|
عُدت لبيت زوجي ولكن..
السلام عليكم ورحمة الله ويركاته
الخبر الحلو اني رجعت لبيتي بالسلامة والحمد الله الخبر الشين ان زوجي زادت حده عزلته وصار يجلس بالمجلس طول اليوم ومايطلع الا وقت الاكل وعنده بالمجلس نت وتلفزيون انا خفت بالاول انه عنده شراب لانه يرفض ادخل ويقفل الباب حتى لما يطلع للعمل لكنه حلف انه ماعنده شي وانه فقط يبي يكون له خصوصية وصراحه مالاحظت عليه انه يشرب بل طبيعي جدا خفت يكون مخدرات مثلا لكن مافيه اي عرض وانا اشك اكثر شي انه يكون عنده مثلا مسجل اغاني مثلا اشياء انا ماتعجبني ولايبيني ادري واتضايق لانه قالي مرة حملت موسيقى كلاسكية رومنسية ومرة لما سألته عندك اشياء حرام قال ماعندي شراب والله طبعا الان هو حتى النوم بالمجلس وانا مابينت له اني متضايقة رغم اني اشعر بملل عظيم لاني طول اليوم انا وعيالي لحالنا هو مبسوط من وضعه جدا ويقول سوي اللي تبين اهم شي لاتقولين له اطلع ولا جب ولا يبي احد ابدا دايم يقول مالي خلق لاحد مدري كيف اتعامل معه وللمعلومية هو فيه اكتئاب وياكل علاج نفسي من يوم ماتزوجته وكان انطوائي من زواجي به لكن كنت اجلس معه على النت وعند التلفزيون وينام معنا مدري كيف اتعامل معه الان مع اني جربت اني اجيه بالاشياء اللي يحبه وحاولت اتكلم معه فيها لكن بلافايدة حتى الاكل ياكل بسرعه علشان يرجع المجلس طبعا هو كان كذا من زمان لكن كنت ادري انه عند النت ولا يمنعني من الدخول هل يحتاج مساعده مني وكيف ودي اخلطه بالمجتمع اخاف عليه من الوحده رغم انه مبسوط اليوم جاني اخوي فجاءة طبعا اخوي قصده يبي يتأكد ان زوجي يشرب ولا ودقيت عليه طبعا هذه وسيلة الاتصال لما يبغي شي يدق واجهزة له المهم دقيت عليه قلت اخوي يبي يسلم عليك قال وش جيبة انا عجزان الله ياخذ عمرك ولا طلع ولا سلم عليه انا الان مدري وش اسوي اهلي مررة حريصين انهم يتأكدون انه ترك الشرب وراح يكررون الجية وهو انا متأكدة مايشرب بس مايبي احد ولا له خلق احد وعارفه انه لما يجون اهلي ثانية بيحط حرته فيني ويمكن يحس انهم يبون يتأكدون من وضعه وانا اصير في موقف محرج وش رايكم وش الحل |
والله يااختي مادري وش اقول لكن ........ اسال الله العظيم رب العرش الكريم انه يفرج همك يارب
|
انابالاول عندي سؤال ااعذرني بس انت على اي اساس رجعتي لزوجك؟
|
اقتباس:
انتهت انه صار يرسل لي رسايل وطلب رجوعي له طبعا والدي قال مستحيل ترجعين بهذه السهولة لكن اقنعته ان زوجي ماينفع معه الشدة وخلني ارجع وانا ابعالج الموضوع بما انه وعد بانه ماراح يشرب خلاص قال ابوي وكلامه للناس انه مايبيك وووو خلاص ينتهي حاولت بكل قوة لحد مااقتنع ابوي دق زوجي علي وقال تبين ترجعين قلت ايه بس تعال كلم ابوي اول قال لا ابتصل عليه قلت ماينفع قال تبين يعطيني محاضرة طويلة ويقولها باستهزاء المهم اقنعت ابوي انه يوافق على المكالمة وو افق علشاني رغم انه مو مقتنع واعدني زوجي انه يجي الساعة عشر وعدت الساعة عشر وادق مايرد علي بعدها دقت اخته وقالت ان سواقي صدم ودقيت عليه وقال استئنذي من ثبات لاني وعدتها وانت وش رايك تخلين رجعتك بكرة قلت طيب وانا معصب مرررة صرت ادق عليه مايرد ارسلت له رسالة هذه اهانة ولا تطنيش ؟ رد علي كلهن وبعدها كلم وقال انا مادريت عن اتصالك واذا تبين جيتك الحين قلت بكيفك قال خلاص الحين ابمر عصبت مرررة وجا ورحت وانا مررة مقهورة ولما دخلنا سولف شوي واخذ حقه الشرعي وقال ابروح المجلس تبين شي وابنام فيه وجلست انا طول الليل ميته قهر واليوم الثاني انفجرت عليه وقلت كل اللي بنفسي ورفعت راسي وشفته يصيح ولما شافني قام الحين معاملته لي حلوة يضحك ويسولف عادي زي اول لكن يبي يجلس لحاله بالمجلس ويقول ابي اعرس مسيار |
اسمحي لي مع احترامي لك أحس شخصيتك ضعيفة ..
