|
أمي تقول عني وقحه آآآه هذي أخرتي
السلام عليكم ورحمة الله وبركاته
الصراحه مو عارفه منين بابدأ ودي أخاطب عقول ناس تحس تفهم تسمع موقفي والله صايره محتاره وتعباانه مثل اللي تايه ببحر رغم إني إنسانه متعلمه وكثير أساعد الناس بس أحيانا أوصل لمشاكلي وأعجز عن حلها أو بالأصح مشكلتي أمي هي مربط مشاكلي كلها مهما صفت أيامي معها وهدأت نفوسنا إلا يجي مشكله تذكر لي فيها كل موقف زعلها مني وتشتمني بأقسى الشتائم يعني شوفوا هالموقف ورجاء لا أحد يستهين به لاني عارفه الموقف يمكن بسيط بس هي تراكمات مواقف مواقف والله العظيم تعبت معها أيما تعب ومن أسلوبها يمكن أنا صايره حساسه كبرت بالعمر وما تزوجت وأختي اللي أصغر مني تزوجت فصار كل موقف يضايقني أبلع بهالمواقف وأنطم لين متى طييييييييييييب لين متى ياااربي يعني الموقف اللي صار أمس موقف تافه رحنا للسوق المهم خلصنا كلهم تعشوا وانا خذيت لي ساندوش أنا وأختي المتزوجه وامي ما خذت لها المهم وحنا بالسياره قالت ذوقونا من عشاكم الصراحه أنا كنت جوعانه مرره يعني طول النهار ما أكلت قلت يعني أنت ما أشتريتي المصيبه مو هنا اللي قاهرني أنا موظفه وراتبي يادوب يكفيني والوالده موظفه راتبها زييين ولا أطلب منها عشان ما تحطني بموقف محرج او ترفض طلبي وأتحمل وعلى طول عصبت علي وقالت أنت وقحه بدال ما تقولين أبشري أوك أبشري قلت بس كذا ما يكفي كله ساندوتش وأنا ما أكلت طول النهار يعني لو تشترين شي ثاني بعد معاه قالت بعد تراددين يا قليلة الأدب قلت لها إنت ليه كذا تتعمدين تجرحيني قالت وش أنا عدوتك أجرحك الله يجرحك هذا جزاي تصرف على أخواني كلهم بالطلعات وأنالاوأنطم وأقول عندي راتبي الله يبارك لي فيه بس داخلي أحس بظلم الحق الوالد مو مقصر علي بشي وحتى الوالده أحيانا تعطيني بس أحسها تعطيني وهي تحسسني إني حمل عليها وتقول لو أعاملك بما أنت أهله ما عطيتك ليييه والله أسوي لها أشياء بنات عايلتنا ما يسوونها المطبخ وأدخل معها البيت وأنظف معها بالرغم إني عندنا خدامتين بس والله أساعدها من يومي كنت مراهقه وحالتنا الماديه ضعيفه عشان البناء كنت أنا الأم لكل أخواني الصغار ربيتهم وشلت ورضعت وقفت معها بالحلوه والمره كذا آآآآآآخرتي ما أكون أهل لمعاملتها الطيبه على قولتها والله مرت علي فتره راتبي كان عالي وأعطي كل اللي بالبيت من أكبرهم لأصغرهم تخيلوا لو زعلت علي بأي موقف تقول عني أنانيه لييييييييييه وش مفهوم الأنانيه والعطاء عندها بديت أكرهها من سوء تعاملها معي بسببها أوردتني المهالك وغلطت غلطة عمري اللي لو أقعد عمري كله ما أسامح نفسي عليها ربي يغفر لي ويسامحني بس ليه يوم تزعل مني بموقف تقول عني وقحه وأنانيه و و و و الله يشهد وملائكته إني معطائه لدرجة الناس يحسدونها علي من كثر إحترامي وحبي لها بس كذا أحسها مصره تكرهني فيها وتقلب الدنيا على راسي على أدني كلمه أقولها أشيل البيت كله على راسي ويوم يجيها ضيوف بالبيت ما أجلس عشان أرضيها من يوم أقعد من النوم لين يطلعون وآخرتها أصيرأنانيه آآآآآآآآآه الله يأخذ عمري وأرتاح وأريحها بدل ما أكسب رضاها كسبت من وراها ذنووووووووووب والله اليوم من قعدت من النوم لين ألحين وأنا دمعتي ما جفت ودموعي غرقت الجهاز مو كافي علي ما تزوجت مثلي مثل بنات خلق الله تزيدني هي بعد وتصير هي والزمن علي أحترت كيف أتعامل معها من يوم وانا بعمر المراهقه وهي تمشي أوامرها بقسوه ما أنكر بعض الأحيان أحسها أحن أم بالدنيا