|
عادتي خلصت خلال يومين
السلام عليكم
كيفكم بنات مادري ايش أقولكم http://www.66n.com/forums/images/icons/cry3.gif عاد اتحلموني معليش :d الدورة نزلت هالشهر بعد 28 يوم بالضبط بتاريخ 20 - 6 .. كانت خفيفه جدا .. أول مرة كذا .. وانتهت خلال يومين أمس المسا كملت 3 أيام من نزلت عندي .. وطول اليوم ما فيه الا نهاية الدورة اللي هي لونها أسود .. يمكن يسموها الكدرة ما أدري والحين جفاف .. انا متعودة ما أشوف هالسواد الا بخامس يوم دورة وبسادس يوم أطهر شهريا كذا عادتي مادري ليش كذا هالشهر ؟؟ ممكن يكون بسبب حبوب تنظيم الدورة progylotun ؟؟؟ ولا ايش رايكم وبعدين المغص مو راضي يروح كأن الدم لسه ينزل أول يوم رغم انه مافي شي خلص الدم من أمس :24: وماني حابه أروح للطبيبة .. خلاص كنت متفقه مع زوجي ما نروح هالشهر ونرتاح من العيادات انصحوني ايش أسوي؟؟؟ بليز بليز لا تفشلوني وجاوبوني http://www.66n.com/forums/images/icons/cry3.gif |
طيب عندي سؤال
انتي غسلتي شعرك خلال هاليومين لان سمعت انه يوقف الدم وانا جربت مرة وصج 3 ايام ووقف الدم |
اشربي سوائل دافيه وخوذي على الريق عسل طبيعي مع فلفل اسود ممتاز مره وكثري الفلفل الاسود مع الزنجبيل بانواعه مع الحليب والله ممتاز واذا جتك الدوره اشربي منقوع العنزروت مع المره تلاقينه عند العطار وما تشوفين شر ابتعدي عن شرب البارد والمشي على السراميك
|
لا ما غسلته عزيزتي
بس أحيانا أغسله بأيام الدورة وما عمره وقف الدم عندي بسبب غسيل الشعر انا قرأت انه مو زين غسيل الشعر بأيام الدورة وصرت ما أغسله .. بس الحين في الحر وايد صعبه ما ينغسل شاكره لك ردك |
اقتباس:
بارك الله فيك اختي صمت وسكون بالفعل انا من أول يوم دورة صرت أشرب عسل على الريق وخلال اليوم وأحيانا قبل النوم وآكل يوميا تمر مع سمسم وحبة البركة لأني ما أقدر على الفلفل الأسود :24: وكنت ناوية بخامس يوم دورة أشرب الزنجبيل مع الحليب لمدة 5 أيام لأني قريت انه هالأمور تزيد فرص الحمل أشكرك اختي |
شافاكى الله وعافاكى أختى......انا هذا الشهر نزلت عليا برضه بسيطه جدا اول يوم دم بسيط واليوم الثانى فى أيضا ولكن فى اخر النهار بدأ يزيد شئ بسيط والثالث والرابع برضه دم بسيط مش كتير
واول مره يحدث لى هذا قالولى بسبب حالتك النفسيه لانى هذا الشهر كان عندى ضغط نفسى رهيب وأجت الدوره فى نفس الوقت ولكن الحمد لله كانت منتظمه أجت بعد 26 يوم أنتظرى أختى الشهر القادم يمكن يكون ضعف او حاله نفسيه والوضع يرجع كما وفقكى الله ربى لا تذرنى فردا وانت خير الوارثين |
السلام عليكم ورحمه الله وبركاته
اختي العزيزة لاتخافي هاذا كله بسبب الحبوب الي اخذتيها لتنظيم الدورة عادي جدا لاتخافي بس اهم شي انك تشربي حار وتستحمي بمي حار يعني حمام حار وان شاء الله ماعندك اله العافيه |
فلافل
يمكن حمل سوي تحليل حمل .. ان الدوره تكون قليله ولونها اسود هذا غريب انصحك تسوين تحاليل عند طبيبه اذا ماكان حمل لانه بدون شك اذا مش حمل بيكون ارتفاع هرمون الحليب الله يوفقج |
اقتباس:
مشكورة يا فلونة بس الحمدلله انا نفسيتي زينه .. وبعدين انا مرحة وما أحط ببالي كثير .. وعندي وايد أمور أشغل نفسي فيها صحيح أتمنى الحمل مثل كل الحريم .. بس ما صار هاجس لي لحد الحين الله يرزقك بالذرية الصالحة عاجلا غير آجل |
اقتباس:
وعليكِ السلام يا ام سنو والله يا حبيبتي من أول ما نزلت شربت كوب قرفه وبثاني يوم شربت كوبين .. الصباح والمسا .. وعلى طول أشرب أشياء دافيه مثل ما تعودت دايما بفترة الدورة .. بس سبحان الله الدم جف .. والمغص مستمر .. أول مرة كذا .. انا خايفه يكون الحبوب سوالي مضاعفات :24: الله لا يسامح الطبيبة اذا ضرتني الحبوب بس انا غلطانه لأني خذيتهم :"( أشكرك |
اقتباس:
