|
smshاستفسار عن مناطق الغربية
السلام عليكم كيفكم اجمعين ان شاءالله بخير
هالمره استفساري مو عن طبخ والا اطفال :d استفسار جغرافي بإذن الله ناويه اقدم على وظائف الديوان المعلنه وباختار مركز الليث او رابغ او الكامل لاني اسمع انه فيه احتياج للرياضيات (هل هذا صحيح ) السؤال الاهم اني ما اعرف قرى هالمناطق التابعه لها من ناحيه القرب والبعد والاحتياج للتخصص فياليت تفيدوني انا من جده واتمنى شي يكون قريب مني يعني اتمنى لو تحطون اسماء القرى وكم البعد بالكيلو تقريبا عن مركز هالقرى ( مع اني ما اعرف كم تبعد ا اصلا عن جده ) بانتظاركم وياليت ماتطنشوني جزاكم الله كل خير |
شكلو ماحد يدرى او ماعندهم خلفية وانا زيهم
طيب انا دورت على الوظايف مالقيت شي ممكن تحطي الرابط عشان نستفيد |
اقتباس:
هلا حبيبتي ان شاءالله يدخل احد يعرف اظن ممنوعه الروابط بس ادخي من قوقل على الخدمه المدنيه وزاره الخدمه المدنيه >>> اعلانات التوظيف >>> تعليمي بالتوفيق والف شكر لك على الرد اختي ارجو منك الانتباه وكتابة لفظ الجلاله بالصوره الصحيحه |
أختي الفاضلة / الأفضل أن تختاري المركز القريب من جدة مثلا هذه المراكز الإحتياج فيها على حسب عدد القرى والعدد المحدد لك 10 قرى فقط. مركز رابغ تابعه له 9 قرى مركز الليث حوالي 39 قرية مركز الكامل حوالي 13 قرية وعلى حسب معلوماتي لابد من إثبات إقامة لك في المركز الذي ترغبين فيه أنا قدمت وتقريبا القرى قريبه من بعض ماتفرق في المسافة المهم المركز وصعب جدا تحديد القرى القريبة غير من سكان المركز نفسه ولو عرفتي قريه ماراح تعرفي الباقي أسأل الله أن يوفقني وإياك لكل خير هذا رابط الوزارة http://www.mcs.gov.sa/detail.asp?InS...tekey=mainpage |
اقتباس:
جزاك الله خير أختي وردة ... أتمنى أن يستفاد من هذا الرابط |
الف شكر لكم على الرد
وشرط اثبات الاقامه باذن الله يتيسر لانه زوجي طالب منتسب للجامعه ولايعمل بوظيفه خاصه او حكوميه السؤال الي محيرني هو الاحتياج يعني كيف اعرف مثلا ان رابغ تحتاج اكثر من الليث لضمان اكبر فرصه للتوظيف باذن الله ؟؟ خصوصا انه هالعام مانزل جدول احتياج |
اقتباس:
الإحتياج مانزل حسب علمي ماعليك غير تتوكلي على الله وتختاري مركز وتقدمي فيه بس لاتسوي مثلي كل يوم اغير مركز من التردد والحيرة واليوم قررت مركز وان شاءالله اثبت عليه وما اغيره .. إذا عندك شهادة خبرة لمدة سنه تكفي عن اثبات الإقامة وتكون فرصتك للتعيين أكبر والمنطقة الغربية اعرف ان منطقة المدينه المنورة ومحافظاتها مطلوب تخصص الرياضيات الله يوفقك ان شاءالله وتتوظفي.. |
اقتباس:
الله يفرحك ياشيخه فرحتيني بردك وعن التردد لاتوصين من جد كل شوي اكتب شي عندي شهاده خبره سنه دراسيه في مدارسه اهليه ياليت تنفع بس كيف يعني تلغي شرط الاقامه؟؟ اما بالنسبه للمدينه وقراها فانا افكر فيها بس ماعارف احد هناك يقول لي اذا فيه احتياج في قراها او لا وخصوصا اني ماعرف مراكزها يعني كم تبعد عن المدينه نفسها وكذلك طرقها وكثير اشياء ياليت لو تعرفين تقولين او اي احد يعرف بالميدنه وجزاك الله كل خير والله يرزقك ماتتمنين يارب |
اقتباس:
شهادة الخبرة تكفي عن شرط إثبات الإقامة"اختي شهادة خبرة لمدة سنه تعاقد اكتفوا بها عن شرط الإقامة" وتم تعيينها رسمي العام الماضي من غير اثبات اقامه وتخصصها رياضيات مثلك وترى مو متشددين في مسألة الإقامة ... شهادة المدرسة الأهليه ما اعرف والله تنفع أو لا.. أعرف كثير العام الماضي تعينوا رسمي من غير خبرة ولاإثبات إقامة بس بقرى بعيدة وعقبالنا إن شاءالله وربي اخترت قرى أول مره اسمع فيها أما الإحتياج صعب نحدد لك لان الوزارة ماحددت شئ يعني توكلي على الله واختاري قبل إنتهاء التقديم منطقة المدينه بعيدة عنكم راح تتعبين بين القرى لاتبعدين عن المراكز القريبة من جدة عندك مركز الليث قراه كثيرة إذا اخترتيه يمكن يعينوك بقريه من الـ 39 مو من ضمن الـ 10 اللي حددتيها على فكرة أنا اخترت قرى بمركز بعيد جدا نادرا أحد يختارها وابشرك قريبه من الزلازل والبراكين :24: لأن الفيزياء مو مطلوب كثير مثل الرياضيات.. الله يوفقنا ان شاءالله |
اقتباس:
كمان يقولون عفيف الي يقدم بها على طول يقبلون ويمدحونها حلوه واهلها كويسين وين قدمت اختك ؟؟ الله كريم ويسهل لنا مافيه الخير ان شاالله شاكرك على التفاعل وجزاك الله خير |
اقتباس:
الحمدلله إنك قررتي وإن شاءالله خير لك أما عفيف ما أدري والله عنها لأنها بعيدة مو بالغربية وانا حدودي الغربية صعب أقدم بمنطقه غيرها . أختي قدمت بمركز العيص ولها سنه تقريبا الله يوفقك إن شاءالله وتتعيني رسمي. |
| الساعة الآن 03:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©