|
يكبرني بـ 25 سنة ووالدي موافق
عمري 24 سنه خطبني واحد عمره 49سنه متزوج وعنده أعيال
ابوي يبغاني أتزوجه وأمي ماكانت اموافقه في البدايه لكن أقنعها وقال هذا هونصيبها وحوبتها وخلها اتشوف حياتها وأنا رافضه مابيه لكن أهلي يحاولون يقنعوني ويقولون أذا ماأخذتيه بنفضحك بين أخوانك بشي الي سويتيه وهم ايشوفون شغلهم معك محتااره هل أخذه علشان بس ارضى اهلي وتشوفون انه مناسب العمري ؟ |
اصلا حبيبتي ما هي المصيبه اللي يهددوكي فيها وهم ابوكي وامك
المفروض اكثر اشخاص تستر على اولادها والله لو كان ابنهم يحشش يقولون كذب حبيبتي سنتان وتصيري ممرضه يرموكي في النار والله مش مصدقه حسبي الله ونعم الوكيل ناطره ردك آسفه والله مش قصدي اولعك نار انما كتير مستغربه تهديد اهلك لك باخوتك لا اله الا الله محمد رسول الله |
هم يمكن بس ايقولونه لي كذا بس علشان أوافق بس مادري
وربي امي وابوي مرره طيبين بس مدري وش خلاهم ايوافقون عليه هو جارنا وابوي ايحبه وهو بعد ودائما يتقهون مع بعض خصوصا هذي الآيام علاقته زايده مع ابوي |
حسبي الله ونعم الوكيل
حبيبتي ارفضيه اقنعيهم بوجهة نظرك بعدك صبيه يا عيوني الله يرزقك اللي اصغر واحسن منه رددي اللهم اجعل لي فرجا ومخرجا من امري ما هو ايضا تقريبا من عمر ابوكي الله يعينك انتي حاولي تخبري احد اخوتك اللي تحسيه انو اقرب شخص منك وهو يتصرف معهم |
غاليتي وفقك الله// إذا أهلك طيبين إقنعيهم بطريقتك هذا الرجل لايناسبك أبدا الفرق فوق 20 سنه وإنتي مازلتي صغيره ووالدك بماذا يفضحك عند أخوانك ؟؟ المفروض أخوانك يرفضوا هذا الزواج حاولي تكلمي أحد من أقاربك ويكون له تأثير على والدك بحيث يقنعه بالرفض حاولي وحاولي وحاولي أبداً لاتستسلمي هذه حياتك أنتي فقط وأنتي الوحيده التى سوف تعاني. كان الله في عونك أسأل الله ان ييسر ويسهل لك أمرك ويجعل لكِ من كل ضيقا مخرجا |
علشان ماتفموني غلط ولاابي اضلم أهلي بقول وش خلاهم يقسون علي
انا قبل فتره وسبق وقلت في موضوع لي بس كنت مختصرته كثيييير كنت مخطوبه الولد عمي مثل اي بنت تخطب اتحب خطيبها كان يرسلي رسائي كان ماخذ الرقم من أخته ودائما يرسلي رسائل حب لي ماكنت ارد هو كان ايقولي انه يبي يسمع صوتي بس ارسله رسائل نفس مايرسلي وارفض ان أكلمه حبيته من كل قلبي وكل يوم ايزيد حبي معه سنه كاااااامله بينا رسائل مافكرت ليش ماجاء ايملك علي كنت افكر من قلبي وبس جاء مره عندنا له سنيين ماجاء عندا ولازارنا الاهلمره وكلمه ابوي عني وليته ماكلمه وكنت اسمعهم قالت بنت عمي على عيني وراسي وانا بصراحه واحد فقير جندي وشهادتي متوسطه ماابغى اعيشها حياة فقر معي زوجوها الواحد غيري انا كنت اسمعه في داك اليوم بغيت اموت من القهر سنه وهو معيشني على وهم في ذيك الحضه كنت ابغى افضفض الاحد واعلمه مالقيت قدامي الا الشات دخلت وكانت اووول مره في حياتتتي ماادري وش الي خلاني ادخله من القهر كلمت واحد من الشات وقلتله كل الي بداخلي مادري وش خلاني أعطيه ايميلمي على طوول من غير تفكير صار بين رسائل على الجوال ثم مكالمات في لحضه صحيت من الي انا فيه اشلون واحد غرييب عني كسرت جوالي على طول ولاب توبي ودعيت ربي انو ايقبل توبتي بس ماارتحت الين ماعلمت أمي علشان مااكون خائنه لهم أضربتني( أستاهل )وصارت وحده غيير مونفس الي اعرفها صارت قاسيه علي وعلمت ابوي علي 9شهووور وهم متغيرين علي انا اخطيت لكن مايقسون علي بهذي الطريقه وقبل اسبوع هشايب خطبني وهذا هم ايلحون علي اني اخذه اختصرت في كلامي كثيييييييربس علشان اوضحلكم السبب |
