|
زوجي و أصدقاؤه(حُلت ولله الحمد)
انا لي سنه و3 شهووور متزوووجه والحين حااامل ...
وزوجي واصدقاءه والسهر الى 7 الصبااح في البيت وانا ولا كاني موووجوده ... مدري شسوووي شلوون اوصل له انه في مواعيد للزياره وانه فيه شي اسمه خطوووووووووط حمرا مفروووض ما احد يتعداااها ابد ... مدري شسوووي فيه...ابي حل وطريقه عشان يفهم... |
انا اعرف ان هالشيء بصراحة " عيـــــــب "
لكن سؤال : ليش تتضايقين من وجود اصدقاءه ؟ هل هم يوميا على هالحال ؟ من الساعة كم تبدأ السهرة ؟ تحياتي |
ايه تقريبا يوميا ..شلون ما اتضااايق منهم ...
خذ مثلا واحد فيهم كان جاي من الساعه 9 وما طلع الا الساعه 7 الصبح قولوا لي وين الذووووق؟؟؟؟ والثاني لازم من 3الى 4 مرااات بالاسبووووع الى الساعه 3 الفجر او 6 الصبح.. يعني مدري وين الادب ووين الذوووق... هذا غير سهر الخميس من 8 الى 4 او 6 الصبح وانا يا زووجته استني لا تنامين عند اهلك الين اجي آخذك... ايش رايكم بالله شي يضااايق والا لا؟؟ |
يا ليـــــــــــــــــــــــــــــــــــــــــت القى حل عندكم...؟؟؟
لاني من جد تعبااااانه نفسيا.... |
لازم تنبهي زوجك ان هذا الشيء يضايقك جدا جدا
بس بدون تجريح ولا بطريقة امر حاولي تقنعيه .. الرجل اذا عطيتيه الاسباب و الحل راح يقتنع بشكل اسرع اذا اقتنع في كلامك راح يسوي الي تبغينه .. لكن انتي كيف راح تقنعيه ؟ .. انا سألتك عن سبب ضيقك من اصدقائه لان نفس السبب الي راح تذكرينه لنا .. راح تذكرينه لزوجك يعني لا تقولي حق زوجك .. " وين الادب ووين الذوق " ؟ على طول بيفكر انك تنعتيه بأنه قليل ادب وذووق والرجل حساس جدا خاصة من ناحية احد طعن في رجولته وكثيييييير من النساء تقول كلمة تقصد فيها حاجة.. والرجل يفكر انها اهانة في رجولته ويصير ينفجر فيها ويهزئها وهي المسكينة ماقصدها تهينه !! اعمليله مساج خفيف على الرأس والاكتاف في يوم من الايام وقوليله بدلع ان وجود ربعك بشكل يومي يضايقك ولا تحاولي تجرحيه في ولا كلمة .. لان اي كلمة ممكن تقلب كل شي وعطيــه الحـــــــل قوليله خصص لهم يوم في الاسبوع يتجمعون كلهم واسهروا على كيفكم واذا عصب ودافع .. قوليله بكل هدوء ليش ماهم يفتحون بيوتهم مثل ما انت فاتح بيتك لهم وفي اخت عارضة مشكلتها وهي مشابة لمشكلتك على الرابط التالي http://www.66n.com/forums/showthread...=188257&page=3 تحياتي |
زين مش هووو مفروووض يعرف ويحس بذا الشي ليش انا اللي انبهه واقوووله بادب...
السبب اللي يضااايقني اني اقعد طووول اليووم في البيت لحااالي ولما يجي مفروووض انه يقعد معي يونسني ...وهو يدري اني ما احب اقعد بروووحي واتضايق من ذا الشي .. ما يمديني اقعد معه نص ساعه الا هالجوااال يدق ..ما يقول للي يدق عليه مشغووول والا شي لا حياك تعال ...زين وانا,,,وين موقعي بحياااتك خلاص بس تعشيت وخلصت ترووح تخلي ربعك يجووون ..وانتي لا تصيرين طفشاانه اقعدي ع الكمبيوووتر.. واذا راحوووا يا ليت يقعد معي لا خلااص فيه نووم وتعبااان ولا تتكلمين خليني انام... |
مشكووور ع الرد ما قصرت بس انا ما احب ارووح اقووول لاحد مشاااكلي ...فقلت ما لي الا المنتدى
|
عزيزتي
ما في الا انك تصارحينه وتبني انك متضايقة من الوضع قولي له ...حدد مثلا يومين بالاسبوع فقط وغير ذاك ..يقدر تعتذر لهم باي عذر يا انه مشغول ...او مو موجود بالبيت يا اختي ...اذا كان هو صاحب البيت يرحب بهم باي وقت اكيد راح يجون اذا الحل بيد زوجك ..مو تنتظرين الذوق من اصدقاءة |
يعني ايش اقووووله انا ما ابي تصير مشكله ع هالموووضوووع ابي حل يكوون بالنص...