بس قسوتها تغلب عشت معها مراهقه بين ضرب وسب وإهانه وحبس ورغم كذا إجتزت هالمرحله ونجحت بدراستي وعملي وتميزت بعد بس داخلي إنسانه مكسوره ما أحد يشوفها بس يشوفون الشخصيه القويه المبتسمه يعلم الله إني أحاول أسعد كل اللي حولي بس ولا أحد يكلف خاطره يفرحني نسيت الفرح وطعمه ألحين وصلت لمرحله أجتمعت علي كل الأمراض جهدي قل نفسيتي زفت وأنتم بكرامه رحت الطبيب لمشكله صحيه عندي قال انت باين عندك ضغوط طبعا هي ردت عليه على طول إيه ضغوط العمل وهي ما تدري إنها هي أكبر ضغط بحياتي مشكلتي يوم تزعل مني تظلم الدنيا بوجهي وأكره كل شي لا عاد أبغى أطلع ولا أقابل الناس ولا أي شي بالحياه وهي العكس تماما ولا يهمها تستأنس وتطلع وتنبسط والحين رايحه سهره ولا كلفت نفسها تقول تعالي معاي بالله شوروا علي أنا وش غلطتي بالحياه لا تخلوني والله إني لوحدي بالبيت ومنهاااااااااااااااااااره من الحزن والبكاء وأكتب ولا أدري وش كتبت أحس راسي تتضارب فيه كل موقفها اللهم أفرغ علي صبرا ياااااااارحمن الدنيا ورحيمهما |
اقتباس:
هي حنونه لكن بصرفاتك تجعلينها تقسو عليك المفروض تقدمي لها اكلك بلا نقاش وسمي يمه تدرين وش بيصير بعدها امك بترحمك وراح تؤثرك على نفسها حني عليها واهديها من راتبك وادعي لها دائما وتذكري انها باب من ابواب الجنه |
ينقل للمكان المناسب .. قسم التربية والحوار الأسري |
اقتباس:
ما أنكر والله لو أنا ناكره جميل لها كان ما قلت إني أحسها أحن ام بس ليه تعبتر أي زله من لساني أو أي تصرف غلط سوء مني ليه على طول تسرد موالها المعتاد وقحه وأنانيه و و و و ........... صرت أكره نفسي من كثر ما تردده بديت أشعر إني أكره كل شي فيني علما إني متأكده بينها وبين نفسها تقول بنتي مو كذا أدري إنها باب من أبواب الجنه بس هي ودها تصكه بوجهي الله يحنن قلبها علي |
يـؤ .. انتي حساااااااااااااااااسه وربي .. ترا تصرفات امك مره عـاديه اول شي .. امي على كثر مانشتري عشــا ماتشتتري .. كذا ماتحب المطاعم بس اذا شرينا تقولنا نفس امك ذوقوني .. <<< هي ذواقه ماراح تاكل كل السـاندوش ؟! غير كذا من نـاحية الراتب .. امي مو موظفه بس يجيها راتب من ابوي والله راتب موظفه محتـرررررم .. وانا بعد عندي راتب بس في احيان كثيره مااطلب منها بالذات بالذاااااااااااات اذا انا ابي شي خواتي مايبونه ولا طلبـوه يعني الوضع عـادي .. ليش انتي حسـاسه كذا .. اعطي لاتنتظرين احد يعطيك وامي بعد تـروح وتنبسط وتنعزم واحيـان يجونا نـاس بالبيت انـا الي اقتـرح عليها اني اطلع معاها وربي اذا قلت لها كـذا تنبسسسسسسط وتستااااااااااااااااااااانس بالعكس تبغى تـرزني معاها عشـان اعرس .. هع وش بـعد ؟! اممممممممممم وبعدين انتي ليش كـذا بس تبكين ؟! ياااااااااااااااااقلبي وسعي صدرك وانبسطي .. واستانسي ماتسوى عليك هالبكـاء يـاحياتي حتى في خطط الأنـقاذ .. والمصائب ينصحون النـاس بمسـاعدة نفسه اولا ..ثـم يقوم بمسـاعدة اقربائه مثلا بالطيـاره .. يقولون لك اذا صار نقس بالأكسجين او اي خلل راح تنزل عليكم الكمامات الخاصه بالأكسجين لازم وضروري تركبينه لنفسك اولا .. ثم تساعدين الي جنبـك .. فـ،ا انتي تقولين تنشرين السـعاد للي حولك وتحاولين تسعدينهم .. طيب اسعدي نفسك اول حطي جل اهتمامك بذاتـك بمستقبلك بتطوير نفسك .. وبعدين الي يـدور رضـا الناس .. { رضـا الناس غاية لاتـدرك } فكـري برضـا الله .. لأنه اذا رضـا عليك .. راح يخلي خلقه يـرضون عليك .. فكري بكلامـي وامسحي دموع الضعف الي بعينك وقدمي ولاتنتظرين المقـابل فكري بس بالأجر .. ياختي انـا والله احيانا اعجز مع امي نفس حالتك .. ومادري احيانا تجيني حالات اعصب منها بجد .. بس ارجع وبس افكر حياتي بدونها ..................................... ولا تســوووووووووى شي .. الله يخليهم لنـا .. بجد انتي شلون تحسين حياتك بدونها انـا متأكده وواثقه ان امك بكت اكثر منـك .. وتعذبت بس لأنك انتي الي تعبتيها .. وكل واحد منكم يحمل الآخر تبعات حـزنه والمـه .. بس الي احق بالـرضا هي .... جنتك ونـارك .. ( امـــــــــــــــــك ) كلنـا نحس بالي تحسينه .. واحيانا نحس انه فيه شي خطـا تفكيرنا مو زيهم ولا طموحاتنا بس حـرام ... والله مافي احن من قلووبهم ولا ضمتهم ضميهـا .. بيـوم ولاتتكلمي .. بس ضميها وروحـي غرفتك .. الله لايحرمك من امـك ..ويحنن قلبك عليها .. ادعي دايم ان الله يـرزقك البـر فيها ... سـوري كثرت كلامي ... آسفه عالأطاله .. |
الله يفرج كربك حبيبة قلبى ويبدل همك وغمك لفرح وسرور ويصلح الحال بينك وبين امك يارب بالله عليكى لا تبكى ياحبيبتى ورددى دايما دعاء (اللهم يا جبار الخواطر اجبر بخاطرى)
|
اقتباس:
الله يعين على برها اللي تصعبه علي وجزاك الله الجنه ما تدرين قد أيش ردك خفف عني الله يردنا لبعض ردا حسنا ويزيل ما في قلبها علي |
أختي الفاضلة الله يفرج همك ويسترعليك ومهما حصل منها فأنها أمك عليك بدعاء أخر الليل سهم الليل ولاتحزني ولاتقنطي من رحمة الله الله يفرج همك ويصلح لك الشأن يارب العالمين |
اقتباس:
الله يعين من كثر البكاء جفت دموعي دموعي هي رفيقي بالحياه مدرى إلى متى اللهم يا جابر الخواطر اجبر بخاطري اللهم يا جابر الخواطر اجبر بخاطري اللهم يا جابر الخواطر اجبر بخاطري اللهم يا جابر الخواطر اجبر بخاطري اللهم يا جابر الخواطر اجبر بخاطري آآآمين الله يفرج همي وهم كل مهموم |
اقتباس:
آآمين مشكووور ع النصيحه |
بالله يا بنات ألحين بالحياه كثير مرات أمهاتنا يزعلون علينا طيب من فيكم تعتذر يعني من تتقن فن الإعتذار
هالشي دوم يحيرني كيف أعتذر لها ؟؟؟؟؟؟؟؟؟ كيف أرضيها وبعدين كل موقف بأعتذر غلطانه او ما ني غلطانه |
فى الحقيقه انا مكنتش بعرف اعتذر ابدا لأنى حساسه وبتصعب عليا نفسى اوى وبتقوقع على نفسى لكن انتى ممكن تجربى تقوليلها ببساطه متأسفه او تحضريلها الفطار او تشتريلها حاجه بسيطه بتحبها شيكولاته مثلا
|
اقتباس:
أنا يصير مني نفور تجاهها يعني حتى لو رجعنا نتكلم مع بعض وترجع الأمور بينا نوعا ما طبيعيه بس أبعد عنها روحيا وجسديا يعني قبل الزعل كنت أجلس جنبها بعده لا قبله كنت أحظنها بعده ما أقدر على قولك تصعب علي نفسي والشيطان أعوذ بالله منه يفرح يفرق بين الناس الله يألف بين قلوبنا الله يرحمنا برحمته مشكوره يا قلبي عالمرور مره ثانيه |
حبيبتي مهما صااااااااااار هذي أمك وأرضائها واجب عليك حتى لو كانت هي الغلطانه لاتزعلي من كلامي بس منجد مهما سوت فيك تظل أمك وبرها واجب عليك
صحيح أن تصرفاتها غريبه وباين عليها أم قاسيه شوي بس أنتي المفروض ماكنتي تردي عليها وحتى لو كنتي جوعانه كانت لما طلبت منك تذوقيها تقولي يمه خذيه كله تدري ليه لأن بالتصرف البسيط هذا تكسبي رضى الله عليك ورضى أمك حاولي تحننيها عليك بالكلمه الطيبه وكلميها بينك وبينها قوليلها يمه في شي يخليك تتضايق مني يمكن بعض تصرفاتك تضايقها وأنتي مو حاسه حاولي تكسبي رضاها ترى مهما صار بكره بتندمي على كل لحظه زعلت فيها أمك وأعلمي أن الانسان البار بوالديه هو من يتحمل قسوتهم برحابة صدر ويقول مهما تسوي فيني هذي أمي وأنا راضي ولاتنسي أكثري من الأستغفاااااار وبأذن الله ربي يفرج همك |
