|
محبة للعمل ولم أجد وظيفه بعد
الحمد لله ... على كل حال ..
اكتب هنا بينكم لاني احس بالاحباط والقهر ... بطبعي نشيطه ... ومحبه للعمل ... واحب المجتمع ... وتطوير علاقاتي مع الناس .. احس اني لم اخلق بعد لاجلس بالبيت ... او لاربي اولادي فقط .. لا ادري احس اني اموت بالبطئ ... ويأثر هذا على شخصيتي ... وعلاقتي مع اهلي وزوجي واولادي .. تخرجت من الكليه من 4 سنوات .. درست سنه ثم جلست 3 سنوات ... لا يوجد عمل لي سوى الطبخ والنفخ .. موت بالبطئ .. بحثت عن وظيفه كمدرسه في اهليه ... ولكن يبدوا لي اني لم اوفق بعد .. ادعوا لي بالوظيفه الحكوميه .. وراحه البال وحسبي الله ونعم الوكيل .. حسبي الله ونعم الوكيل ... حسبي الله ونعم الوكيل ادعوا لي الله يقر اعيننا و اعينكم بذريتكم وازواجنا ... ويريح بالنا الاشراف/تم تعديل العنوان ليتناسب مع تعليمات المنتدى.. |
الله يفتحها بوجك وتلاقي عمل قريب
تربية الاولاد متعه حبيبتي لها لذه وطعم خاص اصغري مثل اولادك انزلي الارض معهم اضحكي معهم ابكي معهم وقت يلاقوكي تبكي معهم وبصوت اعلى منهم رح يسكتو فورا ويستغربو اذا رمى ولدك نفسه على الارض وهو زعلان اعملي مثله رح يفرح وينسى ليه هو اصلا زعل |
الله يفرجها عليك ..
أختي ناظري الجانب الحلو في حياتك .. يعني ما شااء الله عليك ,, في بيت خاص لك .. الله لا يغير عليك .. ومتزوجه , وربي رزقك أبنااء ,, ما شاء الله .. الله يديمها عليك من نعم .. أختي لا تنظرين لأمر العمل , انه واجب تشتغلين برى البيت , وان كونك ربه منزل أي طبخ و(نفخ) فقط .. لا تنظرين لأمر عدم حصولك عالوظيفه انها بالامر السيء بالعكس .. لكل شي حكمه .. عزيزتي انتي معك مسؤوليه كبيره ,, مسؤولبه الابناء ,,ربي بيحاسبك عليها يوم القيامه,, وظفي طاقاتك وسيري طموحاتك للوضع اللي بيريحهم وبيريح كل من حولك وبيريحك انتي بعد .. وظفيها برعايتهم والبحث عن طرق تربيتهم الصحيحه. وظفيها بـ ببيتك , مو مقتصر بمسأله الاكل .. رتبيه بالشكل اللي يرضيك ,, اذا طبعك اجتماعي ,, خصصي لك يوم كل فترة اجتمعي فيه مع صحبااتك .. جمعاات الاهل كلها بترضي شخصيتك .. بس الاهم يكون لأطفاالك مكان بين بعض هالجمعات .. اذا المسأله ماديه ,, فـ تأكدي ان ربي الرازق واذا لك نصيب بالوظيفه ربي بييسر لك امرها ,, اكثري من الاستغفاار وتوكلي على الله . رتبي امورك علشان تترتب افكارك .. وابدي بتحديد اولويااتك .. الله يفرجها عليك |
ياحبيبتي اشتغلي ع نفسك خذي دورات من معاهد
تربيتك لأولادك نعمه وعباده اجتهدي فيها مارسي هواياتك الي تحبيه حاولي تنميها اكثير الله يرزقك ويرزق كل البنات بوظيفه ويرزقني بوظيفه |
احبتي ... Green ,,, هدوء مشاعر ,,,, اللهم رحمتك ..يكفيني بحق انكم لم تهمشوا مشاعري ورددتم على موضوعي ... ولكن لا اخفيكم ... اني قد استمتع احيانا بتربيه ابنائي ... واعلم انها عباده وانا حريصه على تعليمهم المفيد ... ولكن اريد ان اسأل .... لماذا ... ولماذا ... اموت وانا حيه ... اريد ان اعمل ... اريد ان اعيش مع المجتمع ... الجمعات العائله اكيد فيها حش وسوالف تضيق الصدر ... وبالنسبه للدورات ... مالفائده من اخذها ... وبالاخر احطها بالدرج .. انا لا اريد ان اضيع مالي ... انا اريد ان استثمر عقلي ... وعلمي ... حسبي الله ونعم الوكيل .....حسبي الله ونعم الوكيل |
اختي اذا انتي بالرياض
الحين المدارس طالبيت طثير اداريات ومدرسات واذا ما اتوفقتي في مدرسه بتتوفقي في مدرسه ثانيه باذن الله وفيه كمان الجامعات محتاجين مراقبات بس فتره الامتحانات .............. واذا عندك شهاده كمبيوتر قدمي على معاهد درسي فيها انا درست في معهد icdl وشفت بنات درسوها معايا واول ما خلصوا على طول صاروا مدرسات فيها ولو ما عندك الشهاده ترى ما تاخذ منك غير 3 شهور ويمكن اقل الله يوفقك ويفرج همك يارب الاشراف / تمنع الدعاية لأي منتدى أو محل تجاري أو طبي أو الترويج لأفراد بالاسم ونحو ذلك,, بالتوفيق |
اقتباس:
حبيبتي الدورات بتفيدك كثير وبتزيد فرصتك بالعمل اكثر مايسئلونك عندك دوره عندك خبره خذي دورات تخدم مجال عملك وتقدمي ع اي وظيفه تناسبك توكلي على الله فهو حسبك |
الله يفرج همكم بهالجمعه المباركه ...
