|
كيف اتعامل مع خطيبي واكسبه
مرحبا بالجميع تم عقد عقراني من اشهر قلائل- ولله الحمد- من احد ابناء عمومتي محافظ-متزن- ذو خلق عال لااتحدث معه عبر الهاتف وهو يريد ذلك ..ويوسط اهله واخواته حتى يتم اقناعي للحديث معه انااخجوله بعض الشيء لااعلم كيف اتحدث معه - المشكله ليست هنا - فقد تم تقبله للوضع ويقول اتركوها على راحتها ..كعادة المخطوبين يرسلووا رسائل غراميه اعتياديه ..بدأناالحديث كتابيا بالسؤال عن الاخبار والحال احيانا رسائله لاتتعدى السطر..يبدأوها بالسلام ..,تنتهي بكيف الحال,, ارد حينا اجابه لاتتعدى السطر. . واحيانا تطول..احس حينها انه يسعد بذلك فتطول رسائله..ولكن ليس كثيرا..يمكن مرة او مرتين اطال كلماته سألني مرتين عن رأيي في وسامته واناقته..واجيبه بما يرضي غروره .. لااعرف كيف اجعله يتحدث معي بالكتابه طويلا ..احيانا احس اني بهامش حياته .. ورسائله كأداء واجب لاأريد رسائله الشعريه المعتاده صحيح انها كثيره لكني اريده يكتب كلاما عاديا من قلبه..ليس شرطا ان يكون غزلا .. حروف عاديه وليس دردشة مخطوبين ..احيانا احسه الرجل الصامت هو بالفعل كذلك هاديء لكن ليس لدرجة ان الحروف لاتخرج لكي يكتب لي شيء ما..بالرغم من اني اطيل الحديث احيانا ..إلي ان مللت من اسلوبه واصبحت مثله ارد عليه بحجم سؤاله ..!! س1- كيف اتعامل معه ؟ وكيف اظهر الحديث من جعبته.. س2- اهديته هديه فخمه واهداني هو الاخر نفس الهديه لكن نسائيه .. نفس المستوى ونفس السعر؟ >>>الحركه هذه مااعجبتني بصراحه..على ماذا تدل بالله عليك معشر الشباب مافهمتها؟ ملاحظه00 اخذني عن قناعه تامه وبإختياره هووليس باختيار امه 8 7 8 ارشدووني يآأهل الخبره مشكورين |
الحاية الزوجية
أكبر بكثير من رسالة غرامية ، أو بسمة وهمسة هناك قواعد أساسية في العلاقة الزوجية يجب البحث عنها ومعرفة الأولويات والباقي يتولد منها لاحقا ويأتي تبعا ( الزهور تخرج بعد غرس الغصن وسقياه بالماء ـ بعد فترة من الزمن ـ ) شكرا |
اقتباس:
مو مهم سعر الهدية أهم شي إن الرجال فكر يهديلك وبعدين بالنسبة للكلام هو يمكن خايف يتوسع معاك بالكلام لأنه عرف في البداية إنك خجولة والله أعلم خصوصا وإنكم ما تتكلمون إلا بالرسايل أنا صراحة ما لي خبرة في هذا الأمر الله يسعدكم |
أنا شايفه انك انتي الي محيرة نفسك ومعيشه نفسك في غموض ودوامه
أبد مالها داعي .. ليش محمله الموضوع فوق ما يحتمل وليش مو راضية تكلمينه مدام هو يبغي واهلكم ما عندهم مانع ليش هالتمنع الي ماله معنى .. شلون تبينه يعرفك ويعرف ذوقك وشخصيتك عبر رسائل جامدة شوفي انا شخصياً ما أحب اكتب كثير في الرسائل .. شنو اقعد ادور في هالحرف واضغط على ما يجي الحرف الي ابي .. شلون تبينه يطول .. قسم بلله شي مو حلو .. الرسائل الجاهزة والاشعار اسهل نسخ لصق يعني مو معطته وجه وتبينه يطول معك انتي تعيشين تناقض كبير ما تبينه يقرب منك ولا يكلمك وفي نفس الوقت تبينه يعبر عن مشاعره والي في قلبه عبر الحروف .. هو انتي خليتي في قلبه مشاعر يعبر عنها .. قاعدة في الزاوية وترسلين رسائل عبر الأقمار الصناعية .. وفي النهاية تسألين ايش معنى حركته في الهدية .. ليش ما تكلمينه وتسألين يمكن الرجال طفش ويبي يحرك المياه الراكدة و هالجمود الي شايفه في تصرفاتك .. يمكن تتحركين وتكلمي كلميه بالتلفون الكلام اسهل خليه يسمع صوتك على الأقل ولا تضيعين على نفسك فترة مراح ترجع لو فاتت ابد |
اقتباس:
بس كل شئ قسمة و نصيب... |
هذا زوجك اختي الحين على سنة الله ورسوله وبينكم عقد