أختي وفقك الله// إنتي صح أخطأتي وهذا مايختلف عليها إثنين وصحيتي من غفلتك وماسترتي على نفسك بلغتي أهلك واهلك عاقبوك على فعلتك وشئ طبيعي يتغيروا بس ماتوصل يزوجونك إنسان كبير بالعمر فكري بعقلك وإقنعي أهلك بعدم موافقتك وتقربي إلى الله عزوجل بالدعاء والإستغفار وإن شاءالله ربي يسهل لك أمرك.. وفقك الله |
حبيبتي اولا ما كان لازم تخبري امك
يكفي توبتك الصادقه امام رب العالمين هو الستار ثم الآن الشغل كله على امك اذهبي لها وابكي بين يديها وعامليها بكل حب وهدوء مهما قالت ابقي قربها يعني لو انو تطلبيها تنام معك بالغرفه اطلبي حنانها حسسهيا انك ضعيفه ومحتاجه حنان الام مهما كان قلبها رقيق وهي اللتي ستؤثر على والدك لتغير له عقله الله يستر ما يكون والدك مخبر العريس المحترم وماسكها عليه ذله تيتزوجك قومي وقت تقدري تغسلي رجلان ابوكي وتدلليه وتغنجيه وتحسسيه انك ندمانه ومساج على يديه واكتافه وفنجان القهوه مع حب يصير هو من نفسه يغير عقلو الله يجعل لك فرجا ومخرجا من امرك |
اقتباس:
الين ماقلتلها لكن هي علمت ابوي وصارالي صار وانا الان احاول اتقرب لهم لكن نفس قساوتهم والآستغفار دائما على الساني حتى النوم مااعد أقدر انام زين بس افكر فيهم واقول اشلون اراضيهم ومشكوره على درك |
اقتباس:
انا الان مااعرف كيف اتكلم معها اذا شفتها بس انضر التحت وابكي هي ماتخليني اجلس معها او اتكلم معها بس اتقول كلام جارح يمكن من اسلوبي ماعرف كيف اوجها واتكلم معها ورااح اخذ بنصيحتك واطبقها والله ايقويني ويحنون علي ويعطيك العافيه على النصيحه |
صحيح اللى عملتيه غلط ومايختلف عليه اثنين بس مايكون نتيجته حياه ماساويه فرق السن كبير حرام انتى لسه صغيره وقادر ربنا يرزقك احسن منه واصغر حاولى مع امك خليكى قريبه منها اتكلمى معاها قوليلها يعنى يا امى علشان غلط سويته ادفن نفسى مع هاشايب ترضيها لى يا امى وكده يارب تكونى فهمتينى
وربى يجعل لك من كل هم فرج ومن كل ضيق مخرج |
السلام عليكم
طبعا ارفضي يا عمري فارق السن اكبير اكثير والله راح تتعذبين 20 سنة مش قليلة يا اختي اختي الام او الاب مهما قصوا فهن اكثر حنية لك في العالم انت ابكي وقولي لهم انكم عايزين تدفنوني وانا على قيد الحياة حرام عليكم حسبي الله ونعم الوكيل اذا صار شئ بعد اللي عزمتم عليه انتم السبب ولن اسمح لكم طالما حييت لا دنيا ولا اخرة اضن بعد هذا الكلام يستحيل راح يقبلوا ولما يا عمري تكلمي امك ابكي لها وكلميه بحنان وطيبوبة لحتى تحن فيك اكثر وطمنين عليك يا عمري |
ينقل لمكانه المناسب |
الله يعينك أختي و الله مشكلة
قرأت درودك كلها كونك أخطأتي في الماضي و دخلتي الشات لا يعني انك لازم تتزوجي أول رجل يدق بابكم و خاصة انه مقامه بمقام أبوكي لازم أهلك يعرفوا انك عاقلة و عقلك براسك و متحملة لقرارك لازم تناقشيهم و يشوفوا انك واعية و مستحيل تغلطي الغلط اللي غلطتيه و انك تبتي و رب العالمين يتوب عن العبد عندما يشعر بالندم و يتوب فلم يحملوكي حمل مانك قده من حقك تتزوجي شاب بعمرك و متفرغ لك (ما عنده بيت و ولاد تانيين ) و انتي مو كبيرة و لا مطلقة و لا أرملة حتى تتزوجي واحد قد أبوكي استعيني بالدعاء و صدقيني ما رح تاخدي إلا اللي رب العالمين كاتبه لك ادعي و ادعي و ما تسكتي عن حقك (بدون عقوق) و رب العالمين ان شاء الله اذا كانت زيجتك منه شر سيرصفه عنك و اذا خير رح تتزوجيه و تسعدي معه الله يتمملك بالخير يا رب |