طيب اهدى وبطلى بكاء عشان خاطرى وافضلى استغفرى واستعيذى بالله من الشيطان الرجيم واذكرى وادعى الله ..انا حاسه بيكى والله وانا اتمنى بجد ان ربنا يحنن قلب مامتك عليكى ويرزقك بالزوج الصالح ..مشكلتك قريبة من مشكلة صديقتى وانا طول الوقت بدعيلها وهدعيلك انتى كمان ياحبيبتى بس عشان خاطرى كفاية بكاء
وكمان خلليكى واثقه ان الله دايما هيقدرلك الخير وان كان زواجك تأخر فخليكى راضيه بقضاء ربنا واوعى تسخطى انا حاسه بيكى والله وانك عاوزة يكون ليكى بيت وزوج وفاهمة احساسك لكن فى الأول والأخر مفيش حد بياخد حاجه مش مكتوباله ومفيش حد برده بيهرب من رزقه..استعينى بالله هو عنده الحل لكل مشاكلك وقادر يفرح قلبك ياحبيبتى |
صراحه بنسبه للأعتذار من أمي الغاليه عمري ماجربته بتستغربي صح
مو لأني بنت مثاليه لا اااااا بس لأن أمي الله يحفظها أم مثاليه مهما زعلت منا أو هاوشت أو حتى ضربت أعطيها ساعه بالكثير وترجع تسولف وكأن مافي شي صار علشان كذا نرجع معها عادي لكن هذا مايمنع بتطيب خاطرها وأنا عن نفسي لو تتضايق أمي مني أشعر بضيقه وبندم فضييييييييع أسأل الله العلي القدير أن يحنن أمك عليك ويجبر خاطرك ويرزقك بالزوج الصالح اللهم امييييييييين |
الله يكون بعووونك
شوفي يااقلبي والله انا ما الوومك على تصرفك ابداااا هو صحيح ساندوتش وماافية مشكلة لو اكلت منة لكن انتي مضغووطة منهااا ومقهورة وحااسة بالظلم هذااا الي خلااكي تتصرفي كذاا معهااااا يعني اتووقع بل اجزم انة انتي ايضاا تصرفك هذاا نااتج عن ظغوووط منهاااا ولكن انتي دااخللك تحني عليهاا وتحبيهاااا وما تقدري تعبري عن غضبك بصووتك ولكن بأفعااالك شووفي من نااحية الزواااج يا اختي يمكن خيرررة يمكن امك ارحم من الرجل الي بتتزوجية فكري كذااا لاتكووني سلبية كل البنات تزوجو الا اناااا انتي سلبية مرررة في تعااملك في حسااسيتك الي مالهاا دااعي خلاااص خدمتي امك ربي ما يضيع حقك قالتللك كلمتين تقهر قوليها على رااااسي من فوووق خذيها بكلمتين حلوووين رااح تمشي معاااك لا تجااكريها وتعاامليها بندية رااح تكرهك وتكرهك عمررك الام ماافية احن منهااا لكن اذا حقدت سبحاان الله تطلع كل الي بقلبهااااا حااولي كماان ما تقعدي معهااا على طووول خلي وقت مع صديقاتك نوومك ووقت مع النت يعني لا تقاابليها على طووووول وحتى اذا بدأت الصراااخ والمواال ادخلي غرفتك حتى تعرف انة اسلووبها يخليكي تنفري منهااااا صدقيني بتحس انة انتي تتجنبيهااااا علشان كذااا بتتغير لكن انتي غيري من نفسك خلي لساانك حلووو معهاا على طوول والله يفرج همك ويحنن امك عليكي ياااااااارب ويرزقك الزوج الصالح الي يهنيكي ويسعدك |
اقتباس:
والله يابنت الحلال هي مو قاسيه شوي إلا قاااسيه كثييييييير حد الضرب يعني أيام ما كنت ضعيفه وما أقدر أردها بس يوم زودتها علي لين وصلت والله مرحلة الكليه وهي تضربني أي موقف يزعلها مني كلمه ضرب وحبس بالمستودع بوسط الحرلا أكل لا شرب أي أم هذي وبعدين يقولون حنا نغلط أوك أنا صبرت وحاولت أدواي هالجروح لوحدي وأتناساها ليه ما تحس خلاااص وش تبي تدمر أكثر بنفسي أنا روح ومشاعر كائن حي كثر الضغط عليه يفجره والله ما قدرت أوقف ضربها لي إلا بعد معاناه ما يعلم بها إلا الله