يعين لا يضااايق هو ولا اتضااايق انا... |
اقتباس:
والشي الي تفكرين فيه قوليله انك تحبين تجلسين معاه وانه اصدقائه عم ياخذون وقتكم بالحب تحصلين كل شيء .. لكن سؤال غريب :) شو بيشتغل زوجك؟ يعني انتي تقولي يبقى سهران مع صحابه للساعه 7 .. طيب امتى بيشتغل امتى بيرتاح؟ |
الله يعينك يااخت رجه موت الرجال عجيبين جدا طيب الزوج الان مايعرف انه فيه هناك خطوط حمراء ولابد انه مايتعداها
وشوله يتزوج مادامه يبي يسهر مع اصحابه الى الصباح المفروض الزوج لما يتزوج خلاص يقلل من زيارة الاصحاب وينتبه لزوجته واولاده ولايسهر ابدا خلاص يترك امور العزوبيه وراء ظهره ويااخي زواجكم ماله سنه ونص المفروض الزوج يطلع من اجواهه القديمه ويبدا مشوار الحياه الزوجيه الجديد هناك برنامج جميل اريد طرحه لعل وعسى ان ينفع الزوج والزوجه برنامج للمتزوج الجديد يحضر الي البيت الساعه 10:00 م ويسامر الزوجه يصلي ركعتين بعد المسامرة ويخلدون الى النوم برنامج الزيارات يكون في يومي الخميس والجمعه نزهه بريه مع الزوجه والله مااجمل ان تخرج نزهه مع الزوجه طعم فهم نفسيه الزوجه وهي كذلك ايضا معرفه الضروف النفسيه للمراه مايعتريها من مشاكل اثناء الحيض والنفاس والحامل والوحام حفظ اسرار البيت الهدايا بين الزوجين السكن في الفندق لمده يوم كل شهر لتغيير الجو الذهاب للمطاعم الفخمه كل شهر الكلام الجميل والهمسات الجذابه بهذه الطريقه سوف تسعدون في الحياه |
اختي اذا زوجك ترك الحبل لاصحابه سيتابعون حياتهم بنفس الطريقة و لن يكترث أحد بحاجاتك انتِ
مالك إلا الصراحة مع زوجك لازم تصارحيه و تعاتبيه و تطلبي منه يضع حد لأصحابه و يعيش كزوج و ليس كشاب أعزب |
يؤؤؤؤؤؤؤؤؤ شكلك اختي وانا مادري عاد لو اختي مو نفاس الحين كان قلت هذي انتي هع .. نفسسس مشششكلة اختي الله يصبرررررررررررركم ويفرج همكم وربي ماتتهنى معاه شووي الا يدقون عليه هالشياطين .. ويسحبونه من زوجته وبيته .. بجد مافي ذووق والحين بيخرب بيتهم بسببهم حسبي الله عليييييييييييييييهم حسبن كااااااااااااافي وربي احس بجد قلبي محروق اذا هذا الزواج عفنااااااااااااااااااااااااه والله :( : |
مشكووووورين ع الردووود ما قصرتواااااا...
ايه الله يعين اختك اجل... بس خلااص باقي لي كم شهر واولد...وافتك من هالسااالفه واريح بااالي شوووي.. ايه والله اذا صااحب البيت تارك لهم الحبل انا ما الوووم ربعه... |
الله يعييييننا
بس انتي اهون علىالاقل تقدرين تتجولين بليت و انا حظر تجول ولا دورة ميه وانتيب كراااااااااامه الله يفرجلنا |
بالصراحه انا مستغربه
زوجك مايشتغل,,,,,,ماعنده وظيفه ولاحتى اصدقائه الله يعينك لو انا في مكانك دخلت ابوي يتكلم معاه ويوقفه عند حده هذي ماهي عيشه بصراحه خلي ابوك يتكلم معاه او اخوك الكبير المهم توقفينه عند حده |
شلووون ادخل احد من اهلي احس المووضووع لازم ينحل بيني وبينه ...بس ابيه يوووصل ويفهم بس مو بشكل مبااشر تجنبا للمشاااكل...
|
وعليكم السلام ورحمة الله أخـتـي الـكـريـمـة الله يعينك ويهدي زوجـك ويـبـعـد عنه رفقاء السوء والثقلاء.....!!! هل سهرهم على لعب بلوت مثلاً، ولا فيه أمور اعظم واطـم.... أول شيء عليك بالمـصـارحـة، وخبـريـه هـل يرضى هـو ان يذهـب لبيت واحد من زملائـه ويقضي طول الليل وكـل يـوم من دون ما يشعر بذرة حياء أو مروءة او يشعر.... طيب اخـتـي ما يصلح مثلا ليلة يكون واحد من اهـلك الوالد مثلا او واحد من اخـوانـك يسمرون معه أو يـفـاجـئـونـه مثلاً بقدومـهم بساعة متأخرة ولو تكون بعد صلاة الفجر مباشرة تكون مقنعه وما فيها شك من زوجـك، ويكون سبب قدومهم لأخذ غرض لبيت الأهل كانوا ناسينه ثم يكلمـونه بالموضوع، لعله ينحرج.... هذا إذا كان أهلك بنفس المدينة... هذا إقـتـراحـي عزوبي:21: بس:d رجل:30: |
السلام عليكم ورحمه الله وبركاته
اختي العزيزة اذا الامر مضايقك والله حقك لازم اتصارحي لاتنتظري منه ان يبادر هوة لازم انتي الي تبادري قوللي له بطريقه لطيفه مع دلع شويه انك مستائه من اصدقائه وانك اتغارين منهم لانهم ماخذينه منك طول الوقت وانك اتريدين تجلسي معه جلسه حميمه وحاولي ان باي طريقه ان تقنعيه ولكن بالليل والدلع من غير ما تخلي ايعصب واذا شفتي عصب مثلا انيت ليني النقاش لاتخلين مشكله اتصير اتكملي معه بكل هدوء لازم انه يفهم زوجك الى الان يعيش حياة العزوبيه فهمي ان الحياة الزوجيه غير واحلى وحليها بعينه يعني خلي ايحب رفقتك على رفقت العالم كله صدقيني هاذا كله بايدك انتي وشطارتك صدقيني بالكلام الجميل والمعاشرة الحلوة والغزل والدلع تملكين الرجل وان شاء الله الحياة السعيده دوما |
لا احد يدري با السالفه، ولا تقولين لأي شخص سواءاً اهلك او غير اهلك.
