|
زوجي يدخل على مواقع زواج
السلام عليكم ورحمة الله وبركاته أنا من المتابعين الدائمين للمنتدى ولكن أول مرة أضيف موضوع آملة من الجميع النصيحة والتوجيه البناء مشكلتي باختصار::30: كنت من يومين أحوس بالنت وفتحت الهيستوري أبي أدور شي كنت داخلته من قبل وبالصدفة لقيت اسم موقع حق زواج ولقيت تسجيل ولينك حق مواصفات وحدة... :eek: المهم أخذتني الوساوس بس تصرفت مع زوجي بشكل طبيعي إلين ما أتأكد واليوم الصبح فتحت النت ولا ألاقي نفس الموقع بنفس التفاصيل بصراحة نفسيتي مرة تعبانة وشايلة هم.. لأني خايفة أتغير بتعاملي معاه..:24: وهالاشياء تأثر بنفسية الوحدة بالغصب يعني شعورك إنه زوجك قاعد يدور على زوجة ثانية :16: ماني عارفة كيف أتصرف؟ هل أصارح زوجي؟ ولا أسكت؟ ولا إيش أسوي بالضبط؟ بصراحة زوجي إنسان صالح ومستقيم الحمدلله وما أبغى أخسره...:29: وأنا ماني مقصرة عليه بشي.. علما إنه حياتنا قائمة على التصارح والحوار:22: صارلي متزوجة 6سنين وعندي طفيلن:15::15: انصحوني الله يجزاكم خير أهم شي تكون النصايح مفيدة:25: |
على فكرة إذا لا حظتو من طريقة كتابتي للمشكلة كأني متبلدة الإحساس بس فعلا أنا في حالة صدمة مو طبيعية لأني لو كنت في حالتي العادية كان سويت مشكلة مالها أول من تالي لكن حسيت في هذي الأمور التروي والتأني أحسن شي علشان أوصل لنتيجة طيبة مع زوجي.. لأني أحبه وأموت فيه وأعرف انه يبادلني نفس المشاعر والحمدلله بس ماني عارفة ايش اللي صار النصيحة يا أهل المشورة ليش ما أحد رد ؟؟؟؟؟؟ |
شوفي يا اختي حلم .. من كلامك عن زوجك انه رجل مستقيم و فاهم و يحبك .. فتأكدي ان ما يقوم به زوجك هو مجرد مضيعة وقت .. زوجك اذا اراد ان يتزوج فانه لن يتزوج من هذه المواقع بل راح يبحث عنها بنفسه .. نصيحتي انك تصارحي زوجك بالموضوع .. و تقولي له فسر لي هذا الكلام لماذا البحث عن زوجه اخرى ؟؟.. بالتوفيق ان شاء الله .. |
اذكري الله والمكتوب رح يصير
|
أختي الفاضله ***
نصيحه لوجه الله أنك تحذفين هذا العنوان من جهاز الكمبيوتر *** علشان ترتاحين *** هو طبعاً سوف يحس بأنك اطلعتي على هذا الموقع *** وسوف يخجل من نفسه *** لماذا يخجل من نفسه ؟؟؟ لأنه يخش هذا الموقع بسبب الفضول وحب استطلاع وليس بسبب الزواج *** صدقيني هذا يحصل للكثير من الرجال *** لأنه لو أراد الزواج لن يتزوج بهذه الطريقة *** المهم أنسي الموضوع وأهتمي بزوجك وبيتك ولا يدخل الشك في قلبك على زوجك *** وباين من كلامك أن زوجك يحبك *** فحافظي على زوجك وعيشي حياتك بكل سعادة *** لا تجعلي هذا الموضوع يؤثر عليكما *** وعلى حياتكما الزوجية *** بالتوفيق إن شاء الله 0 |
أميرات الغلا شمر زوج عتيق مشكوريييييييييييييييين على الردود:22: بصراحة ارتحت وحسيت انه الموضوع مو بهالخطورة:25: على فكرة الهيستوري عندي ينحذف كل يوم اوتوماتيك لكن صادف هذاك اليوم اني فتحته بنفس الوقت يعني فكرة اني احذف علشان يحس ماتصلح:29: على العموم أحس إنه اسكت على الموضوع احسن يمكن اذا صارحت زوجي يحس اني اراقبه وكاتمه على انفاسه:11: وحتكون الحركة هذي نقطة قوة لصالحي في المستقبل اذا صار أي شي لا سمح الله:18: ومرة ثانية مشكورييييييييييين وما قصرتوا ريحتوني:d |
حبيبتي في اغلب الاحيان يدخل الرجال هذه المواقع بغرض التسليه لا اكثر ..وانا اشوف مافي احسن من الصراحه اسأليه بهدوء واطلبي منه ما يدخل مثل هذه المواقه مره اخرى...
