|
احتاج ارائكم في مشروعي
لاحلى اعضاء ومشرفين هذا المنتدى الاكثر من رائع الي عملني الكثير والي ثقفني والي اذا طحت في ازمه ماقصرتوا نصحتوني وارشدتوني بخبراتكم الى الصواب بصراحه هذا المنتدي عزيز جدا الى قلبي وعشان كذا عندما قررت ابدء في مشروعي حبيت استشيركم وعطوني خبراتكم ونصائحكم انا راح ابدء مشروع كوفي شوب بس عشان يتميز راح يكون كوفي عربي يعني راح يتضمن القهوة العربيه جميعها النجديه الحجازيه الحضرميه اليافعيه وراح يتضمن بالاضافة الى كذا معجنات منها السمبوسه السنغافوريه والاندونيسيه والهنديه منها السبرينغ رول وبعض الحركات:23: وبعض الحركات كمان اوضح لكم انه مش محل كامل للكوفي شوب مقفل وانم يعا قطعه في محل تجاري بارتشن بشكل جذاب ووبينه كراسي ومظلات حول الكراسي يعني مش محل كبير للكوفي مقفل لا :11: طيب عطوني رايكم هل القهوة العربيه راح تكون شي غريب ويجذب الناس هل اضافه للكوفي بعض المعجنات مثل السمبوسه الغريبه مثل الاندونيسيه والسنغافوريه شي يجذب الزباين ولا فقط اتخصص بالقهوة وبما اني فنانه:d في عمل السمبوسه الاندونيسيه والسنغافوريه طيب هل راح اصمد اني اعملها بشكل يومي مع انه عندي شغاله وحدة بس او ممكن اتعاقد مع مخابز ممكن يسونها بنفس طريقتي بكميات تكفي محلي بس اخاف ان طيقتي السريه تنكشف كذا :18: علموني اذا عندكم خبرة مع العلم انها توها البدايه اول خطوة لي ومادري ياريت تعطوني اذواقكم ورايكم |
اولا الف مبروك وان شاء الله ربي يرزقك الخير
برأيي الناس تنجذب الى الاشياء الغريبة وان شاء الله انك في البداية تقدرين تسوين الاصناف بنفسك ومع زيادة الطلبات ممكن تعينين شغالة ثانية تساعدك بالبيت علشان تحافظين على النكهة السرية ونظافة الشغل ما تدرين يمكن تجي حريم تطلب منك منك صواني لبيوتهم وبكذا تتوسعين ان شاء الله اذا تخصصك بس قهوة اكيد كثري من انواع حلا القهوة المختلفة واصناف الموالح لا تبتدين فيها الحين إلا اذا ناوية على عصاير وشاي موفقة يا رب |
اقتباس:
الف شكر على الدعوه الحلوة هذة اما بخصوص العصاير راح تكون اله عصير بس الاساس القهوة العربيه والمعجنات السمبوسه الاندونيسيه والسنغافوريه كمان هى الاساس |
فكره غريبه وجديده اضافه السمبوسه ,,
لكن كـ رأي ,, بما انك بتتميزي بالقهوه العربيه نفسها بطريقه التقديم وكذا ,, فـ أشوف لو يكون السمبوسه وغيره من اللي بتضيفينه يكون كـ نوع من التجربه في بدايه افتتاحك ووتشوفي رأي اللي يجون فيها ,, وبكذا تحددي اذا هي ترضي الاذواق هالطريقه ولا لا ,, صار اللحين أهم شي الشكل وطريقه التقديم ,, فـ هذا اكثر شي تكلفي فيه ,, ما عندي افكاار اللحين ,, لكن بفييدك براابط الاخت جودي وبس,, ان شااء الله يفييدك أرااء الاخواات فيه .. http://www.66n.com/forums/showthread.php?t=188261 في حفظ الله .. |
اقتباس:
وعليكم السلام اختي هذه ما فهمتها ممكن توضحيها اكثر بلنسبه للاكل ممكن تحطيلنا صور عينات حتى نساعدك اكثر |
اقتباس:
هلا اخوي اقصد انه بارتشن مبني من خشب بيزاين كذا غريب مثل اكواخ الصين ومن حواليه طاولات بمظالات داخل مجمع تجاري يقدم القهوة والمعجنات وغير كذا صور وشو الى احط عينات وشو مافهمت عليك السمبوسه .؟؟؟؟؟؟ |
اقتباس:
الف الف شكر افادني كثير الرابط لو كنت بحثت بالقسم كان شاركت معها بدون ما اكتب موضوعي ومع ذلك لاغنى عنكم في مشاركتى |