وبنفس الوقت هو قريبك لازم تحسسيه انك موجودة معه طووول الوقت ولازم يحسسك انه موجود معك طووول ال وقت يعني الحين فترة الملكة مايقدر يشوفك على الاقل تتكلمون في التلفون تبادلون السوالف حددوا ساعة آخر الليل عشان تتكلمون مع بعض تتعرفون مع بعض انتي الآن حكمتي على زوجك ان جامد من خلال المسجات هل المسجات تبرز شخصية الانسان ؟ طبعا لا في ناس كثير ماتعرف تتكلم في المسج ابد ولا ترتاح هالفترة اجمل فترة في فترات العمر حراااااااام تضيعينها خليه يسمع صوتك .. و اسمعي سواليفه وبادليه المشاعر وتعرفي عليه اكثر وخليه يتعرف عليك اكثر واكثر اول مكالمتين يمكن تحسين بالخجل .. الزمي الصمت فيها بس يوم ورا يوم ويمكن خلال اسبوع راح تجدين نفسك عادي .. اذا ماكان من ثاني يوم من المكالمات وبعد مايصير بينكم مكالمات راح اتحسين ان موجود طول الوقت وانتي موجودة عنده طول الوقت بعدها راح يحس بالقرب منك .. ويحس ان اشتاق .. وراح تطلع كلمات الحب والشوق والعشق منه بدون شعور وراح تنطرب اذنك وترقص مشاعرك فرحا بكلماته الموجه لك وبس وراح اتحسي وقتها انك ملكة .. اجمل شعووور لا تحرمي نفسك هالفرصة .. تراها بس مرة واحدة فقط في العمرر والرجل تراه يتألم يوم يشوف الي حواليه كلهم مع زوجاتهم مستانسين زيارات ومكالمات وهو لا صعب تتكون علاقة عن طريق مسج انصحك انصحك انصحك انك تكلميه .. ابعثي له مسج كأنك تسأليه عن شيء ما وبعدها بدقيقة اتصلي .. قولي انا مستعيلة وما قدرت اصبر ابي اسألك عن شيء كذا كذا كذا وبعدها راح تتكلمون عادي واذا سكرتي التلفون .. قوليله انك سعيدة بسماع صوته ومن هاليوم راح تكلميه عاااااادي والامور طيبة تحياتي |
اقتباس:
صحيح انها اكبر لكن لابد ان تبدأ بما يشعرني بفرحه وحب له اناالان مابدأت حياتي الزوجيه العمليه معه عشان تقول كذا انا فترة ملكه المفروضاني اشعر فيها بشيء من الحب الحنان والاهتمام ولاتستصغر الرسائل فكم من شيء بدأ كبيرآ واصله من صغر يسلمووو على مرورك |
اقتباس:
انا لااقصد السعر بتاتا البته اقصد على الحركه نفسها ربما كنت غلطانه وفعلا مافيها شيء ويعافيك ربي على رأيك شكرالك |
جزاكم الله خيـر بـاريسـا .. الفهدي 25 الصـ،راحه كفوو ووفوووا .. بجد كلامهم عين العقل |
اقتباس:
هههههههههه اعصابك لاينط بك عرق شكلك عصبتي من جد:rolleyes: اعلم انها نصيحة محب غاليتي وخرج الكلام من قلبك ولكن مافيها شيء اذااعطاني من وقته فقط 10 دقائق يوميا لكتابة مسج باسلوبه وتعبيره افضل بكثير من ان يكلمني بالساعات اناايااخيه حاولت مرارا ان اكلمه لكني مااستطعت ابدا شيء لااتحكم فيه خارج عن ارادتي بقوه وكم من فتاه لم تستطع محادثة خطيبها وكان هناك تواصل بالمسجات ..وكان الأمر عادي قد تقولين ربما نفسيات الرجال تختلف لكن يحاول ان يعمل شيء يفرحني ويأتي على نفسه شوي ودائما نسمع ان المبادره من الرجل قبل الانثى وانا ماحملت الموضوع فوف اللازم- لكنه شعور متعبني اني مااحس به وافرح به كبقية الأخريات وليس بالسهل ابدا وخصوصا الشيء اللي اناابيه سهل وعادي مجرد سطور زياده حبتين تشعرني باهتمامه منوره بوجودك ولاتنسيني من صالح دعائك |
اقتباس:
يعطيك العافيه ع المرور |
اقتباس:
كلامك رائع جدا ومحفز للغايه ..ومااجمل هذالشعور إذاكان كما وصفت واتمنى تطبيقه بالفعل ..لكن ...الله المستعاااااان على كل حال نصحك بطريقه ترغيبيه كانت جميله للغايه وودت بالفعل لو أحسست هذالشعور دعواتكـ لي أخي الفهدي..كن بخير |
اقتباس:
شكرا لمرورك السريع غاليتي |
:d
