|
كيف احافظ على جسمي بعد الزواج
انا متزوج لي 8 شهور اللهم مالك الحمد والشكر على ذلكـ جسمي الى الان قاعـد احاول احافظ عليه بس في الفــتره الاخير حاس اني بادي انتفخ مدري وش السبب وخاصه اني مره حريص على جسمي وقاعد احاوول في فترة الزواج اني مانتفخ او اسمن وخاصه اني ماقدر امارس الرياضة بشكل قوووي لن عندي اصابة في الركبتين ابي احافظ على الارداف والبطن والجوانب .. مانصيحتكم في ذلكـ وشرايكم في الشاهي الاخضـر .. |
يـا هـلا فيك اخـوي رحـال 1
من طولت الغيبات جانا معرس ....:d اخوي الكريم من اللي ضحك عليك وقـالك تـزوج ........؟؟!!!:d أن أقـول الرياضات الخفيفة مثل المشي الخفيف والمدوامة عليه أفضل لك ومثل ما قالت الشاي الاخضر بعد الاكـل والمداومة عليه كمشروب رئيسي إن شاء الله بيفيدك بس .... أعط لنفسك فـرصـة....!!! ، ما يضر تطلع لك كرشة خفيفة ( مطب أمامي ) وهـذه السمنة الخفيفة بعد الزواج شيء طبيعـى...... وإن شاء الله بيفيدوك المتزوجين عزوبي:21: بس:d رجل:30: |
هلا والله حبيبي مشكور على ردكـ واشتقنا لك
كلامك حلو بصراحة مشكور عليه |
: اقتباس:
والله دامك مو قـادر تعمل ريـاضه بسبب ركبتك .. حـول تخفف اكل .. والعشـا لاتتعشا .. الا على الأقل قبل النـوم بساعتين او اكثر ومايكون دسم عشـان تخفف الدهـون .. والشاهي الأخضر مره كويس بس انـا اعرف ناس يشـربوا { شاهي اخضر + نعناع + كمون + جنزبيل ... } وعلى كلامهم انه كثيررر خفف الكـرش ..( المطب الأمامي ) على قـولة عزوبي ... والله يتمم عليك فرحـك .. ويوفقك .. : |
أيش سبب زيادة الوزن عند الرجل بعد زواجه؟؟
زوجي عندما تزوجته كان سبعين كيلو وخلال خمس سنوات زاد حدود الخمسة عشر كيلو الأن وزنه خمسة وثمانين!! مع أنه لايأكل كثير وداخل نادي رياضه |
مشكورين على الردود المفيده منكم
ونتظر باقي الاعضاء |
مبروك ان شاء الله وعقبال ماتزوجون عيالكم
حبيب قلبي عليك برياضه المعده والمشي والعشا خله خفيف مو دسم |
مشكور يامجبور
|
فيه حركات رياضيه بسيطه وسهله وماتاخذ منك وقت طويل للأرداف والبطن والجوانب ،،، بس المشكله شلون اشرحها لك :(
عموماً تقدر تنزل عند اي مركز رياضي ،، وتسأل المدرب بخصوص الارداف والبطن والجوانب واذا علمك عليها تقدر تطبقها في البيت كل يوم (( وانت منسدح )) :22: بس تكفى لاتهمل الموضوع وتتكيسل . |
خيو ...
لا تتعشى .. خلك بس على وجبه الفطور والغداء ... اكل ليما تشبع ... بس عشاء لا ... الشيء الثاني ... ابدأ يومك بلتر ماء مش بارد ... يخفف كثير من الوزن ويحافظ عليه ... حاول قد ما تقدر ما تخلي المدام تطبخ لك مقالي ... ولا مكرونه زلا تكثر من المعجنات .. اكل الاشياء اللي السعرات فيها قليليه |
بسألك اخوي ..
