|
خيرني زوجي بين دراستي أو استقرارنا في بيت أهله
السلام عليكم
مساء الخير كيفكم إن شاء الله تمام:22: انا اليوم ابغا اخذ رايكم في موضوع شاغل بالي ومتعبني شوي ومو قادره اوصل للقرار المناسب انا طالبه في الجامعة خلصت مستوى واحد بس وباقيلي 7 مستويات انا طالبه مجتهده وذكيه والحمدالله انا متزوجه وزوجي مخيرني بين خيارين احلهما مر يقول اما انك تتركين دراستك وتتفرغين لبيتك وبنتك او انك تكملين دراسه بشرط نسكن عند اهلى علما انو عايلتهم مره صغيره في بيتهم مافيه غير امه و ولد عمره 12 وخدامه وعنده اخت متزوجه وساكنه قريب منهم وتجي كثير لبيتهم ايش رايكم ساعدوني حاولو تخلون نفسكم مكتني ايش تختارون |
خياريين اصعب من بعض الله يعينك بس دارستك مهمة تنفعك في حياتك
وكمان راحت بالك مهمة اهم شي كيف ام زوجك معاكى استخيرى الله والله يكتبلك الخير |
بنت مكه مشكوره
ام زوجي مو متسلطه بس مو طيبه يعني عليها احيانا حركات بس مو كثير |
طيب هل السكن مع اهله مؤقت ؟ يعني فترة الدراسة وبس ؟؟
اذا كذا ممكن باتفاق على اشياء كثيره.. طبعا تركك الدراسه ماأأيدك أبدا.......وانتي قبل حاولي تفهمينه ان دراستك ماراح تأثر على شي فليش التخيير ؟؟هذا من حقك صراحه.. خذك تدرسين خلاص يتحمل كم سنه..واذا رفض نهائي شوفي الحل الثاني اذا على طول بتجلسون عندهم فيها نقاش معه لازم ..يعني بتتغير حريتكم ويكثرون العيال ووومن هالكلام الى ان يحدد فترة معينه ويكون صادق في وعده انه بعد هذي الفتره تطلعون..ولا تنسين تشرطين يكون لك استقلاليه نوعا ما يعني مطبخك لحال وضيوفك لحال .. وقبل كل قرار استخييييييييييييييييييري ..تحياتي ودعواتي الله يوفقك وينور دربك ويسخر لك زوجك امييييين.. |
والله حاولي تتناقشي معاه واقنعيه باسلوب لطيف وحلو :confused: لكن اذا لقيه مصمم ومش مقتنع بكلامك:eek: استسلمي لامر الله وقدره وحافظي على دراستك لانها مهمة جدا فالمسلم كلما ارتقى :18:في العلم كلما كان افضل وتحاولي ما نزعليش نفسك :)واعتبري ياستي حماتك دي امك وعامليها بالمبدا ده يعني تطولي بالك عليها وتعامليها برفق وادعي ربنا يريح بالك ويهدي لك زوجك وقولي اللهم اصلح امرنا واجعله قرة عيني واكفنا شر انفسنا وشر كل ما انت اخذ بنا صيته والله الدعاء والالحاح هو اصل حل كل المشاكل وربنا يكون في عونك ويهديلك زوجك |
بالعكس ..
شوفي وضعك أنت عند أهل زوجك.. هل لك مكان مستقل؟ هل ممكن يكون للواحد جزء بسيط من الخصوصية أو الحرية؟ إذا كان جوابك إي : فأنا أقول لك وااااااافقي وبدون تردد.. طبعا مع الإستخارة.. إذا كان جوابك لأ : فالموضوع فيه نظر.. |
عليكم السلام ورحمة الله وبركاته
عذراً .. يُنقل للقسم المناسب . |
ليش تحتاري واحد من هالخيارين ؟؟
ما هو سبب انتقاله لبيت أهله ؟ هل هو الحاجة المالية أو الحاجة لأن تحل أمه مكانك ؟؟ |
السبب انا ما اطلع من الجامعه الا الساعه 3 واكون في البيت 4 واول ما اخدخل البيت على الطول للمطبخ ومايجهز الغداء غير المغرب واذا كلنا ونظفت السفره الا اذن العشاء انا هنا اكون صاحيه من خمس الفجر يعني خلاااااااااااااااااااااااااااااااص فيني نوم مافيه وقت للبيت والتنظيف ولا وقت للجلسه والقهوه
|
خواتي السكن عند اهلو مؤقت بس فترة الدراسه بس انا باقي على التخرج ثلاث سنوات ونص يعني فتره طويله
|
والله كل الخيارين مره 00وفيها اجحاف في حقك حاولي تقنعينه السكن لحالك افضضضل 0ودراستك سلاحك لاتفرطييييين فيها00
|
تحتاجين لاعادة برمجة وتنظيم حياتك فقط
وان تطلبين من زوجك الفرصة للقيام بذلك قبل البت في قرارته اتمنى لك الموفقية في جميع امورك الحياتية |