يعنى الي فهمته ان انواع القهوة الاخرى نجيبها من محلات القهوة مثل جو فريز ود كيف وكذا
مافهمت يعني يجبونها بالكيلو لاني شريت اله القهوة وجدا مكلفه جدااا يعنى اتعامل معهم ولاكيف |
تم نقلة لقسمة الانسب
|
اختي
العينات يعني السمبوسك و المعجنات الي تعمليهم طريقه تقديمهم مع الشاي و انواع القهوه و الحلويات و باقي الاشياء و اذا في صور للبارتيشين و الاكواخ و الديكور حطيهم كمان و انواع الفناجين و الصحون و الورد و الديكور ،،،،،، الخ حيكون هناك قسم للنساء و العاب اطفال وكيف ناويه تسعري (( الاسعار)) الله يوفقك |
اقتباس:
غريب اخوي سوالك عن طلبك صور الكشك والمعجنات انا ابغى افكاركم ما ابغى اسوي دعايه وبعدين تو ما انتهى الكشك ولا طبعت بروشورات والمنيو وكذا ومادري وش قصدك تبيني اصورلك شكل السمبوسه يعني مافهمت:d وش الفايده يعني مافهمت موضوعي هو مشاركتي بالافكار وهل فكرتي راح تجذب الناس ولالا وغير كذا كنت ابغى استفسر عن المحلات الى تبيع ثلاجات عرض بالخبر والددمام باسعار معقوله لاني شفت سعر الثلاجه متر في 135 ب 10 الف ريال شي خيال وكذالك وين الاقي الي يسون مظلات مثل كوفي اسبرسوو كلها استفسارات اما السمبوسه واسعارها هي والمعجنات ياريت تعطوني رايكم كم ابيع لانه مثل ماتعرفون ماهي سوق انما مجمع تجاري فخم وغير كذا كلفني اجار المجمع وكلفني الديكور وتصميمه يعني عطوني افكاركم كم ابيع القهوة العربيه اذا راح خليها بنفس اكواب القهوة الامريكيه ولاسبرسوااا وفي افكار اني اخذ دلل صغيرة عربيه مع فناجينها واحد سعر الدله كامله بفناجينها وعطوني اسعار ممكنه ومعقوله في مجمع تجاري لان الكشك الى يقابلني يبيع القهوة الامرريكه والفرنسيه ب 12 فاكيد انا راح اكون اقل |
اقتباس:
مو اخوكي اختي انت حاطه اسئلتك بقسم الطبخ و التغذيه و بتسالين عن مشروع و ما حنعرف طلبك بلزبط اذا ما حطيتي النا صور حتى ناخذ فكره يعني من النت اي صوره لاكواخ او البارتيشين الي مفكره فيهم او الثلاجات الي بتتكلمي عنهم و المعجنات شكلهم و الحشوه الي فيهم حتى نعطيكي تقيمنا و الاسعار الي ممكن تندفع فيهم و شكل القهوه وطريقه تقديمك لها و الطاولات الوصف في مثل هلحاله ما يكفي و طريقه التقديم و الصحون الي تقدمي فيها الاكل و الفناجين اذا ما عندك وضحي طلبك حتى يساعدوكي الاعضاء بصور البارتيشين و الصحون و الفناجين اقترح عليكي انك تعملي مكان مخصص للاطفال حتى يجو الامهات يقضو الصبحيات عندك مع اطفالهم |
مخالف لتعليمات المنتدي
اقتباس:
............... اما بخصوص الصور ابشرك انتهيت من الكوفي باقي الصبغه بس شوفي هو كوفي مش كبير ماخذ زوايه بمجمع تجاري تقريبا العرض 3 متر في الطول 4 متر ومنه وفيه حاطه كراسي داخله فيه والطاولات شوي بعيده بسبب اعتراض المجمع ان الطاولات تكون قريبه يعني مثل البار كذا كراسي داخله في البارتشن حواليها بشكل وديزاين امريكي اطرت اسوي الديزاين الامريكي والغيت الديزيان الصيني بما انه مكلف جدا شكل الكوخ كنت ناويه اسويه لانه مصار عندنا كوفي شوب الا الان على شكل اكواخ هاواي ولكن في المستقبل القريب لمن اكسب بنفذ فكرتي :22: لحد ياخذها المهم اما الصور عندي صورة توضيحيه لنفس شكل الكشك الى عملته لكن لاسف ماعرف انزل الصور هنا يبغالي اتعلم اما بخصوص سوالي مهم جدا ولي سكان الشرقيه الخبر والدمام تحديدا ابغى