|
النساء و طلباتكم
بسم الله الرحمن الرحيم
إلي كل عضو مشارك في هذا المنتدى الرائع و كل زائر لها اقولكم لكم في البداية السلام عليكمـ ورحمه الله وبركاته .. !! ادعو الله ان يوفقنا واياكم في حياتنا وان يعييننا عليهم ويجمعنا واياكم ووالدينا وازوجنا في جنات الفردوس الاعلى مع النبيين والصالحين لا اريد ان اطيل عليكم لكن هناك سؤال اسأله لكل امرأه متزوجه والمجال مفتوح حتى للرجال هل طلبات المرأة لا تنتهي اسمحولي ان اتكلم بالعامية زوجتي و طلباتها او بالاصح حاجياتكم يالنســــاء زوجتي ما شاء الله عليها تحب كل شئ له ماركه فساتين امم بلايز جوالات الحمد لله انها ما تحتاجها كل شهر يعني لازم تشتري كل شهر لا لكن في حاجات استغرب منها انا ما ادري يمكن من عيشتي قبل مع اهلي امي كان لها راتب شهري عشان كذا ما احتاجت ابوي الا في طلبات البيت يمكن عشاني تزوجت وحده تدرس في الجامعة وهي تخصصها عملي وايام الدراسه لازم اروح مكتبه الوان خربطه مدري وشو علي العموم لوازم الدراسة مخلصين منها لكن قبل فترة تقولي ابشتري عباية انا ابعيطكم فكرتي وانتم حددو هل من المعقول انها تشتري عبايه بـ 1000 ريال ( ألف ريال ) شوفو عندها عبايتين انا سألتها قالت لي يا رجال تعال شف في بعضها بـ الفين و ثلاثة قلت طيب مافيه بـ 500 اوو 600 اوو 700 ردت عليّ قالت العباية مفصلتها عشان مناسبات قلت كيف قال للزواجات للعزايم يعني حقت مناسبات وبس بصراحه سكتت سالتني غالي قلت ايه وسكتنا --------------------------------------------- الشئ الثاني جوال : جوالها ما كمل 7 شهور معها وصا جتني تبي بلاك بيري او iPhone شئ غريب -------------------------------------------- فيه شئ عاجبني قبل فتره بصراحه قبل شهر ونص او شهرين اجتمعت هي واخواتها مع وحده تجيب البضائع من برى يعني بأرخص من عندنا في الرياض واخذت من عندي الفين ريال وقالت لي ابشتري حقت العيد مره وحده بصراحه عجبتني لكن معقوله 2000 ريال وشرت اشياء معقوله يا ناس هل لازم اخزن شهريا من 1500 ريال الي 3000 ريال لها انا بصراحه اقول ممكن مبدئيا عشان ماكملنا في زواجنا 7 شهور ف تبي تشتري مادري عشانها تدرس رغم ان فلوس دراستها عايدي ما قلت شئ ومتكفل فيها من ريال اليييين الف ريال لاب توب وعندها الله يرزقنا بالذرية الصالحة لكن مأجلين السالفة شوي نقاطي هي: بصراحه ما ادري يمكن عشان ما تعودت مثل قبل من اهلي ( مثل ما قلت في أول كلامي) كيفـ اوصل لها ترى مهوب كل شهر ابتكفل فيها بصراحه وبدون مجاملات فكرت في حاجات قلت يا رجال اذا ما شريت لحرمتك تشتري لمين بتدلع مين تبي زوجتك تتكشخ لمين كل هذا لي انا طبعا يعني فكرت في كل النواحي ممكن هالسنه بس واذا خلصت من الدراسه بتخلص اغراضها شوي لكن هل شئ طبيعي اذا تزوج احد من اخوانها بتاخذ مني اقل شئ 3000 ريال قيمة الفساتين والخربطة يا ناس علموني هل الاشياء طبيعيه في حياتكم انتم يعني الرجاجيل يقولون الحرمه من اول دكة <<- ياخي هذى زوجتك مالك الا هي دلعها وضبطها لكن كيف .. مدري احتار لا انسي شئ زوجتي حساسه يعني لو بس اناقشها اقول ليش طيب قالت خلاص خلاص مهوب لازم تشتريلي انا اباخذ فلوس وابشتري طيب تعالي بنسولف .. لا .. تقفل اخلاقها وتنكتم وتقولي هذى عادتي من يومني صغيرة حتى مع امها اذا راحت السوق وقالت لها امها شئ نفس الحكاية يمكنها دلوعه مدري يعني وش الي يخليني ما تناقش معها من ردها البايخ بصراحه علموني ولاحظو نقاطي اذا ما دلع الواحد زوجته من يدلع بصراحه من يوم زواجي ما قد جمعت ولا ريال بصراحه او يعني شوي بس ابي ارائكم كيف الواحد يقنع زوجته باسلوب حلو لاتنسون لما اناقشها واسلوبها من انها تنكتم وتزعل وكلمة خلاص خلاص <<- والله يا هي تقهرني :) الشئ الثاني هي ما تقصر لما اطلب منها شئ من غسيل و حاجات ما تقصر والله الشئء الثالث : كلمتي في انه اذا ما اسعدت زوجتي متى اسعدها وادلعها بكره بيجون بزارين وبياخذون حلاوتها كيف الواحد يجمع فلوسه في مثل هالااياام الصعبه وهالظروف الغاليه اسف جداّ جداّ علي الإطالة احب واتمني كل واحد يعيطني رأيه وتجاربه وجزاكم الله الف خير |
