|
امي وتصرفاتها
السلام عليكم
عندي موضوع مضايقني بصراحة ومو عارفه اتصرف :29: امي اذا بغت تروح السوق والا عرس او مكان .. اتصلت فيني عشان زوجي يوصلها وانا استحي اردها وزوجي مع الوقت قام يمل من الروحات والجيات .. وخصوصا اذا عرس يكون الى وقت متاخر .. مع ان عندي خوات متزوجين غيري وابوي الله يخليه موجود .. بس كل مرة تبي تطلع تتصل فيني وانا ما اقول لها لا.. مادري هالشي من حق امي والا الشي جاي على حسابنا ولازم اكون معاها في العرس ومرات اكون تعبانه او مشغولة بس افضي نفسي عشانها .. قولوا لي وش الحل ؟؟ مهما كان هذه امي وانا ما ابي اشيل عليها بخاطري شي.. بس بجد هالموضوع مضايقني ... |
هل كانت تتضايق وتطلب من أحد ثاني ياخذك يوديك المستشفى وانت صغيرة اذا مرضتي؟
هل كانت تتضايق اذا سهرت الليالي تراعيك وانت تقوميها من النوم؟ هذا فخر لك انت و زوجك انكم تخدموها فهي ومهما طلبت منك تبقى أمك ...ترى مهما تسوي ما توفيهم حقوقهم... وهذا انت تروحوا وتوصلوها بالسيارة يعني ما فيها تعب مثل ماهي كانت تشيلك و انت صغيرة وهي تمشي على رجولها..... آسف ان كان كلامي قاسي..... لكن أي شي يمس مواضيع الأم يثير حفيظتي وحفيظة أي شخص له أم يحبها ويقدرها. جعلك الله من البارات بوالديك |
يا سعدك انت وزوجك بحب امك لكم
ما شاء الله يا اختى اسعدى بقربك منها والله عندما يفارقونا نبكى على كل لحظة لم نكن بجوارهما وعلى لحظة ضاعت ونحن مشغولين بأى شىء عنهم حتى ولو كان عمل او دراسة يا اختى وجهى نيتك بهذا لرضاء الله اولا سبحانه وتعالى ثم لنيل رضاء والدتك وفقكم الله لما يحب ويرضى |
نقل إلى مكانه المناسب ..
وفقكم الله . |
يعطيكم العافية ..
انتظر رد باقي الاعضاء |
أختي الغالية وفقك الله // صراحه أتمنى من كل قلبي أن أمي تفضلني على جميع أخواتي "أنانية غيره مايهمني أهم شئ رضا أمي في الدنيا كلها" وربي كل طلباتها أوامر لأن كل ما أعمله مايرد جزء بسيط من فضلها علي "أسأل الله العلي العظيم أن أكون عند حسن ظن أمي بي ." والأم ماتطلب غير من البنت المحبوبه والمقربه لها جدا وإن شاءالله تكوني كذلك .. عندما قرأت موضوعك جال بخاطري هذا التساؤل : بعد مدةً من الزمن أبنتك أتت وكتبت هذا الموضوع ماهو شعورك وقتها؟؟ أسأل الله العلى القدير أن يجعلك من البارين بوالديك وأن يرزقك الذرية الطيبة المعافاه ويرزقك برهم.. |
انا الحمدلله كنت بحاجة حتى اعرف تصرفي صح والا غلط
والحمدلله اكثر ان تصرفي كان صح مع امي والله يخليها لي ان شاء الله |
هل هذا الشيئ يضايق زوجك ؟؟؟ ام انه يقوم بهذا الشيئ و هو مبسوط ؟؟ |
اقتباس:
