|
دورتي بعد الاجهاض
السلام عليكم ورحمة الله وبركااااااااااته
بعد اخر اجهاض اتعرضت له طبعا نزل مني لمدة اسبوعين ثم نظفت بعد ثلاثة اسابيع وجلست شهر واسبوعين بعدين جاتني الدورة ومستمرة الدورة الى اليوم يعني اسبوعين ويوم وانا اصلا قبل الحمل دورتي اربعة أيام طبعا انا خفت ليش الدوورة مطولة كدا بعد الاجهاض .... رحت الاسبوع الي راح لطبيبة قالتلي عادي ...بس المشكلة الى الان ماهي راضية توقف يعني لما امسح بالمنديل اشوف الدم العزكم الله نازل ...طا فعلا كدا طبيعي ولا ................. |
ما عندي خبرة بهالمجال
ان شاء الله يكون شي طبيعي مثل ما قالت الطبيبة وعشان تطمني أكثر روحي لأكثر من طبيبة .. لا تعتمدي على وحده فقط .. لأنك كذا رح تفقدي دم كثير ويمكن لا سمح الله يأثر على صحتك .. حاولي تتغذي بشكل جيد دعواتي لك بالشفاء العاجل وأسأل الله ان يرزقني واياكي وجميع المحرومات بالذرية الصالحة عاجلا غير آجل |
اقتباس:
اشكرك حبيبتي على دعواتك الطيبة والله يسمع منك يااااااااااااااااااااااااااااااااااااااااااااااااا ارب بس بصراحة طول فترة الدورة تنرفز كل يوم اجلس احسب كم يوم طاف ولمتى بتستمر الله يكون في العون |
السلام عليكم ورحمه الله وبركاته
اختي العزيزة ماتخافي الموضوع عادي جدا هاذي اعراض طبيعيه لان بعد الاجهاض الهرمونات الانثويه تضل تعاني من بعض الاضطرابات وان شاء الله تخلص بس اني صديقتي مرت بنفس الي مريتي بي والطبيبه قالت لها ان تاخذ الوبستان حتى ينقطع الدم وفعلا انقطع الدم وهوة ماله تاثيرات جانيه خطيرة يعني عادي لانه مسكن جربي اخذي منه حبتين اذا كان من النوع 250 وان شاء الله ينفعك |
اقتباس:
جزاك الله الخير كله ياااااااااااااااااارب تخلص الدوامة دي على خيييييييييييييييير لاني اجهضت ثلاث مرات قبل كدا بس اول مرة يصير معايا كدا المشكلة ان الدورة توقف يومين واظن اني نظفت وابدا اصلي ترجع ثاني مرة وفجاة زي ما صار معايا اليوم والله شي ينرفز بالمرة الله المستعاااااااااااان انا بروح للدكتورة واشوف ايش راح تقولي اشكرك حبيبتي الله لا يوريك مكروه في عزيز او غالي |
هي كده فعلا مزعجة
حبيبتي انا كمان صار معايا كده و عادي الدكتورة كشفت بالاشعة و قالتلي نظيفة بس طبيعي لا تخافي لكن انا انتظرت 7 ايام و بعدها رجعت اصلي خلاص يعتبر استحاضة مو حيض و خذي حبوب حديد عشان لا يجيكي فقر دم و سلامتك |
اقتباس:
بجد وحشااني كثيييييييييييييييير ولا تحرمينا طلاااااااااتك المشكلة ان زي ما تعرفي انا اصلا اجهاضي كان في خمس شهور يعني كنت في فترة نفاس وانقطاع الدم فترة اسبوعين وبعدها جات الدورة الطويلة هاذي والدكتورة قالت لي عادي راح تطول ولما سألت زوجي لانه طالب علم شرعي قالي لا ماهي استحاضة اتركي الصلاة لان دم النفاس لسة مانزل كله وبينزل مع الدورة بس ان شاء الله بروح للدكتورة اليوم او بكرة الله يسعدك حبيبتي |
اهلا حبيبتي والله ماتتخيلين شلون أثر فيني موضوع أجهاضك
وخصوصاً كنت قريت نتيجه أشعتك وفرحتك .. لكن الله يعوضك يارب حاولي تأكلين أشياء طبيعيه مثل حبه سوداء ... عنزروت .. بإذن الله تطهرك |
اقتباس:
انا من رأيي احسن اسألي عشان تكوني على بينة و انا في اسلابي الاول الدم ما رضي يوقف متصل من يوم الاجهاض و الدكتور كتبلي حبوب بس في اجهاضي التاني لما طولت معايا الدورة الاولى بعد الاسلاب صار معايا مثلك و الدكتورة قالت عادي |
هلا اختي ......
انصحكي انك تستمري مع دكتوره وتراجعي ..... هو شئ عادي بس راجعي ...... |
اقتباس:
الله يسعد قلبك حبيبتي انا الحمد لله من بداية النفاس كنت اشرب اذا تعرفي القشر مع قرفة وزنجبيل دايما وطول فترة النفاس الين وقف الدم الله يكرمك ولما نزلت علي الدورة سويت نفس الشي بس لما شفت الايام طولت وقفت شربها لاني بديت اتنرفز من الموضوع دا ونفسيتي بدات تتغير نفسي ارجع طبيعية زي الاول بس الحمد لله على كل شي لاني اول مرة يصير معي كدا ما ادري ليش ...؟ الحمد لله يااااااااااارب على نعمتك علي واشكرك حبيبتي على ردك الجميل |
اقتباس:
الله يسعدك حبيبتي نفس الي صاير معايا بس المشكلة الحين اني احيان اجلس يوم كامل ونص بدون ماينزل شي واقرر اني خلاص دورتي وقفت اقوم واصلي اكتشف بعدها بيوم ان الدم رجع ونزل ثاني هذا الي متعب نفسيتي ولما رحت للدكتوره ما اعطتني شي وقالت عادي وطبيعي جدا لخبطة هرمونات وراح تتعدل معاك بعد شهرين |
اقتباس:
الله يسعد حبيبتي انا رحت لدكتورة من قبل وقالت لي انه طبيعي بس بروووووووووح ان شاء الله اليوم لوحدة ثانية الامر طول بالمرة ...الله يعين ياااااااااااااااارب اشكرك حبيبتي |
الحمد لله رب العالمين وقفت الدورة من أمس وشفت علامة الطهر
ورجعت للصلاااااااااااة والله العافية زينة الحمد لله رب العالمين اشكر كل من تجاوب معي ..... الله يسعد قلوبكم ياااااااااااااااااااااااارب ويمتعكم بالعافية |
مبرووووووووووك ياقمر...
الفال تشوفين علامات الحمل يارب بالتوفييييييييق |
يغلق الموضوع لانتهاء المشكله..الاشراف
|
| الساعة الآن 01:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©