ههههههههههههههههههههههه والله يـانها بربسـه وحاله .. شـوف دامها بــ............. الله يعيييييييييييييينك .. بنات عمـي هجـوا من الفشـخره الي ببناتهم .. لاتـلومها وقسما مجتمـع مرير ,.. احنـا البنات وببيت اهلنـا وربي اقل من المـاركه مانلبس .. يعني حتى بجامة البيت الي ماحد يشوفها ؟! صح شي مو زين وبجد المفروض نتعـود نقتصد ونتقشف لأنه بجد مو عـارفين وشلون تصيـر حياتنا عقب فتـره بس وش نسوي ؟ من شـاب على شي .......................... :( × عندي اقتـراح ... سـواه زوج اختي لها .. كانت مهلكته كل فتـره وربي نفس حالة زوجتـك .. واختي كانت مدلعه وبجد حتى وهي ببيتنا .. والله ماترضى بشي اي كلام .. المهم كان كل فتره شنطه بـ 3000 وشـوز بـ 1000 .. وساعه بذيـك القيمه غير الفسـاتين .. والكوافيرات آخر شي هو بغى يموت على انـه مقتـدر مالت عليه .. بس اخر شي قالها بعطيك مصـروف 1000 ريال .. احرقيه اكليه ضيعيه مالي دخل .. تصرفي فيـه .. انا ازيـدك عليه .. اذا شفت انه يحتـاج زي كسـوة العيـد .. والمنـاسبات .. غير كذا حتى جوالك تسددينه منه .. وصارت تقتصد وتجمع فلوسها عقب ماكانت مفرفطه فلوس رجلها .. وبعدين زوجتـك عندها مكافئه صح ؟! خلاص انت ادفـع 1000 مصروفها وهي تسدد جوالها .. مع المكافئه تحمد ربها .. وتبوووس يدها وجه وقفا .. واذا تبي شنطه غاليه ولا سـاعه .. قولها من مصروفك جمعي .. او ادخلي جمعيه مع خواتك 3 شهور ( فيس بضحك هههه ) وجمعي 3000 واشتري احلى وارقى شنطه ... يعني علمها شلون تقتصـد ولا اقـولك سوي فيلم عليها مثل مانسـوي عليكم افلام <<<< خربت اووم الخطه الموهيم .. يوم ونسها وطلعها تتمشى وطول هاليوم لاتقصر بأي كلمه زينه ولارجعتـوا البيت اخرشها .. وقولها ابيتس بكلمة راس .. ولا جـات اقعد تمسكن ونزل دمعتين <<< صح قويـه بس وش تسوي عشان يتقطع قلبها وقولها انا ظروفي كذا وكذا وعندي ديون وانا ماقلت لك السالفه لها يمكن 3 شهور وانتـي ماتدرين تذكرين ذاك اليوم الي عصبت فيه <<< جيب اي يوم كنت زعلان وارقعه بالسالفه قولها ذاك اليوم خسرت اسهم ههههههههههههههههههه ولا كنت متسلف من واحد قبل العرس واذاني وبس يبي فلوسه وانا مو قادر اعطيه خلينا نقتصـد ونجمع كم قرش وانا بعطيك بالشهر المبلغ الفلاني <<< انت حدد الي يخـارجك .. يعني اتوقع تقعد تصيح معاك هع .. لازم وضروري هي تحس بالمسؤوليه .. صح تـدلع زوجتـك وكل شي .. بس بعـد هي لازم تراعي ضـروفك حشـا قلبت صـرافه لها .. قولها عشان تكشخين .. ومن خاطري بجيب لك شنطتين بالسنـه .. وحده بالعيـد ووحده بالصيف <<< طبعا اقصد الشنط الغاليـه الي هي تحب تشتريهم .. يعني مافي زيكم يالرجال تعـرفون تلعبـون بعقوولنا واحنـا مساكين ندربي روسنـا ونصدق هههههههههه الله يوفقكم ويصلح حالكم يااااااااااااارب |
برد مختصر هو شيء غير طبيعي عند البعض و عند البعض طبيعي جدا و ينظر لهذه الأسعار التي كتبتها بأنها بسيطة هل هي من عائلة مرتاحة ماديا ,,,إذا كان نعم فصعب تتغير و لو انه ممكن و إذا كان راتبك و حالتك المادية ممتازة جدا , فليس هناك مشكلة إذن يعني هل هي تضغط على ميزانتيتك بشكل مزعج |
المسألة بسيطة و حلها ابسط ...
تناقش مع زوجتك و اتفقوا على مصروف شهري يكفي متطلباتها و لا يستنزفك مالياً .. و قولها هالمبلغ ملكك بكيفك تدخرينه تصرفينه انا مالي خص .. لكن مالك ريال زيادة على هالمبلغ فضبطي حساباتك و جدولي اولوياتك .. قولها ايضاً انا رب الاسرة و مسئول عن المسكن و المشرب و التنقل و مصاريف العيال و دراستهم ... الخ .. غير الادخار للزمن و بيت العمر فمو معقول يروح راتبي كله لزينتك و كمالياتك بالسياسة و الهدوء تنحل مشكلتك باذن الله |
بالكلام اللين ممكن بجلسة هادئة انك تفتح معها الموضوع و تشرح لها انه انتم بأول طريق زواجكم و انه الحمل عليك شوي ثقيل و لازم توفر مصروف معين تتركه للظروف الصعبة او لـ..... (حسب حاجاتكم)
و انه هالشي رح يكون صعب طالما مصروفكم متل ما هو و اطلب منها بشكل مباشر انه تخفف مصروفها مصروف زوجتك عادي عند ناس و عند ناس مو عادي لكن ما ممكن تحاسبها و تطلب منها تعيش متل عيشتك انت الرجل مصروفه أقل من نواحي الملابس و المسلتزمات الشخصية و بطبيعته الرجل لا يفكر بالتغيير كما تفكر المرأة فاتركها على حريتها لكن اطلب منها تخفف شوي من النواحي اللي ممكن تخفف منها مثلا تجديد الجوال أو شراء فساتين المناسبات (اطلب منها تبحث أكتر و أكتر لعلها تجد شي أرخص ) و مو ضروري لكل مناسبة فستان ممكن تكرر انت كن كريما معها لكن اطلب منها تكون بالمقابل مزوقة معك زوجي كريم معي - الحمد لله ما شاء الله - و ما بناقشني بشي لما بسأله ليش ما بتناقشني بمصروفي ؟ بقلي المثل ( إذا صاحبك عسل لا تاكله كله)... بضحك و بقله حاضر المواضيع المادية حساسة شوي و بدها سياسة خصوصا انكم بأول زواجكم و مو متعودين على بعض لكن اللي أوله شرط آخره سلامة اطلب من زوجتك أمر واحد فقط و هو المرونة يمعنى انه اذا أحوالك المادية مرتاحة قل لها انك ستكون كريم معها لآخر حد لكن يا زوجتي انا لو صار معي ظرف مادي و ساءت أحوالي بتقدري تتأقلمي ؟ هون ببين حبها لك خد منها وعد انها تكون متفهمة لظروفك على كل أحوالها و متعاونة و فهمها انه مستقبلكم مشترك و مصلحتك هي مصلحتها و ان شاء الله كله بنحل بالتفاهم |
المشكلة ما يكون صرف المشكلة يكون إسراف و تبذير
|
شكلك مطاوعها مرة خصص لها مصروف شهري حسب راتبك وارتح واطلب منها توفر منه للمناسبات واشرح لها وضعك وحاجتك للمال لتوفير سكن المستقبل
