زوجي و زوجة أخوه
 

[COLOR="Purple"]لو سمحتو ابي المشوره الله لا يحرمنا منكم ومن ارائكم السديده
طبعا موضوعي يتعلق بزوجي وسليفتي يعني زوجة أخو زوجي انا انسانه ساكنه في بيت مستقل وذاا رحت لأهل زوجي اسبوعيا تكون هناك سليفتي وأهل زوجي فيهم طبع ان جلسات الحريم والرجال مع بعض المهم ان سليفتي تحاول تظهر مالديها من زينه امام زوجي والي انا سويته عارضت ون جلوسنا مع بعض ولكن لا مجيب سواء من طرفه أو من طرف أهله وأنا ما أحاول أبين غيرتي أمام ام زوجي أو أخواته
وصرت أتضايق من جيتهم بسببها طبعا أنا من قبل وصلي كلام من طرف في البيت انها معجبه بزوجي والي يصير انه احيانا زوجي يروح لبيت اهله وهي تكون موجوده وتشاركهم في المكان واكون متضايق وعلى أعصابي في روحاته ماادري ايش اقدر اسوي[[/COLOR]/SIZE][/FONT]

اختي ,, يابندوره ..


الله يعينك ,,

اكسبي اجر هالعائلة ..

انصحيهم خوفيهم من الله عزوجل ,,

وشلون الحريم مع الرجال ,,

لاحول ولاقوة الابالله العلي العظيم ,,

اهديهم اشرطة وكتب تتكلم عن هذا الموضوع ,,

لعل الله يكتب لهم الهداية على يديك ,,

ولم تذكري هنا ,,

هل يكشفون وجوههم على بعض ,,

لوكان الامر كذلك اشد وافضع ,,

قاطعيهم فترة ,, نوعي فالاسلوب ..

الله يكون في عونك ,, ويكتب اجرك ..

انا لو مكانك بنقهر كتير كتير كتير
بس بما انو عندي ثقة بزوجي
خاصة انها زوجة اخوه
مابشك فيه ابدا
بس بحقد عليها وبنقهر منها وبحتقرها
ومفروض انت عارفة شو جوزك ومابعتقد ممكن لو بدو يفكر بوحدة غيرك يفكر بزوجة اخوه لانو خيانة لاخوه و موقف سيء جدا ومااعتقد زوجك هيك

اختي اميره اخت زوجي لا حظت هذا الشي وهي الي قالتلي عن اعجابها بزوجي وكذلك زوجي لاحظ عدم سترها شوي في اللبس امازوجها فعادي عنده يحس اخوانه فماعند مشكله وشكرا على تفاعلك

بالنسبه لجلستهم انا كنت عايشه معاهم فتره وكنت احتشم بلبس ما يسمى بالجلال واحاول اني اتجنب اخوان زوجي وكنت احرص حتى على يديني ماتطلع وحاولت اني اجلس لحالي بس ماكانو يقتنعون وكانت تقول ام زوجي احنا كنا من زمان نعيش مع اهلنا حريم ورجال لكن أحس هالوقت الناس تغيرو أول الناس نفوسهم نظيفه وعلى فكره أنا ماأشك بزوجي لكن برضو أغار عليه ولا أحب يشوف أحد غيري خصوصا انها الله يهديها تبالغ في الطيب ولبس الضيق ولبسها يبين حتى لو لبست الجلال خاصه اذاقصير ولا يستر

انا من رايي لو حماتك عاقلة وبتقدري تتفاهمي معها
تخبريها انو تحكيلها وتحكي لجوزها باسلوب لطيف انو هيك مابنفع
وتنبه زوجها تقلو دير بالك عمرتك
وهوة بفهم لحالو
او تحكي انتي لاخت زوجك
الله يهديها
او جيبو سيرة التبرج ولبس الضيق قدامها وانو الحمو الموت
بس شو نقول ازا كان هية معجبة بجوزك بس انت متاكدة ولا اخت زوجك مقهورة وبينهم خلاف وبدها تطلع حكي عليها؟

لاتتكلمين معها بشئ ، أخاف إذا حست إنك منتبهة تزيد في قلة الحياء ..

أنا لما كنت متزوجة كانت مرة أخو زوجي تسوي كذا ، وأنا شغلت طناااش .. ومسكينة ماحصلت شئ .. ولاراح تحصل .. وربك فوقها وفوق الجميع ..

وبالعكس لما اتكلم عنها عند زوجي احسسه اني مااغار واني ارحمها ، واحسها خبلة ومسكينة .. وصار يستغرب ..

يعني خليه يحتقرها ويكرهها باسلوب غير مباشر .. (من دون ماتحسسيه ابد انك غايرة ) ..

