|
يا أهل الرياض هل تكفي 30 ألف لتأثيت الشقة
أنا مخصص 30 ألف ريال لتأثيث الشقة وهي مجلس رجال + مجلس نساء + صالة صغيرة + غرفة نوم + مطبخ لكني بدأت أخاف هل هي كافية أم لا
لأن عندي التزامات كثيرة فأرجوكم يا أهل الرياض ويا أهل التجربة أن تردوا علي |
مبروك الزواج والله يوفقك
ردا على سوالك ما اتوقع اذا كنت بتفرش حلو لنفرض واحسب معي غرفت النوم بالقليل بست ألاف و سليب هاي بالف ستاير وابجورات بألف مفرش وطقم الحمام بالف هذي تسع ألاف طارت بغرفه النوم وهكذا احسب بس تفرق كم عندك غرفه انت بتاخذ شي جديد ولا مستعمل في الشقه مكيفات ولا لا بتشتري مواعين بعد ولا لا |
راح تكفي باذن الله
اذا انتبهت للاماكن اللي مسويه عروض وتخفيض وااذا رحت للحراج بن قاسم المنطقه اللي هناك بغض النظر عن الحراج مفسه تلقى اشياء رخبصه اما المطبخ بصراحه ما اتوقع راح تكفي لان اقل مطبخ كسعر راح يكون ب عشرة بس انا فكرت في الاجهزة الثلاجه الغاز الاجهزة بشكل عام هى اللي راح تسحب فلوس منك المطبخ لا تروح غير شارع المطابخ وبس اما التخصصي وايكيا اوكي حلوة بس غالي شارع المطابخ انتا تزيد وتنقص لانهم يحسبوا مثلا اذا الدولاب جوته فيه شبك حامل مثلا للمعلبات هذا ب 500 انت ممكن تكنسله وقيس باقي اشياء المطبخ على كذا حاليا ابدء في الاهم في اساسيات المطبخ وخلي الكماليات بعدين على رواق تاخذ زوجتك وتروحوا تشتروا (اقصد بعد الزواج) اخوي اي سؤال انا في الخدمه قبل سنه بالضبط سويت شقه اخوي من و الى وطلعت حلوة .... ما امدح نفسي ابدن والحين قاعده اسوي بيتنا والله يعين بصراحه ياريت اقدر اخذ الفلوس واروج أسويها لك تراها هوايتي |
والله يامتفائل كتبت رد وطار ..
لعله خير .. بارك الله لك وبارك عليك وجمع بينكم على خير ..:14::14: ان شاء الله بحول المولى كافية .. واذا بتزيد ممكن شيء بسيط .. يعني المجالس من 8000 الى 9000 الصالة 1500 في كنبات حلوة وملونة ورخيصة .. غرفة النوم من 7000 الى 8000 المطبخ على حسب المتر .. يعني من 500 وانت طالع .. هذا بدووون اجهزة كهربائية ... الله يوفقك بس لاتنسى تعزمنا:d .. قلي بدري لاني مشغول:25: |
[info]عفوا..
ينقل لقسم المنزل مكانه الانسب ليجد التفاعل المنشود بإذن الله[/info] |
وفقك الله أخي
ربما تحتاج رفع المبلغ إلى 40 ألف فالمطبخ لوحده مع الثلاجة و برادة صغيرة قد يكلفك 15 ألف بدون أواني و أدوات مجلس النساء تقريباً 6 آلاف مع المكيف الرجال6 آلاف مع المكيف غرفة النوم9 آلاف مع المكيف الصالة 5 ألاف مع المكيف مجموع ما سبق 41 ألف و من رايي يا أخوي لا تأثث مجلس النساء حالياً إذا كنت مضغوط مادياً هالفترة و الصالة تفي بالغرض و بإذن الله بعد شهرين ثلاثة أثثها على ذوق العروس و قل لها بخلي مجلس النساء عشان تأثثينه بنفسك و إذا كانت المكيفات راكبة فالأمر إن شاء الله أسهل لأنه تكلفتها مو قليلة كل مكيف حول ألفين |
بصراحه ماعندي فكرة .. لأن الاسعار تغيرت السنتين الاخيرة .. الله يبارك لك في مالك و في وقتك و في زواجك و يسهل لك امورك
|
على حسب الشراء اذا كانت سوف تشتري من محلات راقية لاتكفي اما اذا كنت سوف تشتري من محلات اقل ووقت التخفيضات فأنها قد تكفي
وفقك الله وسهل الله امرك |
الله يعينك ويسهل امرك ...
