|
حسبي الله ونعم الوكيل على جارتي
حسبي الله ونعم الوكيل على جارتي اللي تبغى تخرب بيتي .. يانااس معقووله في ناس كذا مرضى نفسيين !!!!!!!! يتمنون خراب البيوت ويسعون في الشي هذا ؟؟؟؟؟؟؟؟؟ تخيلوا اللي صار معي .. والله انا مو مصدقه ابدااا !!!!!! من يومين عزمت جيراني عندي وكانوا اول مرره يدخلون بيتي .. حضروا وضيفتهم ورحبت فيهم واكرمتهم ولا قصرت معاهم .. طبعا وحده من بينهم >>> حسبي الله عليها والله ينتقم منها ياارب ويكفينا شرها راحوا جاراتي وهي جلست معاي ساعه بعد ماراحوا .. سولفنا واكرمتها وكانت طوول الوقت باين انها مقهوره مني لاني الحمدلله مرتاحه في زواجي وبيتي الحمدلله حلو ومرتب وهي وضعها مع زوجها مررره زفت متزوج عليها ويضربها ومشاكلهم منتشره بين الجيران .. تخيلوا يوم خلاص عادت بتروح جت قالت لي : يافلانه فيه سالفه ابغى اقولك اياها عشان اذا سمعتي شي من الجيران ولا جاك كلام ماتقولي اني ماقلت لك ولا ينقال على لساني كلام ترى زوجك متزوج عليك!!! انا قلت كيف يعني وش دراك ؟؟؟ قالت ولدي من زمان كذا شاف زوجك نازل من الدور اللي فوق شقتك ومعاه حرمه وولد صغير وكانوا يسولفون ويضحكون مرره ومبسووطين !!! قلت طيب هذي عمته عندها ولد صغير وزوجي يرجعها بيتها اذا جت عندنا قالت : بس كانوا يضحكوون ومبسوطين وولدي قال انها زوجته حتى كل الجيران صاروا يعرفون الكلام هذا وكنا بنقولك بس جاراتي قالوا لا تخربون بينها وبين زوجها مالكم شغل !!! قلت متى الكلام هذا : قالت من زمان يمكن من سنه تقريبا .. قلت اساسا احنا ماكملنا سنه في شقتنا هذي عشان يجي زوجي فيها واذا كان صح اللي تقوليه فهذي عمته .. قامت تغير الموضوع وتقول ما ادري بس اكيد عمته !!!! المهم طلعت من عندي وانا مصدوومه من كلامها مو اني شكيت في زوجي لا انا واثقه فيه اكثر من نفسي بس مستغربه من جرأتها وكذبها ..اتصلت على جارتي الثانيه وسالتها عن الموضوع لان جارتي الاولى قالت ان عندها خبر .. وحلفت لي انها ماتدري عن الموضوع شي وانها اول مره تسمع الكلام هذا ؟؟؟؟ قمت على طوول رجعت اتصل عليها وتهاوشت معاها وفهمتها ان حياتي انا وزوجي خط احمر ما اسمح لاحد يتجاوزه ويتهمنا اتهام مثل كذا ..قامت ترسل رسايل ومطلعه كلام على زوجي واني انا غشيمه ولا اعرف شي !!!!!!! يعني ما اعرف مصلحتها من الكلام هذا .. يعني لو انا شفت شي مو طبيعي على زوجي كان ممكن اصدق كلامها بس زوجي اساسا بيتويتي جدا وما يطلع كثير من البيت ومالنا سنه متزوجين يعني معقوله متزوج من قبلي ومخلف !!!!!!!!!!!! وش هالكذب يااناااس طبعا بلغت زوجي باللي حصل وقالي اقطعي علاقتك معاهم نهااااااائياااا لانهم جيران سوووووء من جد المشكله واللي قااااااااهرني انها ماشافت مني شي والله والله اني عاملتها احسن معامله واكرمتها وهذي اول مرره تدخل بيتي على طول كذا تبغى تخرب حيااتي .. حسب الله على كل من يسعى في خراب البيووت .. وعلى فكره انا كذا مرررره اسمع شكاوي وتحذيرات من الجيران منها بس ماصدق لين شفت بنفسي من جد مقهووره منها .. بالله وش رايكم في تصرفها ؟؟؟؟ |