حلومة حبيبتي يسعد صباحك :17: والله اني أحبك في الله http://www.66n.com/forums/images/icons/icon54.gif شوفي يا عسل .. انتي ما فهمتي علي .. انا دورتي كل شهر 6 أيام .. وباليوم الخامس تطلع الكدرة .. الدم الأسود .. ووقتها أعرف اني خلاص خلصت دورة .. ويصير عندي جفاف لمدة يوم بعدين أطهر .. من سنوات وهذي دورتي عادي وخواتي وصاحباتي أغلبهم كذا .. هذي دلالة على نهاية الدورة اللي مستغربته انها خلصت بدري واجد هالشهر .. يعني الكدرة ظهرت باليوم 3 بدل اليوم 5 من الدورة :29: والمغص هو هو ما راح .. وألم خفيف بالصدر .. أحيان أحس انه لسه في دم ما نزل ومحبوس جوا :24: الله لا يقول ويطلع عندي ارتفاع هرمون ياربي الله يبعد الشر ان شاء الله لا تخوفيني حلومة :"( بالنسبة لفحص الحمل بصراحة مترددة .. بس زوجي قبل ما يروح الدوام قاللي بياخذلي وهو راجع عشان نرتاح .. الله يقدم اللي فيه الخير واللي الله كاتبه انا راضيه فيه لأنه أكيد فيه خير لي أشكرك على ردك حبيبتي |
والله يا حبيبتي مثل ما صار معي بالضبط انا اول يومين دورة عادية وبعديها اسود يعني اليوم التالت وبعدها انقطعت انا شكيت اني اكون حامل ذهبت للصيدلي واعطاني الجهاز والحمد لله طلع خطين واحد فاتح والتاني غامق والفاتح طلع بعد 10 دقائق وطلعت حامل الحمد لله رب العالمين وقالي الدكتور انه نزول الدم يكون لان من علامات التعشيش في الرحم الله يعطيك اللي في بالك يا رب ِ |
فلافل
الله يرزقك بكل ماتحبين ... بس انا اقولج هذا الكلام من تجربه شخصيه ... لاني نزلت علي الدوره وبعدها انقطع الدم وجاني اللون الاسود اللي انتي تقولين عنه .. حتى اذكر يومها كنت منادية مساده عشان اتمرخ عندها ... وسبحان الله قبل لا تجيني المساده ... سويت فحص الحمل وطلعت حامل انصحج لاتشربين شي ينزل الدوره ... اصبري واعملي تحليل .. واذا ماطلعتي حامل ... اتمنى انك تسوين تحليل البرولاكتين ..(هرمون الحليب) ... لانه سبب في لخطبة الدوره والتحكم بغزارتها الله يوفقج |
أول شيء تأكدي انه مو حمل
اختبار الحمل المنزلي جربيه الصبح ولا وقت تكونين على الأقل 4 ساعات ما دخلتي الحمام وانتي بكرامة بعدين تصرفي تصرف ثاني وغيري دكتورتك وللي يسلمك شوفي راي وحده ثانية وربي يكتب لك الخير |
الله يكتب لك الخير يافلافل ياحبيبتي وتصيري حامل ونفرح فيك
استعجلي سوي التحليل وخبرينا يارب حاااااااااااااامل |
حبيباتي
أشكركم على اهتمامكم ما تقصرون والله يرزقكم كل ما تتمنون :d طبعا انا ما نمت أمس من المغص ,, وبعدما كتبت موضوعي نمت .. وزوجي رجع بعد الدوام جابلي فحص يعني كنت نايمة أكثر من 4 ساعات وعملت الفحص :24: وطلع سالب هالكبر (-) خخخخخخ :25: كنت أتمنى أطلع حامل .. بس الله ما كتب مستحيل الفحص يكذب بس المغص متعبني .. كأني بأول يوم دورة :( بصراحة خايفه أروح لأي طبيبة وتوهمني بأمور ماهي فيني .. طبيبتي الحاليه قالتلي من البداية ماعندك اي علامات على لخبطة هرمونات وعملتلي فحوصات ,, وقالتلي كل شي تمام عندك .. بس يبغالك وقت ورح تحملي وعمري ما طلعتلي افرازات من الثدي .. يعني الحمدلله ما أتوقع فيني شي وما أبغا أتوهم اني عندي شي بليز بنات الله يخليكم :"( اليوم شربت على الريق مغلي حليب بالزنجبيل قلت يمكن لو فيه دم بينزل وما في خلاص دم .. جفاف تمام .. الفوطة بيضا من البارح طيب يا بنات الحين أغتسل و لا ايش ؟؟ و هل يجوز الجماع ؟؟ انا ماني عارفه ايش أسوي .. أول مرة تخلص دورتي بدري من يوم زواجي .. بليز يا بنات جاوبوني الله يخليكم |
اعراض ارتفاع هرمون الحليب هي