انا مو من الرياض بس جبيت اقولك عن الاسعار التوقعية لمثل هالامور. .. بالنسبة لي ..غرفة النوم كلفت 13 الف ريال لاني قلت الغرفة اهم شي بس فيه غرف حلوة على 7 اما اقل بصراحة ممكن تنخدع فيها وشهرين والسرير عم يطلع لك اصوات :25::25:.. ..الصالة 3 الاف ريال والحمد لله طقم الكنب عايش معي من 4 سنوات زي الفل .. المطبخ كلفني الفين ريال فقط لاني عملته صغير على حرف (L) >>وبصراحه شكله خطير والكل ماصدق السعر ولكني في شقة ايجار يعني هذا اللي خلاني اعمل مطبخ بسيط جدا وماعتقد يكفي للعمـر ...لو شقتك ايجار تقدر تسوي كذا لانك ماتدري اي وقت تقوم ..لكن لو المكان حلالك وملكك ..سوي لك مطبخ ممتاز واخوي سوا له مطبخ ولا اروع وصل سعره 8 الاف بدون الاجهزة ..والاجهزة ..من غسالة ونشافة وثلاجة ومكنسة وجهاز بخار للكي ..وفرن وتلفزيون ...تقريبا كلفت 13 الف ريال ...وممكن توصل اكثر لو النوعيات من درجة ممتازة جدا ... المجالس الجلسة العربية كلفتني 4 الاف ريال مع الستائر والطاولات والتحف ...اهم شي انت تحسبها صح وتدور على اكثر من محل ويارب يسهل امرك ويوفقك بزواجك ... بالعربي ماتوقع تكفيك 30 الف ..:29: لكن لو خططت لها صح وكل شي حسبت حسابه .يمكن تكفي ولو زدت بس الفين ثلاثة ...:) :22: نحن بالخدمة . موفق .. واعتقد مجلس واحد راح يكفي في الفترة الأولى حاليا ..ولما تكون عندك امكانية اثث الباقي ...ابتدأ في الاهم من غرفة وصالة ومطبخ ..وجهزهم باحسن صورة ..لانه الواحد اذا ما اخذ من البداية ..بعدين ممكن يطفش ويكسل يجهز ,,, |
بإذن الله كافية
أثث من أسواق الحراج وممكن تشتري الاجهزة الكهربائية أقساط |
يارب توفقه وتبارك في ماله
أهم شئ غرفة النوم والصالة والمطبخ والأجهزه الكهربائيه واتفق مع زوجتك على هالأشياء حتى ماتتفاجأ؟؟؟؟؟؟؟؟ وقولها الباقي بعد الزواج حتى يكون على ذوقك ....... وإن شاء الله راح ييسرها ربي عليك |
حدد الأشياء المهمه وابدأ فيها والأشياء الباقيه اتركها بعدين
يعني 1\ غرفه النوم 2\ المطبخ 3\ الصاله اما مجلس الرجال ومجلس الحريم فأجل تأثيثه إلى ان ييسرها الله عليك , واصلا مين اللي بيزورك وانت توك متزوج ! غالبا اهلك فتكون جلستكم بالصاله الله يوفقك وييسر امرك ويفتح عليك |
انصحك بالتأثيث من محلات الأثاث الجديد في حراج بن قاسم و لا عليك من الناس و كلامهم ,,
كلام الناس ما راح يفيدك لا فلست و حاصرتك الديون من كل مكان .... صدقني .. بعد ما تأثث محد بيدري هالقطعة من الحراج و لا من محلات الماركات .. اصلاً محلات الماركات و المحلات المشهورة يشترون القطعة من الحراج بثلاثة آلاف و يبيعونها على الناس بعشرة و 12 الف .. فانت اختصر الطريق و روح للحراج على طول .. انا من الشرقية و اعرف الكثير من اصدقائي هنا اثثوا بيوتهم من حراج بن قاسم باثاث روعة و بتوفير يصل الى اكثر من 40% و بعضهم اثث شقته كاملة بعشرين الف ريال لا غير.. اهم شيء انك تحسن اختيار القطع و تكون متناسقة مع بعض و جميلة الله يوفقك و يتمم لك على خير |
اذا منزلك مستآجر فالافضل يكون من الحراج آو من محل دايموس يجنننننننننننننن ومن سيتي بلازا والعويس ..
