زوجي زعلان كيف اتصرف معه؟
 

السلام عليكم

ودي افض فض من القهر الي فيني
البارح تزاعلت انا وزوجي كان يبي يودي ثوبه للمغسله ولقاها مقفله قلتله انا اغسلك اياه واكويه مع كم كلمه حلوه هو انبسط وجلسة الى الفجر ع بال ماخلص الثوب غسيل وانا داييييييييييخه نوم وهو كان جالس معاي
المكوى كان بارد وماسخن رحت اصلي وهو لسى بارد حاولت فيه بكل الطرق مافاد قلتله قال تعالي شوفي كيف تغيرين الحراره حاولت فيه واظن انه كان من الكهرب خربان
وانا رايحه اصلي هو دفني بيده الثنتين مع يدي على باله يمزح وجعني بطني وانا حامل قلتله بنرفزه ترا وجعتني بعد
صليت وهو منسدح ع السرير قلتله ضبطته قال لا قلت ليش هو قام يصارخ ليش تصارخين سكت عنه قلتله ماصارخت المهم ماضبطلي اياه وراح ينام قلتله تعال شوف لك معاه صرفه قالي خلاص لا تكوينه وماتسوى علي ومن هالكلام جلست احاول فيه الين ما غيرت الفيش وضبط معاي:14: كويته وعلقته له ورحت انام وانا مقهوره ع الصراخ لاني فيني النوم ودايخه وجالسه احاول فيه الين ضبط


جا من الدوام وعلى طول لانام ولا تكلم معاي ولا بكلمه قمت طبخت له وسويت له اكل طولت وانا واقفه بالمطبخ ساعتين وتعب علي لاني تعبانه من الحمل
رحت صحيته وقلتله انو مغرب يلا اصحى وانا مسويتلك اكل وكنت عادي مابينت له اني زعلانه او في قلبي شي
دخلت غرفة الملابس الااشوف الثوب الي كويته ماالبسه مره انقهرت ولا قلتله ليش مالبسته او شي
جاني المطبخ قالي خلاص عاد ابتسمت انو مافي شي بس كنت سااااااااااااااااااااااااااكته ولا تكلمت بكلمه جلسنا ع الطاوله وهو جالس يتكلم بموضوع الفجر قلت عادي مافي شي وابتسمت عصب و قلت انسى خلاص كنت بروووووود مره لان قلبي من داخل يغلي خصوصا بعد ماشفت الثوب بس مابي ابين له اني مقهوره ولا زعلانه
تخيلو امدله القمه قال ما ابي قلت مني لا تردني نزل يدي وجلس يقول انو لازم تغيرين اسلوبك ومعرف ايش جلست اطالع فيه وانا ساكته
قام ولا اكل يعني جالسه ساعتين اطبخ واصحيه من النوم واقوله مسويت لك اكل ويسوي كذا جلست ابكي من القهر وهو ولا على باله
من شوي طلع مشوار صغير مايطول فيه 10 دقايق ربع ساعه بالكثير صارله طالع 45 دقيقه تقريبا انا حاسه انو راح ياكل مع مشواره ودي اقوله بالعافيه شكل الاكل احلى من اكلي بس ابي ابين له اني عارفه انك رحت تسد جوعك

ابي اعرف كيف اتصرف معه

>>> اكتب وانا ابكي اسفه ع الاسلوب

فديت قلبك والله اني اضحك على مشكلتكم

الله يخليكم لبعض ويخلي لكم هالمناوشات الحلوة هذه

الحين اذا وصل البيت لا تسئليه وين رحت ولا اكلت ولا لا

تصرفي عادي.. انتي الظاهر هرمونات الحمل مخليتك شوي عصبية وهو الظاهر بعد ملاحظ هالشي ومو عاجبه الوضع

قومي فديتك غسلي وجهك وتوضي وصلي لك ركعتين وروووقي

والله مافي شي يستاهل زعلك وبكاك

السلام عليكم ورحمه الله وبركاته
اختي العزيزة ترة هاي المشاكل طبيعيه جدا في الحياة الزوجيه وكل المتزوجين يمرون بيها وانا مع راي اختي الكريمه ام جمانه اوافقها على رايها
وان شاء الله الهادئة والسعيده

كلام اختي من جمانه الله يحفظها سليم ..