اعرف وين المحلات الي يبعون اكسسورات المحل وعبوات وقواراير وكذا واذا ابغى مثلا اخذ جميع انوع القهوة من وين اجيبها واذا ابغى مثلا العصيرات من وين اجيبها حق جمايكا وكذا من وين اجيب الخلطات اما خــــــيتـو بخصوص سوال هو عملي خصيصا لسمبوسه الاندونيسيه والسنغافوريه المعجنات بشكل عام الاندونيسيه والماليزيه والسنغافوريه مثلا سبرينغ رول الحشوة من داخل ملفوف وجزر وبهارت جاويه والسمبوبه راح تكون سمبوسه لحمه عجل وهذة خبرة خلطه امي خيال مجرد تسويها تفوح ريحتها بالحاره:22: طيب هنا سوالي بما ان السمبوسه الى راح اعملها بلحمه العجل البني تحديدا وتعرفون قد ايه غالي الكيلو لحمه العجل تقريبا 38 الى 40 بالمزرعه وغير البهارات طيب كم تتخيلو ابيع كم حبه مثلا عطوني تخميناتكم بحيث اني ما اخسر ولا اغلي الاسعا رزياده تكون معقوله وسمبوسه الجبنه راح تكون من داخلها جبنه حلوم وعكاوي مع طريقتنا بخلطها مع بعض الخضرا ترا مراح افصح عن الخطله عشان محد يقلدها :23: لالا امزح المهم حلو وعكاوي مع 3 انواع من فلفل الرومي الاحمر والاصفر والابرتقالي ونتفه بصل اخضر واحسيها طبعا ريحتها جنان كم هذة تتوقعون ابيعها مع علمكم بغلا سعر كيلو الحلوم والعكاوي بما انها اجيبها من محل اردني مستورد يجيبها من الاردن خصيصيا يبع الكيلو ب 40 عكاوي وكما تعرفون كمان سعر كم حبه من الفلفل الرومي الملون تعرفون قد ايه غالي سعر الحبه اشتريها من التميمي ب 3 رريال وكسور راح يكون علي مكلف بس جد جد راح يكون ذووق ذوق وانا واثقه كل الثقه ان الزباين راح ينهبلو اذا فتحت قسم المعجنات لكن موعارفه كم ابيع وكيف اقتصد وكمان بخصوص السمبوسه انا اشتري سويتز ولي طريقه بقليها بحيث تتطلع جافه بدون زيت بعكس حقت المطاعم الله يهديهم نص بنص زيت وكمان اكله البديه او البقاورة الاندونيسيه كما البعض يسمونها وهذا كور كور مثل القيمات ولكن مالح وتحتوي على خضار وعجينه مكورة تقريبا نفس حجم البيضه كم ابيعها وكذالك ورق العنب والى عنده فكره كيف اقدر اسوي كميه من السمبوسه العجينه تحديدا يرجي الالتزام بمسار الموضوع المراقبة مستكة_مستكة |
مبروك المحل الله يجعله قدم السعد ومبارك عليك
و اذبحي و اتصدقي بهلمناسبه الحلوه الصور تساعد كثير حتى نساعدك بلتسعير حاولي تسالين بالاداره يساعدوكي المشرفات الله يجزاهم الخير بهلمسائل لفت انتباهي لماذا لا تشترين الخضار من حلقه الخضار اختي بلنسبه للمعجنات نصيحه لا تقدمي كميات كبيره في البدايه حتى ما تتلف لان المقالي تتلف بمجرد القلي حتى يتعرف عليها زوار الكوفي شوف المهم السمعه الطيبه ومادامك بمنطقه محافظه حاولي اختي انك تكوني ملتزمه بقوانين مثلا ممنوع التدخين و اوجدي مكتبه والعاب للاطفال هذه الاشياء البسيطه تحبب الامهات على التردد للمكان ويامنون على بناتهم الجلوس بلمقهى و علي البارتيشين حتى تبعدي عيون الفضولين و ليكن شعارك بارك الله فيكي ممنوع التصوير وقدمي منتجاتك غاليتي باسعار بسيطه يعني لا تاملي من البدايه بلمكسب المهم تكسبي زبائن لان الانسان صعب يستغنى عن الاكل و ان شاء الله يفيدوكي سكان الخبر والشرقيه في النهايه لي ملاحظه لو انك ترتبي طلباتك بشكل محدد ومرقم يساعد الجميع على التركيز في طلباتك وتقديم المساعده التي تحتاجيها |
| الساعة الآن 09:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©