|
غريب وقع الحدث على نفسيتي
يقول الله تعالى في كتابة العزيز (ولاتحسبن الله غافل عما يفعل الظالمون أنما يؤخرهم ليوم تشخص فية الأبصار) صدق الحق جل في علاه قد لايكون مافعلة بي مهم عندي ولكن أن تصل به الى أن يقول أنا يانااااااااااااس ما ابغاها ويتصل على ازواج اخواتي ويزيد في الكلام وأهلي سكتوا عن حقي لأنة قريب لهم وأنا كل ما قابلت وحده تقول صدق اللي سمعناه. صرت افضل اجلس في البيت ولا أطلع والله عندي اختبار بشهر عشرة ماني قادرة افتح ملزمة واذاكر كل تفكيري انتقم منة كيف انتقم وارد اعتباري :11: |
اكبر انتقام هو دراستك ونجاحك بتفوق
يعني صمودك وخروجك هو اكبر انتقام اما القوقعه والجلوس في البيت وعدم الدرس هو ما يريده قابلي النااس وبكل فخر واللي يسألك يكون ردك مع ابتسامه عريضه :في ميزان حسناته , والشجره المثمره هي التي ترمى في الحجاره قووووووووووومي ادرسي ونريد نتيجه بتفوق |
ابدا لك رب بياخذ حقك منه لانك مهما سويتي مارح تشفي غليلك ويمكن ماتقدري وتصيري في قلق والم لان المنتقم يتعب نفسي ويمكن عليه ذنب
لكن احسن شي فوضي امرك لله واهتمي بنفسك ونجاحك في الحياه وصفي قلبك علشان ماتتعبين واخرجي بكل ثقه ومتعي نفسك وربي موجود فهو سبحانه خير المنتقمين وسيرد لك حقك عاجل ام اجل وعليك بالدعا كلما تذكرتي الموضوع ورددي حسبي الله ونعم الوكيل وافوض امري لله |
يا عزيزتي لا تفكري في الانتقام منه ورددي اللهم اجعل مافعله بي على قلبي بردا وسلاما كما جعلت النار على ابراهيم بردا وسلاما
واجتهدي نعم اجتهدي واثبتي وجودك ولا يهمك مايقول فأنه يعود عليه لا عليك |
ادعي ربك وقولي يارب تنصرني
ولاتنتققمين ولاشيء وقولي . حسبي الله ونعم الوكيل وكثري من الدعاااااااااااااااااء و الله يووفقك .......... الإشراف/يرجى الابتعاد عن اللهجات العامية البحته |
اقتباس:
فعلا هذا هو الانتقام ولمن لماذا لا تنسيه وتجعلينه نسيا منسيا وتثبتي نفسك |
الله ينتقـم لك منه .. دعـوة المظلوم ليس بينها وبين الله حجـاب .. الله ينصـرك على من ظلمك .. حسبي الله ونعم الوكيـل .. |
حبيبتي ان الله يمهل ولا يهمل.. ولا تنسي ان الظلم ظلمات يوم القيامة
ثم انتي اصبري واحتسبي (انما يوفى الصابرون اجرهم بغير حساب) وانتي ادرسي واجتهدي وانجحي اكتر شي سيغيظه صدقيني.. |
ولا تنتقمين ولا شي
في رب يراقب ويعاقب وصدقيني مدام طلع عليكِ كلام كذب وشوهك راح تجيكِ اخباره السوده لبيتك ومن غير ما تسألين ستبدي لك الايام ماكنت جاهلا *** وياتيك بالاخبار من لم تزود خذيها مني وبكرة تتذكرين كلامي يا ما شفنا وسمعنا وكلما كان تشهيره أكبر وكذبه أكثر .. تأكدي أن فضيحته بتكون بجلاجل لأنه قاعد يستنزل عقاب رب العالمين عليه بتصرفاته ألا مسؤولة |
مهما كان حجم المشكلة لا يصح التشهير بإنسانة كان بينك وبينها عشرة وسقف واحد .. لا يصح مهما حصل .. وليس من الرجولة ولا عاداتنا أو تقاليدنا الاسلامية .. بعض الناس يجهلون الكثير ولا نقدر أن نحاسبهم سوى اللجوء للمولى عز و جلّ فهو العالم وهو الذي يمهل .
أعانك الله ولا حياة مع اليأس .. وفقك الله |
اعانك الله على هذا الظلم
وليس باليدحيلةسوى تفويض الأمر لله وصدقينى الايام تنسى الجرح |
ياقلبي أنا والله حاسه فيكي ونفس الشي صارلي
حسبي الله ونعم الوكيل أنا تزوج علي بدون سبب وبعدين طلع عند اهله اني مريضه نفسيا وغيوره وأحب التملك وغير أنو شوهت صورتي عند أمه حتى تكرهني وتأيده بزواجه لانها كانت تحبني وتحترمني وانا بعد يشهد الله والحين معلقني وكل شوي يطلع كلام فيني وآخر شي يقول انا أبيها وهي ماتبيني نفس كلام طليقك تدرين بالبدايه كنت أنقهر وأتعب وافكر كيف انتقم بس مع الايام وصتني وحده من صحباتي جزاها الله كل خير اذا جاء خبر سيء منو أقول أفوض أمري لله أن الله بصير بالعباد وسبحان الله الحرقه والقهر الي فيني تختفي وأحس براحه عجيبه ويصير الموضوع ولا يهمني سووووري طلعت من موضوعك بس شي بنفسي وحبيت أطلعك عليه يمكن تستفيدي منو شي وكلي أمرك لله وماراح يخذلك000 |
اختي الحبيبة طعن قلبي مشكورة على مرورك وشكر لكل الأعضاء
لكن ..................... (ياليت يقول أنا أبيها وهي ما تبيني ...........كان زين لكن ......................المصيبة يقول أني أنا حديث الوقت ابيه وهو مااااااااا يبيني ..............يعني انتي أشوى مني .................الله على الظالميـــــــــــــــــــــــــــــــــــــــــــ ـــــــن اللهم اغفرلي واشملني في رحمتك |
أذهب الله عنكِ ما أهمكِ يا أختي
|
الله يذهب عنك همك
ويعوضك بالي احسن منه وسعادتك معه تكون حديث الساعه ويصل له مدى فخر زوجك فيك ترى الحياه لسى مليئه والله انااختي حسبي الله ونعم الوكيل بطليقها ماخلا شي الا سواه حتى اذى عائلتها واخد ابنها واللحين ماشاالله عليهاتزوجت باحسن منه وهو تزوج وحده مطلقه 3مرات امااختي ولله الحمد فزوجهالم يسبق له الزواج ماشاالله عقبال ياربي عندك وعند جميع الاخوات شوية صبر ودعاء الله يوفقك يارب |
غاليتي حديث الوقت وكلي امرك إلى الله
وكل كلام تسمعينه عنك ما عليك بالعكس هذ1 لأن ضعيف ومو لاقي عليك شي ومن هنا لازم تاخذين قوتك ولاتفكيم أبد بالانتقام منه وأبسط انتقام انك تنجحين بحياتك وتواصلينها بدوونه وما عليك من كل الي يسالك لأن بجي يووم كل شي ببان أتوقع إسمك حديث الوقت من كثر الكلام الي يوصلك اخترتي هذ1 الاسم حبيبتي اشغلي وقتك ولاتفكرين هو وش بطلع أول بقوول عيشي حياتك اطلعي مع اهلك وغيري جو وتقربي من الله واحمديه على كل شي والله بعوضك بالي يسرك إن شاء الله ربي يحفظك دووم ودمتم بوود |
| الساعة الآن 08:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©