حبيبتى اولا حاولى مع زوجك انك تقنعيه بانك سوف تستطيعين ادارة الجهتين الجامعة والبيت وان يعطيك فرصة لاثبات ذلك بالرغم انى اشعر انه سيكون شوى صعب عليك خاصة انك لساتك بادية لكن اذا ماقتنع فانا ياختى من رايى انك تشترى راحة بالك والدراسة بتتعوض بعد شوى بس تنظمى امورك وترجعى تتكلمى مع زوجك مرة ثانية وخاصة كما قلت من قبل انتى لسه بالبداية يعنمى ما مشيتى كثير بالطريق لا تخسرى زوجك واهله وبيتك لانه والله الافضل انه يكون لك بيتك الخاص
الامر ما يستغنى بلا ماتصير مشاكل وقتها بترجعى تندمى الدراسة ملحوقة ايش صار معنا يعنى اخذنا الجامعة وجلسنا بالبيت وبعدين حبيبتى انتى ايش تدرسى يعنى معظم الجامعات الحين يمكنك الدراسة فيها بالانتساب يعنى تروحى وقت الاختبارات وتتابعيها كل فترة دراسة عن بعد والافضل فى كل الاختيارات انك تستخيرى |
والله انا كنت رح اقول نفس كلام الاخت تيرا
فعلا حاولي تعالي على نفسك شوي .. وفي مثل بقول (ابعد تحلى) ولما تروحي تسكني عندهم عشان مش ملحقة شغل بيت وطبخ ومن هلكلام اعتقد انه ما رح ترتاحي.. انا بقيس على نفسي بزيارة ساعة بكون متدايقة وبدي اروح.. ما بحس انها بتحبني .. بتمسك علي اي كلمة.. ازا اكلت عندها تقول بتطبخش اجت تاكل عندي علما اني بكون طابخة بس بقول ممالحة عيب.. بعد ما سمعتها هيك بتقول بطلت اكل.. صارت تقول بتقرف من اكلي.. بتهرب وقت الاكل وهكذا دواليك.. طبعا يمكن حماتك غير.. ما بعرف بعدين انتي ساكنتة ببيت لحالك (يعني حد بجيب الدب لكرمه) اصحي حبيبتي نظمي نفسك وزبطي امور بيتك ودراستك.. صديقتي بتطبخ يوم الجمعة طبختين بتبقى الجمعة والسبت والاحد لا تطبخ بس تروح الاجد بالليل تطبخ ليوم الاثنين والثلاثاء فهمتي حاولي نظمي امورك.. بعدين زي ما قالت تيرا.. يعني هي معنا شهادات شو عملنا فيها معلقة بالمطبخ استخيري.. الله ييسر لك اللي فيه الافضل |
اقتباس:
و هذا هو حالك اذا اشتغلتي يعني الشهادة التي ستحصلين عليها عليك أن تعرفي أنها للتعليق على الحائط فقط في حال زوجك غير راضٍ عن هذا النمط من الحياة اختي الدراسة مع طفل ليست سهلة و لن تستطيعي اكمال الدراسة إلا اذا كنت مقتنعة قناعة تامة باكمال دراستك و حابة تخصصك و لذلك القرار بالنهاية لك أنا لو كنت مكانك أكيد لن اترك دراستي لكن اذا كانت أم زوجي من النوع الذي لا يطاق العيش معه فسأضحي بالدراسة لأنقذ علاقتي الزوجية و أسرتي التي بدأت ببنائها بالتوفيق |
حاولي حاولي حاولي تضلكو في بيتكو المستقل وتدبري امورك
يعني قولي لزوجك اخر محاولة للموازنة في الامور لو مانجحتي المنطق بقول روحي بيت اهل زوجك ليش؟ عشان لو رحتي هناك حتدرسي وبعدين حترجعي تعيشي لحالك حتكسبي الاتنين بس لو مادرستي وبقيتي في بيت لحالك حتخسري الدراسة فتعالي عحالك شوي وعيشي مع اهل زوجك واتجنبي حماتك وهما مش عيلة كبيرة وفترة و بتعدي بترجعي تسكني لحالك بس انا بقول حاولي قد متقدري تنجحي في بيتك لحالك |
حولي دراستك لمادة تستطيعين الانتساب فيها
وغيري الجامعة وكملي دراستك وانتِ في بيتك صعب الانتقال لبيت اهله خصوصا انك تعودتي على حريتك واستقلاليتك ويمكن بعد ثلاث سنوات ونصف يقولك العيشة هنا مريحة وخلينا ! الله يوفقك |
طيب إساليه إذا أنتي مقصرة وأنتم في بيتكم وعالجي هذا القصور إذا كان إذا قصده في الانتقال لاهله مساعدتك في مسؤلياتك
|
عند اهلو يا حبيبتي
واكملي دراستك حماتك تبقى قرب حفيدتها وتحل مكانك انا اجده حل مناسب جدااا وثم مش مضطره ترجعي وتطبخي وتركضي يوجد خدامه وانتي تقولي انو حماتك مش طيبه ولا قاسيه كل مده احضري لها هديه مع ابتسامه والسنين تمر انا مع الحل بالسكن عند اهله انما انتي ما ذكرتي لنا وين تكون الطفله وانتي بالجامعه |
