|
وش الحل مع عمة زوجي ؟؟؟
السلام عليكم ورحمة الله وبركاته .. والله انا في حيره من امري وودي تشورون علي في حيرتي .. انا متزوجه صار لي سنه الحين ولسى مارزقني الله بعيال الحمدلله على كل حال .. انا وزوجي عايشين في مدينه واهلي واهله في مدينه ثانيه يعني احنا لحالنا .. بس موجوده معانا عمته في نفس مدينتنا .. طبعا الحمدلله عايشين مرتاحين انا وزوجي وننعم بجو من الخصوصيه تعودنا عليه في شقتنا ومبسوطه مع جيراني .. الى هنا حلو .. المشكله هي عمته .. داايما في مشاكل مع زوجها ووتتهاوش معاه على طوول واللي عرفته ان سبب الخلاف مو من زوجها بس يعني هي بعد لها يد في المشاكل .. ومن فتره تهاوشت معاه وجت عندنا جلست كم يوم الى ان اصلحوا الاهل بينهم ورجعت لبيتها ..طبعا احنا قمنا بواجبها وما قصرنا معاها .. بس الحين وش صار .. هي ناويه تشتري بيت تأمن مستقبلها وهذا من حقها بس هي تبغى زوجي وابوه يساعدوها في شراء البيت يعني النص بالنص يسير لها دور ولنا دور وتبغانا نجي نسكن معاها لانها مو ظامنه وضعها مع زوجها يعني ممكن تتطلق منه فتبغى تعيش عندنا .. عاد هنا المشكله .. لا تعتبروها انانيه مني ولا شي بس من جد انا احس الوضع بالمره ماراح يكون مريح لي ابدا لان عمته من النوع اللي يحب المشاكل والزعل على اي سبب .. يعني خايفه بعدين اذا سكنا سوى تصير تتدخل في حياتي وانتوا عارفين حركات الحريم .. وين رحتوا ومتى جيتوا وما ناديتيني عندك وووووو ومن ذا الكلام اللي يطفش .. وانا بصراحه تعودت ان يكون لي خصوصيه في حياتي وما احب احد يتدخل فيني بالمره .. فما ادري كيف اتصرف .. حتى زوجي مو مرتاح للموضوع لانه عارف عمته اكثر مني بس يقول ما اقدر ارفض لابوي طلب .. ما ادري وش الحل الحين .. انا حاسه ان وضعي بيتغير 180 درجه اذا سكنا سوى وانا صراحه مو ملزومه فيها ولا ابغى ارتبط باحد .. علما ان زوجي مو مقصر معاها الحين وهي في بيتها .. اتمنى انكم تقدروا شعوري .. من جد متضايقه .. كيف اتصرف الحين ؟؟؟ :( :29: |
السلام
خلي زوجك يحاول مرة و مرة ثانية مع والده لصرف النظر لكن اختي كيف راح تسكني انت و عمته و زوجها في نفس المنزل , اقصد هل الدورين سيكونان لهما درج منفصل بحيث ممكن اللي في الدور الأول ما يشوفوا اللي في الدور الثاني , اي مدخل منفصل و بكذا تكونوا جيران يعني كل واحد لحاله (هذا إذا ما قدرتوا تصرفوا النظر عن البناء) او اعملوه نظام فيلا بدبلوكسيين , ,, تحياتي |
هلا اخوي المسداني .. والله انا بحاول ان زوجي يغير رايه وياارب يوافق .. والبيت راح يكون لكل واحد دور منفصل عن الثاني .. وزوجها ماراح يسكن معاها لان الظاهر انها ناويه على الطلاق على كلام زوجي يعني تبغى تكون معانا .. وزوجي هو اللي يكون مسئوول عنها .. يعني نقول على خصوصيتنا السلااااام |
الجواب الرفض طبعا
خليه يوقف او يقترح انها تاخذ منزل قريب من اخوها مش ابن اخوها يعني حماتك ما تدخل تيجي العمه انا لا اقول انه يتخلى عن عمته ولكن هذا شي وهذا شي |
هلا اختي GREEN222 هذا اللي انا اقوله انها تاخذ بيت قريب مو شرط تسكنا معاها بالغصب .. واخوها اللي هو عمي في مدينه ثانيه عشان كذا متبشلكه فينا :( وزوجي وانا مو مقصرين معاها .. بس ماني عارفه الناس هذي كيف تفكر !!!!!!!!! |
تنتقل لمنطقة اخوها افضل لها
حاولي باي طريقه تكون قريبه مش بنفس المكان الله يقويكي |
انا اللي أعرفه أنه الوحدة لو نوت على الطلاق .. تروح بيت أبوها مو تروح لولد اخوها!!!