لا تيأسي حبي
اليوم شتمتك عدا ستأنبك فقط وغدا ستسكت وبعد غد ستسامحك مهما قالت اسمعي لها وقولي انا اللي استاهل وقت تاخذي يد ابوكي وتقبليها بتذلل وتهتمي فيه مثلا تحملي له المنشفه وقت الوضوء وتساعديه بتنشيف رجليه مهما قال وتكلم بالاخير سيرضخ لقرارك اكثري من الاستغفار والدعاء وآية الكرسي لان الشيطان يوسوس لهم ويزين الزواج من هذا الرجل |
مثل ما قالوا الي قبلي فرق العمر كبير جداً وانتي من الاساس ما تبغينه
وسواء أخطيتي أو ما أخطيتي مو من حقهم يجبروكِ على الزواج خلي احد من اخوانك يقفون معك أو خواتك أو اي احد يحترمه ابوك .. وإذا الهدوء ما نفع .. مالك إلا تنتزعين حقك بيدك قولي كلمة وحدة ما ابيه و عطيهم خبر أن إذا جاء الشيخ يملك بيكون جوابك مو موافقه ضربتوني ذبحتوني مو موافقه .. قلتوا حق اخواني ما قلتوا مو موافقه وقولي لهم حتى لو قدرتوا تغصبوني فعقد الزواج بالإكراه باطل يعني بدخلوني على رجال بالحرام وكل شي بيصير بينا حرام ... وخليهم يدبرون راسهم .. ويواجهون ربهم .. وخلي ذنبك في رقبتهم ما دام كانت عندك الجرائة والشجاعة تقولين لأمك عن الي سويتيه وماكان المفروض تعلمينها خلي عندك الشجاعه ترفيضن هالشايب |
هذه ضريبة الصراحة
و أنصحك لا توافقين تأخذين واحد متزوج و كبير بعد |
كلام أختي باريسا سليم ..
حاولي باللين بالأول .. فإن ما نفع فاستخدمي حريتك الشرعية اللي منحها لك الدين .. وما يحق لهم يجبروكِ على شخص ما بدك ياه .. كان الله في عونك .. |
اهلك سوف يزجون بك في هالزواج يخافون عليك من الانحرافات والشاة
ولكن اذا تبتي توبة صادقة اخبريهم والزواج من هذا الرجل غير متكافئ وغير مناسب عليك بالدعاء والالتجاء الى الله الله يفرج همك ويكتب لك الخيرة |
اختي
اول ما قريت العنوان قلت يالله ليش ما تواففق عشان ترضي امها وابوها لكن لمن قريت الموضوع وانه كبير عفوا قد ابويا الله يرحمه وانتي بعمري الحين غير كلام اخواتي بانك تتقربي ما امك واوبوكي مافي احد من اخوانك او اعمامك او خوالك قريب منك تكلميه مو لازم تقولي انك كلمتي لمحي على الاقل لكن خلي محور الكلام انهم يبغوا يزوجوكي لواحد قد بابتك الله يطول في عمره اللي سويته غلط اوكي لكن ماهو فضيحه وقصه كبيره فيها قاتل او مقتول استغرب بصراحه من البنات اللي خوالهم ماهم قريبين منهم او اخوانهم يالله احس فاقدين نص الدنيا اختي طمنينا عليكي الله يفرج همك يارب |
الله يكون في عونك
|
لا تتنازلين وتوافقين على واحد قد أبوك ولا ترضين لمجرد إحساسك بالذنب وبعدين حتى لو أخطأت تبتي وخلاص وناس اقترفوا ذنوب أكبر وتابوا وربي ستر عليهم ولا تنسين حقك الشرعي لو قلتِ للشيخ ما بيزوجك غصب ولو ما قدرتي تأثرين على ابوك ولا اخوانك ولا أعمامك وخوالك أحد من محارمك يعني ممكن تلجأين بعد الله للقاضي ولا إمام المسجد الله يكون بعونك وطمنينا عنك |
والله يا حبيبتي أنا دمعت عيوني من حسرتي عليكي...ودعيتلك أمس الجمعة أن الله يفرج عليك...