صارت هي تبكي وتقول يا بنتي عاهدت الله ما أمد يدي عليك عهد بيني وبين الله في سجودي بس بعد خراب مالطا اللي هي نفسيتي المسكينه اللي تحملت كثييييير وألحين يعني خلصت من يدها عوضتني بكلامها العذب وقحه وأنانيه والقائمه تطول .................. والله إني أبذل كل شي يرضيها الله يأجرني على تحملي لقسوتها حطي ببالك إن الوالد بكل هالمأسي اللي عشتها معها كان بعيد عن الصوره نوعا ما خوفا مني لا أكون سبب لطلاقها لانه ما راح يرضى باللي هي تسويه فيني يعني أبلع ألمي وأسكت وياما في البيوت مظاليم مأكوله مذمومه الله يفرج همي |
اقتباس:
الحمد لله ألحين بطلت بكاء وشغلت سورة البقره وهدأت نفسي شوي بس الله يعيني عليها لا جات ورمت علي كلمتين << تستأنس تغيضني بكلامها أما الزواج فرزقي بيجيني ولا ني ساخطه على أمر الله لعله منحه مغلفه بمحنه الله يوسع صدرك وييسر أمري وأمر كل مسلمه ويرزق كل بنت تتمنى الستر بالرجل الكفوء اللي يكون لها عون على الحياه ولا يكون زياده لها في الهم |
الحمدلله انك هديتى ياحبيبتى ربنا يهدى النفوس يارب قومى ياللا حضرى لنفسك عشا حلو كده واتعشى وصلى الفجر قبل ماتنامى وادعى ربنا فى سجودك (وادعى لى بظهر الغيب يفرج كربى)وانا كمان هدعيلك فى الفجر ومش هنساكى من دعائى ان شاء الله
وان شاء الله كل ده فى ميزان حسناتك مش ذنوبك باذن الله |
اقتباس:
هي ترجع مع الكل وتصير ولا أحلى حلااوه وتستانس وتضحك بس انا نفسي تكون مجروحه أحسها ولا يهمها يعني كانها تعطيني رساله غير مباشره ولا هميتيني الله يديم بينكم المحبه ويبعد عنكم عيون الناس هي بلااااااي من كثر كلام امي عني وعن وقفتي جنبها قدام الناس حالنا ينقلب على طول حتى بعد ماأحد يجينا ويشوفوني كيف أخدمها أقسم بالله بدل ما تقول الله يعطيك العافيه تقلب الدنيا على راسي تخيلي صرت أكره زيارة الناس لنا من اللي يصير بعدهم آمين يا قلبي الله يرزق كل بنت تبي الستر بالزوج الصالح وما قصرتي يا الغلا جعل ربي يسعدك دنيا وآخره |
اقتباس:
والله انا خفت اقول جايز اللى بيحصل بينكم ده حسد لينقال عنى انى موسوسه وان اى مشكله برميها على العين والحسد لكن بعد ماذكرتى بنفسك ان الحال بينقلب بعد زيارات الناس وكلام امك عنك وعن وقفتك جنبها والله اعتقد انه حسد لأنه العين حق ولأن الحسد بيؤدى لنفور ومشاكل بين الناس وبعضها..جميل انك شغلتى سورة البقرة وكمان ياريت تقريها وان شاء الله الحال ينصلح يارب |
اقتباس:
مشكلتي بااااالحيااااااااااااااااااااااه تدرين وش هي إني بزمن من الأزمان خليت أمي هي محور حياتي هي أمي وصديقتي ودنيتي كلها وخففت من صداقاتي وندمت في وقت لا ينفع فيه الندم الله يجزاك خير عالمرور ويريح بالك وبال كل مسلم |
اقتباس:
الله يجزاك خير ذكرتيني والله على فطوري من يوم قمت وأحس راسي بينفجر والله لو تشوفيني عيوني صايره مثل الكور الله يفرج همي أو يأخذ عمري الحق تعبت من هالحياه كلها وما عاد صار عندي إستعداد اتحمل اكثر بأول عمري ذقت هالمرارهخ كلها وش بقى لي الله يفرج همي وهمك وهم كل مهموم بهالليل ياحنان يا منان أرحمنا برحمتك |
أدعوووووووووووا لي والله شايله هم ألحين بتجي مستانسه ولا على بالها وانا ميته من قهري
الله يعين |
انا هصلى الفجر دلوقتى وهدعيلك وانتى حاولى تنامى وتريحى نفسك واستهدى بالله
|
الله يسعدك يا عروس حبيبي هذي هي جات ومستأنسه وأنا أنحرمت بسببها من السهره