بعدين هي |
بعدين هي وين أمها وأخواتها؟؟ تروح تقرب منهم..
|
طيب هي ما عندها عيال
عيالها أولى يشلونها لو تطلقت من ابوهم الله يعينك لكن حاولي ما يصير هذا الشيء لأن من حقك تنعمين بخصوصيتك ولو صار خلهم يشوفون بيت دورين ولكن لكل واحد مدخل منفصل يعني ماتدري عنكم وانتو طالعين وداخلين |
زوجك غير ملزم بعمته
الفكرة غير مستحبة ولا أؤيدها .. وبصراحة باب للمشاكل |
مش مشكله.
ممكن يساعد ابوه وعمته ويشترون البيت، ويكون له نصيب با البيت. لوكن تسكنون بشقتكم ما تطلعون ، ونصيبكم با البيت محفوظ ماراح يضيع. ه |
ما عندها ولاد أو بنات ؟؟
اقتراح تاني ليش ما تنتقل لمدينة أخوها (أبو زوجك ) و هو يشتريلها بيت قريب منه و يسكنها فيه ببقى أخوها و أولى فيها من ابنه لو حصل طلاق لأخته |
أبعدى عن الشر وغنيله
قولى لزوجك يقول ( لأ ) يعنــــــــــــــــــــــــى لأ على رأى أمـــــــى ( دارى ياساتر عارى ) حبيبتى كل واحد بعيد عن التانى أفضل كده بعيده انتى عن المشاكل ووجع الراس |
احلاهم واتحداهم .. ابوها متزوج على امها وكل واحد عايش في مدينه وامها عند اخوها الكبير .. وهي مدرسه عشان كذا صعب انها تقرب منهم تعرفين النقل وحوسته .. COLORS .. اكبر عيالها بنت في المتوسط وولدها صغير ما يدرس ..وان شاء الله ما يصير الشي هذا يااااااااااااارب .. انا مندهش .. هذا اللي انا اقوله بعد الله يفرج علينا يااارب .. دعواااتكم لي ان الله يفرج همي يااارب ... |
تركي العالمي .. والله هذا اللي راح اقوله لزوجي بس هو يفكر من ناحية انه يفتك من الإيجار .. ماريا 13 .. عندها اطفال بس لسى صغاار .. وهي مدرسه عشان كذا نقلها صعب .. واساسا حريم اخوانها كلهم يعرفونها وما اتوقع احد يبغى يتحملها اذا تطلقت عشان كذا الظاهر بيدبسونا احنا فيها :( ادعووولي يا اخواتي واخواني ان الله بزيح عني هذا الهم يااارب .. المصريه .. والله هذا اللي راح يحصل راح ارفض يقووووووووووه لانه شي مو معقول صراحه من الحين تخطط وتمشينا على كيفها مالها اي حق تتدخل في حياتي .. بس يمكن شايفتنا صغار انا وزوجي قالت ماراح يقولوا شي .. بس نجوم السما اقرب لها .. من جد شي يقهررررررررررررررررررررررر :( |
انتقلو انتو احسن
والله مش قصدي انو اقويكي او مثلا تقطعي رحم ولكن انتي لك حياتك مع زوجك وسعيده ليه تيججي العاصفه من الخارج الله يجعل لك فرجا ومخرجا من امرك |
اختي وافقي واشتروا البيت معاها بس لا تنقلوا اجروه و بفلوس الايجار ادفعوا حق الشقه اللي ساكنين فيها
وخليه يقول انكم مرتاحين في بيتكم هذا لان الدور كبير عليكم فانتوا موافقين بس ما راح تسكنوا فيه راح تاجروه بكذه ترضي الطرفين الله يفرج همك يارب |
الله يعينك نشبة الصراحة
|
هلا اختي GREEN222 ... الله يسعدك ياارب تعبتك معايه بس من جد والله متضااايقه ما ابغى احد يخرب عليه حياتي وانا اساسا مو ملزومه فيها من جد ناس ماني عارفه كيف تفكر .. تفرض نفسها على الناس :( والله الحين اتمنى يجينا نقل ان شاءالله للمريخ بس افتك من الازعاج وارتاااااااح .. وعارفه حبيبتي انك مو قاصده قطع الرحم ولا انا ارضى بالشي هذا في الاخير تظل عمة زوجي بس مو بالطريقه هذي .. يعني صدق من قال ( ابعد بعيد حبك يزيد ) ادعيلي يا اختي الله يجزاك خير .. حتى تصدقي الفتره اللي كانت عندنا لما تهاوشت مع زوجها كانت حاطه في بالها تجلس اسبوعين ولا شهر بعد تقول احسن عشان ترتاح نفسيتها .. يعني ما تقدر اننا عرسان وعندنا خصوصيه ليه تلزمنا فيها ليه ؟؟؟؟؟؟؟؟؟؟ الله يعين بس |
