|
مغص شديد يمنعني من النوم
السلام عليكم صباح الخيرات :22: اشتقت لهالقسم .. حاولت أبتعد شوي عن المشاركة فيه عشان ما أقلق نفسي واكتفيت بمتابعتكم من وقت لآخر :29: من الإثنين الماضي وانا أعاني من مغص أسفل بطني .. احساس بالشد مؤلم وحتى (الله يكرمكم) لو بغيت اروح دورة المياه ما أقدر أشد ولو شوي على طول احس بتشنجات مؤلمة أسفل البطن وجهة المبايض اثنينهم (خصوصا جهة المبايض) وأمس زاد الألم ولحد الآن وانا تعبانه منه :_( بالإضافة لأعراض الدورة الثانيه .. صدري يعورني وحاسه مكتئبة وايد بصراحة مصختها هالشهر :( هي دروتي موعدها بعد بكرة طيب يا بنات ما أطول عليكم انا بصراحة من 3 أيام عملت فحص حمل منزلي الصباح يمكن الساعه 9 أول ما خلصت الفحص حطيته على المغسلة وقعدت أغسل أسناني .. وخلال دقيقة أو أقل لمحت خط ثاني باهت جدا .. ما أشوفه الا لما أركز بس .. انا قلت يمكن مو صحيح لأنه لسه بدري على موعد الدورة ما فات واحتفظت بالفحص في الدرج ,, وكنت بطلع انا وزوجي العصر .. وفتحت الدرج أخذ منه غرض وشفت الفحص والخط الثاني صاير غامق وواضح جدا وما قلت لزوجي لأني كنت لسه شاكة .. جيت كررت الفحص بعد يوم .. وما شفت خط ثاني يعني سالب .. :29: قلت خلاص يعني مو حامل والفحص قاعد يلعب بأعصابي :29: ومن شوي صحيت عشان وقت الصلاة وكررت الفحص عشان ضميري يرتاح لأن المغص متعبني بشكل ومو قادرة أنام منه .. وظهرلي خط ثاني باهت مرة ثانيه خلال ثواني ,,, بس باهت باهت يعني ما أشوفه الا بتركيز وكل ما أرجع أشوفه ألاحظه يصير أوضح بس لسه باهت وللحين متشككة؟؟ في وحده منكم صارلها مثلي؟؟ :24: انا حامل و لا لأ؟؟ ما أبغا أقول لزوجي وبعدين أطلع مو حامل يعني مستحيل أسوي فحص دم الحين لازم أنتظر شوي موعد الدورة وهل هالمغص دليل حمل؟؟ و لا مغص الحمل مختلف؟؟؟ انتظر ردودكم الله يسعدكم ويرزقكم جميع يارب :d |
عسى ما شر يا رب هالمغص
ان شاء الله حامل انما اتصلي بالدكتوره فورا يمكن يكون معك شوية التهابات هي التي تمنعك من البول حصل معي بالزمن اول حملي وبشرينا |
اقتباس:
صباحو خالتو Green :d والله انا عملتلي الدكتوره من 10 أيام تقريبا فحوصات عاديه وطلبت فحص بول وما طلع عندي أي التهابات الحمدلله خالتو ما فهمتيني .. لما قلت اني الله يكرمكم لما أروح دورة المياه أحس بألم أسفل بطني يعني انا ماعندي مشكله بالتبول الله يعزكم و لا حرقة .. لا المشكلة يصيرلي ألم جهة المبيضين لو انا شديت شوي وانا بدورة المياه .. وبنفس الوقت مافي عندي أي شي يدل على التهابات .. افرازات الرحم شكلها ورائحتها طبيعيه وماعندي حرقه و لا حكة الحمدلله .. وطبيبتي قالتلي اذا تحسي نفسك طبيعيه خلاص يعني ما تعاني من التهابات مشكورة خالتو Green على ردك السريع .. الله يسعدك :17: |
فلافل قلب قلبي .. سلامات ماتوشفين شـر .. مادري كم لك متزوجـه .. بس خالتي عندي وقلت لها الأعـراض قالت ان شـاء الله حـامل .. الف مبـرووووك يااااااااااااقلبي .. وان شـاء الله ربي يرزقـك الذريـه الصالحه <<< باركتلك قبل لاتتأكد هع بس ان شـاء الله خيـر .. |
ان شاء الله حامل
اهم شي هالفتره ارتاااااااحي جيدا هذا الشهر اهم شي فيه الراحه وحتى الجماع يكون خفيف الحركات اذا تقدري ترتاحي على ظهرك وممنوع شغل البيت الا القليل جدااااا دللي نفسك على الآخر ويا رب تبشرينا ونبارك لك |
اقتباس:
دانتيلا يا عسل انتي هون!! :17: > > > اسم الدلع دانتيلا الله يبارك فيك مقدما خخخخخ :22: انا صارلي 5 شهور ونص متزوجة عقبال عندك قريب ان شاء الله مشكورة حبيبتي وسلميلي على خالتك :d |
اقتباس:
يــــــــــــــــــــــارب يا كريــــــــــــم يسمع منك :15: ان شاء الله ما رح أقصر بالدلال بس أطلع حامل :25: على فكرة الحين مرت ساعتين من لما عملت الفحص وبدا يوضح الخط الثاني أكثر من قبل وصار شكله مثل الخيط .. رفيع .. ولاحظت ملاحظة ثانيه .. ألم صدري وانتفاخه اختفى بالمرة .. مع ان أمس كان لسه فيه ألم ما أقدر ألمسه .. اللي هو الم ما قبل الدورة ,, وهو يجيني شهريا وما يختفي الا بنزول الدورة!! كيف اختفى فجأة والدورة لسه باقيلها يومين!! شاكرة مرورك خالتو مرة ثانيه .. دايما يسعدني انك تتواجدي بمواضيعي ^_^ وأسأل الله أن يفرج همك ويسعدك .. اللهم آمين |
اهلين ياحلوه ان شاء الله تكو ني حامل بس انا اعرف النو التست حق الحمل لو مر اكتر من 10 دقايق ما تحسبي النتيجه
ان شاء الله تكوني حامل والف مبروك مقدما طمنينا عليكي وعشان تقطعي الشك باليقين سوي تحليل دم يديكي على طول النتيجه الله يسهلك يارب دعواتككككككككككككك ليه ربي يسهل عليه ولادتي تعديل لفظ المشيئه (ان شاء الله)...الاشراف |
في كتير نساء بتيجيها نفس أعراض الدورة من تحجر صدر و مغص و تكون وقتها حامل
طالما الخط التاني طلع يعني خلص حامل إن شاء الله أصلاً الخط التاني دايماً باهت و لا بعمروا كان قوي ما بعرف ليه :25: الآلام إلي عندك بتيجيني لما يكون عندي غازات ، شوفي شو أكلتي بقوليات أو شي يجيب النفخة مبروك سلف :17: |
8
8 فلافـل .. ياقلبي مرسيـه عالدلع ( مستحيه ) نفس كلام بلوند قيرل .. احساسك بتحجر الصدر والمغص .. هاي اعراض الحمل بعد .. ياااااااااااااااارب يكون حمل وتنبسطين ويتمم عليك ياااااااااحي ياقيوم ولو مو حمـل .. ربي يرزقك وقدامك الخيـر ان شاـاءالله .. |
اقتباس:
ان شاء الله حبيبتي بس انا ظهرلي الخط الثاني خلال ثواني في المرتين اللي عملت فيهم الفحص يعني مو بعد ال10 دقايق .. بس صاروا أوضح بعد مدة ما أقدر أسوي فحص دم الحين لأني مخبية على زوجي لحد ما يجي موعد الدورة مشكوورة |
اقتباس:
الله يبارك فيك سلف :d بس هالشهر المغص غير وايد متعبني بس الألم اللي عندي من الإثنين الماضي معقولة غازات لمدة أسبوع ..!! وما أذكر أكلت بقوليات هالفترة :29: خير ان شاء الله مشكورة بلوند :17: |
اقتباس:
آمين يارب الله يسمع منك حبيبتي شاكرة لك مرورك مرة ثانية :d |
يا بروووووووودك ياختي
الف مبرووووووووووووووووووووووووووووووووووووووووووووووو وووووووووووك مقدما خط غامق ولا فاتح .. معناه خط .. والخط معنااااااااااااااااااااه حاااااااامل الف مليون ترليون مبروووووووووووووووووووووووووووووووووووووك |
اقتباس:
الله يبارك فيك عقبال ما تجيبي أخ أو أخت لبنتك لا والله مو برود حلومة بس خايفة ومشككة لأني سويت أول مرة وطلع موجب بعدين سالب وأمس موجب عشان كذا مادري ايش السالفه !! :24: وما أدري اذا أقدر أروح أسوي فحص دم .. وأصلا أشك يبان شي لأنه شكلي لسه بأول أسبوع ان شاء الله بعد بكرة لو ما جت الدورة رح أعمل فحص وأبشركم واذا جت الله المعين :d |
ان شاء الله مب جااااااااايه
تفائلي خيرا تجديه |
أهلاً فلافل
سلامتك ماتشوفين شر يارب الله يكتب لك مافيه خير طمنينا الله يرزقك بااحلى هيا :d |
ان شاء الله يااااااااااااااااااااارب حمل ..
