|
مليت من اهمال زوجي ....ماهو الحل؟
السلام عليكم ورحمة الله وبركاته
راح ادخل في الموضوع على طووول مشكلتي مع زوجي انه دايمن يوديني انام عند اهلي صار لي 7شهور متزوجه قبل كان يقول بكرى عندي شغل وبتاخر عليك احسن نامي عند اهلك بس كثرت نوماتي عند اهلي واللحين يقول لي فلان زوجته تنام عند اهلها خميس وجمعه ليش انت ماتصيرين زيهم استغرب من تصرفاته جدا كان يسمعني كلام يضايق ويجيبها مزح مثلا ليتك تموتين ارتاح مثل هلاشياء اللي تحسسني انه مايبيني لاكن دائما ارد عليه اقوله ماتبيني قلها لي بس لاتجلس تسمعني كلام يجرح مره ارسلتله رساله طويله قلت له بصراحه انا مافهمتك كلامك هذا اللي تقوله يدل على انك ماتبيني اذا انت ماتبيني قلها لاتستحي ليش ماتقولها رد علي قال انا امزح هذا هو طبعي كذا لساني بذيء لاكن قلبي ابيض لو انا مابيك كان ماخليتك ولا ثانيه لو اني مارتحت اوديك عند اهلك وارسللك تاراي مو راجع وارسل ورقة الطلاق عقب بس انامرتاح لاكن ماني قادره افهمه ابدا امس نزلني عند اهلي تونا راجعين من السفر قال تراك بتنامين عند اهلك قلت ليش قال بس كذا اصلا ابي اخليك تتعودين تنامين يوم بالاسبوع قلت له لا اجل ماراح ارتاح قلت بعيدين اذا معي عيال وش بتسوي فيني قال تنامين يومين بالسبوع قلت له لا انا ماعندي استعداد اتلعوز كذا واتبهذل صراحه ماراح احس بالاستقرار والراحه اذا انت بتسوي فيني كذا بعدين علمني من اللحين قال واذا علمتك وش تفرق وش بتسوين قلت اهم شي ارتاح بحياتي كذا ماقدر اعيش اسكت ماقال شي بعد ساعه او ساعتين اتصل علي قال جوعااااان ياليتك عندي تسوين لي شي قلت بس عشان اسويلك شي تاكله بصراحه ماحسيت اني متزوجه ابدا يعني ماحسيت بقيمتي عنده احس بفراغ عاطفي كبير مايسمعني كلام حلو ولا حتى اذكر انه ظمني من نفسه دايم انا اللي ابادر بهذي الاشياء لاتقولون يمكن مل منها لا اصلا مو دايم حتى جربت مره احرمه من هذي الاشياء يمكن هو يبدا يفقدها او يسويها من نفسه بس مافاد ابدا وانا مو مقصره معاه بشيء يعني دايما البس له واتعطر كل شي اسويه كل ماجيت بسوي له مفاجئه احس باحباط لاني ماني لاقيته لمي احس باحباط من اهماله لي احس انا ادور سعادته وهو مايفكر بسعادتي لاني عندي فراغ عاطفي كبير من عدم اهتمامه فيني ابي ارائكم شسوي معه مليت ماني حاسه اني سعيده ولكم جزيل الشكر.. |
بعد ساعه او ساعتين اتصل علي قال جوعااااان ياليتك عندي تسوين لي شي
هذه الجمله هي الحل يعني وقت ياخذك عند اهلك لا تتركي له اكل في البيت وتقولي حرااام خلي معدته تفقدك الاول مش يقولو لا تستطيع الزوجه الوصول الى قلب زوجها الا عن طريق معدته حاولي انو ما يكون شي جاهز بالبيت خليه يحس انو فاقد شي الله يحببه فيكي |
السلام عليكم