وعلى فكره انا قدمت على مدارس اهليه ... بس خايفه على اولادي وين اخلي اولادي عشان بالكثير 3000 الاف ... ليه ... ما اقول الا حسبي الله ونعم الوكيل ... والله يبارك لنا ولكم فيما عطانا وحسبي الله ونعم الوكيل |
اهلين اختي
الله يوفقك ويرزقك ويسعدك يارب ويسهل امرك يارب ويرزقك ماتتمنين ياررررررررررب تفرج همك وتيسرامرك جربي اذا عندك موهبة في اي شيء تستغلينهاا ويصير لك دخل شهري الله يسعدك الحين مايمشيء الاشغل خاص ربي يوفقك |
اقول ...
قولوا امين عسى ربي يفرج لي ولكم ... شكل احد منكم دعى لي بحزه اجابه ... والحمد لله ربي رزقني بشيء من اللي كنت اطمح له ... الله يجزاكم خير |
فيه ردود عمليه
وردود إنشائيه الاخت تقول تربية الاولاد واعمال المنزل لا يلبي كل طموحها والاخوات جايات ينصحنها بالشقلبه مع العيال والبكاء ومدري ايش الرد الوحيد العملي هو الرد 6 وكذلك 7 ارجو يا اخوه ويا اخوات نفهم حاجات العضو لما يكتب موضوع .. نحاول نجاريه في طموحه ومطالبه اكيد هي فكرت مليون مره في تربية الاولاد وفي الشغل يعني جايين بجرة قلم وفاكرين انه رح تقنعوها بقضية فكرت فيها عمرها كله |
مو مشكلة عزيزتي
سوي لك مشروع بسيط في بيتك |
صدقينى يا اختى مافى حد مرتاح.....
ان الحين ادور على وظيفة واقول يا ليتنى متزوجى لو متزوجة ما افكر فى الشغل ولابهدلة الشغل فى المدارس الاهلية بس والله انا استغرب انتوا فى السعودية رواتبكم حلوة 3000 ريال يعنى تقريبا 500 دولار والله عن جد ممتاز لو تدرين رواتبنا احنا كم فى المدارس الخاصة 100 دولار بس الله يوفقك |
السلام عليكم
اولا ادعولج بالخير وان شاءلله تتوظفين وانا رجل وموضوعي مثلج بس اشتغلت قبل وصارلي سنتين حاليا وانا ابحث عن وظيفه يعني موضوع البطاله هذا متعب الرجال قبل الحريم. بس بعيد عن الكلام الانشائي مثل ماتفضل العضو اللى لمح عن الكلام الانشائي والحكم والنصائح اللى اي حد يقدر يقولها وهي لاتخدم الموضوع ولاتعالج المشكله. انا برأيي الحل هو البحث عن واسطه اذا قدرتي تحصلين على واسطه بتشتغلين وحسب تقرير عن الموارد البشريه والتوظيف تقول نتائج الدراسه ان 70% من الموظفين يحصلون على الوظيفه عن طريق العلاقات والتوسط فيا اختي الكريمه اذا عندج واسطه استغليها وابحثي عنها لكي تختصري على نفسك الوقت ثاني شئ بالوقت اللى تبحثين فيه عن واسطه ولين ماتحصلين وظيفه اقضيه بالقراءه وبدورات واشيا مفيده ثالث شئ قدمي على مواقع التوظيف على النت واحرصي بنفسك على التقديم على الوظائف لاتقدمين على مكان او مكانين وتقولين ماتصلو لا قدمي على الاقل عند 50 مكان او 40 مكان أكيد 5 اماكن من ال50 بيردون عليج ان شاءلله وهذا الحاصل بالكثير من الناس اللى يقدمون على وظايف او واجهو صعوبات بالحصول على وظيفه يجب التقديم لأكبر عدد ممكن من الجهات والدوائر والوزارات بعدد كبير جدا لكي تكون فرص القبول اكبر وفرص عمل مقابلات والحصول على وظيف اكبر طبعا . وخلني بقول بس كلمتين من الكلام الانشائي هههه ترى فيه موظفين نشيطين بس تعبانين بوظايفهم يعني لاتغرج الوظيفه وانا جربتها الوظيفه تعب ومرات ظلم واستغلال يعني بامكانج تبدعين اكثر وتوجهين طاقاتج الى مشروع مثلا بيع بضايع بسيطه عن طريق الانترنت او غيره ومرات تكون الوظيفه مريحه والمدير ايجابي والجو يساعد على الابداع والعمل فانشاءلله يكون حظج طيب وتحصلين الوظيفه اللى تقدرين تبدعين فيها ولاتنسين الخيارات الاخرى وهي من رأيي الافضل مثل مشروع بسيط او بيع منتجات من النت وبعد ذلك التوسع فيها والله يعين ويكتبلج اللى فيه الخير تحياتي |
اشكر كل من رد على مشكلتي ...