|
خصص لها مصروف شهري حسب قدرتك
ولازم تجلس معاها وتتفاهمون بالحسنى بعدين عبايه ب 1000 ريال والله أنا عباية المناسبات أخذتها ب 350 وعباية السوق قسمن بالله ب100 ريال وشايفتها كثيره على السوق بعد هههههههههههه أصلح الله حال المسلمين في كل كل مكان |
حرام وبكرة الله بحاسبكو ياجماعة
شو الي يشتري حذاء ب 1000 ريال و مدري شو ب3000 الف إن المبذرين كانوا إخوان الشياطين والله بشوف ناس في الشوارع بشحتو عملات نقدية مابتعمل اشي بالمرة يعني بس بالنسبة الهم مبلغ بدورو علقمة خبز شوف انت حسب امكانياتك اعطي زوجتك وكلمها بصراحة وقلها حبيبتي مش قادر حاليا اجيبلك الشغلة الفلانية بعدين ازا عندها جوال وبدها جوال تاني مالو داعي حسب الحاجة يعني عندها عبايتين بدها عباية تالتة اوكي ممكن نفسها تغير بس انو تكون 1000 ريال فهادا حرام انت حسب الوضع اتصرف ممكن تيجي تقلك بدي بيجامة بيت ب1000 ريال والله مصيبة قلها مو لازم بيجامة البيت ماركة لانو ماحد شايفك في اشياء حلوة و مش ماركة وسعرها معقول اما المبالغ الي تطلبها زوجتك حرام وبكرة الله بحاسبك انا مابقول مانشتري والله كل النساء بحبو الشرية والسوق واولهم انا لكن انا والله بروح احيانا السوق ومعاي مبلغ واشوف شغلة تعجبني كتير لكن تطلع غالية وبقدر اجيبها بالفلوس الي معي لكن استخسر يعني ممكن اشوف بيجاما غالية جدا ومعي مصاريها لكن اقول حرام بالنهاية هاي بيجاما ازا بدها تشتري حذاء لشو يكون 1000 ريال مصيبة صراحة انا والله اكتر من 50 دولار لا يمكن احط حق حذاء وكتير ومبالغ فيه بالنسبة الي الوحدة لازم تراعي مشاعر و ظروف زوجها لما يكون معاه مصاري وفائض ومحوش كتير والوضع تمام تطلب بس لما يكون عالحديدة تفلس فيه ليش بكرة جاييكو اولاد ان شاءالله وازا بدكو تعيشوهم حياة كريمة وماتحرموهم من اشي لازم من الان تعملو حسابكو كلم زوجتك وان ماعجبها حطها تحت الامر الواقع يعني زوجتك بتصرف شهريا 1000 دولار؟والله الله مابرضا اقسم بالله اقسم بالله في البلد الي بعيش فيه عائلات طويلة عريضة ام واب و اطفال عايشين ع 100 دولار مساكين بحزنو وبالاخر زوجتك تصرف 1000 وزيادة في الشهر والله انو رب العالمين مابرضا وزي مقلتلك كلنا بنحب نشتري ونصرف احنا النساء صراحة انا بموت في التسوق والشراء لكن براعي ظروف زوجي وفي حدود في امور تستحق مبالغ وفي امور لاتستحق تخيل يعني زوجتك تقلك بدي بلوزة ب1000 ريال لاتطاوعها حتندم بعدين |
بصراحه انا مرأه وبرضوا لنا مجتمعنا ونحب نظهر بالشكل اللائق لكن بحدود حتى لو زوجي مقتدر الوحده تفكر في الي جاي
خصوصا اذا الوحده مو موظفه عن تجربتي في بدايه الحياه الزوجيه يكون الوضع حوسه والمفروض انت الي ترتب وضعك لان الدنيا مو مظاهر وبس بكره بيجيكم عيال وبتزيد المصاريف اتفق معها يكون فيه مصروف شهري لها بالي يناسبك وحتى الجوال يكون بحد ائتماني ولازم تكون حازم شوي لان الوضع بيدك انت والمره لو عليها ماتقصر تبي زياده يمكن هي تبي تعلمك على وضع معين في الصرفه لكن معليش حتى لو يزعلها اضبط صرفيتها من البدايه الين تتعود وتعرف تصرف بحدود والمرأه الذكيه تعرف كيف تتصرف حتى لو مصروفها محدود |
والله يا اخي الي يحكمهااا انت ووضعك المااادي
يعني اذا رااتبك كبير ويتحمل مصروفهااا وانت ماعندك مشكلة لية لااااا والكل يعرف انة مجتمعنااا طبقاااات يعني هي من طبقة معينة لهم عرف معين اما اذا عندك ظرف مااادي كلمهااا وقولها بخصص لك مصروف شهري وقدرة؟؟ وانتي صررفي عمرررك لأنة ظرووفي ما تسمح ازيدك وفهمهااا انة اذا ربي كرمك ورزقك رااح تعوووض عليهااا ترى الحريم ينبسطوون بالكلمتين هذي حتى لو انت بقرارة نفسك عااارف انك مطووول ولكن اسمة تطمنهاااا انها في المرتبة الاولى عندك وانهااا لو وقفت معااك وسانتدك رااح تزيد مكاانتها عندك وهي كماان راح تنبسط انهااا محط ثقتك ولكن المشكلة اذا كااان عندهااا هوووووس وهذي للاسف مشكلة بعض النساااء تعطيهااا وتعطيهااا وتظل عندهااا اشيااء ناااقصة :eek: الي اعرفة انة مررض وشفت براامج كثير عنة ((الهوس بالتسوق )) وهي انهم ينفقوون اموااال طااائلة بأشيااء ما يستفيدون منهاااا او متعة الشراء لغرض الشراء فقط وبعد ماترجع تستغرب من نفسهاااا يعني الان عليك بالاتي ::: تعرف ظروووفك وتقرررر اذا انت حمل مصااارفيها كمل وكاان الله بعونك اما اذا مووقادر تتحمل وقفها عند حد معين من الان حتى ما تتمادى بكررة وتصير مشكلتكم الدااائمة الماااادة وترااقب تصرفااتها اذا عندهااا هوس او لااااا الله يوفقك وييسر امووورك مع زوجتك يااارب |
اقتباس:
الي اعرف يا ابو نوره ان المراه بداية الزواج تكون قد اشترت كل احتياجاتها من مهرها واستغرب هذه التصرفات في هذا الوقت بالذات ابي افهم بس وين راح المهر ؟؟ |
شكرا للجميع .. !