مشكله بدت ببيتكم وبينكم، تموت وتنتهي ببيتكم وبينكم، اياني واياك احد يدري فيها ، سواءً هذي او غيرها. اجلس معه، كلميه ، تفاهمي معه، انصبي عليه بكم دمعه، الرجل بطبعه رحيم ، وممكن يخق على اي موقف ضعيف يشوفه قدامه، فما بالك بزوجته. قولي له، انا محتاجتك، ابيك جنبي ، انا اولى بك منهم، يعني من ها الكلام الحلو ، وبرضوا بنفس الوقت قولي له ممكن تحدد يومين كحد اقصى با الاسبوع ممكن تسهر معهم. يعني من هيك حكي بيتغير ان شاء الله. الله يوفقنا ويوفقكم |
أعتقد ان المصارحه ضرورية جداً ما بينكم وخاصة ان زواجكم لم يمر عليه سنتين
وانتي ادرى بطبيعة زوجك وكيفية مصارحته دون ان يغضب .. وأعتقد ان حل المشكلة الآن هو افضل وأسهل عن حلها فيما بعد .. اذا كانت العلاقة اللي بينكم ودية وما بها مشاكل فأنا ارى انك تقومين بعمل ليالي جميلة في المساء بحيث انك تحددين وقت يجي فيه مثلاً الساعه 12 المساء او الواحده صباحاً وتكونين عاملة ليلة جميلة له .. وتسوين له رسائل غزل وشوق وتذكرينه بعدم النسيان .. حاولي انك تكرري هذه العملية دائما بحيث انه يتعود على الرجوع للمنزل بسرعه .. على الأقل يومين في الاسبوع في البداية ثم تتطور العملية الى أكثر وكذلك حاولي انك تشاركية في كافة اهتماماته .. ونسأل الله التوفيق ما بينكم |
ماذا يفعلون كل هذا الوقت
وبعدين ما قلتي زوجك وهم عاطلين ماعندهم شغل وحالهم مع ربي كيف ؟ |
مشكووورين الجميع عالردود وما قصرتوا..
|
اقتباس:
مع احترامي لكلامك كيف تقول لها ليش تتضايقين من وجود اصدقائه؟ اسمح لي ارد مكانها البيت للزوجة وللابناء انشاء الله ليس للسهر وغيره البيت مكان مقدس للحياة الزوجية ينسى فيه المرأ كل اعباء العمل الحياة القاسية لوكان وليمة اول عرس او غيره ممكن لكن سهر سهر وهذه الزوجة من يأنسها ويملئ فراغها تصور انني متزوجة مدة 14سنة لم يدخل منزلي صديق لزوجي ابدا رغم انني اعيش في بلد متفتح تصور انني كنت ساشتري بيت اخر وابيع بيتي رفض ان يحضر صديقه رغم انه كان يريد شراء المنزل الرجل هو من يقدس الحياة الزوجية وتحت هذه الجملة الف خط وانا افتخر بهذا اسمعي اختي قولي له غير هذا الاسلوب http://img520.imageshack.us/img520/6317/167198562.gif |
بالذوق والادب والمنطق والعقل راح تنحل المشكله لانه شي ما ينسكت عليه
|
الحمد لله كلمته بالعقل وخليت النرفزه والعصبيه وهو تفهم الموووضوع ,,,
اشكر كل من نصحني ,,ومشكووورين ع ردودكم... |
طيب هم شو بيكونو يعملو ؟؟
:29: |
احمدي ربك الي عند في البيت مو يطالع ماتدرين وين ولا يجيك الى الصباح لو مايحبك كان اهمال وخالكي عند اهلك دامن وبعدين هذولهم الرججيل كلهم كذا مادري ليش يتزوجون ويربون اطفال
|
اقتباس:
الله يديم السعاده عليكما |
مبروك الحمد لله رب العالمين
|
نسخ للمشاكل المحلوله
|
| الساعة الآن 09:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©