وتصدقين كل شيء يقوله لك زوجك .. نصيحتي لك اشغلي نفسك واتركيه في حاله مادام يعاملك معاملة حلوة ومنعزل خليه في انعزاليته واشغلي نفسك تراه لما يشوفك كذا تتحسن حالته والله أعلم .. مع الاكثار من الاستغفار وقراءة سورة البقرة .. أسأل الله لنا ولك التوفيق ,, |
استغفرالله العظيم اختي انت عندك اطفال منه
اناراح اقترح عليكي بحل اول شي حاولي باي طريقه تدخلي الغرفه حتى لو اضطريتي تسوي نسخه للمفتاح اثناء غيابه ادخلي وسوي حاجه بالكمبيوتر اسالي اي احد مختص وحاولي تفصلي النت من الاتصالات اطلبي من احد يلعب بالدش الي عندكم ويخرب القنوات من جهه تانيه انت سوي قلبه كامله لحالك لبسك اسلوبك كل شي دوري على مواضيع بالنت وراح تلاقي افكار كتير حاولي تظهريله انك ماراح تعنفيه لوكان بيشرب او اي حاجه لازم يصير يثق فيك وتشاركيه جلسته يمكن هو يهرب من تعنيفك له انت لازم تنصحيه ماقلت لا بس بالاول اكسبيه ولفي النصيحه قبل ماتطلعيها وضعيهابقالب مليء بالحب والاحترام زوجك يحس انه سقط في نظرك ونظر اهلك وهدا بدليلل تصرفاته اللحين لازم نحاول نرجعله ثقتنا فيه حتى لو تمثيل الرجل فعلا فعلا طفل كبيرمافي وحده الاتقدر عليه بس لازم تعرف المدخل له |
اسمحي لي اختي ان ابوك يجنن وانتي اللي ماعندك سالفه
لا تقولين لي احبه وش جابلك الحب الا الاهانه وهو قاله لك بنفسه ايه انا اهينك والله ثم والله ثم والله لو اني منك اطلع واذب عياله عليه وارجعي بيت العز بيت ابوك وفي كلا الحالتين انتي اصلا عايشه من دون رجال اسمحي لي وترا على فكره انا اقول هذا الكلام علشانك لاتزعلي بس انتي شخصيتك مره ضعيفه وهو يتسلى فيك وتراه للاسف ماراح يتعدل وانتي كذا ابد وكل اللي سووه اهلك انتي ما تستاهلينه لانهم هم يبون مصلحتك وانتي تبين مصلحته وعذابك |
اقتباس:
|
لا حوله ولا قوة الا بالله
اول شيىء انتى غلطى لما رجعتيله وايضا باين عليكى شخصيه ضعيفه اقول طنشيه ولا تسالى فيه ولا كانه موجود وهوه فعلان وجوده زى عدمه اقول قوى قلبك شويه يمكن ينصلح حاله |
زوجك محتاااج لطبيب نفسي يا اختي .. وضعكم مو طبيعي .. انت ما راح تقدري تغيري من سلوك زوجك .. فهو محتاج لمختص في مثل هذه الحالات .. اذا تقدري انت تروحي للطبيب اللي يعالج زوجك و تتفاهمي معه و شوفي وش ينصحك فيه .. |
مريض نفسي ويبغى زواج مسيار وجلوسه في المجلس مع اجهزته واذا اراد اكل وخلافه يطلع برا
ماادري الوضع غير طبيعي يجب عرضه على دكتور نفسي مضبوط مع الدعاء والالتجاء الى الله شفاه الله وجمع بينكما على خير |
والله انك اصيله ...