وكانت سهرتي مع دموعي الله المستعان يعطيكم العافيه جميعا أدري كثرت كلام عليكم بس والله حسيتكم خففتوا عني حمل ثقيل ولا تنسوني من دعوه يمكن ربي يفرج همومي بدعوه من أحدكم لو أقسم على الله لأبره أستغفر الله العظيم تصبحون على خير |
ماااااقول إلا الله يسامحك ياجوري خلتيني ابكي
صراحة في تشابه بيني وبينك بس شوفي انا لما كنت في الثانوي والمتوسط احس امي تكرهني واحس انها جدا قاسيةمعي وانا زيك اتنرفز لدرجة حتى لما كنت انجح بتفوق ماهمني قلت لها ولا ماقلت والله ما انسى لما نجحت دخلت البيت وكانت امامي والله ما قلت لها احس خلاص ماتحبني مرة انا صغيرة لقت 5 رياال واشترت لاخواتي عارفة حلويات وبيبسي وما اشترت لي المهم قلت خلاص رحت ادور فلوسي لقيت هي اخذتها واشترتهالهم بكيت وصحت وبعد كذا ايضا مرة راحت معي الحفل المدرسي سبحان الله ام زميلتي قالت لها اكثر وحدة اعجبتني زميلتك منية عارفة امي وش قالت الله يغفر لها ويسامحها تقوول كل البنات شعورهم طويلة إلا انتي المهم وهكذا دواليك ترى شكل الحريم الكبار زي كذا لما يشوفوا شي يقولون نبغاه حتى مرة اشتريت لي قميص قالت ابغاه وجلست ابكي ياحبيتي تمر الايااااام واحس امي تكرهني بس سبحان الله تغيرت امي او انا اتغيرت او جميعنا الحاصل كنت دائما ادعي انه يحنن قلبي على امي ويحنن قلبها علي اكثري ياجوري منها وغيري اسلوب معاملتك مثلا لو قالت تبغى شي معين قولي ابشري خذيه ما يغلا عليك شوفي الآن لما فتكر نفسي قبل سنين اقوول سبحان الله وانقهر على معاملتي معاها على القميص واقول يالله انا غير بااارة الآن قريب اشتريت مجموعة اقمصة واشتريت لها واحد قالت لا مابغى اللي اشتريت لي ابغى هذا تقصد حقي قلت خذيه طبعا ما انسى ذلك الموقف اللي سويته فيها والله ياجوري لو احكيك عن بعض البنالت كيف بارات بالرغم قسوة امهم تصدقيني راح تبصقين في وجهك ووجهي ههههه والله وحدة من زميلاتي قوية معانا بس تعالي شوفي لما تكلم امها صراااحة خيال تقولين تتغزل في حبيبتها بصووت منخفض وش تبين ياست الكل تبين اشتريلك شي ابشري ومن هذا الكلام تعرفين ربي راح يوفقها ويعوضها والله ثم امك غيري اسلوبك انا عارفه راح تقولين تنرفزني وشتم انتي اسمعي الكلام وغيري وعمليها بالحسني وتوددي لها وادعي الدعوة اللي قلت لك عليها والله راح تشوفين غير بس اصبري تصدقين انا مثل وضعك اخواتي الله يوفقهم اكبراو اصغر تزوجوا هذا توفيق من الله عاارفه لما تشوفني وتشوف مقالب بعض الخطاااب وش تسوي تبكي وتقووول الله يوفقها مسكينة هذه البنت ترى لا تفكرين باااارة لا والله بس الله يغفر لي عاارفه مرضت مرض غريب ووجننتهم عااارفه ماني قائلة وش صااابها بسبي مررض مو هين الله يغفر لي ويتوب على والله اخاف ادخل النااار بعقوقي فيها ووصيتي وصية رسول الله ( امك ثم أمك ثم أمك ) و وبإذن الله رااح تتزوجين قريبا ترى انا اختك منية واكبر منك فوق30 يعني مع سبق الاصرار والترصدخخخخ اوعدني رااح تتغيرين وانا اقول لك بالفعل راح تتغير معاك الدنيا وراح تغيرين اسمك وتدخلين قسم المتزوجات بس رااح اكتشفك ولاتدعين على عمرك إذا ماتبين نفسك نحن نريدك |
اقتباس:
روحي يادانتيل الله يرزقك واحد ابن حلال مثلك يعني شيفون خخخخخ:14: لا اثبتي وبجدارة مشرفة اجتماعيه:18: الله يوفقك ويرزقك من حيث لا تحتسبين |
فرج الله همك غاليتي وأبدل حزنك فرحا أكثري من الأستغفار
هداها الله أمك فعلا بعض الأمهات مايساعدون أبنائهم على برهم |
إلا الأم .. لا نرضى فيها .. مهما قست فهي الأم ..