في البداية كان عادي لما اقول له بس الحين قام يمل وتعرفين الازواج بعد :29: هذا اللي يخليني اتضايق من تصرفات امي لانه يالله يرضى ينفذ طبعا امي ما تدري ولا اقول لها انه يتضايق وهو بعد ما يبين لها هالشي بس لما نكون لوحدنا يقول وانا صرت محتارة بين امي وبينه وقلت له مرة ان هذه امي وكرامتها من كرامتي ولا يفيد لان لسانه بالاساس معاي بذيء صار هالموضوع يسبب لي مشكلة ما اقدر ارفض طلبات امي وبين زوجي ؟؟ وش الحل ؟؟ مع اني امي كثير كثير طيبه معاه وتعتبره مثل ولدها وما تقول له الا يا ولدي .. ما تعرفون وش كثر اتعذب لما اشوف امي تمدح فيه وهو في قلبه شي ثاني مثلا لما اقول له امي تبي تروح المكان الفلاني يقول لي :: وهي كل مرة بتروح مكان اتصلت لك وقالت وديني ؟ ليش ما تخلي ابوك او حد من ازواج خواتك مافيه الا انا ؟ انا بعد انسان مشغول وماني فاضي لها وامك فاضية بس اي مكان تعالوا ودوني ؟ ومرة ثانية اعتذري لها وتصرفي باي طريقه ..؟ بذمتكم وش بيكون شعوري وزوجي يقول عن امي هالكلام ؟؟ انتظر ردودكم .... |
لي ساعه اكتب وطار الكلام ما بعرف وين صار
لي رجعه للموضوع |
حبيبتى الزوج غير مسئول يوصل أم زوجته
أعذرينى اى زوج يتحمل هذا أنتى الخطئ من البدايه اعتذرتى لأن زوجك الان متغاظ منك ومن امك وممكن يكرهكم والله فين ابوكى واخواتك الرجال أمك لازم تعرف ان البنت بعد الزواج تحاسب على زوجها قبل بر أمها حبيبتى امك تبريها على عينى وعلى راسى بس ليس على حساب راحة زوجك فاهمه الحل بكل أدب تعتذرى ويا أمى زوجى مشغول النهارده ولما تكرر هى هتفهم لوحدها |
اختي المصريه وفرت علي الكتااابه .. لمحي لامك ان زوجك مشغول او تعبان او اي عذر .. زوجك مو ملزوم بأمك .. و لا تخلي مشاوير امك تسبب لك مشكله مع زوجك .. |
نفس الكلام الي بقوله لك قالوه الصبايا زوجـك مو مسؤول عن امك ولا عن مشاويرها هي امك عالعين والراس .. بس الصراحه الرجال يالله في مساوير حريمهم وعيالهم مو عهاد اهلهم ..مره خطـا .. لازم تفهمين امك .. انه زوجك متضايق .. عشان تكسبين الأثنين .. وهذي صراحه والسالفه مو منك ولا تقصير منك الاسلفه انه هي اخطأت وتمادت الله يكون بعونك |
اقتباس:
حاولي انك فعلاً تنفذي هالكلام مرات و مرات و مع الوقت أمك بتتعود انه مرة بتروح مع زوجك و مرة مع غيره و لما زوجك يقلك قوليلها أي شي اطلبي منه يقلك شو تقوليلها و بنفس الوقت صبري زوجك لما تطلب أمك منكم طلب و قوليله لو كانت أمك و من هالكلام و برها أجر في الجنة و يمكن يا زوجي رب العالمين بوفقنا بحياتنا من دعواتها و برنا لها و من هالكلام اللي ببرد القلب بالتوفيق |
تنرفزني الردود من الأبراج العاجيه أوك امي على عيني وراسي طيب ولد الناس مكلوف فيها
ممكن بحدود بين فتره وفتره بس يناااااس كل شي لازاد عن حده ينقلب ضده والله غالب الرجال بالقوه يطلع مرته وعياله بهالزمن وإلا يرضى يسهرون بالزواجات اللي توصل للفجر كيف أجل اوم زوجته وكل مره طيب وش تستفيد الوحده لا مل منها ومن امها وطلقها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا أشوف لو تكلمين امك بأسلوب وتلمحين لها بالأسلوب اللي تشوفينه مناسب بينكم بس بدون ما تفقدين ميزة ثقتها فيك تصدقين رغم قسوة أمي علي بس ما تعتنز إلا علي ولا تعتمد إلا علي الله لا يفرق بينكم ويدلك لما فيه الخير |
| الساعة الآن 12:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©