miss fofo .. الحل هذا معقول راح اقوله لزوجي وان شاءالله تتيسر الامور من حيث لا نعلم .. جداويه وافتخر .. نشببببببببه بقووووووووووووووووه :( |
الله ييسر أموركم
وإن شاء الله عمة زوجك وزوجها يتصالحون وما تتطلق وتضطرون لأشياء ما تبغونها صحيح عمة زوجك لكن زوجك مو ملزوم فيها بهذه الطريقة عشان وظيفتها ممكن ترجع بيت أهلها إذا موجودين وتدبر نقل لهناك لظرف خاص |
جاتكم وانتم عرسان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟عشان كذا !!!لقيت وجهه وصدقت 00000ماعندها ذوق 00انتي حاولي مع زوجك وانه بيجي مشااااكل وجع راس انتم في غنى عنها وخليك رسميه معها عشان تفهم00وتبطل حشرتها00
|
مرحبا .....
انتبهي تخربين بيتك بيدك ......اللي زوجها ماتحملها كيف راح تتحمولها تشتري هي بيت بالتقسيط وتسكنه لحالها ..... ابعدي ياعمري عن الشر وغنيله ......... تقبلي مروري .... |
colors .. مشكوره حبيبتي على الدعوه الحلوه والله يسمع منك ياارب .. رهووومه .. شفتي كيف فيه ناس ما عندهم ذوق !!!!؟؟؟ يعني ذاك اليوم لو ما تدخلوا ناس واصلحوا الموضوع بينهم ولا هي كانت ناويه تجلس بالاسابيع عشان على قولتها نفسيتها ترتاح وانا بالطقاق !!!!!! بس هذا اللي راح يحصل بخلي العلاقات رسميه جددددا .. واريح راسي .. كنافه كذابه .. والله كلامك صحيح 100% .. بس انا راح ارفض بقوووووووه لان الكتاب باين من عنوانه .. احنا ما سلمنا منها وهي بعيده كيف اذا صارت عندنا ؟؟؟؟؟؟؟؟؟؟؟ بس لا تنسوني من دعواتكم الله يجزاكم خير ... |
اشكر كل الاعضاء اللي ردوا علي وشاركوني في ضيقتي الله يجزاهم عني كل خير يااارب .. طبعا انا تكلمت مع زوجي وطرحت عليه بعض الافكار اللي استفدتها منكم .. والحمدلله ياارب احسه اقتنع بكلامي وان الوضع ما راح يكون مريح لنا ابدااااا .. وقالي خلاص انا بشوف الموضوع مع الوالد وان شاء الله ما يصير الا كل خير ... الله يجزاكم كل خير ياااااااااارب ,, ما قصرتوا معي .. |
اذا كانت معزوله في السكن عادي
اتركيها وان كانت جارتكم عامليها بشكل رسمي المهم زوجك يكون عنده ملك ويفتك من الاجار وهي ماراح تسكن في بيتك هيه منفصله ومشغوله فهي موظفه ولها اود غلا تخافي هذا راي |
والله عجيب من بعض الاعضاء شنو صار بالدنيا اتقاطعت حطوا نفسكم بمكان عمته ولاتريداحد يتكلم عليه بعد الطلاق ولهذا تحب تشتري بيت مع ابن اخوها لكي تسد افواه الناس من الكلام لديها حق
وسؤالي لصاحبة الموضوع هل عمة زوجك سبق وان تدخلت في حياتكم او عملت لديكم مشكله والله انا اشوفهه مرتاحه لكم وتحبكم وهيه فكرتها جيده تشتروا بيت ولكم دور ولها دور عين العقل خاصتا اذا كان لكل دور استقلاليه فكانه شقه لحالها اتمنى من الاعضاء ان يضعوا الله نصب اعينهم ولا يضلموا احد |
| الساعة الآن 01:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©