بصراحه الله يعطيكم الفـ عافية علي مشاركتم معي بخصوص هالموضوع
فيه نقاط حلوه ذكرتوها لكن ابكون واقعي معكم وش اسوي بوحده ما تحب النقاش شوفو بصراحه بعض الاحيان ما تقصر لكن اكثر شئ فلوس لما اجي اناقشها ولو شوي علي طول تفكيرها خلاص شكلك ماتبي تشتريلي عارفه وتجي عقبها كلمه اكرهها فيها خلاص خلاص وش الي خلاص بعض الاحيان اقووم وامشي بصراحه واطقع ما اشوف اهي واسمحولي علي الكلمة لكن من جد قهر احس وعطوني رايكم لما يكون عنده فلوس هل بيقول لزوجته لا يعني افكر بعض الاحيان اني اردها لكن مااااااااااااااااش ياخي هذى زوجتي وابي اسعدها لكن بحدود المقعول عندي كذا نقطه وساعدوني والكلام للنساء لما تكون زوجتي من النوع الي ما تحب النقاش يعني مثل ما قلت لكم عشرين مره كلمه خلاص خلاص <<=- بالله وش تبيني اسوي (تدرون بعض الاحيان اصير ادر عليها بنفس ردها عشان تسكت ولا عاد تتعودها قدامى ) هذا شئ الشئ الثاني مصاريف الزواجات من خربطه مكياج وتسريحه ومدري وشو يعني في هالشهرين الي طافو من هالزواجات بصراحه 1300 ريال عطيتها حضرت زواجين والظاهر حفله وكل مره تبي 400 ريال تكليفة تسريحه مع مكياج مع مدري وشو اتوقع هذا شئ طبيعي لان الزواجات لازم تحضرها بتقولون ليش لانها اغلبها من اقاربي وانا الي جابرها الا الحفله ( كانت حفله تخرج) ما علينا سؤالي هل هذا شئ طبيعي يعني في الصيف بتكثر هالصرفية الشئ الثالث : ابي اعطيها راتب شهري مثلا 1000 ريال واقولها اشتري الي تبين لكن من جد ليش اعطيها وبعض الشهور ماراح تشتري شئ يعني انا احوج لها فـ هل فكرتي انوه ماعطيها شئ بس مصاريف السوق علي والشئ المهم بس اسف علي الاطاله لكن ابي ردكم بأسرع ما يمكن الله يوفقنا واياكم في الدنيا والاخره شكرا لكم |
غريبه والله
تقول ما صارلكم 7 شهور متزوجين أجل وين تجهيزات العروس؟ المفروض لليوم تستخدمها!! انا ظليت سنه استخدم اغراضي وبعد مو كلها ؟؟ دلع زوجتك يا اخي بس بالمعقول |
السلام عليكم
بعض الرجال يكونو مبذرين فيتزوجو فتكتشف انه استطاع ان يؤمن المستقبل وذلك بفضل الله ثم بفضل زوجته لانها تنظر للمستقبل وتقتصد في طلباتها اللي ماتطول ......... اما البعض والشكوى لله تجد اولى اهتماماتها انها تلبس وتتمكيج وتلبس ماركة وتهدي اغلى الهدايا وبعد ذلك تجي وتقول بخيل واذا قلت لها لايوجد معي شيئ زعلت واذا ناقشتها لغرض المستقبل رفضت النقاش .............. اتمنى ان الزوجة هي التي تدير البيت ان رات زوجها مبذر تمسك على يده وان تعينه هي على نفسها وطلباتها ......... اخي انا ارى ان تعطيها في احدى الايام مرتب شهر كامل وتجعلها تصرف الامور لمدة شهر لعلها تعرف قيمة الفلوس ........ |
انا ما اقول الا انك حبيب !!!
اجل عباته 1000 ريال !!!!!!!! الله يوفقك !!! |
اقتباس:
ثم المصروف الشهري يريحك و يعطيك مجال لتنظيم الانفاق و التخطيط للمستقبل ... كما انه يغير سلوك زوجته و يجعله تنظم نفسها و مشترواتها و تعرف كيف تخطط لمصروفاتها |
أخي الفاضل ( أبو نورة ) ...
& قبل ما تقرأ الردود.. ... تأكد أنك (حازم وقادر على التطبيق)... لأني أقرأ من وراء سطورك >>> لينا وبعدا عن الحزم >>> أتمنى يكون ظني غير صحيح ... & كل الردود السابقة وأنا منهم اتفقنا تقريبا أن ما تطلبه زوجنك مبالغ فيه لأنها تعرف مستواك المادي حتى وإن كانت عند أهلها (مُترفه) فأكيد هي تعرف دخلك المادي قبل ما تتزوجك والمرأة العاقلة تفرق !!! & اتفقت أغلب الردود السابقة بتخصيص مبلغ معين شهريا أيا كان لأنه بيرتب وضعك المادي و (1000) ريال مو كثير بالعكس لو ترفعه شوي أحسن عشان يتناسب مع صرفيتها .. وهذا شئ راجع لك ... & وبالنسبة لإسلوبها (خلاص خلاص) >>> افتح معها موضوع تخصيص مصروف شهري في وقت مناسب تكونوا رايقين وليس في وقت ترفض لها طلب وإذا اتفقتوا بإذن الله ماراح تسمع منها ( خلاص خلاص) !! وأنا معاك 100% بتدليع زوجتك ولا تزعلها لكن فرق إنك تدلعها على حساب وضعك المادي وعلى حساب نفسيتك والشاطر يدلع زوجته ولا يخسر نفسيته وبينهما خيط دقيق ستمسكه قريبا بإذن الله ... وفقك الله وسخر لك زوجتك ... تجربة : بحمد الله عشت في بيئة مترفة نوعا ما وأهم ما فيها أن والدي لم يرفض لنا طلبا بل بالعكس كان يعطينا فوق حاجتنا وتزوجت رجلا مديونا وقد لا تصدق إذا ذكرت لك أني عشت معه 4 سنوات لم أطلب منها مالا قط إن أعطاني رضيت وإن لم يعطيني سكت مع أنه كان بخيلا .. لا أدري هل هذه النماذج أصبحت صعبة في الأجيال الجديدة والله خفت على عيالي مين بزوجهم إذا أغلب البنات كذا !!!! |
بالنسبه لموضوع ردها بكلمة خلاص خلاص
هذا رد اختي اللي ينرفز لما نرفض لها شي في الاول كنا نناقشها ونحاول نفهمها بس مقفل الحين لما تقول خلاص نقولها تمام خلاص انتهى الموضوع فكيتينا من النقاش وعوار الراس وقامت بعد فتره ما تعيدها لانها هي اللي تخسر في النهايه لما ما يكون فيه نقاش وموضوع الفلوس يا اخوي نحن ما نقول ابخل عليها لا عندك؟؟خير وبركه عطها وستتها....ما عندك..لا تضغط على نفسك..وضحلها...لانها بعدين بتتعود على عدم مراعاة مادياتك عشان كذا انا انصح الحريم في هالزمن يشتغلون ..لانه الاسعار ما عادت مثل اول وراتبها ممكن يغطي كمالياتها .. |
اقتباس:
و ل عطيتها هالمصروف راح توفر الشهور اللي ما تشتري فيهم وتاخد من التوفير و لاتطلب منك لكن لم تقل لنا هل راتبك يتحمل صرفياتها اولا!!! إذا يتحمل و مافيه ضغط عليك خلها تستمتع و تتدلع إذا ما يتحمل عطها مصروف شهري ثابت 700 او 800 على حسب راتبك |