تلخبط الدوره <---------- وانتي بسم الله ماشاء الله دورتك منتظمه (فلا توسوسي) تطول ايام الدوره يعني بدل ما تخلصي في 6 ايام تلاقي نفسك تخلصي في 10 ايام <--------- وانتي بسم الله ماشاء الله خلصت ابكر (فلا توسوسي) عند عصر الثدي يطلع شوي سائل <----------- وانتي بسم الله ماشاء الله ما عندك شي من هالقبيل (فلا توسوسي) قيدك عملتي تحاليل هرمونات قبل كم اسبوع <------- وبسم الله ما شاء الله طلعت سليمه (فلا توسوسي) مره من المرات كنت رايحه الحج واتاخرت عليا الدوره وجاتني قبل الحج ب 4 ايام وطبعا كنت حاجزه في الحمله وخلافه وقعدت ابكي بكاء من الزعل لانه كان نفسي اعمل الفرض امي شارت عليا وقالت روحي يا بنت الحلال واعملي الحج باستثناء امور معينه اجليها الين ما تطهري.. توكلت على الله ورحت وتفاجئت انه الدوره خلصت ب 4 ايام!! رغم اني متعوده تقعد 7 ايام ....فياحبيبتي تحصل وعادي ومش علامة مرض ابدا ..وعلى فكره طالما انك خلصتي ابكر توقعي(مجرد توقع) ايام الاباضه رح تجيك ابكر من العاده وهذا اللي حصل معايا.. انتي اصبري الين بكره لو ما نزل شيء معناته خلاص اغتسلي وعيشي حياتك طبيعي ولا تفكري بالمغص يمكن يكون قولون عصبي خصوصا اذا كان الالم اسفل البطن احيانا كذا يثور من دون سبب .. ان شاء الله ما قدامك الا العافيه..واتمنى اني اكون طمنتك.. |
كرستالة حبيبتي
كلامك جدا مطمئن والحمدلله اني ماوسوست اني عندي لخبطة هرمونات لأن هالأمور أحسها نفسيه . لو الوحده توسوس بيطلع فيها الشي اللي هي موسوسة منه حتى لو ما كان فيها أصلا والحمدلله على كل حال احس اني في حالة سلام الحين مع نفسي .. وخصوصا اني ما رجعت عن قراري بعدم ذهابي للطبيبة اتكالي على الله وحده أشكر كل من شاركتني في استفساري وجزاكم الله كل خير |
حبيبتي فلافل لا توسوسي مثل ما قالتلك كرستالا ما عندك اي اعراض على ارتفاع هرمون الحليب و إلا بان في التحاليل الي سويتيهم ما دري ليش بس عندي احساس انك حامل اختي الكبيره صار لها نفس الشي, دورتها بالعاده 7 ايام بس بعد يومين نزلت عليها الكدره الدم الغامق الأسود و اليوم الثالث جفاف و هي بالعاده يجيها الم في البطن قبل الدوره و اول يوم الدوره بس هذه المره كان مستمر معها حتى بعد ما وقف الدم قلتلها تسوي تحليل حمل قبل لا تاخذ اي شي ينزل الدوره, و ضحكت علي قالت مستحيل اكون حامل و انا توني خالصه الدوره, قلتلها جربي منتي خسرانه شي و بالفعل طلعت حامل انتي استني كمان يومين و سوي التحليل مره ثاني و هذه المره سويه في الصبااااح خاصة اذا وجع البطن و الصدر ما راح نصيحه: مره ثانيه لما تكوني شاكه انك حامل روحي اشتري التحليل بنفسك و اذا طلع ايجابي خبري زوجك و اذا طلع سلبي و لا كأنك سويتيه انا اقولك كده عشان اغلب الرجال ما يتفهموا حالة المرأه و عشان ما يخيب ضنهم. و الا راح تصير قصتك مثل الولد و الذئب عارفاها مجرد نصيحه و انتي حره طبعا |
اقتباس:
أتمنى يكون احساسك صحيح يا لاف بس دام ما طلع شي في الفحص ما أظن يكون في احتمال حمل لأني اليوم رابع يوم :"( والله مالي نفس أشتري فحص منزلي أبدا حتى بالشهور الجايه .. أفكر اسوي فحص دم على طول لو فقدت الدورة .. ولو اني أخااااف من الإبرة :29: تصدقي للحين مغص .. وأحس بحرارة أسفل بطني .. وقرصات صغيرة كل شوي حسيت بهالعوارض قبل وظنيت حامل .. وبعدين طلع سالب وعلى فكرة انا ماعندي قولون .. والهضم هالفترة ماشي الحمدلله تمام ماعندي مشاكل اليوم زوجي من نفسه اقترح يجيبلي الفحص .. مع اني كنت مترددة .. يعني ما رح يصير مثل قصة الولد والذئب لأنه محد ضربه على يده عشان يجيب الفحص :15: بس الشهر الماضي انا وايد حنيت عليه عشان يجيبلي قلتله بس عشان أتطمن والحمدلله هو وايد متفهم .. وبصراحة أفضل أشتري الفحص بروحي وما أخبره .. بس ما أقدر أخبي عليه شي ان شاء الله المرة الجايه بسوي كذا ومشكورة لردك يا عسل :d |
خذي زنجبيل وقرفه او حلبه
|
| الساعة الآن 07:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©