اذا هو وده بزواج مسيار .. يعني عنده قدره يتعايش مع الناس ... ليش ما يتعايش معاكم.. عجبي منه |
تكفون شوي شوي علي
ويه ويه صرت ضعيفة شخصية والله حطمتوني الكل يغلطني حتى صديقاتي بس ياناس انا اتعامل مع انسان مريض مو طبيعي يعني لو كان طبيعي كان صح اطنشه لما ارسل الرسالة لكن اصلا لو كان انسان تفكيره كان مازعل على ابوي بالبداية لو كان تفكيره صح ماقال احط عيالي بملجأ وراح يدور ملجأ وراح للملج جا وسالهم عن الوضع وهل ممكن يستقبلون عياله زوجي مريض نفسي واوشك على الضياع حتى العمل حولوه للتحقيق مازال هو ابو عيالي واعرف ان ماحد بيوقف معه غيري اخوانه مادروا عه كلن بحاله وخواته يتفرجون وكان فيهم خير كل شوي طلعوا علي كلام وراح تهاوش معهم يقول لهم انا مااسمح لاحد يتكلم فيها مهما كان وصارت مشاكل كثيرة بسبب خواته لانهم تكلموا فيني وراح تهاوش معهم ووصل للضرب زوجي ماحد يفهم له الا انا شفته خلاص خواته يلعبون به وهو يحس نفسه ضايع ماله احد خصوصا لمن رحت عنه وفقد عيالي خفت يطيح بمخدرات خفت اكون السبب في اللي يصير له علشان كذا رجعت وتحملت الاهانة قلت لازم اوقف معه ياما وقف معي ياما ساعدني انا عارفة انه داخل نفسة يتعذب وبعدي عنه راح يعذبه اكثر وراح يحس بالفراغ اللي ممكن يدفعه اكثر للضياع مازال هو ابو عيالي اللي اتمنى انهم يشفونه قدوة لهم ويشفون كحاله لما تزوجته الحين صح انه ياكل ويدخل الصومعه حقته بس احس نفسيته ازين من اول على الرغم من انه مازال مضطرب ولا عارف وش يبي لما اسأله سؤال مباشر اشتقت لي يقول لا مادريت عنك لما اساله تحبني يقول انا مااحب احد لكن لما يجي موقف يقول اشتقت لك اشتقت لطبخك انا احبك انا عارفة انه مضطرب الحين لكن اهم شي انه ابتعد عن اللي ممكن يضيعه لما يشوفني ويشوف عياله قدامه ماراح ان شاء الله يفكر انه يرجع للشرب وانا مع اتصال مع ابوي يعلمني كيف اتعامل معه يقول لي لاتحرصين انه يختلط باحد لانه ممكن ينجرف |
أختي الفاضله ثبات ***
الله يثبتك على الإيمان وقوي عزيمتك وينصرك على أعدائك *** ماشاء الله عليك أنتِ أنسانه قليل وجودك بهذا الزمن *** وإن شاء الله يعطيك الله على قد نيتك *** لأنك تقدمين تضحيات في زمن يندر وجود أمثالك *** أختي أنتِ أخترتي هذا الطريق لذا يجب عليك أن تستمري لأخراج زوجك من صومعته *** وتتحملي مصاعب المشاكل التي تواجهك *** طبعاً هذا اختيارك ولك الأجر إن شاء الله *** بعدين كلامه أنه بيتزوج زواج مسيار هذا كله خرابيط *** لأن زوجك لا يعي مايقول *** وأنا متأكد أن زوجك يحبك ولا يستطيع فراقك *** بيان من كلامك عنه *** يجب علاج زوجك بأي طريقة *** أبحثي عن شخص مقرب من زوجك يكون أنسان صالح ويحب الخير ويكون زوجك يرتاح له *** أكيد سوف تجدين أحد أصدقاء زوجك المخلصين الذي يثق به ويسمع منه *** علشان تنسقين مع أخيك يكلم صديق زوجك ليحضر لمقابلته *** أكيد إذا حضر شخص يرتاح له زوجك سوف يقابله ويجلس معه *** ويتم التنسيق مع هذا الصديق ويشرح له عن وضع زوجك *** وأنه يحتاج علاج *** ويحتاج في الوقت الحالي إلى اصدقاءه والجلوس معهم *** وكذالك الخروج معهم حتى يستطيعون تغيير نظرته للحياة *** مع أقناعه للذهاب لدكتور نفساني لعلاجه *** بالتوفيق إن شاء الله 0 |
اقتباس:
بالنسبة للاصدقاء فليس لديه اصدقاء ابدا صديقه انا كان يخرج لي مشاعره واحاسيه ومايضايقة لكن الان حتى انا اشعر انه يرفضني عنده قناعات اتمنى مساعدتي في تغيرها 1-الافضل للواحد انه يعيش لحاله (طبعا كان اذا حضر مناسبة يرحع اما يسولف ان فلان قال وقهرني او اني سكًت فلان ) 2-قناعة جديدة توها جاية مع الاحداث هذه وهي مايهمني احد بالدنيا مهما كان حتى عيالي ولا مبالاة فضيعة 3- قناعه جديدة بعد انا مااحب احد ولا اكره احد مع ان تصرفاته عكس كلامه ودي افهم ليه يقول كذا كيف اقنعه بطريقه غير مباشرة بأنه على خطا في