أكيد تصرفها مو حلو وبايخ
بس انا لو مكانك وواثقه من زوجي اقولها انها عمته واضحك عليها لدرجه اني بسخف فيها ومعاه حق زوجك اقطعيها |
ينقل لقسم العلاقات والمشاكل الاجتماعية
مكانه الأنسب |
حســــــــد
الله يكافيكم الحمدلله خبرتي زوجك عنها وهذي غبيه ماتعرف تكذب تقول من سنه يعني قبل زواجك .. هههههههههههههه اقطعي علاقتك فيها ولا تعبرينها ... الله يكفيكم شر الحساد |
ياليـل مع هالجيـران .. اسمعي كلام زوجـك .. ولاتفتحين البـاب ولا لأي جـاره واقطعي علاقتـك فيهم الزم ماعليك بيتك وزوجـك .. قال متزوج قال ؟! وبالنهـايه تطلع عمتـه .. شوف قلة الأدب ؟!! حبيبتي .. لاتسوين مشكله وتدقين على الجاره الفلانيه والثانيه .. وتبدين بالقيل والقال اقطعي السسسسالفه من اولها .. وخلاص اي وحده تدق عليك صرفيها .. لأنهم بيقعدون يوصلون لك كلام عنها .. وتقعدين انتي تنقهرين وجارتك هذي يمكن تتمـادى اكثر فـاعشـان كذا .. طنشي المووضوووع .. الله يستر عليكم ويبعد عنكم عيـون الحسـاد .. |
أختي الفاضله ***
ماشاء الله عليك *** تصرفك حكيم *** كان عندي حلول *** لكن أنتِ نفذتيها وحليتي المشكله *** وزين ماسويتي أنك قطعتي علاقتك بها *** وكذلك بلغتي زوجك علشان لا يسمع كلام سيء منها ضدك *** أهم شي كوني حذره بعلاقاتك مع جيرانك *** وبلغي زوجك عن أي شي يحصل أو تسمعينه علشان يكون بصفك *** ولا تسمعين الإشاعات المغرضه *** أهتمي بزوجك وبيتك وحافظي على حياتك الزوجية من ضعفاء النفوس *** بالتوفيق إن شاء الله 0 |
كلام زوجك صحيح
و الحمد لله انك بتعرفي زوجك منيح و انك ما كبرتي الموضوع اكتر فعلا ناس فاضية أمثال هذه المرأة من الفراغ ما عندهم إلا مراقبة الناس و حسدهم حسبنا الله و نعم الوكيل |
اقتباس:
برافو عليكي لاتصدقي الناس هذه واقطعي علاقتك بيها نهائيًااااااااااااااااااااااااااااااااااااااااا وحصني نفسك انا اعرفهم دول الناس ، همهم في الحياة انهم يقهروا الناس وبس يحبوا ينرفزوا الآخرين |
نصيحه اخويه.
اذا تبين تتعرفين على زميات وصديقات تعرفي وخليك اجتماعيه ، ولكن كل ما بعدت المسافه صدقيني كان احسن.وش لك بغثا الجارات وكلامهم وزياراتهم واتصالتهم الي لها اول مالها تالي. على اي حال نصيحه اقطعي العرق وسيحي دمه. وفكي نفسك من الغثا من الحين. الله يوفقنا ويوفقك. |
شكرا لمروركم اخاوني واخواتي الاعضاء .. تصدقون انها ماتابت قمت ترسل رسايل على جوالي ومطلعه كلام على زوجي انه يكلم بنات وانتي غشيمه وما تدرين عن شي وانا بس ابغى انصحك !!!!!!!!!!!!!!!!!!! وكل العماره منتشر فيها هذا الكلام ؟؟؟؟ بالله وش رايكم في حركاتها .. بس والله ماسكت لها قلت لها والله ماالوم زوجك يوم تزوج عليك وعاللي يسويه فيك >>>> اللهم لا شماته بس دام هذي طبيبعها الله يعين زوجها وعيالها عليها من جد ؟؟ الله يكفينا شر الحسااد يااارب |
مو صـاحيه .. مريضضضضضضضضضضه ..