وهي لا تقسو بل تلفت انتباهك بصورة أكثر حدة وصدقيني تتألم أكثر مما تتألمين وإن لم تظهر ذلك أمامك .. كوني دائما المبادرة في الطاعة وفي خدمتها وسوف تلاحظين الفرق .. لا تخلقي جوء المشاحنات بينك وبينها وإذا أحسستي ببادرة منها أصمتي ولا تتحدثي دعيها تنهي كلامها وعيناك في الأرض .. وإذا صفعت وجهك أديري لها الجهة الأخرى .. هذا أهون لديها من نظرات غير حميدة تحسها منك أهديها .. توددي لها .. نامي في حضنها .. هذه أمك وليست عدوك إلا الأم .. عزيزتي |
سبحان الله
قسم بالله كانك تحكين عنى بالظبط حتى انى كتبت عن معاناتى مع امى وراح اعطيك الرابط http://www.66n.com/forums/showthread.php?t=177712 ووالله نفس معانتك حتى مع الراتب ما اقول الا اللهم يسر لنا امرنا وصبرنا على هذا الابتلاء |
اقتباس:
الله يعيني عليها تصدقين اليوم ولا على بالها عليها قلب على طول تضحك على قد ما فيني قهر إن إنحرمت من سهرة أمس وهي ولا هامها لا وتسولف عن اللي صار يوم أجي اجلس بس انا حاولت أضغط على أعصابي وأدخل أجلس معهم مع إني أمس كله بغرفتي وتبني أطلع معها اليوم يعني أنا حاسه إنها تبي تعوضني يلا بننطم ونشوف آخرتنا معها ربي يسعدك ندو ولا يوريك هم خيتووو |
اقتباس:
إحلفي تصفعني على وجهي وأعطيها الجهه الثانيه أقول اللي يده بالماي مو مثل اللي يده بالنار يا ما وياما أنصفعت وتكفخت وأنلعنت وأنطميت بس والله ما تصفعني لا هي ولا غيرها يا بعدي على فكره تدرين وش حكم ضرب الوجه فإنه لا يجوز الضرب على الوجه؛ لما ثبت في الصحيحين من حديث أبي هريرة رضي الله عنه أن النبي صلى الله عليه وسلم قال: إذا قاتل أحدكم فليجتنب الوجه. واللفظ للبخاري، وعند مسلم: إذا قاتل أحدكم أخاه... قال النووي: وفي رواية: لا يلطمن الوجه. قال العلماء: هذا تصريح بالنهي عن ضرب الوجه لأنه لطيف يجمع المحاسن، وأعضاؤه نفيسة لطيفة وأكثر الإدراك بها، فقد يبطلها ضرب الوجه، وقد ينقهها، وقد يشوه الوجه، والشين فيه فاحش لأنه بارز ظاهر... قال: ويدخل في النهي إذا ضرب زوجته أو ولده أو عبده ضرب تأديب فليجتنب الوجه. انتهى كلام النووي. ولما فيه من المثله، وقد نهى صلى الله عليه وسلم عن المثلة؛ كما أخرج البخاري في صحيحه عن قتادة: أنه صلى الله عليه وسلم كان ينهى عن المثلة. وقال ابن حجر في الفتح: والضرب على الوجه حرام. وللاستزادة نرجو مراجعة الفتوى رقم: 14123. تدرين في حديث نفس يدور بيني وين نفسي لو لو في أسواء الإحتمالات تزوجت رجل ومد يده علي تدرين وش بيصير يمكن أذبحه بأطرف شي جنبي الله يعين عيالي بندور في حلقه مفرغه جيلا بعد جيل وعلى فكره هي ألحين ما عادت تمد يدها علي وما عندي إستعداد أتحمل مدة يدها لو صار لاني أكتفيييييييييييييييييييييييييت أحترمها وتحترمني ونتعامل مع بعض بالحسنى غير كذا لاللاااااااااااااااااااا لانه لو صار اعتقد بيصير أشياء لاتحمد عقباها عموما جزاكم الله الجنه دامني مع الله وأطلب العون منه ووقفتكم معاي ما راح أنساها |
طيب اخرجى معاها وانبسطى اكيد عاوزة تعوضك معلش متفكريش فى السهرة اللى فاتتك سبحان الله اكيد خير انك مروحتيهاش(وعسى ان تكرهوا شيئا وهو خير لكم)
|
اقتباس:
أجل تعاااالي بالحظن يا حبيبتشييييييي ندعي ونستغفر مالنا إلا الله وإن شاء الله ربي يصبرنا ويضاعف اجرنا أجرصبرنا على قسوتهم وأجر برهم اللهم حببيني لقلبها وأزل ما في قلبها علي وحنن قلبي عليها ياااااااااافارج الكروب يارب يحنن قلوبهم لنا ويلطف بحالنا ويرزقنا أزواج حنونين وإلا عليه العوض ومنه العوض والله يخلف علينا بالجنه والله يا قلبي الدعااء عظيم ومفعوله وحده بوحده اليوم الحال أحسن وعلى فكره امي كثير تغيرت بكثير أمور عن زمان لكن داخلي زرعت هموم أي موقف يثورها ربي يهدي نفسي ويمحي أحزاني من صدري تصدقين مقهووووووووووووره على سهرة أمس الله يعوض علي بخير وربي يهون علي |