واذا خططت كويس ورحت لكذا محل وقارنت بين الافضل والارخص والي عليه تخفيض بتحصل .. وغرفة النوم بدل ماتشتري غالية نزلك صورة من الانترنت ورح لمنجرة ويصلحونها لك ع مزاجك .. |
بتكفي أن شاء الله وأنت مستأجر خ لك مطبخ رخيص 2000 ريال ليش تركب مطبخ 10000 وانت مستأجر
وغرف النوم 6000 ريال تجيب غرف حلوة مرة والأجهزة الكهربائية ممكن تكلف بحدود 8000 الى 9000 من ثلاجة وفرن ومكيفات وغسالة وخذ احجام صغيرة مو كبيرة تو العائلة صغيرة يعني ثلاجة 1700 قدم مناسبة جداً لك وسعرها 1700 ريال وخذ فرن وسط بحدود 1500 يال |
الف مبروووك اخوي مقدما الله يوفقك ويسعدك
الجميع ماقصروو |
أرجو لك حياة سعيدة وهانئة..أقترح عليك أن تأخذ من أقاربك من تثق به وعنده حكمة وتوسط بالأمور وتستشيره كي لاتتكلف الكثير لأن الجديد على الأمور يأتي بكل ماعنده فيتكلف فأهل الخبرة يختصرون لك المشوار . و30,000ريال كافية لتأثيث شقة وزيادة_ الخبرة هي التي تتكلم _ وفقك الباري لما يرضيه
|
سؤال يسمحلي فيه صاحب الموضوع؟؟في أي منطقه بالرياض حراج بن قاسم وكيف الأثاث الي فيه مستخدم ولا جديد؟؟وكيف جودته؟؟أنا من الشرقيه وأول مره أسمع بهالحراج,,
|
اقتباس:
حراج بن قاسم تلاقي فيه مستعمل وتلاقي فيه جديد انما رخيص وتلاقي كمان بسطات ناس تبيع في الارض وتدخلي على جوة تلاقي زي الاحواش الكبيره فيها اطقم كنب منها مستعمل ويكون ملبس بقامش جديد وممكن تطلبي نفس الموديل تفصيل بقماش مختلف بس لازم تااكدي من جوده الاسفنج نفسه لان بعضه من النوع اللي لمن تجلسي وتقومي تلاقي وراكي حفره وتلاقي كمان مطابخ ومحلات فيها دواليب تي في وطاولات ومداخل وطاولات طعام مكانه ما يضيع ابدن بس للاسف ماني عارفه اكتب بس اعرف لو اركب السايره اوصله :) انشاء الله باقي الاعضاء يشرحوا لك اكثر |
اقتباس:
miss. fofo ماقصرتي ياقلبي كفيتي ووفيتي ألف شكر حبيبتي,, |
اقتباس:
للقادم من طريق الملك فهد الاتجاه جنوباً الى ان يصل الى الدائري الجنوبي ثم يأخذ الدائري الجنوبي متجه شرقاً ثم يلف يسار مع اول كبري يقابله سيجد الحراج على يساره الحراج عبارة عن مجموعة كبيرة جداً من المحلات و لكل ما يخطر على بالك من جديد او مستعمل ,, اما الاثاث فهنالك محلات كثيرة جداً متخصصة في الاثاث الجديد و الجودة و الاسعار تختلف من محل الى محل .,, |
اقتباس:
|
بل 90 % من محلاته جديد والمستعمل لا يتجاوز 10 %
بس الميزة كل شيء فيه مطابخ غرف نوم موكيت اجزة كهربائية وفيه مجمعات المنصورية وبرج العرب و غيره ولكن اشتهر باسم حراج ابن قاسم |
| الساعة الآن 09:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©