ياخي لازم هالايام مناسبات
لازم ياخي الحين اي وحدة تنعزم لازم تروح تسوي مكياج وخربطة على قولتك ياناس انامايد الاسراف حدد له مصررررررروف شهري وعطيهاااياة بس لازم تزيدة بالاجازة ياخي كل شيء غالي وبعدين لبس للجامعه يختلف عن لبس الطلعة وبعدين هي طالبة لازم تستهلك ادخل السوق انت وشف الغلا ماقول لك لاتجمع الزواج مسولية بس عاد شتسوي قلهاا خيرالامور الوووسط مولازم الجوال يتغيردايم بين فترة وفترة حاول تعزمهاابمطعم هادي وتنتاقشون وان شاءالله تووصل لحل صراحة 1000 يالله وشتسوي مكياج غالي ولبس غالي واكسسوارات 200 ريال ماتجيب لك 4 اشياء اناصديقتي صرفت 5000 في زواجين ومع ان عندهاا لبس زواجين شرت فساتين زوجين وجزم الله يكرمك حتى الشوز غالي اقل شيء ب100 ويالله تمشيء احتسبهاصدقة وربي يبارك لك فيك فمامعنى الحديث |
والله المفروض تمشي على المثل القاائل
((مد رجوولك على قد لحااافك )) يعني اذا رااتبك يتحمل 1000 ريااال خير وبركة اما اذا ما يتحمل لا تظغط عمرررك اعطيها اقل انا معاكم انها ممكن ما تكفي لكن ايش تسوووي هذي ظروووفك والمفروض تتحملك انت زوجهااا بكرة بتجيب اولاااااد بتكون المصاريف دبل لازم تتعلم انة مو كل شي لهااااا بس وبعدين في الصيف لاتستغرب الزياادة الحااصلة لأنة موسم زوجاات وهدااايا ومجاملااات يعني بحبح يدك شوويتين معها في الصيف وبعدهااا خلاااص مشيها على مصرووف معين جوااال<<<< قولها مو وقتة بعدين ان شاء الله اعووضك بواحد احسن معليش يعني لازم يكوون فية تعااون بين الزوجين في الماادياااات والمستغرب اكثر انة مالهااا 7 شهوووور يعني المفروض تكون اكثر حياء بطلبااتها الله يوفقكم يااارب |
نصيحتي
اخوي ابو نورة
نصيحة من قلب مسلم الى قلب مسلم ان شاء الله اعلم ان ماتواجهه مع زوجتك ليس وليد اللحظه وليس وليد تجربتك بل هي من مخلفات المجتمع هذا الخلق لدى زوجتك هو مابنته اله الاعلام من مجموعه قنوات ام بي سي وما شابهها ولا ننسى قله الوعي لدى الوالدين في تربيه ابنائهم .... والنتيجة هي ابناء وبنات كما ذكرت انت في تجربتك ماذا تتوقع من التسكع في الاسواق منذ متى ونساء الاسلام يتمشين في الاسواق بدون محارم منذ متى ونساء الاسلام يذهبن للقصور بداعي الاحتفال بالاعراس ليعودو مع الفجر تاركة زوجها الا تعلم زوجتك ماذا قال الرسول صلوات الله عليه وعلى اله وسلم عن طاعة الزوجة لزوجها قال لها ان جنتك ونارك هو زوجك فكيف تثقل زوجها بمصاريف كماليه سخيفة ما انزل الله بها من سلطان هل من خلق المراءه المسلمه جوال بلاك بيري هل من خلق المسلمة ماركات غربيه فاذا فقدت القدوة توقع ماشئت فاليوم غابت فاطمة الزهراء وخديجة بنت خويلد رضي الله عنهم من قلوبهم وحل محلها ام بي سي وبلاك بيري والفنانين والفنانات واوبرا وينفري اعلم ان مشكلتك هي في قوامتك قال تعالى ( الرجال قوامون على النساء بما فضل الله بعضهم على بعض وبما انفقوا من اموالهم) راجع نفسك اخي المسلم والله الموفق... |
انا زوجي كان يعطيني 300 ريال مصروف وبالعقد اتفقنا نه 500
وصبرت عليه وباخر الشهر اعطيه ميتين حقتي يعني ماستخدم غير 100 وهو راتبه 5000 تقريبا ... عنده سلفيات وقروض ... بس هو مسرف وحاولت اخليه يجمع مافيه فايده وياخذ مكافأتي ولايرجعها ومصروفي مايعطيني بس بالعيد يعطيني الف ويالله تكفي عبايه وملابس واحذيه وشنطه واكسسوارت بس والله قهرررررررر ذ1000 ريال لعبايه لايكون تشتري عباة كتف؟؟ عموما حتى عباة الكتف عندنا رخيصه وعباياتنا بحدود 80 ريال و130 ريال بمنطقة الاحساء والدمام كذلك ........والله في اماكن رخيصه وشكلها ماركات ...... ليه تتلعمها تبذر شوف انت كلمها قبل تطلب منك غرض عشان ماتقول خلاص مابيه قول لها بوقت تكونون متعشيين برى وقايل لها كلام حلووو وكلمها بحنيه وان عندك كلام بتقوله وخايف انها تزعل وقول لها عن وضعك وان ماخذ قرض او مستلف من اصدقائك ومايكفيك فلوس وقول لها والله وديي ادلعك حتى لو ماناكل غير خبز وماي حتى لو اقعد حافي منتف عشانك بس والله ودي تراعيني ليما اسدد اللي علي وكذا من هالكلام لان والله عندنا السوق ارخص ولا تخليها تفصل دام التفصيل عندكم نار |
على فكرة الاحذيه عندنا ب 15 ريال بمحلات حذائك
وبعض المحلات 10 ريال وروووووووووعه حتى للرجال والاطفال والماركات ب100 وشوي واقل....... نادر يوصل للالاف.....شنطنا الماركه ب100 و300 وكذا بس انا اشتري حلوات ب 25 ريال وان زاد 45 ريال |
هلا أبو نورة في عالم المطفرين
ضحكت على موضوعك بس مب شماتة ،، أعوذ بالله لكن حسيت أنك متزوج أختي ،، ورحت طليت في البيت و تأكدت أنها موجودة عندنا آآآآآخ يا فرحة ما تمت حبيبي أبو نورة مجتمعنا خاوي من الداخل لذلك تقلى الناس تحاول تظهر النعمة و الغني و يجارون و يتجاكرون في هالمجال عندنا المقياس هو المظهر و الغريب تلقى كلما كان الواحد طفران أكثر كلما ركز على نفي هالتهمة عنه بالمبالغة في الشكل و اللبس كله نفاق و توجس و الدليل أن الحرمة إذا جت مناسبة راحت للكوفيرة عشان الاستعراض و الخوف من كلام الناس و الا زوجها إلي مفروض الزينة تكون له ظزززززز فيه لا حقين عليه |
طلبااتهاا كثثثيييرة الصراحة
ما لك الا الحزم ... كن حازما ... حدد لها مصروف شهري محدد وخلاص ما تجي تطلب منك لا ثمن جوال و لا تسريحة و لا يجحزنون بين لها ظروفك .. بتزعل يومين و ترضى |
يا اخي ...
