا وامي اكس وحرمته فوق كل شي حتى ما ينزل عندنا الا معاها هى ما تخليه واي امي تطلبه اول شي يلتفت عليها يقولها ايش رايك !!! ها فيه ولا مافيه :) :25: |
اقتباس:
عزيزتي هذا أمر مرفوض بالطبع.. لكن الأخت بكر الشايب قصدت معاملة الزوج لزوجته وأمه واخواته بالسواء... أي أن يحب ويحترم أمه وأخته وزوجته بالقدر نفسه.. |
اقتباس:
المفروض الرجل يعامل الاثنين بطريقه طيبه مايحب زوجته ويطنش اخواته ولا العكس |
اقتباس:
عزيزتي أنتِ فهمتني بالمعكوس :d قصدت أن زوجي يحب أمه وأخواته ويحترمهن كثيرا ويحبني ويحترمني كثيرا..وكنت أقصد المساواة في التعامل وليس التفرقة.. تحياتي لكِ.. |
مادمت قائمة بواجباتك من كل النواحي فلا داعي للقلق . هو هكذا ,سيتغير و لكن من تلقاء نفسه و لن يستطيع أحد تغييره سوى الله. هوينيها أيتها الأخت. و الكلام الجميل لو كان بالغصب لا طعم له.
|
اقتباس:
الله يخليك حسين يارب:22: |
دلعي نفسك وخليك جريئة وتعاملي معاه على انك طفلة
طنشية ولاتزني وتعيدي في نفس الموضوع عشان مايكرهك ويعتبرك نكدية واذا سويتي حلى او طبخة لاتسالينة عن راية دام انتي عارفة انا حلوة ماعليك منة دلعي نفسك الرجال يحب المراة الدلوعه وشيلي الثقل والحياء بينك وبين زوجك خلية للناس |
اقتباس:
بس انتي عارفين احمد اخد عقلك بس انا ايش ؟! :mad: |
| الساعة الآن 08:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©