قناعاته وفي طريقة حياته كيف اجعل له هدف يسعى له لاني اشوفه يعيش بلا هدف ولا قادر يحدد وش يبي واكبر دليل انه قبل اسبوعين من رجوعي له اتصل علي وقال تعالي ابيك ولما رحت قال انا ابي اودعك مع السلامة واعتبريني زي صديقك مهما صاربينا اذا احتجت لي اتصلي علي وحتى لو تزوجتي وصارت لك مشكلة بينك وبين زوجك دقي علي انا ماانسى العشرة ابدا بس مستحيل اعيش معك مااقدر ابدا انا افكر اما اعيش لحالي او اتزوج لكن انت مستحيل افكر بك او افكر ارجعك كذا بدون سبب لكن احس ان فيه حلقة مفقودة بيني وبينك ولا ادري وشو بالضبط ويامغير الاحوال بعد اسبوعين رجع يبيني ولما سألته اليوم وشي الحلقة المفقودة اللي تقول عنها قال مافيه حلقات لما قلت له انت تدري ان اللي سويته فيني مو سهل قال انت على بالك اني ماعندي احساس والله كل ليلة نام ودموعي على خدي لاني احس اني ظلمتك يرجال متقلب هو يتظاهر بالقوة لكن داخله مررريييييييييييييض الحمد الله الحين دوامه يروح عادي ويضحك ويسولف لكن مازال يعاني ومتقلب احيانا يقول لي ليه ماتفصلين لك عباية كتف لما نجي نروح منتزة لازم تلبسين بنطلون ويصير يبين من تحت العباية ولازم العباية تكون مفتوحه احيانا يطلع لي وهو حاط السماعات في اذنه يسمع اغاني اعرف والله اعرف انه مو عاجبه وانه داخل نفسه يحتقر تصرفاته بس انه بفعله هذا يشعر بالتمرد يشعر انه حر انا احس ان الموازين عنده مختله خصوصا لما اقوله مثلا خلاص ابلبس كا وابروح بكذا يقول استغفر الله طيب توك تقول ابغاك تلبسين وتلبسين انا عارف انه التعامل معه صعب جدا ولا يمكن الواحد يتوقع ردود فعله لكن لازم اوقف معه هذا قبل مايكون زوجي هو اخو في الدين والله اعلم لو اتركه وابتعد عنه وش بيصير له ابغاكم تطوني طرق وحلول ممكن تساعد في وضعه وبالنسبة للطبيب افكر اروح له واستشيره |
اسأل الله لك ياختي ان يشفي زوجك عليك بالدعاء وكثرت الاستغفار
وفيه شخص ممكن يساعد زوجك وهو الاخصائي يوسف الصالح لخصائي نفسي لعلاج الادمان والحلات بعد الادمان صدقيني خذي رقمه من السنترال حق مستشفى الالمل بالدمام جربي وماراح تخسرين واذا احتجتي اي مساعده انا حاضره جعله الله سببا في شفاء زوجك يارب |
أختي الفاضله ثبات ***
قد يكون زوجك مصاب بمرض انفصام الشخصية *** وقد يكون السبب الظروف الحياتية التي مر بها زوجك *** أو العامل الوراثي *** ومن أعراض هذا المرض :- - الانعزال . - الهياج . - التحدث بأفكار وأرآء غير مترابطة . - غير قادر على التواصل الاجتماعي . - سماع اصوات وهمية . - الإيمان بمعتقدات غير منطقية . - ردود فعل عاطفية . - فقدان الاتصال بالواقع . - القيام بتصرفات غريبة واضطراب عاطفي . - يعطي لبعض الاحداث أو الأوامر التافهة أهمية غير مبررة . - صعوبة في التميز بين الأمور الحقيقية والوهمية . - يعاني من مشكلات في التواصل مع الأخرين . - وله عدة شخصيات وليس لديه مشاعر عدوانية . - الاعتقاد بأن الأخرين يتحكمون في تصرفاته . - التحدث والكتابة بدون معنى . لذا انصحك بعرضه على طبيب نفسي ليحدد طبيعة مرضه ثم يتم علاجه بالعقاقير الطبية *** بالتوفيق إن شاء الله . |
الله يجعل زووجك سبب دخولك الجنه في اعلى مراتبها ..
.. احس الحب ( والتودد ) يساعد في مثل هذه الحالات .. .. خطر لي خاااطر .. اذا قال انا ماحب احد ==> قولي ولا انا ( طبعن قوليها بدلع وانوثه تجبره اذا ماقال ايوه انه يسكت ..... .. وربنا يحفظه ويبعده عن الحرام .. |
اختي ثبات .. كان الله في عونك .. شوفي يا اختي .. انسي انك تغيري من قناعات زوجك و او افكاره او اي شي في الوقت الحالي اهم شي انك تركزين انك تقنعي زوجك بالذهاب الي طبيب نفسي . ادخلي عليه من مدخل حبه لك .. قولي له اذا كنت تحبني زور طبيب نفسي .. وظلي حاولي فيه وان شاء الله يقتنع .. اذا كنت من سكان الرياض فيكي تزوري الطبيب طارق علي الحبيب او تقدري تتصلي عليه في برنامجه النفس والحياه على قناة الرساله يوم الاحد بالليل الساعه 10 ان شاء الله يقدر يفيدك .. او ادخلي على الموقع الخاص فيه على النت .. اكتبي على قوقل مركز مطمئنه و هو مركز خاص بالدكتور طارق الحبيب و تقدري تكتبي له رساله بحالة زوجك وان شاء يتجاوب معك الدكتور .. وربي يوفقك .. |