اذا انت الله رازقك ومنعم عليك ... وحاس ان متطلباتها ما تأثر ع الميزانيه ... عطها بدل 1000 خمس الاف لكن بما انك جيت هنا معناه انك تعاني وقاعد تضغط على نفسك بشيء مرهقك ماديا ونفسيا .. وشو اللي تطلب منك 3000 ولا 2000 ... اذا كانت هالشهر تبي عبايه ... اكيدالشهر اللي بعده لا ... يعني المفروض شهر تحتاج فلوس وشهرين لا ليش ؟ لانها لازم ترتب احتياجاتها ... وبالنسبه للكوافيره موضروري ... هي مو توها صغيره ... يعني تعرف تستشور وتعرف تحط مكياج يعني مو كل مناسبه صالون ... انت الحين عطاك لها مو ... مو مبين في عينها ... لان كل ما تطلبك تقول اوكي... يعني بالعربي هي تنهبك.. ما اقول لك لاتدلعها ... ودها ,.. جيبها ... بس بحدود اللي تقدر عليه ... وبعدين هي توها متزوجه يعني مو محتاجه كل شيء عندها ... اجل وين ودت مهرها ... واخيرا ... عطها الف كل شهر ... يدبرها ... وتحاول توفر منه للمناسبات ... ترى الرمح من اول ركزه ... لا تخليها تضن انك صرافه وبس ... وبعدين وش اللي تغسل .. وتطبخ ... اجل هي وش واجبها ... تنام معك بس:d شوف ... انت فهمها بالهون ... واكيد انها تحبك ... وبتقدر موقفك ... واياها تتهمك بالبخل ... لنك ما قصرت معها ... وانت جرب اللي قلنا لك علي واذا قصرها بتطلبك ... مع اني واثقه انها بتطلب منك لو مايقصرها ... وماراح تلجأ لمكافأتها لانها تبي تعودك ع الصرف ... ( زوجك على ما عودتيه وولدك على ماربيتيه ) واخيرا الله يوفكم ... ويسخرها لك |
على النساء ان يدركن ان الزوج ليس مصباحاً سحرياً قادر على تنفيذ اي طلب و لا بنكاً مركزياً تغرف منه المال الى مالانهاية ..!
الاخ صاحب المشكلة يقول ان مصروف الف ريال شهرياً قد يكون كثيره عليه فتأتيه الردود لتطالبه بريادة الالف لان الاف قليلة ,, و لا ادري بأي منطق يرون ان الالف قليلة بدون معرفة راتب صاحب المشكلة و على الرغم من انه لمح الى ان الألف قد تضغط عليه .. يضاف الى ذلك فقد ذكر ان زوجته طالبة جامعية و هذا يعني ان هنالك احتمال انها تأخذ مكافأة !! انا ارى ان الف ريال مصروف شهري تعتبر جيدة و كافية حتى لو لم تكن الزوجة تستلم مكافأة جامعية فما بالك اذا كانت تستلم مكافأة ... و اذا كانت الألف تضغط على الزوج فلا يكلف الله نفساً الا وسعها .. بامكانه انقاص المبلغ على حسب قدرة مع مراعاة الحد الادنى الذي يكفي الزوجة (بدون بذخ او تبذير) انا انصح جميع الازواج بتخصيص مصروف شهري ثابت للزوجة يكون بين 15% و 20% من راتبه .. يعني اذا راتبه خمسة آلاف يعطيها الف ,, و اذا 7500 يعطيها 1500 ,, و اذا عشرة يعطيها الفين ,, و هكذا و الزوجة بكيفها تصرف مصروفها كله تدخره كله .. لكن لازم تعرف ان مالها غير هالمبلغ فترتب صرفياتها و تضع اولويات .. و انصح النساء ان يكونن قنوعات و متفهمات و يبعدن عن التبذير و استنزاف زوجها مالياً لان ذلك سيعود سلبياً عليها و على اولادها في المدى المتوسط و البعيد .. كما يجب عليهن ان يكن واقعيات .. يعني وحدة زوجها راتبه اربعة آلاف ريال و تقارن نفسها باختها اللي زوجها راتبه 20 الف و كل ما جاب زوج اختها شي او اهداها شي حنت على راس زوجها تبي نفس الشي و اذا ما جاب لها هالشي اتهمته بالبخل و في المقابل تمدح زوج اختها و تصفه بالكريم رغم الفرق الشاسع في الوضع المادي بين الاثنين !!! ما دمر الاسر و كثر المشاكل بالذات في مجتمعنا الخليجي الا المقارنات السلبية و عبادة المظاهر و النفاق الاجتماعي.. الجميع نسى ان القناعة كنز لا يفنى .. و نسوا مقولة مد لحافك على قد رجليك |
أشكــر الجمــيع
الله يعطيكم الف عافيه لكل شخص شارك بها الموضوع
لا تزعلون من الردود واسمحولي ادخل بالموضوع مباشرة أغلب الردود الي شفتها منكم : تبوني اعطي الحرمة مبلغ معين شهريا وما عليّ منها تتكفل فيها باللي تبيه بخصوص المشتريات الي تقولون عنها انتم كل واحد قعد يحدد لي سلعه معينه وشئ معين طيب ابي اقولكم شئ هل سالتوني كم عمر زوجتك <<=- فكرو فيها وانتم اكثر شئ يالبنات ( من عمر 20 الييييين 25) وانتم بتقعدون ورى الموضه والخرابيط -- ومن عمر 25 الين 30 يعني شوي شوي يكفيكم وبهذا العمر يقدر الواحد يتحكم فيكم ) ليش ما تقولون ان العمر يحدد هالشئ هل هي تدرس ولا لا <<=- قصدي مو اذا هي في الجامعه اكيد انها بتقعد تلحق ورى الموضة واذا شافتها متكرره قاامت وتركت هالشئ وقعدت تدور بشئ ثاني بخصوص الفلوس <<<=-- الي خلاني اتكلم عنها و ابقولكم اياها بصراحه واكتشفتها بنفسي انه ما عندي الخبره الكافيه في هالموضوع انا عمري 26 سنه واهلي ما قد قالو لي ولا فتحو لي بها السالفه بخصوص الصرفيات والروحات والحوسه بتلوموني <<<--- علموني هالحين وش اسوي إلي كل شخص بها المنتدى بصراحه يوم اكتب هالموضوع كنت ضايق صدري عشان بس موضوع الف ريال وحق عبايه طيب هال الشهور القادمه واجزم بأنها بتكمل سنه بإذن الله هل زوجتي بتطلب عباية ثانيه قولو لي ؟؟ يا ناس كل واحد وله مصروفه يعني ممكن الواحد يخصص شئ لكن ابكون واقعي شوي يا ناس ليش كل واحد اذا جاء عنده ضغط نفسي بخصوص الفلوس قعد يفكر ومن يشاور ومدري ايش ويسجل بمنتدى عشان يفضفض والي يقهر زود تجيك ردود مغايره عن عاداتك وتفكيرك واسمحويل يالبنات انتم بالذات مو كل وحده تجيها يوم وتنقهر و تتمنى انها هالشئ وبتحصلون نفسكم تسوون اشياء لازواجكم لمجرد بس انكم تحصلون عليها وبعدييييييييييييييين ما تعلمون احد بها الشئ لا انتم الي تذكرونها في هالمنتدى ولا شئ نقطه اخيره اقولكم اياها وش الي يردني بصراحه عن زوجتي يا ناس اهلها اقصد ( ابوها وامها ) ماودكم تحطون تحتها مليون خط اذا صارو مملين ومايرحبون فيك بها هالحاله : صح يمكن احوس البنت واتحكم فيها واقرفها بحياتها لكن اذا صارو طيبين ويرحبوون فيك من يوم تجي ويهللون فيك وبـأهلكـ بالله وش تسوي بتستحي بكرمهم بتقعد تقهر بنتهم <<=- ليش طيبـ ؟؟؟ اتمني اني ما اوعلتكمـ بموضوعي لكن هالمنتدى بصراحه خواطر وعسى الله يوفق الجميع لما يحبه ويرضاهـ |
شكلك يا اخ ابونورة مقتنع باللي تسويه و هدفك من الموضوع كتابة مذكراتك و خواطرك ...
ما دمت مقتنعاً بما تفعله و زوجتك ايضاً مقتنعة بما تفعله فليس هنالك اي مشكلة .. و ما دام لا توجد مشكلة او فكرة جديدة او موضوع يستحق النقاش فلا فائدة من هذا الموضوع .. الله يوفقك |
أشكركـ اخوي صقر
اخوي صقرر اشكرك جزيل الشكر علي ردكـ
وعسى الله يوفقنا ويااك في الدنيا والاخرهـ اخوي السالفه مهيب علي اقتناع لكن ابي اعرف هل هالااشياء تصير لاي واحد في هالدنيا يعني مصاريف الحرمه ياخي بصراحه احس لو الرجال الي يقولك لا انا متحكم فيها ومدري ايش احس انها بعض الاحيان غصبن عليه ينفذ طلبها ما ادري هل كلامي هذا صحيح بصراحه يا اخوي صقرر ودي اقولها لا بس مدري وش الي يردني هالااياام بصراحه افكر اشتري بيت وادفع شهريا 5000 ريال لكن هل انا صاحي ليش اكلف علي عمري واحرم عمري من اشياء يعني في اشياء بمخي مدري وشلون ارتبها يعني اهم شئ عندي مصاريف البيت ماعندي مشكله مو زوجتي تصلح كل هذا لي خلاص طيب لكن ارجع واقول هالماركات الي ذبحونا فيها يا صقر قسمن بالله ذبحونا ابشتري هذى وتراها زينه وابي الناس يعرفون اني ابشتريها والبس ماركه هذا الي ذبحني الماركات مسأله ان الواحد كيف يقنع زوجته بالفلوس ياخي من الاسلوب الحسن يعني معليش يا فلانه هالشهر مقدر فلوسي ما تقدر لكن ان شاء الله الشهر الجاي ابشري اتمني اني ما طولت لكن الي تخربطني وتحوسني هالماركات وبيني وبينك يا صقرر مصاريف الحرمه غير الرجال يعني الرجال بـ 100 ريال يشتري الي يبيه لكن الحرمه لا ما تكفيها ولا مليون |
اهم شي اخي ابونورة قناعتك الشخصية ..
اذا انت مقتنع باللي تسويه زوجتك فليس هنالك اي مشكلة و كفا الله المؤمنين شر القتال ,, اما اذا كنت مو مقتنع فعليك ان تقول لها بصوت قوي ((لا)) .. صدقني اذا سمعت منك زوجتك كلمة ((لا)) ستعرف قيمة كلمة ((نعم)) .. ستعرف ان لكل شيء نهاية و حدود .. ستعرف انك لا تغرف من بحر من ذهب .. ستعرف انها لن تستطيع ان تشتري كل ما تريد .. ستعرف انها تعيش في الدنيا و ليس في الجنة ! |
بصراحة أنت تستاهل يلي يصير فيك :d حلو الواحد يكون حنون وحبوب وطيب بس مالهذه الدرجة كل شيء أخي الفاضل زاد عن حده غلط لازم الرجل يكون له شخصية على زوجته يعني من غير المعقول أخي الكريم زوجتك ماتقبل النقاش في هذا الموضوع وتقول خلاص خلاص والله مكانك أنفجر اذا قالت لك خلاص قول لها خلاصين ولاتكلمها ... وازعل وخليها تراضيك ولاتعطيها فلس واحد حتى لاتعيد هذا الاسلوب بالكلام مرة ثانية ياأخي متل مايقولون الفرس من الفارس يعني اذا ماعلمت زوجتك الأن متى تعلمها ترى بكرة بعد مجيئ الأولاد رح تتعب كتير بسبب الدلال الزائد |
اقول والله انك ... >>> مدري وش اقول ..