موضوعك يهمني لان الحمدلله اتمتع بجسم رياضي مع اني موقف الرياضة في الفترة الاخيرة بسبب كثرة الاشغال بس هالموضوع مخوفني لان كل الي حاولي زادو من 6 الى 10 كيلو واحد منهم قال السمنه تأتي عن طريق الراحة النفسية يوجد هرمون يفرزه الرجل و البعض اطلق عليه هرمون السعادة هو سبب السمنة سؤال انت تأكل مثل اكلك يوم كنت اعزب ؟ نفس الكمية ؟؟؟ تحياتي |
اقتباس:
كلامك عسل ياعسل .. شلون تشرحها مشوار عليك ياكابتن بروح مركز رياضي واشوف الوضع بس يبالنا الهمه |
اقتباس:
كلامك حلو العشاء مشكلة بس المشكلة الليل نجتمع في الاستراحة :d:d وقبل ماسوي لازم اتعشى |
اقتباس:
يعني مشكلة عسى فاهمت شي بس من كلامي |
قبل لا تنام خذ وجبه خفيفه او ياليت تفاحه بس :)
حافظ على لياقتكـ بمارسه المشي او الهروله شبه يومي ولا تنام العصر بعد الغذاء هذا بأختصار ومبارك مقدماً |
لاتدبغ في الاكل وانت ما تسمن
|
مفروض الواحد ينتبة لجسمة بعد الزواج لأن الوزن الزايد ليس طيب الرياضية فيها بركة السباحة
شاهي اخضر + نعناع + كمون + جنزبيل ... وصفت الاخت الكريمة ممتازة بارك الله في الجميع |
بالفعل الواحد ماياكل وجبة الغذاء وينام كثير من يسويها بس الحمد لله انا مافي امل اكل وجبه وانوم
والشاهي الاخضر ماشي عليه الى الان ممكن مرتان في اليوم اذا ماكان يومياً كوب والسباحة بصراحة ضرويه جداً والمشي بس في الوقت هذا انا ماقدر امشي كثير بسبب الالم الركب الموجوده عندي ولكم تحياتي |
اقتباس:
الراحة النفسيه هي عامل مهم جداُ في السمنه + اغلب المتزوجين ينتظم نومهم بشكل جيد جداً ويمكن يصيروا يقيلوا (يناموا الظهر ) بعد الغداء وهذا ممكن يسمنهم اكثر ( خاصة لو شاربين كوب لبن بعد :d ) لو الواحد معصب ونفسيته زفت وحالته حاله يحرق الأكل كثير وماراح يسمن لكن الحمد لله زيادة وزن الرجال يدل على انه عايشين استقرار جميل وراحة نفسيه الحمد لله وجعلها دووووم يارب =) ... هذا وفيه سبب ثاني اذا الزوجة تنوع بالأكل وعارفة وش يحب زوجها وكل مرة يلاقي سفرة الوان واشكال وبمنتهى الذوق والتقديم والنكة روعة هذا يفتح نفسه ويخليه يستشعر بسعادة اكبر غير انه بياكل كثير =) بالعافية يااارب عليكم يا الرجال ومو مشكلة يزيد وزن الرجل شوي .. بس بلاها المطبات الامامية =( ومافي احلى من الرياضة + الشاي الأخضر + التوازن بالغذاء |
الفعل الواحد يوازن الاكل .. مع الشاهي الاخضر
واهم شي المشي لمدة نص ساعة يومياً |
منكم نستفيد >>>>تبي تكسر على مطبات زوجها:29:
|
لقيت حل .. يمكن يفيد خاصة للمقبلين على الزواج
ليش ما الواحد يحطله ميزان في غرفة النوم وكل 3 ايام يقيس وزنه ويحطله حد معين .. يعني مثلا يكون وزنه 75 .. اذا زاد كيلو واحد .. او اثنين يسوي رجيم ينزلهم وهلم جرا |
مابعرف
عن جد سؤال بحير ولم أستطع الإجابة عليه ويقولون لي غدا عندما تتزوج ستسمن لأني نحيف الله يديم الصحة علينا وعليكن ولسلام |
اي والله انكـ صادق نجيب ميزان اصلي ونجرب الطريقه هذي
|
من اسباب زيادة وزن الرجل او المرأة بعد الزواج ما يلي : - تغير العادات الغذائية فأحيانا يتناول الزوج / الزوجه ما يتوافق مع هوى شريكه - بسبب الراحة النفسية او كما تسمى بالعامية " راحة البال " فالمرأة قبل الزواج نجده نفسها بالتفكير هل سأتزوج ؟ هل سأكون سعيدة ؟ هل سيسعدني زوجي ؟ هل ....؟ و هل ..... ؟ و كذلك الزوج يفكر بالتكاليف و مدى استمرار الزواج ؟؟ و كيف سينفق على اسرته الجديدة و و و و .... الخ لكن بعد الزواج تزول اغلب هذه المخاوف و تطمئن النفس و يزداد الوزن قليلا انصحك برياضة المشي اليومي لمدة نصف الى ساعة كاملة و التخفيف من تناول الأطعمة الدسمة فترة العشاء و التقليل كذلك من الوجبات السريعة و الشاي الاخضر مفيد لكن احرص على شربه بالطريقة الصحيحة بحيث لا يغلي على النار اكثر من 5 دقايق و يفضل شربه بعد الوجبة بساعة على الاقل و الله يوفقك في زواجك و عقبال تشوف عيالك .. |
| الساعة الآن 06:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©