|
هل سني مناسب للزواج ؟
السلام عليكم
ببدأ قصتي انا عمري 22 سنة ادرس في امريكا وزي ماتعرفون امريكا وبلاويها وانا مفكر الحين اتزوج والوالدة تلح علي اني اخطب بنت خالي توها متخرجة من الثانوية :22: الحين ياجماعة الخير انا خايف يعني احس اني صغير مش من ناحية العقل او الرزانة لكن احس اني صغير يعني انا احضر زواجات الاهل والاقارب اللي عمره 28 واللي عمره 26 ماادري بس احس انه عندي خوف سؤالي لكم هل تحسون ان عادي ومافيها شي وشعوركم اني مثل اي واحد ثاني يتزوج ولاتحسونها غلط وتوي صغير طمنوني الله يحفظكم جزاكم الله خير . ( الإشراف / عفواً تم تعديل العنوان ليتضح المضمون ) |
الله يكتب لك اللي فيه خيره وعلى فكره مافيه فرق بين عمرك وألاعمار اللي ذكرتهأ
|
مافيه فرق كبير
بس لازم تتاكد من انك كبرت وعقلت وياما فيه ناس اعمارهم 18 سنه اعقل من اللي اعمارهم 29 سنه |
أخي الكريم : أنت من تقرر إذا سنك مناسب للزواج أو لا من ناحية تحملك للمسؤولية وإذا وجدت التردد أنتظر إلى أن تصبح عازم على الزواج بكل مسؤولياته ولاتنسى الإستخارة في كافة امورك ... وفقك الله وأسعدك في الدارين . |
يا اخوي الله يرضى عليك اتزوج وخذها معااااك والله الغربة هناك فتن
انا اخاف الله لا يقدر تطيح في الحرام واحد عاش في امريكا هناك وتخيل 5 س لديه علاقه غير سويه مع بنت وحتى لما تركها تعبت نفسيته ليه ليه اتزوج إذا كان ربي ميسرلك واطلب الله الدعاااء والتيسير صراحة انا اشجع الزواج للشاب بالذات من سن مبكر عااارف ليه لانه والله يحزني كل مكان فتن في الشارع سوق عمل مدرسه حتى في البيت البعض تلبس في البيت ملابس تثير اخوانها يعني الله يعينكم شوووف ان شاء الله انت قدها وقدود دام انك في غربه اتزوج وأنا اختك ولا عاااد اشوفك هنيه إلا في قسم المتزوجين مباررررك مقدم وموفق |
السلام عليكم اخي العزيز "seakhlij" نصيحه لوجه الله انك تتزوج لان الزواج ستر وحفظ للنفس ايضا انت سنك مناسب للزواج لست صغير كثير ولا تنسى اخي العزيز ان البلاد التي تعيش فيها كلها مفاسد وفتن انصحك بالزواج ولا تتردد ايضا الزواج المبكر له ايجابيات وهو انك تنجب اولاد بسن مبكر بالتالي يصبح ابنك او بنتك في سن الزواج وانت لا زلت شاب في الاربعين تخيل والله شيء جميل ، انصحك مره اخرى بالزواج وتوكل على الله ولا تنسانا من دعوه طيبه الله يجزاك خير.. |
حياك اخوي .. اول شي حابة اشكرك على حرصك على نفسك ودينك وسمعك ,, الزواج مو لعبة ! الزواج مسئولية وبيت وزوجه وعيال مستقبلا العمر مو مقياس ,, الشي هذا محد يقدر يجاوبك عليه الا نفسك .. انت الي تعرف قدرك على حل الامور وتحمل المسئولية ,, ودي احط بين يدك امرين : الامر الاول نفسك : في حال انك حسيت انك قادر على تحمل المسئوليه بكامل تبعاتها , فلا تتردد اخطب وكمل نص دينك . ولكن اذا كان هناك شك في ذلك فمالك الا انك تصبر وتعصم نفسك من الفتن , واذا انحديت فـ صُمّ .. والثاني زوجتك المستقبليه ( بنت الناس) : الزواج ماهو لعبة يا اخوي , انت في غربة وبنت الناس معك وش ذنبها تظلمها اذا كان زواجك لها فقط لتعصم نفسك عن الحرام , بنت