الحين حايسنا وتشكى ... والحين جاي تقنعنا ... انت وش تبي بالضبط ... يعني تبي تكون قدوه لغيرك !!!!! ... اهم شيء لا عاد تعودها :) :) |
المراة على حسب تعويد زوجها مثلا انا زوجي يعطيني كل شهر 400ريال بس
تشوفونه شوي صح .. بس الحمدلله ربي مباركلي فيه حتى لبسي ماركه مو شرط كل شهر اشتري ملابس ومكياجي ماركه حتى اقاربي ماصدقو ان مصروفي بس هاالمبلغ البسيط يزيدني وقت الأعياد وبس..لأن زوجي يوفر عشان نشتري بيت للمستقبل ان شاء الله فانت لازم توفر لها مصروف شهري وقولها هذا لك تشتري فيه الي تبغى وعبايه ب3000والله حرام التبذير ربي ماقال كذا العبايه للستر للحشمه مااشتريها بهاالمبلغ والله يوفقكم يارب... عذراً : يرجى كتابة لفظ ( إن شاء الله ) كما بين الأقواس . شكراً / الإشراف |
والله الحريم مو واحد انا زوجي كان لما يعطين 3الاف ارجع نصهم اقالي مقتصده لكن كله واحد بكم يالرجال ما قدر ذا الشي والي تمص زوجه مص وما تقدر ضروفه يحطه فوق راسه
|
:eek: :eek:
والله يا اخووي احترناااا يعني مداام انك رااضي بالموضوع وتحس انك ما تقدر تقوولها لاااا سؤال يطرح نفسة ؟؟؟ ليش اخذت من وقتناااا وافكارنااا وكنت في البدااية تستنجد المسااعدة بقوولك عندي كذا نقطه وساعدوني والكلام للنساء وساعدنااك وبعدين تجي وتقوول واسمحويل يالبنات انتم بالذات مو كل وحده تجيها يوم وتنقهر و تتمنى انها هالشئ وبتحصلون نفسكم تسوون اشياء لازواجكم لمجرد بس انكم تحصلون عليها وبعدييييييييييييييين ما تعلمون احد بها الشئ لا انتم الي تذكرونها في هالمنتدى ولا شئ طيب هل انت تعرف ظروفناااا هل تعرف تفكيرناااا هل تعرف اهتمامااتنا علشاان تجي تحكم على البنااات من نظرتك لزوجتك وانهم يتمنون ما تعطيهااا <<<<<ايعقل يااارجل عجيب امرررررك !!!!!!!!!! اصلااا ايش دخل البنااات في الموضوع ؟؟؟؟؟؟؟؟ سوى انهم اعطو رأيهم عمومااا الله يوفقكم يااارب |
ماادري شقولك لكن آنا مثلها واذا عجبني شيء وصار عليه تخفيض طاح من عيني ..
|
لو تكرمتم اخي الكريم .. مو كل البنات كذا .. فلا تعمم
الثقل والعقل هدايه من رب العالمين .. العمر ماله دخل بالماركات بالعكس من شب ع شئ شاب عليه بكرا حتى بناتك أمهم تعودهم ع الماركات ويزيد الحمل عليك أكثر ويطيحون ازواجهم بنفس موقفك أنا راتب ابوي فوق ال10 الاف وكريم على بناته ويعطينا 2000 للعيد .. كنت اشتري كل شئ ب800الى1000 والباقي اشتري فيه هدايا لأطفال اقربائي وحلويات للأطفال في مصلى العيد ويبقى باقي ادخره فالبنك ومين قال عذرها عذر الجامعه ؟ ليش الجامعه محل استعراض ؟ او الماركه تنجح والغير ماركه ترسب ؟ هي داخله تخصص عارضات ازياء او تخصص طالبات علم مستوى جامعي؟ البنت المفروض اشترت ما يكفها سنه كامله .. يمكن وضعت المهر كله في فستان الزواج ؟ (تخيل المهر ف ليله وحده) انا شفت بعيني نوادر من البنات اللي شرت فستانها ب15 الف الى 20 الف !! أنا فستاني قيمته 8ونص آلاف ولم ادفع فيه ولا ريال لانه جاني هديه من صديقتي التي تزوجت في منطقه ثانيه بالعكس تميزت فيه واشتريت لصديقتي طقم ذهب مقابل اهدائها الغالي أنا حاجياتي خليط مابين الماركات(فالاعياد) ومابين شبيهات الماركات في الايام العاديه (المساله مسالة ذوق) ودائما متميزه بشخصيتي واحترامي فأنا من اصنع المجد والصيت الطيب لنفسي .. لا اترك للاقمشه مجال ان تصنعني ومصروفي حاليا 300 ريال .. واوفر منها مفاجأت لزوجي وعزايم مطعم له او احيان اقوله هالشهر عطني 500 واتركني اتكفل بمقاضي البيت يستااانس وهو يقول خلاص خليهم لك ينفعونك اقول ادري لو باحتاج شئ باي وقت ويصير عندك ما بتقصر عني وهالكلام ياثر فيه ايجابيا ويخليه اول ما يستلم شئ من اشغاله خارج الوظيفه حتى لو ريال يجيني ويقسمه بيني وبينه ولما أطلب مبلغ فجأه وكان عنده يعطيني اقول ليش ما تناقشني يقول اثق في عقلك انك بتصرفينه بالمكان الصحيح وبعدين مو كل مناسبه لبس جديد وكوافير !! عادي لو يتكرر اللبس لو كانوا المعازيم غير ودخلها دورات تعليميه تدرسها كيف تزين نفسها بنفسها أنا سنه كامله واحضر مناسبات واعراس .. ما رحت للكوافير إلا في عرس اخت زوجي اسوي مكياجي وتسريحاتي بالبيت واحضر العرس ما كلفت زوجي ولا ريال ولعلمك ام زوجي من اعجابها فيني .. تقول لزوجي زوجتك احلى وحده بالعرس كله (شكل ولبس وذوق واخلاق) ودايم تاخذني عزايم تقول للحريم شوفوا هذي مرت ولدي (مفتخره فيني ) مع العلم انها ملكة جمال واعيد واقول مو كل البنات مثل زوجتك .. العقل والهداية من رب العالمين فانا فقط واحده من شريحه كبيره من البنات المتعقلات .. |
| الساعة الآن 06:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©