إنت إنسانة لها كيان وأحاسيس..مو للبيع... هذا دعاء تفريج الهمّ في قول الرسول الكريم ما أصاب أحدا قط هَمٌّ ولا حٌزن فقال : اللهم إني عبدك بن عبدك بن أمتك ناصيتي بيدك ماضٍ فيّ حكمك ، عَدْل فيّ قضاؤك . أسألك كل اسم هو لك سَمّيت به نفسك ، أو عَلَّمْتَه أحدًا من خَلْقِك ، أو أنزلته في كِتابك ، أو استأثرت به في عِلم الغيب عندك أن تَجْعَل القرآن ربيع قلبي ونُور صدري وجَلاء حزني وذهاب همي ؛ إلا أذهب الله هَـمَّـه وحُزْنه ، وأبدله مكانه فَرَجًا . |
شوفي يابعد عمري انتي تبتي ... ومبين ان شاءالله ان توبتك نصوح ...
وانك ماراح تردين للي سويتيه مره ثانيه ... عشان كذا لا تقبلين فيه ... ابد ابد .. وانتظري الرجل الصالح الشاب |
دا غلط الاهل يبو يعرفوا كل شي واذا اعترفنا بي الخطا بدل مياوقفوا جنبنا ويوجهونا يعاقبونا
الله يكتبلك الخير يااااااب ربنا معاكى ان شاء الله رددي دائما لاحول ولاقوة الا بالله استغفر الله حسبي الله ونعم الوكيل ودايما استخيري الله وان شاء الله راح تلاقي مخرج وحل |
أختي تذكريني بقصة لصديقة لي نفس الشي أهلها طيبين كثير وتقدم لها واحد بمواصفات ممتازة بس هي ماارتاحت له وأبوها عصب وأجبرها توافق وفعلا كانت حالتها صعبة ... بس سبحان الله انفكت الخطبة كذا لسبب تافه وحتى أبوها عافه .. انتي عليك التالي \ ا0 اللجوء لله سبحانه وتعالى واكثري من الدعاء والصلاة بالثلث الأخير والاستغفار ونذكري تعب نص ساعة أحسن من تعب عمر !!! 2- اقناع أبوك وأمك انك ع قد مسؤلية نفسك ومستحيل تغلطي اللي غلطيته .. وبتتحملي مسؤليتك وبتزوجي لو أشيب رجال بالدنيا :d لو غلطتي مرة ثانية !! 3- الظاهر انه جار أبوك لف مخه ودوري انتي حد من الأهل يقدر يساندك انتي بعد:17: والله يوفقك ويزرقك الزوج المثالي |
الاخت ريم طمنينا عنك
انشغل بالنا |
والله ياحبيبتي غلطتي غلطه بس مو الغلطه اللي تستاهل انك تدفعين حياتك ثمنها
لا ولا ولا ولا وقوليها ولا تخافين وخلهم يعلمون اخوانك وخير ياطير بيضربوني يضربوني ولا ادفن شبابي |
الله يجزاكم خير على أفادتكم ودعواتكم لي
وأعتذر عن تأخري في الدخول بسبب الآتصال الخطيب ايحاول ايحبب ابوي فيه بأي طريقه طبعآ ابوي حبه خلاص وكل شوي عازمه على العشاء وضحك وسواليف معه ويقول انه بيحطلي فله دورين خاصه فيني وسواق وشغاله وكل شوي أيسفرني بأي مكان ابيه والمهر ايقول اتحدده والي تبيه من عيوني أنا اول ماقال هدي الاشياء قلت خلاص موافقه ثم تراجعت أنتو وش رايكم ضنكم أنو صادق طبعآ انا الآن بديت أقنع أمي واحس انها بدت تقتنع من كلامي وبتوقف معي |
حبيبتي طالما انو امك بدت توافق هذا خير وبركه
ولكن لاحظت من كلامك انو الفيلا والمال شغلو عيونك وهذا غلط ولكن يعود لك اذا كنتي تقدري تستحملي والله يكتب لك الخير كلهم يفرشو لنا البحر طحينه قبل الزواج وبعد الزواج كلو يطير استخيري بعد الزواج رح تكتشفي انو العمر اغلى من مال ادنيه كلها ووقت يكبر بالعمر وتريديه ان يجامعك وهو مش قادر وقتها رح تنظري للمال وانه ابخس شيء بالدنيه اكرر استخيري |