يالله بسرعة طمنينا حبيبتي ربي يرزقك بالي تتمني عن قرييب حبيبتي |
الله يشفيك ياااااااااااااااااااارب وتكوني حامل
بس لا تنسي اطمننيا |
بالعافية
معافاية ياااااااااااااااااارب
|
حلومة & حرم المعلم & نورة & زهرة وعطارد
الله يسلمكم من كل شر عزيزاتي ما قصرتوا الله لا يحرمني منكم ومن دعواتكم الطيبة :17: حرم المعلم زوجي غير رايه ما يبغا هيا عشان كذا غيرت النك نيم :d الحمدلله بفضل الله وكرمه أنا حــــــــــــــامـــل :15: :24: ماشاءالله لا قوة إلا بالله :14: بعد مرور 5 شهور على زواجي من الله علي بالحمل ادعولي يتمملي على خير ويرزقني طفل معافى سليم :15: قلتلكم حتى قبل ما أقول لزوجي عشان بسويله مقاجأة وشوية حركـــات:d :17::17: :22: :14: :17: :22: :14: |
:) :) :)
انااااااا اييييييش قلت يا عااااااااااااالم؟؟؟؟؟؟؟؟؟؟؟ مشكلتك ما كنتي تسمعي كلامي بس هل مشيتي عالايام اللي قلتلك عنها ولا خليتيها عالبركه؟ الف الف مبروك ويتمملك ربي على خير يلا حطيلنا شريط حمل بتوقيعك عشان نتابع معاكي كنا معاكي لما كنتي خايفه ومهمومه ومرعوبه اعتقد المفروض برضه نكون معاكي وانتي فرحانه :) |
اقتباس:
:17::17::17: والله كنتي صادقه يا كرستالة :d مشيت على الحسابات اللي عطيتيني اياها أكيييد بس التبويض عندي تأخر .. لحد اليوم ال15 وانا أعمل فحص تبويض من اليوم ال11 لل15 وكان منخفض وايد وخلصت الأعواد .. أتوقع الحمل صار بعد اليوم ال15 للدورة .. يعني بتاريخ 6 او 7 او 8 يوليو مادري بالضبط عشان كذا كل فحوصات الحمل المنزلية اللي سويتها تعطيني خط جدا جدا باهت :17: مشكورة وايد يا كرستالة والله يرزق باقي البنات اللي ينتظروا الحمل ان شاء الله رح أسوي شريط حمل :d |
الف الف الف مبرووووووووووووووووووووووووووووووووووووووووك فلافل والله داخله لموضوعك ومتحمسسسسه وادعي انك سويتي التحليل او تأكدتي الحمـد لله الحـمد لله الحمد لله ~ الذي بحمده تتم النعم ~ اسجدي لله سـجود شـكر .. وعلمينا شو كـان وقع الخبـر الجميل على زوجـك .. ربي يتمم حملك ويثبته ويرزقك بالـذريـه الصالحه ياااااااااااااااااااااااارب ابـدي ادعي وحصني نفسك وجنينك .. واستودعي الله نفسك وجنينك .. اقتباس:
|
الف الف مبرووووووووووووووووووووووووووووووووووك والله يسهلك امرك ويثبت حملك
|
الف الف الف مبرررررروك
الله يسهل امرك ويثبت حملك |
الف الف الف مليوووووووووووووووون مبروك
كلولولولولولولولولولولوولولولولولولوولش تستاهلين كل خير يا فلافل انتي طيبه وتستاهلين كل خير والله فرحت لج وداخله المنتدى عشان اتطمن عليك مبروك حبيبتي وعليييييييييييييييييييييييييييييك ثم علييييييييييييييييييييييييك بالدعاء ان الله يحفظ لك جنينك ويطلع كامل الخلق والخلقه ويسهل عليك حمله وولادته ويثبته لك الف ترليييييييييييييييييييييييييييييييييون مبروك .. |
مبارك حملك اختي .. واسأل العلي القدير أن يثبت حملك ويرزقك الذرية الصالحة
ويرزق كل اخواتي المحرومات واخواني .. يغلق لانتهاء الإستشارة .. واي استفسارات جديدة يمكنك طرحها في القسم والأخوات لن يقصروا . |
| الساعة الآن 12:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©