صرااااااااااااااااااحه بعدك الحب حراااااااام والتعليم فيك اثمر وماطلع خساره0000000000000الله يرد زوجك لك ردا جميلا00
|
اقتباس:
|
اقتباس:
|
اقتباس:
الغريب لما يكون هادي او بالفراش يتكلم بالحب لكن لما اساله لكن انا ابجرب اقوله رغم اني عارفه رده انا مااجب احد احب نفسي بس |
اقتباس:
|
اقتباس:
|
لالالالالالالالالالالالالالالالالالالالالالالالالا لالالالالالالالا طريقتك جدا راقيه وتنم على انك وحده وااااااعيه ومتعلمه وتحبين زوجك حب عظييييم 00الله يرده لك يارب00
|
ماشاء الله تبارك الرحمن بصراحة اسم على مسمى واسأل الله أن يزيدك ثبات وقوة إلى قوتك
بصراحة أحيي فيك فكرك الرزين الذي لاينبع إلا من شخص كريم الأخلاق يضحي بنفسه من أجل إسعاد من حوله واسأل الله الكريم أن يعوض صبرك خيرا ولاتقلقي عزيزتي ففرج الله قريب فإن مع العسر يسرين أردت ان أقول لك ماشعرت به من خلال مشكلتك فإن كان كلامي صحيح عندها سأعطيك الإقتراحات التي خطرت في بالي لعلاج المشكلة بإذن الله. أولاً أعجبني فيك جدااااا انك استطعتي أن تجعلي من زوجك صديق لك وبصراحة أنت نعم الصديقة وصدقيني مهما فعل لن يمليء عينه ولن يتأقلم ويرتاح مع غيرك لانك عرفتي مفتاحه ولم تثقلي عليه والدليل دفاعه عنك ووقوفه في وجه أخواته من أجلك وانت أصيلة لذا رددتي له وقفته بجانبك بوقفتك بجانبه وهكذا بنت الأجاويد. ماشعرت به هو أن زوجك يريد زوجة مثيرة مغرية مثل النساء اللعوب (واعذريني على اللفظ) ولكن للتشبيه فقط فربما هو يجلس في المجلس ويقفل الباب لانه يشاهد تلك المناظر ولايريدك ان تعرفي وتلوميه لانه يستمتع بها لذا عندما طلب منك ان تلبسي عباءة على الكتف وتخرجي وتظهري البنطلون وأنت تمشي فهو يريد هذه الصورة أن تكون زوجته ولكن في نفس الوقت يشعر بأنها ذنب وانك مستحيل توافقي عليها لذا فالصورة الداخلية في ذهنه هو أنه يريد إمرأة مثيرة تغريه وتشغل تفكيره فهل كلامي صحيح ؟؟؟؟إذا كان صحيح فسأعطيك بعض الأفكار التي ستجعلك تدخلين لغرفة المجلس عنده بطرق خفيفة يجعله يرغب في وجودك. ولكن عندي سؤال : هل زوجك محافظ على الصلاة في وقتها وفي المسجد؟؟ وكيف علاقته بالله؟ اسأل الله العظيم رب العرش العظيم أن يسخركم لبعض ويهديه ويجعلك قرة عينه ويبارك لكم في أولادكم ويرزقكم سعادة الدارين |
اقتباس:
|
اقتباس:
اما بالنسبة لزوجي يقول لن اجد اكثر منك اثارة لكن تفاجاءت جدا حين اكتشفت من اخته انه يرغب بزوجه بيضاء رغم انه في شهر العسل اقترح علي ان اخذ ابرة التبيض وكان دائما يقول لي لماذا تلك المنطقة اغمق من باقي جسمك وكنت اقول له كل النساء كذلك فيرد لا فقط انت هكذا وحينما افحمه بالكلام يقول ربما فقط الخلجيات وعلى الرغم من ذلك كان يقول لي انت اجمل النساء بعيني لايهمني هذا الامر كثيرا كان يحقر من من يفكر بالارتباط بواحدة بمجرد انها جميلة لكن اليوم وبعد ماحدث سمعت انه يريد بيضاء وبنفس مواصفاتي الاخرى حينما قلت له انا اعرف لم تفكر بالزواج لسبب واحد وهو اني سمراء قال استغفر الله لا ليس كذلك لكن هل الرجل اذا تزوج لابد ان هناك نقص في زوجتة والله انك لاينقصك شي واعلم اني لن اجد مثلك مهما بحثت في الدنيا لكني اريد التنويع تقول اخته انه لايريد ان يجرحك لكني والله احس بمرارة داخل نفسي لدرجه اني انظر الى جسمي بالمراءة واابكي واقول اولا لاني سمراء تبيعني وتنسى كل ماقدمت من اجلك ليتك ياامي وهبت لي بعضا من بيضاك ماشاء الله والله ياامي انك لم تقصري حتى لما جاء لخطبتي قلت له ترى بياض