مشكورين على ارائكم وماقصرتو
الطفله اخذها معاي للجامعه فيه حضانه وروضه خاصه لابناء الطالبات |
هلا أختي
أنا أقول أستخيري أولا وأخيرا... وياليت تجلسين في بيتك أحسن مااافيه مثل الحرية والإستقرار..ويمكن العيش معهم يفتح أبواب مشاكل بينك وبين زوجك وبتصيرين تحت نظرهم وممكن زوجك يتغير أسلوبه أو مفاهيمه بسبب الكلام والزن اللي بيجيه.. ياأختي أنا ساكنة في جناح عند أهل زوجي ومطبخنا واحد تحت..وأنا عندي مطبخ تحضيري فقط..وأدرس ماأرجع إلا الساعة ثلاث ونصف..طبعا أم زوجي تكون طابخة الغدا ويكونون متغدين..تخيلي رغم إني أطبخ الغدا وقت الإجازة الخميس والجمعه بوجود أخته المتزوجه وعيالها وزوج أخته ورغم إني ماأسوي أي شئ في الليل أوعشاء مشتهيه زوجي إلا أطبخ لأهل البيت كلهم بحكم إن مطبخنا مشترك لكن أحسهم يحاسبون على لقمة الغدا وماألاقي إلا قليل مايشبع شخص واحد والله مليت وبالطقاق والهواش سمح لي إني أستقل بطبخي والله ياأختي فرني كهرب يعني يطول الأكل مومثل الغاز وثلاجتي صغيرة جدا لكن إرتحت ..أرجع ثلاث ونص ويخلص الغدا أربع يكون زوجي حضر ونتغدا وأنا معك أجلس طول اليوم مشغولة لكن أفضل..وبعدين تنظيفك خليله أوقات موشرط كل يوم خاصة غسل الملابس..الطبخ جهزي كل شئ في الليل دبري عمرك ترى والله سهله ولاتكثرين الشكوى له!!..أناأعرف بنات يوصل لهم المطعم كل يوم غدا ..فشوفي يمكن زوجك يوافق..الله يعينك |
مشكوره اختي دلع ماقصرتي الله يجزاك خير كلامك صحيح
|
خلي بالك اخاف ان زوجك ناوي يفضي البيت عشان يتزوج عليك واضح انه مو عاجبه نمط الحياة اللي تعيشونها ويبي زوجة في البيت تشوف طلباته نصيحتي لك انك تحاولي تمسكي العصا من الوسط يعني لا تفرطي في استقلاليتك ولا دراستك دام انك لسة بأولها شوفيلك تخصص ما يحتاج انك تداومين بالكلية وبكذا تحافظي على بيتك وتحصلي على الشهادة ولا تنسي الاستخارة يارب يوفقك |
حاولي تعملي غداكي من الفجر عشان يادوب اول ما ترجعي من الكلية تسخني وتاكلوا وخليه يساعدك في ترتيب البيت شوية وقوليله يد الله مع الجماعة ولو لقيتي نفسك تعبانة ومش فايقة تقعدي تسهري لو قدرتي تستحملي التعب وتراضيه اقعدي ولو تعبااانة مرة ومش هتقدري تسهروا سوا ناقشيه وفهميه انكم لازم تكونوا متشاركين وجدانيا ومتعاونين ومتفاهمين عشان يتم الاستقرار وان حياتكم هناك هتكون بهدلة وممكن ما يكونش فيها استقرار واكثري من الدعاء ان دماغه يلين ويسمع كلامك
|
سوي غداكم من بدري ولو ما تقدرين اقعدي الخميس سوي كم شيء وحطيه في الفريز لأيام الاسبوع
وبس ترجعين سخنيه وتغدوا بعدين ريحي شوي يعني نامي ساعة وقومي وحاولي تضبطين أمورك بالطريقة هذي وشوفي وضع زوجك بالتغيير ولو ما عجبه وأصر على بيت أهله الشكوى لله بس شرط انك تخلصين ترجعون لبيتكم وممكن يكون أبوك ولا أخوك و أحد شاهد على هذا الكلام وضروري يكون لكم قسم مستقل ببيت أهله مع انه فكرة زوجك مو حلوه بانكم تروحون هناك هو مآخذك وعارف إنك تدرسين يعني ممكن يساعدك وتجيبون غداء من بره وممكن تآخذين صيفي عشان تخلصين بسرعة الله يعينك |
اختي استخيري والخيرة فيما اختاره الله
|
انا راي انه دراستك لا تفرطين فيها مهما صار حتى لو اطريتي تسكنيين عند اهله
|
اذا السكن مؤقت حاولي وسكني معاهم دام مافي شباب واصبري
بس اهم شي دراستج صدقيني وايد مهمة ... ماتضمنين ظروفج بالمستقبل ...ربي يحفظج من كل شر .. |
| الساعة الآن 04:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©