يعني كل 10 شهور ارمي قدامه عنها كلمة مي حلوة تخليها تنزل من عينه ..

وهي طنشيها مسكينة ، مهي محصلة الا القهر ..

ماشاء الله عليك أختي ليال جبتيها وراح أسمع بنصيحتك على قولتهم اسأل مجرب
يعطيك العافيه ويسخر لك زوجك :17:

ملك الشادي
من دون ماتقول اخت زوجي انا ملاحظه الوضع واخت زوجي من النوع الصادق اعرف طبعها
وحماتي لو قلتلها راح تقلب الموضوع غيره بين الحريم ومايحس بالنار الا واطيها:29:
يعطيك العافيه خيتو

اهلا اختى انا ما اشوف ان عندك مشكله اصلا لكن عليك واجب وواجب مهم وستسألين عنه يوم القيامة لان الساكت عن الحق شيطان اخرس

ماذنب ذلك الرجل المسكين اخو زوجك وزوجته تنظر لغيره انصحك ان تتأكدى من الامر وحاولى ان تعرفى هالشي من خلال زوجك انت وان تأكد لك هذا الشي فصارحيه ولاتترددى وهو سيتصرف بكل تأكيد لان يجب على الزوج ان يعرف ان زوجته قد تقع بالحرام اما مع اخوه او حتى غيره قبل ان يقع الفأس بالرأس لكن اشدد عليك بالتأكد من هالامر لابد ان زوجك سيلحظ منها اهتمام به سواء في دخوله او خروجه

لاتعليق على كلام الاخت ليال كلام جميل ومفيد جدا
الى هذا الحد الناس ماتخاف الله اسال لنا ولكم العافيه

برأيي ان سلفتك تفعل ما تفعل بطيب نية

هي لا تحاول استمالة زوجك أو غيره من رجال العائلة


هي تتزين لانها الظاهر عروس وتريد أن تلفت النظر لأناقتها فقط ليس إلا

حاولي التقرب منها ونصحها .. بدل ان تعاديها لأنها ستفهم حتى من نظرتك لها واسلوب كلامك انك تحملين مشاعر سلبية تجاهها

لا تفتحي على نفسك باب غيرة على زوجك من سلفتك ولا تناقشي أحد بالموضوع

الموضوع جدا جدا جدا حساس وهذا اخوه ومستحيل يفكر ينظر الى زوجته

دائما لاشفتيها قولي (اللهم اني ادراء بك في نحرها واعوذ بك من شرها اللهم اجعل كيدها في نحرها واجعل تدبيرها في تدميرها )ولااااااازم ينعزل الرجال عن الحريم والافضل تجي من الرجال هم يقولون نبي نجلس بدون حريم يعني لو زوجك يقتنع (حاولي تنمي فيه الجانب الديني )وبتدريج يجلس لحاله وشوي يجي عنده اخوه ثم ابوه ويقول نبي ناخذ راحتنا بعيد عن الحريم وانتي بعد حاولي تجلسي انتي واخت زوجك لحالكم ولسألكم احد قولي نبي ناخذ راحتنا والله استحي من الرجال و شوي شوي بيجون يجلسون باقي الحريم معكم والمفروض العوائل اللي بهذا الشكل يكون الحزم من اهل الزوج الام او اخته يعني اي وحده من حريم اعيالهم تتزين زياده او يظهر منها شي او اجلالها شفاف او قصير هم يقولون لها يافلانه جلالك كذا يافلانه ترا لبسك حلو بس احس صعبه تجين فيه عند العيال البسي عباتك هم اللي المفروض يعلقون لان كلمتهم مسموعه عند حريم اعيالهم وبينفذونها ....
اقترح يوم البسي مثلها علا انك ماكنتي بتجين جمعتهم ولكن جيتوا وانتي ما توقعتي تمرينهم مثلا على انك جايه من عزيمه عند اهلكي المهم ونزلي عباتك علشان يشفون ام زوجك وسلفتك لبسك ولا قالو تعالو نجلس كلنا مع بعض (مع الرجال)البسي عباتك وقولي لا ما اقدر البس اجلال ويني عايشه فيه اجي كذا قدام الرجال!!!! يبين لبسي من تحت الجلل ماقدر.....وبكذا تنتبه ام زوجك وتستحي سلفتك انها تبان قليلة حياء قدامهم وبتصير تخفف من حركاتها وممكن اخو زوجك يسأل زوجته ليش فلانه جالسه في بشتها بتقوله مستحيه من لبسها تقول موساتر وبكذا بيلتفت نظره للبس زوجته ويبدء يدقق ....وسويها بعد فتره بعطر اشتريه جديد وشمميهم العطر لبغوا يتعطرون قولي لا بس صعبه بنروح نجلس عند الرجال او اتفقي مع اخت زوجك انها هي تجيب عطر ولا جات تبخلك قولي لااااااااااا مايجوز بنجلس مع الرجال اصير زانيه (العقوبه المترتبه على شم الرجل لرائحة المرأه)
وممكن تشترين هديه اجلالات (شرشف صلاة او لبس صلاة للي مايعرف معنى الكلمه )محتشمه على انك شفتيها وعجبتكي وجبتي لكي انتي ويها وقولي بنخليها هنا في بيت خالي عشان ما اننساه ولجينا نلقاها.