اختي الكريمة ما يعمله زوجك غير طبيعي البته...هذاقد يحصل بعد فترة طويلة من الزواج ولكن ليس في مثل حالتكم. أولاً هل تثقين فيه؟؟ يعني كيف التزامه؟؟ هل يمكن ان يكون يعمل بعض المنكرات...مثلاً تدخين..أو مشاهدة اشياء إباحية....أو حتى يمكن خيانه؟؟؟ إذا كان ملتزم...فتكلمي معه بجدية تامة ولو أستدعى الأمر استعيني بأهلك للكلام معك , لأن هذا الموضوع فعلاً غير طبيعي خاصة انكم لم تكملوا السنة... فكيف بعد أن تخلفوا الأطفال ... فالموضوع الأن ليس خطير ولكن بعد فترة قد يصل إلى منحنى خطر في المستقبل.. الحذر ولا الشجاعة Shark |
يجب مواجهته كيف 7شهور زواج ويطلب منك النوم عند الاهل ؟
حاولي تجلسين اسبوعين ماتروحين لاهلك اتحججي بتنظيف البيت او عندك غسيل وشوفي ايش السبب اعانك الله وسخر زوجك لك |
هل زوجك يعطيك حقك في الفراش ؟؟ هل تشكي ان زوجك عنده علاقات مع نساء ؟؟ |
كيف دينه والتزامه ؟؟ .. هل لاحظتِ أي شيء مريب في الفترة الأخيرة ؟؟
فرج الله عنك وجمع بينكما على خير وحب .. |
اختي اصحي لزوجك واعرفي وين يروح لما ينزلك عند اهلك
واخري سالفة الاطفال لين تعرفين زوجك اكثر اذا بمقدورك خلي احد من اخوانك المقربين يتابعه يشوف وين يروح لما ينزلك بس اصحي يدري عن مراقبتك له ربنا يعينك |
اختي اذا واثقه من اخلاق ودين زوجك عطيه مساحه عشان يرجعلك مشتاق لك بس دام منتي مرتاحه تنامين عند اهلك لا توافقين عشان لا يتعود
|
كيف التزامه الديني ؟؟ هل يصلي كل وقت بوقته ؟
|
الله يعينك
|
لسه ماتعودتش على نفسك ولم يتعلق بيكى إلى الان
أنتى وشطارتك ممكن تجعليه يعشقك كل شيئ هين بس أنتى فين لم أجدك تردى على الاعضاء عندى لكى حلول جيده بعدما تردى على الاسئلة الاعضاء لأنها مهمه جدا |
انا اتوقع عكس ما كتبوه اخواني الاعضاء
اتوقع انه ما بعد يتعود على المسؤولية يبغي له شوية وقت على ما يتعود على انك تكوني 24 ساعة معه يشعر انه مقيد لان قبل سبع شهور كان حر طليق ...اما الان ...فهو مسؤول عزيزتي ...لا تخافي ...اتوقع انه طبيعي ... باين عليك انسانة رومنسية ...وزوجك انسان عملي يعني ...انت جنوبية و زوجك شمالي وينك عزيزتي اميرات ...انت استاذة في هذه الناحية اشرحي لاختنا عن بوصلة الشخصية وراح ترتاح ربي يسعدكم |
حبيبتي اسمعي مني لاني نفسك بظبط بس انا صبرت وانجبت طفاله سرعي في الانفصال لان لو حبك ويبيك والله ماصبر عنك لا تضلمي نفسك وتنجبي اطفال صدقيني انا مرررررره عنيت ووصلت لحاله مره نفسيه من هذا الامر وكان يقولي انها يبغاني بس هذا كلام لان بس امام اهليهم والناسالله يسعدك ويكتب لك الخيره
|
ياختي انتبهي لزوجك الي يسويه مو طبيعي الي اعرفه ان الوحده بداية زواجها يعني السنه الاولى يكون زوجها مايستغني عنها ومايستحمل بعدها مو مثل ما يسوي زوجك حبيبتي ما بخوفك بس احذرك انتبهي لزوجك وفتحي عيونك زين وتصرفي معه بحكمه والله يوفقكم
|
ياحبيبتي انا مثللك ماصارلي الاسبع شهور ويقولي رحو لبيت اهللك وانا ارسللت مشكلتي وساعدوني اخواني واخواتي الله يجزاهم خير بالمنتدى .والحين صارلي اسبوع ونص حتى ماسال عني وولا قالي مشتاقللك.حبيتي مالك الاالصبر وكثره الاستغفار والدعاء.
