|
خطبني ابن عمي وقلبي معلق بغيره
بسم الله الرحمن الرحيم .. السلامـ عليكمـ .. حبيت اشاركم مشكلتي .. يمكن تلقون لي حل .. أو على الأقل القى الدعم المعنوي منكم وتطمنوني و إن شاء الله ماتقصرون ... انا فتاه ادرس حاليا بالتمريض .. ومن فتره قصيره جدا خطبني ولد عمي .. طبعا انا رافضه هالفكره خير شر .. بسبب المشاكل الكثيره بيننا .. مو معه شخصيا لكن مع أهله .. الحمدلله موظف ميسور الحال .. أهم شي ملتزم ويخاف الله .. محترمني .. وانا وافقت بعد ضغط من اهلي لكن وافقت بقناعتي يعني مو غصب الحمدلله ( بس ماصار أي شي رسمي للحين ).. المشكله للحين متردده.. علما انه ملبي لي كل شروطي .. وان شاء الله اخلص دراستي على مايكون نفسه .. بس فيه شي منغص علي عيشتي .. ومسوي لي كآبه مو طبيعيه افكر فيه 24 ساعه .. ان قلبي مع شخص ثاني ( تربطني فيه صله قرابه ).. لاتقولون لي انسي أو يمكن مجرد اعجاب نفس موضوع الاخت اللي هنا .. بصراحه انا احب هالشخص يمكن من تسع سنوات او اكثر .. كان يبادلني الشعور قبل لكن حاليا مادري .. نظرا لأن العلاقه اللي بيننا مافيها شي يغضب الله تعالى يعني لا مكالمات ولا شي يغضبه سبحانه .. علاقه حب طاهر .. وهذا اللي متعبني نفسيا .. صايره على حبه ونص من اسمع او افكر فيه القى دموعي اربع اربع .. يعني ماتخيل نفسي مع شخص غيره .. المشكله اني ماقدر ارفض ولد عمي على أمل ان هالشخص يخطبني يعني ماضمن انه للحين يفكر فيني ... و ولد عمي شخص جدا حبوب .. مراعي وظيفتي بالمستقبل بما أني ممرضه وهذا شي صعب شوي مثل مانعرف .... الحمدلله ملبي لي كل شي ابيه .. وشاريني اهم شي .. يعني المشكله من هالشخص اللي مادري شلون انساه للحيني أحبه .. وحبه مو طبيعي المشكله انه كل يوم يزيد عن قبل .. ماقدر اسوي كذا بولد عمي لأانها خيانه أكيد .. ؟؟ مع العلم اني صليت استخاره 3 مرات .. بس ماعرفت للحين شسوي ؟ .. بس وافقت مبدئيا .. مادري والله احسه هو شخص مثالي لي .. لكن مابيه بنفس الوقت أرجوا انكم تريحوني .. وتلقون لي حل ؟ تطمنوني عالأقل .. واسفه جدا اذا طولت عليكمـ مو قصدي والله .. بس محتاجه لمساعدتكمـ والله يوفق الجميع .. لفظ المشيئه يكتب كما هو موضح مع الشكر/ الاشراف |
اقتباس:
مافيه عندك الا حل واحد انك تنسيه وتوافقي على ابن عمك انتي تدرسين تمريض وهذه المهنة يرفضها اغلب الرجال عندنا وانتي تعرفين هذا الشي نصيحة لاتضيعين الفرصة من يدك وتتعلقين بالاوهام .. |
شايفة كثرة مشاكل الحب الاخر في المنتدى هذا له مدلاولات كثيرة الله يهدينا جميعا |
يااختي سأجزأ الكلام في موضوعك بالنسبه للإستخاره لايعني انك تحسين بشيء معين مثل فرح او رؤيا او كره فجأه إذا تيسرت لكِ أمور الزواج وحصل سهاله ولااحد صار عائق بطريقك .. او تأخير في هذالأمر ولاحصل موقف يعوق من ملكتك عليه هذا معناه انك تآخذينه وان فيه خير لك مثل ماحصل معي تماما قبل اشهر قلائل كنت اصلي صلاة استخاره ولكن لاجدوى لاأحس بشيء كفرح وراحه وغيره وبسرعة البرق ارى اني تملكت وتسهلت الامور بشكل طبيعي واعتيادي دون عوائق وبالنسبة انك تعيشي قصة حب طاهر وعفيف لااقول لك انسي بل تناسي وعيشي واقعك واذا ملكتي عليه ان شاءالله حاولي يكون هو محور اهتمامك وتقربي منه في فترة الملكه وحاولي توطنين نفسك من ايام الملكه عيشي الواقع وارفضي الخيالات خاصه ان شغلتك الي الان مرفوضه وصدقيني دامه يحبك ومحترمك وشاريك هذااللي بإذن الله سيسعدك..