الناس وش ذنبها !! حتى لو فرضنا انه نيتك ماهي كذا , بس انت توك صغير ما مرت عليك تجارب بالحياه كثير ويمكن ما تعرف كيف تتعامل مع زوجتك المستقبليه لعدم خبرك الكافيه في الحياة , ارجع واقول كلامي هذا يتحمل كافه الاحتمالات ,, يمكن يكون عقلك حتى اكبر من عقلي ! ويمكن انك تقدر تتحمل المسئولية واكثر ! ويمكن المسئوليه الي عندك ما تكون كافيه لان تتحمل مسئوليه شخص اخر ضعيف يعتمد كل الاعتماد عليك في الغربه ! استخيــــــــــر اخوي الله يعلمـ الخير وين يكون فية ,, والله يكتب لك اللي فيه الخير |
بالعكس ان اشجع الزواج المبكر تكون تجربتكم محدودة فى الحياة تكبرون مع بعضكم تنضجون مع بعض
شوفوا جيل امهاتنا كان هذا هو عمر ازواجهم مع ابائنا ولاننسى شى مهم الاستقرار النفسى فى الزواج مهم للدراسة والتفوق اعقلها وتوكل الله يوفقك |
اقرأ الحقوق و الواجبات الزوجية كلها بدون استثناء
اطلع على المشاكل الزوجية و حلولها ولو شعرت انك قادر على القيام بواجباتك الزوجية و قادر تتلافى المشاكل المعتادة بين الزوجين فأنت أهل للزواج مهما كان عمرك الحقوق المتبادلة والمشتركة بين الزوجين |
اخـوي بنفس عمـرك .. وخطب بنت خاالتـي .. والآن هم في فتـرة الملكه .. ومبسووووطين بشكل ماتتوقعه مااااااااااااااااااشاءالله تبارك الرحمن الله يحفظهم ويبعد عنهم عيـون الحـاسدين .. ولعلمك اخـوي ماكان يفكر يتـزوج .. ولا احنـا جـا في بالنا انه نـزوجه .. بس سبحان الله ... والله كذا .. قالت امي ابي فلانـه لولدي .. ويوم قلناله قال موافق .. والله يكتب الي فيـه خير وان شـاءالله زواجهم يمكن الصيف الجـاي .. انت استخير ثم استخير ثم استخير .. ولازم تعـرف ان الزواج مسؤوليـه .. ومسؤوليـه كبيره زيـاده عليك لأنك رايـح للغـربه .. والسفر والتغرب لوحده هم ومسؤوليه .. شلون لو اخذت معك بنت النـاس .. فا فكر واستخير .. واقـرا وتثقف ... وبعدها توكل على الله ... وحط نيتك ان الله يعفك ويبعدك عن الحـرام وادعي ان الله مايخيب رجـاك ويسهل امورك .. بأذن الله .. ربي مايخيب رجـا من تـرجاه .. الله يـوووووووووووووووووووووووووفقك |
أنا توني داخل الـ 21 سنة وقاعد أدور وعسى الله يرزقني ببنت الحلال وإياك وسألت نفسي هذا السؤال وسألت الوالد الله يحفظه قالي الرجل إذا نوي نيه صادقة أنه يتزوج غالباً ما يكون عنده كامل الإستعدادية لتحمل المسؤلية ويكون عنده قابلية لتعلم ما يخفى عليه من واجبات الزوج وأكل العنب حبه حبه وأهم التزم بصلاتك وبر والديك ولا تكل من دعائك |
انا اعرف ناس اصغر منك بسنه معرسين و عندهم عيال ما شاء الله و يشتغلون و يدرسون فنفس الوقت ما أعتقد انهم احسن عنك
|
اقتباس:
الاشراف/لفظ المشيئه يكتب كما بين الاقواس |
اقتباس:
|
اقتباس:
|
توكل على الله واتزوج وديننا حث على الزواج المبكر ولكن يجب معرفة الحقوق الزوجية وتطبيقها
|
قبل أسبوع من الآن تزوج أبن جيراننا عمره مابين ال19و20:) ،،
إن كنت ممن يتحملون مسؤوليه ومستعد من جميع النواحي فأعقلها وتوكل والله ييسر لك . |
| الساعة الآن 06:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©