واضح ان زوجك مدللك بدليل ان ياخذ ملابسه المغسله و انك تفضلتي عليه و ظليتي سهرانه عشن

تغسلي الثوب و تكوينه ..

و ايضا رجع من الدوام و بعدين انت قمتي طبختي الاكل .. يعني زوجك يرجع من الدوام و ما يلاقي

اكله جاهز .. ليش انت تنامي طوول اليوم ؟؟ اذا كنت تنامي طووول اليوم فهذا الخمول هو اللي

تاعبك .. يا محلا الحامل و هي تقوم بابسط واجباتها من طبخ و غسيل و تنظيف . فالحركه للحامل

مفيده ..

ربي يقومك بالسلامه ..

الى اختي اميرات اسال الله ان يسعدك ويخليك لزوجك وعيالك الله يرزقك الجنه ووالديك وكل مسلم،

دائما تعجبني ردودك تدل على رجاحة عقلك واتزانك الله يوفقك ،

:22::22:

مشكورين كلكم ع النصايح يعطيكم الف عافيه
اختي جمانه و اميرات
اانا تكلمت معه من قبل عن هرمونات الحمل وانها تغير النفسيه وتخليني عصبيه هو شكله ماعجبه كلامي ولا اهتم
وبعدين هو اصلن ماينام الا الفجر من نفسه مش انا الي مسهرته او جالس عشان خاطري عشان اكوي له
وهو الي ودي ملابسه المغسله من نفسه انا ماعندي مانع انو اغسله واكوي له لاكن هو مايبي وانا اغسل ملابسي واكويها ومايعجزني انو اغسله واكوي له وتكلمت معه في هالشي وقلتله انو المغسله وساخه ولا فيها نظافه لاكن هو عاجبه وبراحته :d
بعدين ع طاري الاكل والطبخ انا اطبخ واسوي له اكثر من صنف منيب مهمله اموره الحمدالله صاحيه بدري يا اميرات الحمدالله :26:
لاكن هو له فتره مايبي اطبخ له ع باله يخفف ويسوي رجيم واخر شي ياكل من برى :17: والله العظيم انو عجيب غريب اقوله تاكل ثلاث وجبات من البيت انظف واحسن من وجبه وحده من مطعم وكله سعرات حراريه وتنفخ فيك :29:
ع العموم حنا الين الحين ماترضينا انا احس خاطري طاب منه عن جد مقهوره اطبخ ولا ياكل جد جد يقههر

لا تزعلي نفسك وماتكبريها
انا ماحسيت من كلامك انه زعلان
والرجال اذاكان في مشكله بالبيت يحب يطلع برا يمشي بالسياره الين مايحس حاله هدا وتكوني انت كمان هداتي
انااشوف الموضوع مايحتاج كل هالزعل
وحتى لو مالبس الثوب الي كويتيه اكيد في سبب تاني مو قاصد يقهرك
وشوفي تراالزوج لو جلستي لليل مع نهار تعلمي انك متاثره من هرمونات الحمل او اي شي مايحط في باله دايما يبغاك زي ماهو يبي سواء زعلانه مريضه مايقدر يراعي يعتقد انه هو تعبان من العمل وتعبه اصعب من كل الي فينا
اللحين انت حاولي تراضيه واعرفي ايش سبب زعله

هذه المشاكل البسيطة سرعان ماتنتهي وتعود المياه الى مجاريها
نصيحتي لك اختي انك تظلين على نفس ما انتي عليه سابقاً دون ان تتغيري
وبأذن الله سوف يعود الى طبيعته في أسرع وقت ..
اتمنى من الله ان يسعدكم