الان شايفه قصص المجتمع كم من رجل غير صالح ومتعدد العلاقات ولايعرف من الدين الااسمه وهذا يكفي انه رجل صالح سيخاف الله فيك ويعاملك بالتي هي أحسن وستعيشين معه بإذن الله بسعاده واحترام وحب بتقولين ماراح احس بحبه سيكون زواجي شكلي فقط امام الناس وقلبي متعلق بغيره لكن ثقي تماما ان الخيره فيمااختاره الله ..وسيتحول هذاالحب وهذه العاطفه الي زوجك المستقبلي بإذن الله خاصة انه لم يتم تواصل بينكما كما بعض الفتيات .. وعليك بالدعاء الدعاء والإلتجاء لله سبحانه فقلوب العباد بين اصبعين من اصابعه يقلبها كيفما يشاء وهو القادر على تغيير مجرى حياتك للأفضل وفقك الله وكتب لكِ الخير حيث كان |
8 8 8 جـزاك الله خيـر نفس الي بقـوله .. وهي كفت ووفت .. |
أنا يا أختي برد عليك بصراحة
ما تشوفين إنه شي متعب!! يعني إنت وافقتي على خطوبة ولد عمك وفي نفس الوقت تحبين واحد ثاني طيب ليش توافقين؟؟؟ وأصلا هذاك قريبك اللي تحبينه هل جاء خطبك؟هل هو يستحق إنك توافقي عليه؟ أنا صراحة أستغرب من هالبنات تحب واحد وتوافق على خطوبة واحد ثاني مع إن اللي تحبه ممكن يخطبها ليش هالتعب طيب؟ يا ناس تكفون نبغى بيوت هادية ما فيها مشاكل بسبب إن الرجل يحب وحدة ثانية أو الزوجة تحب واحد ثاني الحل واضح إذا قريبك اللي تحبينه رجل يستحق وأخلاق ودين ومستعد يخطبك وقادر خلاص انتظريه ولا توافقين على خطوبة ولد عمك بس لا تجين بعدين وتقولين يا ليتني ما رفضت ولد عمي لأني اللي أحبه ما تقدملي أو تعامله كان سيء معاي أو أو أو......... ريحوا بالنا من هالغلبة تكفون |
اذا كان يحبك من 9 سنوات حب طاهر كان تقدم لك بما انه قريبك !
انسيه حبيبتي والله يهنيك بابن عمك ويرزقك الخير الخيرة فيما اختاره الله |
صبــــــــــــاح الورد والجـــــــــــــوري
اما برائي ان قربيك لو كان يحبك ربع حيك له او كان متلهف عليك ... كان بمجرد ما عرف ان في شخص تقدم لك المفروض منه ان يقّوم الدنيا وما يقعدها ويرسل لك مراسيل (لو كان طاهر مثل ما تقولين ) وطلب منك ان تحافظِ على حبكم وتتمسكِ فيه مثل ماهو متمسك فيك لكــــــــــــــــــــــــــــــــــــــــــن .......! الواضح ان هالحب من طرف واحد وغير متبادل من الطرفين فالوضع الطبيعي انك ماتضيعين وقتك في انتظاره وبالنسبه لولد عمك فالرسول اللهم صلي عليه وضّح لنا الحل في موضوعك بقوله: إذااتاكم من ترضون دينيه وخلقه فزوجوه إلا تفعلوا تكن فتنة في الارض وفساد كبير( بمعنى الحديث) وطبعا استخيري الله ثلاثا وإذا في خير لك يتسهل الموضوع بدون ارادتك واخيراً: استفتي قلبك ............ وإذا انت مو مرتاحه للموضوع فالرفض من اول الطريق افضل من الرجوع من منتصف الطريق باقل الخساير (قصدي ان مافي اطفال والرفض اقل ضرر من الطلاق ـلاسمح الله ـ) |
لأ.. حرام الانسان يضيع عمره بأوهام ...
اذا كان يحبك ليه ماتقدم لك .. اذن لاتفوتي فرصة انسان شاريك .. |
اتركي عنك وساوس ابليس ..