والله يوفقك ويريح بالك |
اختي
انا اشوف انك تفتحي الجهاز قدامه وتسوي انك بالصدفه دخللتي على الهيستوري ولقيتي اللينك وتضحكي عادي وتتكلمي عادي وقولي ايش من الفضاوة بتتفرج خليكي بارده وطالعي في عيونه شوفي ايش فيها بصراحه احس لو قلنا احذفيه ولا تسالي او انسي الموضوع راح يجلس الشك ي قلبك واي تصرف يسويه لو كان عادي انتي لا شعوريا راح تربطيه بموضوع اللينك الله يوفقك ويسعدك يارب |
فعلا احذفيه وارتاحي وتأكدي انه داخل من نوع التسلية
|
magic21 miss. fofo سحابة الصحراء مشكوريييييييييييييين وما قصرتوا:) بس حيرتوني:23: احسن شي خليها على الظروف:21: عجبتني فكرة اني ادخل قدامه على اللينك بالغلط احس مريحة:25: الله يكتب اللي فيه الخير |
يالبى قلبها ياناس وربي ذوق
|
حبيبتي تراه الموضوع عادي جدا بتصير من بابا التسليه في حتى مرات بنات متزوجات ويدخلو مثل هاذي المواقع انتي لازم اتواجي حتى الشكوك تتبدد ولاتخافي تراه الموضوع طبيعي جدا
|
وآ!جهيـــه .~ بالطريقــه الي تنفـع مع زوجــج ، بحيث يخجل من نفسـه ., ويتلـوم فيـج ~. أمـآ! تسكتيـن وتتركيــنهـآ! للظـروف .~ ممكـنه .~ ولكـن اتكلمـي الآن ., وحسسيـه بجديتــج في المـوضوع .، بدون مــزح ، ولكــن بقمـة الهدوء .,~ ., لا تحسسينـه إنـج تنتظرين منـه تبرير ., اتركيـه يحـس بكبـر عقلـج ., ورقـي الأسلوب منــج ، ~. علشـآ!ن لا سمـح الله صـآ!ر مـوقف بينـج وبينـه بعدين ., تكـون عنـدج الحجـه ., وآ!ضحـه لج ولـه :) الله يهديـه ويصــلح بــآ!له يــآ!رب ., تقبلي مــروري |
حبيتى الموضوع اكيد تسلية او حب الفضول انا من راى مس فوفوا افتحى امامه وخذيها بضحك
|
عزيزتي اذا انت مو حاسه انو هو متغير معكي في تعامله او حكيه او اي اشي تاني معناته اكيد من باب التسليه وانت عاد هون دورك حاولي تسليه وتلهي عن هالمواقع ... تقبلي مروري |
قديكون زوجك لاحظ عليك بعض التقصير من ناحيته وحب ان يعلمك بطريقه غير مباشرة انه قادر على الزواج عليك حتى تهتمي به اكثر واتصور لوكان مخطط على الزواج بشكل جدي لعمل على ذلك بشكل سري وان شاءالله يكون الموضوع مجرد تسليه لاغير ....
|
الغلا شمر أم سنو jooolie تيررا نور الاسلام10 ركاد :d مشكورين وما قصرتوووووووووووو باخذ آراءكم بعين الاعتبار انا ما ارتحت الا لما حسيت الموضوع عادي وحتى أعصابي هديت ولا حظت زوجي عايش بطريقة طبيعية :25:بس ما أدري ايش اللي خلاه يسوي كذا غريبين الرجال:29: :30: الله يصلحهم ويهديهم ويسخرهم لنا واحنا بعد الله يوفقنا ومانقصر عليهم بشي :17: |
اختي اذا شفتيه فاتح الموقع خذي الكي بورد ( لوحة المفاتيح ) من يده واغلقي الموقع علشان يحس بغيرتك ويعرف انك مهتمه
على فكره . ترا هذا من ابسط حقوقك وحاولي تتقربين من زوجك ولاتعاندينه وتخلقين له المشاكل علشان ماتطير العصفوره وبالتوفيق |
المشكلة مو في موضوع الغيرة لأنه واضح والحمدلله:11: والعناد وخلق المشاكل هذا مو بقاموسي:( قررت أخلي الوضع مثل ماهو عليه إلين يسير شي يستدعي التصرف بطريقة ثانية:30: الله يفرج علي وعلى كل المسلمين واللي نصحوني وردو علي ويعوض عليهم خير :d |
| الساعة الآن 01:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©