اخوي ضاحي ... انت صادق الواسطه تفك كثير امور وتسنعها ... بس بقول لك حقيقه ... اللي يدور منيه ومناك ... الا ما يحصل على وظيفه ترضي طموحه ... والله يعينك اذا انا بنت ..مو مرتاحه من قعده البيت .. فالله يعين الرجال .. لكن انا جربت الوظيفه من قبل سنه وقعدة في البيت 3 سنوات ... حسيت اني بدون هدف بالرغم من اولادي يشغلوني لكن ميته ... ولو اني اختلط بمجتمعات كثيره .. انا ابحث عن مكان ارتقي معه ... اتطور من خلاله .. بعد ان كتبت موضوعي كنت منهاره .... لجأه للاستغفار وقراءه سوره الواقعه كل ليله .. والله ما مر اسبوعين الا وانا موقعه عقد توظيف ... ما شالله تبارك الله .. في مكان كم حلمت به يعني الحمد لله ربي كان واسطتنا ... بس انصحك بالاستغفار وقراءه سوره الواقعه كل ليله وموفق |
محبه الاستغفار ... بس حبيبتي المدارس الاهليه اللي رواتبها 3000 معدوده وما تقبل اي احد ..
وعشان كذا اغلب البنات متوظفين في مدارس على 1200 الله يعينهم؟؟؟ بس انصحك بما نصحت به الاخ ضاحي والله تشوفون الخير .. وعلى فكره ... انتي تقولين لو كنتي متزوجه ما فكرتي بالوظيفه.. فيه كثيريييييييين قالوا مثل كلامك وانا اولهم ... بس من جد لما تزوجت وحسيت ان الدنييا تغيرت ... الا انا ... في مكاني .. |
السلام عليكم ماشاءلله مبروك على الوظيفه والحمدلله اكيد اختي اللى يدور مني ومناك بيحصل بس ممكن يقعد سنه سنتين 3 سنوات ولكن الواسطه ممكن بيوم واحد يتوظف وهي تختصر الوقت واكبر واسطه هي واسطه رب العالمين والاستغفار اكيد المضاد الحيوي الرباني لجميع المشاكل والكروب مب بس حق وظيفه حق كل شي بس من ناحية العمل بالاسباب افضل واسرع طرق للحصول على وظيفه هي العلاقات وبعدين التقديم على اماكن كثيره جدا وعدم الاعتماد على مكان او مكانين والحمدلله انا الآن اكمل دراسه الماجستير وعندي بعض الاعمال التجاريه البسيطه واجد فيها المتعه والحريه اكثر من الارتباط بوظيفه والله يوفقنا واياك لما يحبه ويرضاه تحياتي |
الففففففففففففففففففففففففففف مبروك يا اختى
ومشكورةجدا وبارك الله فيك علىا لنصيحة ان شاء الله راع اعمل به بالنسبة للاستغفار هذا هوهدفى عاد ليش مسمية نفسى المحبة ؟؟؟ المهم فرحتلك كثير |
تسلمين ياقلبي
وعقبالك يارب |
اللهم لك الحمد كما ينبغي لجلال وجهك وعظيم سلطانك..
لا اخفيك عزيزتي انبسطت لهذا الخبر,, الله يزيدك من فضله ياارب ولا يغير عليك .. ,, الاشراف/ يغلق لإنتهاء المشكله . بالتوفيق.. |
| الساعة الآن 03:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©