وخذي ولد عمك .. خذي ياخيتي اللي يبيك ..ولا تاخذين اللي تبينه .. على الأقل راح يهتم فيك من قلبه .. وبعدين مهنتك (ومهنة محدثتك) تخليك مو بس توافقين بل وتتمسكين في الإنسان الكويس اللي متقدم لك .. لأنو صعب نلاقي اللي يوصل لمستوى تقدير شرف هالمهنة .. وعلى قول الأخوات لو يحبك تحرك علشانك .. استخيري وكملي وبإذن الله مارح تلقين إلا كل خير .. موفقة الغلا .. |
اقتباس:
|
ما شاء الله الأعضاء ما قصروا ...
حبيت أفيدك بحادثة وقفت على أحداثها ومع أشخاصها ... فتاة أحبت شاب وحب عن طريق الهاتف ولمدة سنواااااات ومن الإإستحالة إنها تتزوجه بسبب التفاوت النسبي... ولما خطبها قريبها .... وافقت وهي تبكي !!!! وبعد الملكة الحمد لله الأمور تمام التمام ... نست الأولي وقلبها مع التالي.. وعلى فكرة ترى الشيطان تلقينه هاليومين زايد جرعة الحب عندك ( للقريب الي تحبينه ) عشان يفلسك من الإثنين ... توكلي على الله والله يكتب لك الخير وين ماكان وأكثري أكثري أكثري من الدعاء ... والله يحفظك ويريح قلبك .. |
ياربي لو هو مافيش مكالمات ولا أي حاجة .. معناها ان انتي متعرفهوش اوي
يعني دي علاقة في خيالك وبس ودايما الخيال حلو ... لأنك بتحطي المواقف وردود الافعال والمواصفات اللي انتي حباها واللي هي موجودة في عقلك انتي وبس ! وكمان مافيش التزامات مرعبه .. ولا خد وهات فطبيعي تحبي احساس الحب ده !! مع ان الواقع بيفتحلك دراعاته وبيقولك انا احلى بكتيييييييييييييييييييييييييييير .. |
على فكرة ..
نسيت أقولك مع الفارق الكبير بين القصة الي ذكرتها لك وماتشعرين به نحو قريبك ... بس عشان تهون عندك حالتك .. |
اقتباس:
برافـــــــــوااا عليك هوا الكلام والتعبير الصح:22: قدرتي توصلين لنوع هذا من الحب فعلا عن تجربه شخصيه وانا انصحك انصحك واقولك شكلك صغيره بعدك راح تندمين بعدين الحب الى تقولين عنه لقريبك خيــــــــــااااااااااااااااال خيااااااااااال والله عن تجربه شخصيه لانك ماكلمتيه ولا احتكيتي فيه عن قرب ولا خذ وهات على قول كيوت يعنى تراااااااااااك ماتعرفينه ومثل ماقالت حلوة :23:ترا الخيال حلو عن تجربه شخصيه اقولك وش تبغين اكثر من كذا خسرت اشياء كثيييير خسرت احسن الى تقدموا لي بسبب الخيال وكان فعلا حب الخيال ذا مايسوى ظفر الى رفضتهم اااااةةةةةةةةةة ماينفع الندم الحين الحمدالله يارب شكلك صغيره بالعمر ماوصلتى 25 بعد سن 25 سنه راح تبدين تشوفين الواقع على اصووووووله والله شوفي ماكنت نويه اكتب لانى عارفه الى في مثل حالتك مهما كتبنا ومهما نصحنا مراح تتفتح عيونك ابدا الى بصدمه قويه او تنضجين وتشوفين الواقع على اصوله لكن قلت لامانع يمكن تكون نصيحتنا تفتح عيونك بدري قبل الخسائر الفادحه:d حبيت انصحك لانك نفس تجربتي بس انا خسرت الكثير دراستى االى تاخرت فيها كل شي بسبب التفكير والحب الوهمي ولكن الحمدالله بنهايه فتحت عيوني ولحقت نفسي وخذيت الحمدالله واحد يسواة الف مره |
عصفور في اليد ولا عشره فوق الشجر
بلاحب بلاكلام فاضي الحب الحقيقي يجي مع العشره ياكثر الناس الى تشوفينهم يعجبونك ومجرد مايبدؤن بالكلام يتلاشى كل شي نصيحه دام ولد عمك شاريك توكلى على الله واستخيري |
فكري بعقلك مو قلبك
|
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©