|
الموضوع مش طبيعى غيرى من اسلوب حياتك يعنى لو قالك روحى بتنامين فى بيت اهلك قولى له انا ما اتجوزت عشان انام فى بيت اهلى و خلى اهلك يزورونك يعنى اعملى تنشيط فى البيت و بعدين اطبخى له ما الد و طاب و اناقة كاملة و كانك سيدة القصر عوديه على بقائك فى البيت و بالنسبة لزيارتك لاهلك خليه ايوديك و ايردك لو ما ردك خلى ابوك او واحد من اخوانك ايردونك لبيتك لو قالك ليش رجعتى قوليله هدا بيتى و انت تاج راسى مش هين على اتركك لحالك و من هدا الكلام
|
شكرا لكم جميعا على اهتمامكم
زوجي يصلي كل وقت بوقته لاكنه اذا كان نائم الفجر يصليها مع الظهر بالنسبه لوثوقي فيه انا مادري ثقتي في محلها ولالا احيانا اثق فيه واحيان افكر واخاف مادري محتاره بالنسبه للفراش لايتاخر عني بعد يوم او يومين جزيتم خيرا دمتم بخير |
السلام عليكم
اختي الكريمه الموضوع عادي شوي بس يبي تحرك منك عشان ماتصير عاده عند زوجك يعني زوجك تحول من عزابي الى متزوج يعني تغير نظامه مو سهله والله يبلها شوي تغيير في النظام انا انصحك انه اذا جاء بيوديك قولي عندي شغل بالبيت مابي اروح قولي ابي انام قولي اهلي مو فيه خليه تحت الامر الواقع عشان يبدأ يغير نظامه بشكل جدي وراح تواجهين صعوبه بس اصبري الحياة الزوجيه يبيلها صبر مافيه شي سهل بالحياة ومادام الرجل كويس ويصلي ويعطيك حقوقك الحمد لله الامور الثانيه تجي شوي شوي بس انتي قللي من الروحات لاهلك بالاعذار |
.
. حبيبتي حالتي شبيهة جدا بحالتك ، أنا متزوجة من 6 شهور ، وزوجي مايمانع اطلاقا في نومي عند أهلي بس الفرق اللي بيني وبينك اني فيني كبر عظيم ، لدرجة اني اجهز أغراضي بدون مااسأله واقول في نفسي : ( تجي مني ولامنه) وعمري ما حسيت انه متضايق بالعكس اذا شافني مجهزه شنطتي يسأل : بتنامين عند أهلك ثم ابتسم وأقول: بعد اذنك ... بعدين يضحك ويسكت ومن الناحية العاطفية زوجي جاف عاطفيا ، بس في احيان قليلة يصير رومنسي ويعبر عن حبه وهذا نااادر واذا تبين نصيحتي اذا قالك نامي ليلتين ، قولي ودي اكمل الأسبوع عند أهلي وتحججي بأي شي ، خليه يحس بقيمتك ويفهم انك مو تحت الخدمة .... مااتوقع ان زوجك يكرهك بالعكس واضح انه يحبك ، بس هو مو قد المسؤولية - مثل زوجي بالضبط- انا ماارتحت الا يوم طنشته ... الله يعينك ويسخر لك زوجك يارب |
حاولي تعرفي هو شو بيعمل في غيابك
ليش ضروري تروحي عند أهلك كل اسبوع ؟ هل هو حاجته للتفرغ و قضاء وقت مع أصحابه ؟ أم لسبب آخر ... و لمحي له انك حابة تسافري بالعطلة على مكان سياحة او تتنزهي معه في مكان عام او انه على بالك الخروج معه لمطعم حاولي تخططي لمشروع معين في العطلة و تقنعيه بالخروج معك و هكذا لو كل شهر خرجتم مع بعض أفضل من انك تخليه يعتاد على ذهابك لبيت أهلك كل مرة |
أختي الفاضله ***