ماعندنا ووافق بل وقال لي بعدها توقعتك سواداء حين قالت امك ذلك اتذكر كلامه كل لحظة كان معجب بي كثيرا لولا سمرتي والتي كان يقول لي لا اهتم كثيرا يكفي قلبك الابيض كنت مسكينة اصدق كل مايقول لم اتوقع يوما ان يبيعني من اجل لوني الذي والله انه يميل الى البياض لم اتوقع ان ينسى العشرة ويقول لا استطيع ان افتح بيتين لذلك لن ارجعها اااه ياقلبي كلماته كالسهام لماذا يازوجي لماذا بالنسبة للتلفاز كنت احلس معه وكان لايهتم كثيرا النساء ويدعي اني اجمل منهن وكان كثيرا مايرد على اصحابه الذين يتكلمون باعجاب عن الممثلات سبحان مغير الاحوال اليوم يقول لي انه لديه ثلاث صديقات وانه ينصحنهن ويساعدهن ف حل مشاكلهن ياويح قلبي لماذا يازوجي لماذا يقول لي عادي جدا اذا تبين صديق شوفي لك رديت عليه احترم نفسك والله اشعر بخوف ان يقبض الله روحه وهو على هذه الحال اليوم فقط سمح لي الذهاب الى اللسوق بدونه فذهبت مع اخته واتصل علي وقال كيف السوق فيه بنات قلت كثير مرررة قال والله اجل ابجي قلت تعال وسع صدرك قال خلاص مين بجيبكم قلت السواق قال اجل لاترجعون معه ابجي قلت طيب بعدين قلت متى بتجي قال لامو جاي عجزان تخيلوا ؟؟؟ اقوله اليوم طيب لو تزوجت على قولتك مسيار راح تحط لك مجلس بعد ببيتها قال ايه قلت مو كل الحريم يوافقون كذا صايرة لك زي المطعم قال بكيفها قلت المراة تبي واحد يودي ويجيب قال ابسوي لها زي مااسوي بك قلت ماراح توافق تحسب كل الحريم زيي قال عادي اخذ غيرها ولا اقولك كل سنة اروح اجيب لي وحدة اجنبية يقول بعد ابتزوج اجنبية واحطها بالمجلس وتصير تساعدك قلت اجل شغالة قال مااسمح لك تقولين عنها كذا لما طلبت منه فلوس ابروح اتقضى قال ابعطيك كسوة خمس مية قلت الاول تقول كم يكفيك اطلبي بس قال انا وراي سفر وراي عرس تكفين ياام جمانة اذا عندك حل ساعديني بالنسبة لعلاقته بربه يصلي بالبيت ولا يروح المسجد |
لاحول ولاقوة الابالله
|
اقتباس:
الحمد لله انه يصلي ونسأل الله انه يهديه ويصلحه ويصلي في المسجد أولاً : مثل ماخبرتك قولي الكلام اللي كتبته فوق عن الزواج خليه يحس انك واثقة من نفسك مليوم بالمية ان مافي غيرك بتملي عينه وانه ماراح تعجبه غيرك ثانياً : أنا مستغربة انك تاركته على راحته في الغرفة وماحاولتي بذكاء المرأة تدخلي له وتركتيه يتكلم بالنت ويتعرف على كيفه وتركتي له مساحة كبيييييرة من الفراغ ملأته غيرك للأسف ولكن الحمد لله لسه نحن فيها تقدري تحاولي الأن حالياً بأعطيك طرق علشان تدخلي غرفته بعد ماتقولي له الكلام عن الزواج بكل ثقة وغرور وضحك ودلع وتكوني لحظتها متكشخة ومغرية علشان تأثري فيه بالكلام أما للدخول عليه في غرفته فهذه عدة طرق: 1- لازم تنظمي اولادك كل يوم بحيث تصحيهم بدري وتنوميهم العشاء علشان تتفرغي لزوجك على راحتك ومايشوفونك الأولاد. بعد مايناموا ارسلي له مسج وقولي له أنا بجي الغرفة بعد نصف ساعة بالضبط وحددي الوقت مثلا الساعة عشرة ونص بدق الباب وبجلس خمس دقائق واطلع لأني أبغى أذوقك شيء يذوبك فارجوا أن تنتظرني ياحبيبي عشيقتك (فلانة) وحطي اسم الدلع لك وروحي والبسي لبس مغري لاتلبسي قمصان نوم لا ...هذه ماتنفع إلا في السرير البسي شورت او ميني جيب مع بدي توب واكثر شيء يغري الرجال الاكسسوارات البسي اكسسوارات كبيرة والوان وربطة في الرقبة وأهم شيء خلخال في الرجل وحطي تاتوهات لصق من محلات أبو ريالين على شكل قلوب وشفايف أو اي شكل وحطيها على كتفك وصدرك وتعطري وقفلي الغرفة على أولادك علشان لايشوفونك وروحي جهزي كاستين ايسكريم وزينيها يأصابع الشوكلاتة وخلي شكلها مغري ومشهي وادخلي في الموعد اللي حددتيه بالضبط ودقي الباب وادخلي بكل غنج وضحك ورقة وقولي له الأولاد ناموا وانا أشتهيت اكل معاك الايسكريم وخمس دقائق وبطلع واكليه بدلع واغراء بقد ماتقدري وداعبيه على خفيف وحاولي تعلقيه بك للعلاقة وبعد خمس دقائق بالضبط قومي بدلع وقولي له زي ماوعدتك انتهى وقتي مع السلامة وإذا قال لك اجلسي : قولي لا ياغالي أنا وعدتك وماأبغى أضايقك بجلوسي وإذا أصر اجلسي ...