ههههههههههه بجد عصبتيني امس يعني لو انتي اختي ما خليتك للحين كذا .. لأنك حاطه على نفسك قيود وهمية .. والمشكلة أنك مضيعه على نفسك وعليه أحلى لحظات حياتكم تلاقينه اهو الثاني منقهر على نفسه يسمع ربعه كيف مع زوجاتهم وهو ما يحس مثلهم ولا يعيش مثلهم وبعدين الحياء مو عذر كل البنات يستحون وفي منهم خجلهم ما تتخيلينه بس قدروا يتخطون هالشي لأنهم بغوا يتخطون هالمرحلة واسمحوا لأزواجهم يتقدمون خطوة وخلوهم يبادرون .. انتي الله يهداكِ مسكرة الطرق خير شر .. كل ما فتح باب سكرتيه وبعدين تقولين ابيه يبادر يعني ما تحسين هذا تناقض تبين رجل يرضي انوثتك وبنفس الوقت مسكره كل الطرق عليه عموماً يا وخيتي نتمنى لك السعادة كيف ما كنتي ولكِ مطلق الحرية في التصرف بس كانت نصيحة عشان ما تتحسفين بكرة على هالوقت الي يضيع بدون فايدة إن شاء الله تبشرينا بزواجكم |
اقتباس:
اقتباس:
أحلى باك منك ,,نصيحتك على عيني وراسي يالغلا.انتي مصره برضو :d ان الحل بالمكالمات لاتنسيني بالدعاء اخيه ان الله يسعدني ويدخل الفرحه لقلبي فدعوة المسلم لأخيه بظهر الغيب حري على الله ان يسمعها مشكوره لإهتمامك ويسعدك ربي |
بس ياجماعه الي الان مااحد قالي كيف اتعامل معه
واتقرب منه واكسب وده واحترامه..؟؟ ماهي الأشياء التي يحب ان يسمعها الرجل من زوجته في فترة الملكه وكيف اتقرب منه..؟؟ اريد الإجابه منكم مشكورين |
ابعثي له مسج
وقوليله ابي اسمع صوتك مافي حل الا اذا سمعتي صوته لو مرة وحده تحياتي |
اقتباس:
وهذه بعد فكره يالفهدي جزيت خيرا بس يمكن بالعيد يعني اذا صارت مناسبه بإذن الله مرره وحده بس لانه اكيد بيقول مره ثانيه وثالثه وانا مابي هالشيء:eek: لكن ابي حل غير المكالمات بالمسجات وش اكتب له يعني؟وش الأسلوب اللي اتبعه معه ؟ انا هاااديه مررررررره وماعندي اكشن:d مثل هالبنات ماعندي احد اسأله ياليت تجاوبون علي |
صعبة يعني؟
اكتبي له: "وحشتني" "اشتقت لك" "يا زينك ذاك اليوم" أي كلام حلو طالع من قلبك راح يحبه إن شاء الله لا تقولين بعد أستحي هذا زوجك وبالحلال إنت أحسن وحدة تسمعه مثل هالكلمات أحسن من يسمعها من واحد ثاني |
اقتباس:
اقتباس:
وصلنا لبيت القصيد :d قد كتبتله كلمات مشابهه لهذه الكلمه ومااكثر الكلام اللي يطلع من قلبي حتى احيانا احس اني مهذاره بالنسبه لجمله المعروفه التي لاتتعدى السؤال عن الحال انا من الممكن ان اتغير لكنه هو لايتغير رسائله نفسها السلام عليكم_ كيف الحال فقط يبدو ان طبيعته مختلفه تمااااااااااااما شكل شخصيته مااقد مرت على احد:d |
اقتباس:
اقتباس:
:eek::eek: من جدك انتي ؟؟ بتظلي شهرين لين تتكرمي عليه ؟؟ وطيب لو قال عشر مرات شو فيها ؟ انتي حلاله وابصملك بالعشرة انك بتستمتعي أكثر بالمكالمات صح أول الايام بتستحي بس بعدين والله مااحلاها من عفوية بتعرفين شو يحب وشو يكره وبتعرفي من صوته متى يكون زعلان ومتى يكون مريض ومتى يكون سعيد بتشتاقينه اكثر .. لاتخافين اول مكالمة بتكون بسيطة يدوب دقايق بس بعدين انتي بتطلبي بالساعات لاتضيعي هالفترة لانها أحلى فترات العمر اسمعي كلام أخت تريد مصلحتك وبعدين تقولين ابي اكلمه بالعيد؟؟؟<<<==== ياشين الرسمية :17: مو احسن تقولي بعد 15 سنة زواج ... حبيبي تذكر هاليوم؟؟ هذا اول يوم اسمع فيه صوتك :29:عن جد قهرتيني وبصراحة اكثر .. انا كنت ع علاقة مع احد الشباب .. بس قطعتها وهو تزوج ومااحن لشي قد المكالمات الهاتفية ...!! :d وخاطري اتزوج عشان القى حد اهذر معاه بالتلفون |
| الساعة الآن 09:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©