أنا مع رأي الأخت الفاضله الحكيمة مووونالوزا الله يعطيها ألف عافية *** وكذالك الأخ الفاضل ahmed499 الذي تكلم عن الواقع الذي نعيشه *** الكثير من الازوج يفعلون ذلك في بداية الزواج وأنا منهم *** لكن زوجتي الله يحفظها كانت حكيمة وعاقله ومتزنه *** في البداية كانت زوجتي توافق على النوم عند أهلها *** ثم بالتدرج استطاعة أن تغير طبعي *** كيف ؟ كانت تقول لي أنت اذهب وخد راحتك وأنا ابجلس في بيتي *** وتقول أنا ما أحس بقيمتي إلا في بيتي *** طبعا أنا لم استطيع اذهاب وادعها وحدها في البيت *** مع أنني كنت أحب زوجتي لكن الزوج في بداية الزواج يحب أن يبتعد عن زوجته علشان يشتاق لها *** وكذالك الفرق بين حياة العزوبية والحياة الزوجية والارتباط *** لكن الأن لا استطيع البعد عن زوجتي وبيتي إلا نادرا *** أخي الفاضله اعطي زوجك مساحة من الحرية ولا تقيدنه خاصة إذا كان زوجك يحبك ويخاف عليك *** وأهم شي تكونين واثقه فيه علشان يطمئن قلبك *** بالتوفيق إن شاء الله . |
معاك حق يازوج عتيق وراح اسوي زي ماقلت
واجرب والمصريه وينك قلت ان عندك حلول ثانيه قولي اللي عندك راح اجرب كل شي واشوف اللي ينفع صراحه مشكورين جدااا ع الردود ووسعتو صدري اشكركم على تفاعلكم معي انا ماشك ان له علاقه مع النساء واذا نزلني عند اهلي يروح البيت اتوقع انه ماتعود ع المسؤليه راح ابذل كل جهدي في انه يتغير الف شكر للجميع واللي عنده اي فكره يكتبها او تجربه او حلول يعطيكم الف عافيه دمتم بخير |
الصراحه يوم يقولك نامي عند اهلك هو ناوي شي يسويه باليبت لوحده بعيد عنك ؟
ومن كلامك باين عليه انه متورط فيك ولا عنده الشجاعه يطلقك يعني يجاملك الى ابعد حد ؟ كيف يطلب من زوجته تنام عند اهلها يوم بالاسبوع وش السبب وليه ؟ اكيد فيه سر ؟ ممكن يجيب غيرك في هذا اليوم ؟ والله اعلم ؟ عموما اسمعيها مني نصيحه ؟ خلي احد اخوانك يراقبه يوم خلوته بالبيت ومن يدخل بغيابك راح تشوفين العجب ؟ |
^
^ ^ بلسم دع (دعي) لك من اسمك نصيب ، ماهذا الكلام ...؟ أعتقد أن الفاضلة (سولاف) أعقل من ان تلتفت لرأيك ... اللهم اكفنا شر الشيطان ووساوسه واعوانة |
شوفي حبيبتي انتي اصبري اذا كنتي واثقه في اخلاق زوجك واعتذري بترتيبات البيت وانك ترتاحي ببيتك اكثر وبينيله انك تريدي تحسي بحياتك الزوجيه واحس ان معي بيت مثل اي وحده ومن هذا الكلام
واذا رحتي لبيت اهلك فأجييه بوجودك بالبيت بدون مايدري اذاعندك احدمن اخوانك بوديك لبيتك طبعا ابتسمي في وجه لومن غيير نفس وقولي حبييت اسويلك مفأجئه اكون قدامك وشوفي رده فعله و الله يعيينك ويسهل عليك |
مشكوره اختي موناليزا
واختي سديم فعلا هذا اللي سويته قلت له نفس الكلام اللي قلتي وطاعني مأنام عند اهلي قال بس مو بس فطور وغدا ابي حتى عشا وتقومين 9الصبح انا كنت اقوم 10 11 فطور وغدا كنت اسوي بس العشاء كنت اروح لاهلي كل يوم هو يتعشى برا وانا عند اهلي واحيان اخذ له عشا من اهلي اذا كنا مسوين ويجي ياخذني وهو اللي يبي اروح لاهلي عشان مااجلس لحالي بالبيت يعني انا ماقصرت من ناحية العشا وقال مولازم تقومين 9 بس ماتصير 10 الا وصاحيه انا قلت له بسس كذا حاضر ومن عيوني اسوي كل اللي تبي هو ليش قالي كذا تدرون ؟ لانه يقول ان حريم زملائي يسسوون فطور وغدا وعشا طبعا وكرف عشان كذا يملن يتعبن ويروحن ينامن عند اهلهن هو يقول انت راح تقولين من نفسك ابي انام عند اهلي وانا مستحيل اقول لاني راح اعوده اني اكون في البيت دائما وقلت تعبك راحه مو تعب ولاشي اصلا هذا واجبي وبس ومشكورين ع التفاعل عاد ابي رايكم وردودكم الحلوه مانتحرمش سلام |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©