|
تاخر الدورة بعد عملية بطانة الرحم المهاجرة
سلام عليكم ورحمه وبركاته
بنات من تعرف تجربه اختبار الحمل بالكلوريكس انا اليوم جربت اختبار الحمل المنزلي الجهاز الى نجيبه من الصيدليه وطلع خط وااااااااااااضح والثاني طلع خفييييييييييييييييييييييييييف جدا جدا يكاد يبان المهم ودتها الصيددليه واحد يقول مدام طلع خط حتى لو خفيف معناه الحمل في بدايته والثاني يقول مش باين مافيش حمل المهم اختلفت الارا والثالث يقول هذا الخط الى محط في الجهاز الي جااي خفيف مره مره بس انا لمن شفت الجهاز وهو جديد مش باينه خطوط ابدا يعني كلامه مش صح المهم حست انا قمت سويت تجربه اختبار الكلوركس حطيته بكاسه بلاستيك وحطيت الله يكرمكم قليل من البول والى يتفاعل بطريقه قويه زي النافورة المهم طلع نص الكاسه والباقي بدا ينخفض الى منتهى الرغوه وصار عادي المهم يبنات من صار لها حمل ومن جربت طريقه الكلوريكس عطوني خبراتكم ارجوكم انا بحيرة من امري:25: بس يابنات وكل الي يقرا موضوعي اني سويت عمليه قبل 4 شهور طلع كيس دموي وهو البطانه المهاجرة وشاله الدكتور ومالمس شي من المبايض وقال كل شي سليم وعطاني ابر توقف الدورة لمدة 3 شهور قال ننظف الرحم من الالتصاقات المهم رحت اخر مرة قبل شهر علشان اخذ الابرة الرابعه قال لا لاتاخذينها سوي التراساوند نتاكد من الرحم عندك نظف ولالا ولمن شاف الترا ساوند قال كل شي سليم وتمام وعندك بويضه حجمها 16 انتضري لين تجيك الدورة مرتين يعنى تجيك الاولى وتنتهى والثانيه وتنتهي بعدين نشوف التبويض ونحدد الحمل وكذا المهم لى تقريبا شهر من يوم مارحت عند الدكتور وقبلها بشهر استخدمت اخر ابرة وقف الدورة والحين لي شهرين موقفه االابر الى توقف الدورة والى الحين ماجتنى الدورة احس بالمها بس ماجتنى من شهرين هل ممكن تكون باقايا هرمونات ماثرة علي عشان كذا طلع الخط حق الاختبار |
شوفي انا جربته وطلع مضبوط
حطيت بول عزك الله بكاس وبعدين احط كلوركس قدغطا الكلوركس على البول اذا فار يعني حامل واذا لا يعني مو حامل |
اختي الكريمة
مايحتاج كل وجع الراس اللي مسببته لنفسك روحي لاقرب مستوصف وسوي تحليل دم او بول (اعزكم الله ) وراح تطلع لك النتيجة بدقايق موفقه باذن الله |
اقتباس:
هلا اختى ورد يعنى طلعتى حامل بس مدري يقولون الفوران في كلا الحالتين بس في الحامل يكون قوي مرة طيب بخصوص الجهاز الاختبار الي من الصيدليه اذا جربتيه طينا رايك لاني جربه وطلع خفيف لدرجه انه مايبين |
اقتباس:
هلا اختي انا اصلا عندي موعد عن الدكتور بعد اسبوع بس مو قادرة اصبر تفاجئت سويت تحليل منزلي على العموم شكرا على رايك ولا مانع من تجارب الى مرو فيهها |
حلوه انا نعرف موكل مره بتوفر الاجهزه
اذا طلع لك خط لوخفيف حيل معناه حامل |
والله ياحبيبة ((بنفسج )) طالما طلع خط ثاني إن شاء الله تكوني حامل وحكاية تحليل الكلوركس كلها كلام فاضي
ولو تحللي في المستوصف يكون احسن عشان تطمني انا مرة ظهر لي هذا الخط الخفيف وكنت فعلا حامل |
اقتباس:
وغير كذا ودي استفسر الى عنده خبرة على الهرمونات تسبب ظهور الخط علما انى استخدمت ابر وقف الدورة اخر وحدة من هرين |
عزيزتي
الهرمونات التي اعطاك الدكتور من اجل بطانة الرحم المهاجرة بالتأكيد اما استروجين او بروجسترون وهذه ليس لها علاقه بهذا الخط .. الخط مخصص للكشف عن هرمون الحمل HCG هذا الهرمون يفرز فقط خلال الحمل من الخلايا التي تكون المشيمة ممكن يكتشف في الدم من اليوم الحادي عشر من الحمل نسبته عند الحامل يتضاعف كل تقريبا 72 ساعة وتصل نسبة هذا الهرمون الى القمة عند الاسبوع الثامن الى الحادي عشر من الحمل وبعدها ينقص والنسب الطبيعية له خلال الحمل تكون في 3 الاسابيع الاولى من الحمل = 5 - 50 مل وحدة دولية\مل وتزيد مع ايام الحمل اذا كانت نسبته اقل من 5 تكون النتيجة (-) نيقاتيف اي انه لايوجد حمل ليس بالضرورة تنتظرين موعدك الذي بعد اسبوع عزيزتي لكي يطمئن قلبك اذهبي لاقرب مستوصف اهلي واطلبي تحليل دم سيقومون به خلال دقائق وليس مكلف 50 ريال بالكثير .. لان الحمل في بدايته لايكون واضح في تحليل البول رزقك الله الذرية الصالحة البارة |
هاذي التجربه فاشله اصلا ... الكلوركس يفور اصلا ان كنتي حامل او لأ ...