السلام عليكم ورحمه الله وبركاته
اني اتفق كل الاتفاق مع اختي العزيزة ليال كلامها صحيح ميه بالميه
يعطيها الف عافيه
وان شاء الله ربي يهدي الجميع الى الصلاح ويسعد الجميع يارب العالمين

انا اذكر لما تزوجوا اخواني ، انها من تدخل زوجات اي واحد من البيت يمسكونهم خواتي ويقولون هذي القائمه المسموحات وقائمه الممنوعات، هم قصدهم با الكلام هذا يوصلون لهم بعض الاشياء وطريقة عيش اهلي في البين بحكم بعدي عنهم من زمان.

هم بها الاسلوب يقصدون انهم يوضحون نقاااط مرره صغيره صغيره مررره، والمسأله هنا موب تشكيك بأخلاقهن ، با العكس كلهم ما تزوجوا وانا بعد ما تزوجوت الا بثقه اهلي في ازواج اخواني وزوجتي كذلك.

وعلى سبيل المثال للنقاط الي يوضحونا لهن، انوا الي تبي تشيل شي وتحط شي ما تكون قدامنا ، يعني توصل الغرض للباب وتتوكل على الله ، اذا مررره مررره تبي تدخل وتنزل الاغراض ما تدنق او تنحني قدامنا.

المجل او الجلال يكون الى الركبه الله لا يعوق بشر ، نفس شغل الافغان، الطيب والخراط هذا في شقتك وببيتك مع زوجك وعيالك، حتى ريح الجاوينه مرفوض، اذا مره مره بيسمحون بشيء بيسمحون بـ المشاط اذا تعرفينه.

المهم انا رأيي انك انتي تقدرين تغيرنهم كلهم من الاساس ، وهو انك انتي تبدأين بنفسك ، وهو انك تتسترين مرره وحتى احيانا وانتوا جالسين لحالكم لا تكشفين ، قولي لهم انا مانيب ببيتي عشان اكشف ، انا هنا عابره سبيل ولا يجوز اكشف، هم بها الحاله راح يلاحظون وممكن الحرمه السنعه الفطنه فيهن تأخذ الشيء الحلو فيك وتسويه .

ورأي اختي بكر الشايب ممكن يكون صحيح ، اذا كلامها صحيح وتوها عروس ، روحي السوق واشتري لك ولعمتك ولأخوات زوجك ولها اقصد سلفتك جلال او مجل واهدي كل وحده منهن واحد او حتى ثنين ، منها هديه ومنها انك كسبي اجر فيهن.

الله يوفقنا ويوفقكم.

ادعوا لي تراني محتاج لدعائكم خصوصاً ها الايام الى بعد رمضان. يارب تسهل اموري يارب.

اكيد هي بتصرفاتها هذي غيرانه منك وتحس بالنقص

وزوجها مومعبرها على شان كذا بتخرب عليك؟؟ ولاتديها فرصه وحاولي تكسبين

ام زوجك ولاتحسسيها انك غرتي منها وحاولي تسحبين زوجك شوي شوي وتجييون بوقت موموجوده

الله يعيينك وطنينا عليك يالغاليه

الحموووووووووووووووووووو الموووووووووووووووووووووت

أشكر الجميع على تفاعلهم بصراحه اراء أكثر من رائعه الله يوفق الجميع وبالا خص من طلب الدعاء الله يوفقك يارب ويسهل أمرك
بالنسبه للاراء التي طرحتوها أولا من زمان وأنا أناقش زوجي مفروض عزل االنسا عن الرجال درءا للمفاسد
أنا ماحب اتهم أحد لكن الشيء يبان للعيان وبالنسبه الوحده منا في بيت أهل الزوج تكون حريصه على تصرفاتها أولا خوف من الله ثانيا حرص على سمعتها وسمعة أهلها
ولا أرغب ان أدخل في تفاصيل أكثر عنها خوفا أن يكون ذلك من الغيبه عموما نصائحكم جدا ممتازه وسوف أعمل ببعضها جزيتم خيرا
وأسأل الله ان يهدينا أجمعين