(وبكذا تكوني بفضل الله قفزتي قفزات كبيرة) وإذا عادي لما قمتي قال مع السلامة فلاتزعلي أبداااا ولاتبيني ضيقك له (لانه بتكون قفزتي قفزة وحدة نحو الهدف وهذه البداية فلا تستعجلي النتائج) و اخرجي مبسوطة بعد ماتحضنيه حضن مغري وقولي له عن أذنك أنا كمان أبغى أروح اسهر واستفرد بنفسي شوي وادلعها بما ان اولادي نايمين عندها بيستغرب تغيرك وبيستغرب بأيش بتستفرد!!! واش عندها وحتى وهو جالس بيكون عقله معاك!!! ويتعلق بهذه المرأة الواثقة من نفسها 2- ليلة ثانية تكون بعدها بيوم مو ثاني يوم و بنفس النظام ارسلي له مسج ولكن اكتبي له بجلس عشر دقائق لاني أبغى أوريك شيء بيلف عقلك طبعا الهدف من المسجات تحميسه وتشويقه لمقابلتك والبسي هذه المرأة لباس داخلي فقط مغري جدااااااااااا افهميها عاد وتكوني اشتريتي لك عباية مخصرة جدااااااا ومطرزة ورائعة والبسيها فوق لبسك الداخلي فقط وضبطي مكياج العيون بشكل مناسب لوضع الحطة الملكية اللي يسونونها اللي يغازلون نسأل الله لنا ولهم الهداية وكبري فتحت العين واللثمة بشكل مغري ودقي الباب وادخلي وعادي مايحتاج انت بتعرفي الباقي وكذا ياأختي ليلة بعد ليلة اخترعي طريقة وروحي طبقيها وادخلي عنده وشوي شوي اجذبيه للجلوس معاك وإذا قال لك بالعربي أبغى اجلس لوحدي لاتزعلي : قولي اصلا انا ناوية اخرج لاني بدلع نفسي وبروح اسوي لي حمام استرخاء أو بسوي بديكير أو أي شيء يخص الأنوثة وتغلي عليه وروحي وخليه وبإذن الله تبشرينا خير اهم شيء لاتشيل هم زواجه أبداااا وعيشي حياتك بسعادة لان اللي مثل زوجك صدقيني لو جرب بيأخذ على رأسه وبيعرف ان عنده كنز لان مين بالله تصبر على رجل بهذه الطباع وانت يااختي لاتعلمين الغيب قد يكون في زواجه خير لك ويرجع يقبل الأرض اللي تمشي عليها لترضي عنه لان المثل يقول ( ماتعرف خيري إلا لما تجرب غيري) فلا تزعلي ولاتنكدي على نفسك وإذا تزوج لاتنسي انه ماسوى شيء حرام ولله الحمد وانه بيرجع لك يعني بيرجع لك بإذن الله لانه مستتتتتتتحيل يلاقي مثلك وبيأخذ على رأسه ويرجع ويمكن يتعدل بعد اللي يصير له ويعرف قيمتك ويحسن إليك ويعطيك حقوقك ويدلعك اسأل الله العظيم رب العرش العظيم أن يسخر لك زوجك ويحببه لك ويراك في عينه بجمال الحور ويصرف عنه كل حرام وسوء |
ام جمانه الله يارب يوفقك ويفتح لك ابواب رحمته
والله انك ريحيتني المشكلة انا غبية امس عجزت انام بسبب اني اتخيله يتزوج علي والله اني عارفة ان مافيه حرمة تصبر عليه من رجعت من بيت اهلي وهو مخليني فندق له حتى النوم انام لحالي امس والله اني توحشت وقفلت باب الغرفة بالله لو تزوج بسوي كذا ؟ بالله لو تزوج بيقولها لما تطلب علاج دقي على سواق اختي يجيب لك ؟بيخليه ولده اسبوع كامل يترجاه يصلح السوني وكل يوم بكرة ؟ لي الحين اسبوع كامل من رجعت بعد غيبة شهر ونص مافكر يطلعني مكان ولا راح يفكر لانه كذا تركيبته يعني انا مااستاهل لو تاخذني على مطعم ياليته بس يشوف حاله من العمل الى الصومعه بالله كيف بيتزوج ذا وكيف بتصبر عليه زوجته ؟ مايفكر ؟ مايفكر ان الايجار ماقد ادفعه دايم خواته هم اللي يدفعونه ؟ اليوم قمت من النوم ونفسيتي زفت ارسل لي رسالة صلحي الفطور ياخلفهم قمت وصلحت له الفطور وعجزت اكل شي قال كلي قلت مااقدر نفسيتي تعبانه قال ليه قلت تعبت مررررة بس افكر بهالعرس علشان سمراء بس تسوي بي كذا قال الحمدالله وش هالتفكير هذه سنه الحياة هذه فلانه (اخته ) هي اللي تقول لزوجها رح تزوج قلت ان كانت تقصد من كلامها تبي توضح لك ان الحرمة مفروض ماتغار حسبي الله عليه لانها تسوي كذا عندك لكن الحقيقة تموت من الغيرة عليه بعدين جاب موضوع السوق قال فرحانه اجل اني صرت ليبرالي وخليتك تروحين بدوني قلت والله وناسة مرررة قال ماعاد صارت فيه رجوله حتى انا مو رجال قلت واللي بعد يتزوج مسيار مو رجال قال ليه قلت هما يسكن عند الحرمة وياكل عندها وتكد عليه ؟ قال لا هي موافقة قلت ولو كيف تطاوعه نفسه كذا ياكل ويشرب ويسكن عند حرمة علشان بس الفراش قال احمدي ربك انك مو عانس بعدين قال شكلي ابصير رافضي لمدة اسبوع علشان المتعه بعدين قمت اصيح قال انت ليه تصيحين قلت غصب عني والله لو اني وشو اكيد ابغار قال خلي دموعك لين اعرس مابعد اعرست الى الحين خلالالاص ان شاء الله راح اسوي نفسي ماهمني بس احس صعب علي لازم يوضح اني متضايقة وراح اسوي باقي الخطة من الليلة ان شاء الله واعلمكم وش يصير |
ماشاء الله عليك ياام جمانه كلامك كله حكم وفقك الله ورزقك ما تتمنين
وانتي يا أختي ثبات اعانك الله وسخر زوجك لك والله ماقصرت اختي أم جمانه اعطت الموضوع في كافة جوانبه |
الله يسعدك ياسحابة الصحراء ويوفقك لكل مايحب ويرضى ويسعدك في الدارين
ثبات ايوة تعجبني كذا نبرة العزيمة في كلامك ولو كانت عزيمتك كذا صدقيني بتوصلي بسرعة وبتزلزلي زوجك وأنا معاك للنهاية بحول الله وابدأي من الليلة بإذن الله وقبلها اسالي الله أن يسخر لك زوجك ويعينك ويثبت قلبك صدقيني زوجك من كلامك يحبك موووووووووت ومستحيل يضحي بك بس هو محتاج أنك تكوني إمرأة قوية ومغرية وواثقة من نفسك وتبيني له انك مو خايفة من أي تصرف يتصرفه لأنك واثقة انه الخسران لانه الأن فرح لماشاف دموعك وخوفك انه يتزوج عليه وهذا بيخليه يتمسك بالزواج لكن لمايشوف انك مبسوطة ومشغلة نفسك بنفسك بيتراجع ويمل حتى الفطور جهزيه وأنت بكامل أناقتك ومكياج خفيف وعطر وكلي بسرعة وقومي وقولي له الأن وقت رياضتي الصباحية وقومي بدلع وسوي رياضة وياريت كمان تقولي له (خلاص حبيبي بما إنك بتتزوج فمن بعد اليوم مالك شغل فيني وين أروح وين أجي أبغى أكون على راحتي وأنفس عن نفسي وأعوض نفسي من التعب واطلع مع أهل وصديقاتي ونستانس) وكمان لو تكرمت مصروفي الشهري تدفعه كل شهر علشان أدلع نفسي والأن لو سمحت دبر لي ألف ريال لهذا الشهر وأنا منتظرة منك احلى الأخبار بشووووووق عيدي واقرأي كلامي كل يوم من الصباح علشان يعطيك عزيمة ويذكرك بالأفكار |
الله يجزتك خير ام جمانة
وانتظري مني بقية الاخبار ان شاء الله |
ثبات حبيبتي تراه يضحك عليك ( يمزح معاك ) وأنتِ مسيكينة مصدقته ..
إذا قال لك بصير رافضي اسبوع عشان زواج المتعة اضحكي وقولي : وأنا بعد بصير رافضية اسبوع زيك عشان أجرب كم رجال غيرك ( تغيير ) ههههه واذا هاوشك اضحكي وقولي : والله عاد حبيبي : كل قرين بالمقارن يقتدي و من ماشى المصلين صلى ومن ماشى المولين ولى ههههه يعني اقلبي كل شيء مزح لأنه واضح انه يلعب عليك ويستفزك ومستانس لمّا يشوفك متأثرة وإلا تراه أبد ماراح يتزوج والله أعلم !! اطمئني !! | ملكة | |
اقتباس:
:22: الله يرحم والديك ياثبات مين بتتزوج زوجك؟؟؟ هذه رحمة له من الله أنه قذف في قلبك محبته والصبر عليه ومثل ماقالت ملكتنا قولي له كل الكلام بضحك ومزح وشجاعة واستهزاء وأهم شيء انك ماتكلميه في الموضوع إلا وأنت في قمة الأناقة والإغراء ونفسيتك مبسوطة وقولي له : احمد ربك اني حارمة نفسي من اللي أي زوجة تتمتع به مع زوجها من دلع واهتمام وجلوس معاه وسهر وضحك وتماشي علشان خاطر عيونك وأصلاً مستحيل بنات العوائل أحد يوافق عليك إلا إذا جبت وحدة من الشارع ماتعرف عنك شيء فإذا تبغى تجرب وتعرف بنفسك ان مافي غيري بتعجبك وتصبر عليك أنا كمان بروح أعيش حياتي مع زوج يعيشني ملكة ويدلعني ويهتم فيني ويعرف قدري وياكثر اللي يتمنون زوجة مثلي وعيالك خليهم عندك ماأبغى اتربط بهم. وربي بيعوضني لأني طيبة ونيتي طيبة:17: دمريه وافقديه الثقة بنفسه قبل مايفقدك ثقتك بنفسك. |
| الساعة الآن 07:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©