السعادة الزوجية لاتقدر بمال فكري و فكري وفكري لاتغريك أمواله.. هذا الزواج من وجهة نظري مرفوض بكل المقاييس ولامجال للتفكير فيه أبداً. أسأل الله لك التوفيق والسعادة في الدارين |
لالا
لالا لالا حرام سنتين وبتكوني ممرضه ترى الا اذا الرجل طيب وصحته تمام فما فيها شي انك تتزوجينه لان بعض الشياب اللي عمره 49 تفوق اخلاقه الشباب اللي عمره بال 20 اجلسي مع نفسك وفكري هل هذا الرجل طيب ؟؟ هل هو يكون حلمك ؟؟ هل مستواك التعليمي متقارب منك ؟؟ هل مستواه المعيشي مثلكم ؟؟؟ من خلال هالأسئلة راح تلقي حل حق نفسك اهم شي لا تستعجلي اهلك بيزوجنك لانك انتى اللي خليتيهم يشكو فيك لانك قلتي لهم كل شي وللأسف هذا بسبب جهلهم لو الرجل ماينفع ارفضي بكل قوة ولا تحاولي تقبلي عشان تعيشي حياتك صح اما لو كان ينفع فأنا على يقين ان فيه كثير من الرجال الكبار افضل من مليون مراهق بالعشرينات |
اقتباس:
لا تصدقين مافي اشطر من الرجال في بيع الكلام ولا في اشطر منهم في الدق على الوتر الحساس وفي موضوع الزواج بالذات قفلي على عواطفك بقفل حديد وحكمي عقلك وبس وقولي لنفسك اهو ليش يقدم لك كل هالاغراءات المادية .. لأن من الاساس مافي اي صفات تغري انثى صغيرة تتزوجه يعني عاملك سلعه يبي يشتري شبابك بفولسه وعمر ساعات العمر وفرحته ما تنشرى بالفلوس صدقيني ساعة تعيشينها مع واحد من عمرك احسن مليون مرة من الفلة والفوس والسفر الي مراح تشوفينه >> هذا انا وهذا انتي كل يوم يوديك ديره ليش قاعد على بنك والا ما عنده شغل بس يفتر فيكِ .. إلا يبي يستانس فيكِ اول الايام وبعدين يبيكِ تتحملين المسؤوليه كنك وحده في الاربعين يعني تخيلي تمشين مع واحد قد أبوكي ويقول هذي زوجتي :24: طيب وش بيكون شعورك لما تمشين معه وتشوفين وحدة ثانيه تمشي مع زوجها من عمرها ابتنقهرين وبتحسين بالتعاسه والنقص خاصه انه من الجيل القديم .. يعني اهو لما شرف للدنيا وتزوج وخلف عيال انتي كنتي في عالم الغيب >> يعني شوفي مخه وين ومخك وين وين صارت هذي .. تذكرت وانا في المستشفى قبل كم اسبوع .. شفت رجال داخل مع بنيه صغيره للدكتوره والله فكرته ابوها لأنها صايره قد اللقمه في يده .. يمكن عمرها أكثر شي 16 كذا توقعت .. بس لما سمعته يتكلم مع الطبيبه عرفت انه زوجها ييييييييييييييييه سمعته شلون يبي يوري زوجته انه عنده فلوس ومو هامه الشكل ابد ابد مو لايق .. اهي كسرت خاطري بس الرجال نرفزني |
لا يغرك الكلام
قد أبوك وقاعد يزين نفسه بأي طريقة انتِ من صدقك بيسوي لك كل هذا وحتى لو صار ايش بيفيدك كل هذا مع واحد متزوج وعنده عيال وشابع من الدنيا وجاي بيحلي فيك أعرف وحده كبيرة أكبر عيالها بكبر أمي زوجوها وهي صغيرة من واحد أكبر منها بكثير صحيح وقتها ما كان شايب مره لكنها كانت صغيره يمكن ما عدت 15 تقول لو زمان يآخذون راينا ما كنت تزوجت هذا اللي أكبر مني بهذا الفارق الله يكتب لك اللي فيه الخير |
وش تبغين في واحد كبر أبووك ومتزوج وعنده أعيال
أرفضيه ولآيغرك كلامه وربي يرزقك بولد الحلال الي يناسبك ويناسب عمرك |
| الساعة الآن 01:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©