اقتباس:
هلا خيتو يسعدك يارب يس باخرج وخليها تصرف علي بعد أجل أنا من المريخ مثلي مثل عيالها عسى بس ما نرجع متناشبين يارب يستر :30: |
شوفي ياأختي جوري بقولك شيء بعيد عن معاناتك
أنا والله متصوره موفقك وحاسه فيك .. لكن أبغاك تتخيلين معاي : بحكم أن أمي ربي يحفظها لنا ويجعل يومي قبل يومهم .. بعد صدمة وفاة أخوها أصيبت بمرض الزهايمر المبكر ( ابحثي بالنت عنه ) أمي مو كبيرة لكن بسبب الحزن الشديد على خالي !! صارت تنسى بعض الاشياء وتطور الوضع وصارت تنسى اشياء اكثر طبعاً مع العلاجات وغيره تتحسن الحمد لله لكن برضو ترجع أحياناً على حسب النفسية لكن صارت تحتاج لرعاية أكثر .. أنا مثلك ماتزوجت عمري 27 سنة ولي أخت أصغر مني والله صرنا نتنازل عن أشياء كثيرة عشان الوالدة !! السفر هالسنة قررنا مانسافر لأننا لاحظنا إن نفسيتها تتعب بواجد وبالتالي تتأثر الذاكرة !! الطلعات الكثيرة وللأماكن الكبيرة بطلنا !! والله أتمنى إنها بس تنبسط وتتحسن نفسيتها وبكيفنا إحنا !! أهم شيء هي ابيها بس تتحسن الذاكرة !! تخيلي لو أمك بعيدة عن الشر يارب صار عندها نفس الشيء !! والله تتمنين إنها لو سوت ماسوت فيك عادي وتتحملينه بس عشانها !! تصيرين تتمنين أمك تعرف تدبر امورها وتتذكر !! يالله موقف صعب لما تشوفين أمك تتعب نفسيتها لما تنسى وكيف شعورها قدام الناس وكيف ضحكات بعض الأغبياء عليها إذا عادت السؤال أكثر من مره !! حبيبتي تذكري يوم إنها صبرت على حملتك وولادتك وشقاك .. صبرت أكثر منك الحين !! دوسي على نفسك وخليك جزمة لها ( طبعاً أنتِ بكرامة ) لكن أبيّن لك إن أمك مهما سوت فيك تقبلي وبالعكس قابلي الإساءة بالإحسان والله يعوضك خير !! البر جزاءه مايضيع .. والعقوق يعجل الله بعقوبته في الدنيا قبل الآخرة !! حبيبتي أنا أمي تزعل مني إذا نمت وتأخرت للظهر والله أنطم وأسكت لأني فعلاً مخطئة وتهاوشني وعادي !! صح يضيق صدري بس وش اسوي ؟؟ والله أنا أراضيها وأحاول دايم أني أخلي نفسي عبده عندها والله يهدينا ويرزقنا برهم ويعيننا !! حاولي دايم ماتخلين فيه مجال انه يدوم الزعل بينكم دايم طنشي واعتذري لو وش مايصير !! ربي راح يعوضك ولو طال الزمن تذكري كلامي زين !! . |
اقتباس:
اسأل الله العظيم ان يشفي أمك ويعافيها لكم ويخليها بينكم أنس واللي يضحكون مصيرهم يبكون لا تشمت بأخيك فيعافيه الله ويبتليك والله يا حبيبتي إني ما أقصر معها بس أحيانا تقول لي كلام يسم البدن يخليني أتنرفز أصلا قبل أمس يوم قالت لي هالكلمه وزعلت انا وقلت إيه بعد كملي موالك المعتاد إنها سكتت وحست إنها قهرتني ولا عادت على ولا كلمه واليوم طلعتنا وأشترت لي رضوه خخخ وتخيرني بالسوق وش تبين وعشتنا بمطعم وقتها حسيت إني ولا شي قدامها بس هي لو تفكها من إهانتي وتذكيري بكل أخطائي وقت زعلها مني كان إحنا بخير لكن على قولهم الزين ما يكمل هذا أنا أحاول وربي يعيني ولا أنا بعد ما عاد أبي زعلنا يدوم الله يسامحها وحده من صديقاتي زمان أثرت علي كانت تقول طنشيها وأمي ما ينفع معها الطناش أمي يوم تزعل ودها اجي وأرضيها بأي شي وأنسى الزعل تزيد زعل علي يوم أطنشها وأقعد بغرفتي والله يديمها فوق راسي ما تسوى حياتي بدونها وربي يحميها ويحمي كل أمهات المسلمين ويبلغنا رضاهم في الدنيا وأجرهم بالآخره والله إن برهم مفتاح من مفاتيح الرزق والخير والبركه |
من واقع تجربه
امي اروع ام وحنون وعندي اخت الكل يتمناها بنته بس للاسف والله لو تقول اختي السلام عليكم صارت سالفه مالها تالي شي شي موطبيعي ولي اتوقعه ان بين امي واختي عين او سحر من هالشغالات لان اختي نشبه مع الشغالات يمكن يكون وضعك مثل اختي |
| الساعة الآن 12:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©