ودك من يلفحها بكف ... غيري جوالك وافتكي .. |
والله تحرق القلب هالجاره ... يبي لها احد يأدبها ويوقفها عند حدها
بس زين ارسلتي لها هالرساله واذا ماتابت ارسلي لها ... لاتحسبين زوجي هو زوجك على غفله ... انا الحمدلله ماليه عين زوجي ومستحيل يطالع غيري... بلغيها انك بتغيرين رقمك ... حتى ماتتعب حالها وترسل وتحسبك تقرين رسايلها.... موتيها بالحقران ... !!! |
الله يعين
دايما ومع الجميع يا قلبي كوني رسميه جدااا لا تنسو الرسول صلى الله عليه وسلم اوصانا بسابع جار خليكي مع الجميع صباح الخير ,صباح النور وقت كنا عذاب في بيت اهلي كنا هيك والكل يحبنا ولا مره دخلنا بيت جاره الا نادرا جدا سبع طوابق 21منزل يعني 21جار اما زيارة مريض او بمشاركتهم افراحهم وكنا ندخل قليلا ونعود وغيري نمرة تلفونك افضل لك لانها لن تتوقف عن ارسال رسايل المسكينه من كثر الضرب صاير معها وش بدماغها ,الله يشفيها كوني رسميه رسميه رسميه مع الجميع اسلم انا ضد انك تعاتبيها لانها اصلا مريضه وتتوهم اشياء غير موجوده الله يصبرك ويقويكي على من يعاديكي حتى في الغربه مع الجميع رسميه لا احب الاختلاط كثيرا |
فى مثل يقول
البغض عند الاقارب والحسد عند الجيران وهذه مو حسودة بس الا مريضة حسد ولازم تعرفين ان الجار السوء ابتلاء من الله ماعليك فيها انت طنشيها واستحقريها نحن مثلك نعانى من جارة حسودة للغاية بس للاسف مانقدر نقاطعها لانها عشرة فوق من 30 سنة تصورى من حسدها بناتها ينخطبون وماتقول لنا ولما نجى نبارك ماتقول لنا حتى الفال لكم!!! وتغار من اى احد يجينا وتتمنى لنا السوء المهم لااطول عليك الحاصل ان الجار السوء ابتلا ءمن الله وانت اصبرى وتحملى ولك الاجر |
اختي الكريمه احلى من العقد الجيران الطيبين زمان موجودين الى لما يغيب الواحد عن بيته يخافوا عليه ويحافظوا عليه
ومايتمنون الى له كل خير اختي نحن حاليا نعيش ونرى عوائل غريبه لايعرفون حتى كلمة مشاء الله تبارك الله واذا هذي بدايتها ريحي قلبك لاجارتي ولا شي خليكي عوائليه ومحدوده الصداقات فقط واذا من اول جلسه زوجك متزوج عليكي الله يعينك بس كلام زوجك صحيح ودائمن كلام الرجاله صحيح تحياتي وحياه سعيده |
الحمد لله انك اتصرفتي صح :22: :22: وجنبتي بيتك المشاكل..
لكن عليكم انتي وجاراتك الاخريات ان تضعو لها حداً لتصرفاتها المريضه هذه :30: :30:... مثلاً اجتمعو في بيت واحد وهي معاكم وواجهوها وجها لوجه بكل ماتريد ان تتسبب به ....:29: :29: :29: |
نصيحتي تقطعي العلاقة معها نهائي
فعلا خراب بيوت هي تبغى تدخل الشك في حياتك لكن إذا اضطريتي خلي زوجك يكلم زوجها يوقفها عند حدها الله يحفظك من كل شر |
يع شي مقرف بجد حسيت معدتي قلبت من القصة
معقول في ناس هيك اوف لهدرجة حسبي الله عليها الله يعينك انا بتصيبني صدمة و جلطة وقهر غير طبيعي من هيك مواضيع الحسد والحقد الغير مبرر فظيع الله يكفينا الشر والله يعينك قصة بترفع الضغط لفوق الحد اقطعي علاقتك فيها وديري بالك منها |
الله يعينها على نفسها هذي مليانه حقد
اقطعيها نهائيا ولاتفتحي بابك ابدا |
ياساتر اعوذبالله لهاالدرجه في ناس كذا..