عشان تتطمني روحي سوي تحليل دم ... ربي يوفقك ويكتب لك اللي فيه الخير ... |
اقتباس:
اشكرك اختى على التوضيح ولك الف شكر الحين الصباح سويت اعاده لاختبار الجهاز المنزلي وطلع غير مافي خط يذكر مدري وش معنى تجربه البارح شي غريب |
اقتباس:
ان شاء الله بحاول وتسلمين وانا ركزت على الكلورركس يقولون الفررق في قوة الفوران اذا حمل فور فورة قويه جدااااااااااا واذا مافي حمل يفور فورة عاديه ويخمد هذا الي شككني |
الله سعدكم يبنات اليوم سويت تحليلين حق اختبار الحمل من نوعين مختلفين من اجهزة اختبار الحمل االمنزلي
ولكن بعد مضي االساعه او ساعتين ظهر خط شفاف خفيف بس اغمق من الي عملته البارح معقول هل انا حامل ياجماعه |
ردو علي تكفون هل ظهور الخط بعد مضي الساعه واكثر معناة انة لايوجد حمل
من صار معها كذا وطلعت حامل مع العلم اني من قبل كم شهور كنت اعمل الاختبار ومايظهر شي بتاتا حتى بعد مضي ساعات وش معنى تكفون خبروني من صار معها مثلي |
اختي الفاضلة ..
فحص الحمل بالكلوركس ليس لها أساس علمي ولا طبي .. لذا تم تعديل العنوان بما هو مناسب ودمج مشاركتك ليتوضح سؤالك بالتحديد وعليكِ بفحص الحمل بالدم لتتأكدي من صحة نتيجة الفحص اسأل العلي القدير أن يطمن قلبك ويقر عيناكِ بالذرية الصالحة |
اختي هذا الرابط مشكلة نفس مشكلتك
سيفيدك إن شاء الله http://66n.com/forums/showthread.php...C9#post1327491 كل التقدير |
عزيزتي لا تحرقين في نفسك
روحي لأي مختبر واطلبي تحليل دم للحمل وبترتاحين إن شاء الله وتقطعين الشك باليقين ما نقدر نقولك عن صحة اختبارات الحمل المنزلية مو كل الناس تبين معاهم |
اقتباس:
اشكرك على الرابط وهو شرح ببطانه المهاجره وانا اعرف كل تفاصيلها وانا الحمدالله انتهيت منها وعملت منظار وطلعت خفيفه والانابيب مفتوحه والحمدلله وحتى ماحتجت اكثر من 3 ابر فقط والحين لي شهرين موقفه الابر ومانزلت الدروة ولكن سوالي هو عن الخط الخفيف باختبار الحمل كما اوضحته المتفائله انه لايمكن يكوون بسبب اي هرمون غير الحمل كنت ابغى اعرف تجارب البعض من ثباته من عدمه وشكر لكي تقديري |
ان شاء الله تكونين حامل
انا في حملي هذا ظهر لي خط ثاني خفيف ولما حللت دم طلع التحليل ايجابي |
الكلوركس يفور في كل الحالات
عموماً طبيعي تأخر الدوره احياناً تتأخر الى 6شهور وبالنسبه لجهاز التحليل دائماً يقولون بعد 20 دقيقه لاتكون قرأته صحيحه الله يرزقك ماتتمنين |
مرحبا لكم جميعاااااا حابه اخبركم اني الى الان سوين خمس تحاليل منزليه كلهم طلعو ايجابيه مع خط خفيف
ولكن عملت تحليل الدم طلع سلبي ماتفسيركم للي قاعد يحدث كلمت دكتورة في احد المستشفيات اخبرتني انه ممكن يحدث عمل لان كان في بويضه قبل 3 شهر لمن عملت الالتراساوند حجمها 17 وكان الدورة وقتها مقطوعه بسبب الابر والحين موقفه ابر توقيف الدورة لي شهرين ومفعولها بدا يروح الحين انا محتاره ماهو السبب الى يخلي تحليل الحمل المنزلي ايجابي والدم سلبي شي غريب احد صار معه كذا :25: |
اختي
في تحليل الحمل المنزلي اي نتيجة تطلعلك بعد مرور 5 دقائق ارميها وغير صالحه بمعنى انه اذا ما طلعلك خطين (واحد غامق وواحد فاتح) في وقتها يعني اقصى حد يمر على التحليل 5 دقايق معناته النتيجه سلبيه.. |
اختى في زميله لي في العمل كانت لسا متزوجه لها سنه وما خلفت وكل ماتيجها الدوره تيجها بالالم فظيعه المهم فحصت طلع عندها بطانه الرحم المهاجره عملت عمليه منظار وبعدها قعدت حوالي 3 شهور او اكثر ما تجيها الدوره والدكتور اعطاها ادويه عشان تتاخر الدوره ويرتاح الرحم المهم اضن رابع شهر فحص عليها ولقى عندها بيوضه حجمها كويس وبعدها حملت عاطول وماجتها طبعا الدوره الحين خلفت من اسبوعين
|
اقتباس:
الله يطمن قليبك اختي ويسعدك ان شاء الله ربي يرزقني ويرزق كل محرومه سوا ها المرة او الى بشهور الي بعدها عاجل غير اجل يارب نفس كلامك الدكتور قال ممكن يصير حمل حتى لو ماجت الدورة لانه في بويضه من اول والله العالم لان التحليل طلع سلبي مع الاختبار المنزلى طلع ايجابي في كل مرة الله يبغاء ربي اانا راضيه فية واشكرك على المشاركه تعديل لفظ المشيئه ( ان شاء الله )..الاشراف |
| الساعة الآن 07:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©