الحسد عامي عيونها..زي ماقال زوجك اقطعي علاقتك فيها نهائيا.. |
اللي انتي عملتيه صح ...
بس هي حالة نادرة مش كل الجيران كدا (في جيران اكتر من الاهل ) بدليل انها واحدة بس من الجارات وانتي حظك سئ انها طلعت من نصيبك هي صعبت علية اوي لأن اكيد ده ناتج عن الظروف اللي مرت بيها واحساس الغدر .. ربنا يتولاها برحمته ولعلمك كويس انك اكتشفتي انها كدا من اول زيارة ومعرفتك بيها .. بدل ماكانت قعدت تحيك المكائد والجو ده من غير ماتحسي وكانت هتبقى كارثة فعلا... |
انا اظن بل ومتاكده ان هذه المراة عندها عقده من كل الرجال مو بس من زوجك من كثر ماشافت من زوجها وانتي اتصرفتي صح اهم شي الصراحه بينك وبين زوجك ولا تسمعي لكلام الناس الفاضيه والوحده اذا ماشافت على زوجها شي غريب ليش تخلي شياطين الانس دول يدخلو الشك في قلبها ويخربو حياتها ويارب يدوم عليكي حكمتك وعقلك ويجعلك دوم سعيده .
|
لا تخلين احد يخرب حياتك بكلام فاضي لاصحه له
مادامك واثقه في زوجك ماعليكي منها ولاتصادقيها خلي علاقتك سطحيه معها بس السلام |
شكرا لكل اللي ردوا على موضوعي .. وفعلا انا قطعت علاقتي فيها نهااااائياااااااا ومسحت رقمها من جوالي على طوووول ... الله يكفينا ويكفيكم شر الحساااد ياااااااارب ... |
هذه مفسدة أدعي لها بالهداية
أنصحك أن تكنسليها من حياتك ولا تستقبلينها مرة أخرى فشكلها أنها أمراة مفسدة وربما أنها حاطة عينها على زوجك وتريد أن تزوجه فلربما في زوجك صفات حسنة (كرمه ـمنصبه _شهرته -شكله الخ) فقولي دائما ( اللهم أكفنيها بما شئت ) هذا الدعاء وبس |
شكراً على إفادتنا بتجربتك
|
عصبيتك وصراخك عليها كان اول نجاح لها دايما اللي من هالنوع تعاملي معهم ببروده اعصاب لاخر درجة وبما انك تعرفين انها من هالنوع خلاص اقطعيها من غير مقدمات
لاتردي على مكالماتها ولا تستقبليها وان حصل واستقبلتيها خذيها على قد عقلها واضحكي بوجهها عشان تغتاض اكثر وتدور غيرك..... لا تختلطين معها باي شكل من الاشكال وطلعيلها شتى الاعذار عشان تمل منك لان بعدها ماراح تشوف فيك ذاك الروح اللي ممكن تستمتع فيك ولا راح تشوف منك ذاك المنافس... أهم شي البرود نصيحة مجربة :) |
الله يسعدكم ويكفيكم شر شياطين الانس ،، ويهدي جارتكم .
اختي بقولك شي يمكن اغلب الاعضاء بيخالفوني فيه ، ولكني لو انا مكان زوجك ، كان غيرت السكن فوراً ،،، انتوا توكم عرسان جدد وحياتكم مستقره ومبسوطين ماشاء الله والله لا يغير عليكم ،،، ولكن العين حق والسحر موجود ومنتشر هالايام للأسف وحتى الرسول صل الله عليه وسلم ماسلم من السحر . |
| الساعة الآن 08:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©