|
أضحك بوجه زوجي لما يعصب علي
السلام عليكم ورحمة الله وبركاته
كيف حال الجميع00 من زمان عنكم الله يذكركم بالخير عندي موضوع وحابه تساعدوني فيه الله يجزاكم خير من لما اتزوجت واي نقاش حاد بيني وبين زوجي يتم عادي زي اي زوجين لكن من شهر تقريبا او اكثر وانا لما اشوف زوجي يرفع صوته مثلا ومعصب طبعا في هالحال اكون برضو معصبة على طول اضحك مرات اتحمل واصد عنه واضحك ومرات ماقدر بوجهه اضحك!!! سبب الضحكة انه لما اشوف وجهه وهو يرفع صوته اتخيله ( حطو ع الكلمة 20 خط) انه مسوي فيها قوي ورجال البيت وراح يسكتني - وفيه سبب ثاني انه لما يتحمس يخربط بالكلام والله امس صارت مشكلة وكنت ابكي بقووووة جا يناقشني بس شفت وجهه ضحكت بقوة!! هو تفاجأ راح المرايه يشوف نفسه يقول فيه شي بوجهي يضحك!! تخيلو دموع وفجأة ضحك!! احس راح يحتقر زعلي بعد كذا صح؟ ساعدوني كيف اكون جدية بوقت الزعل والله غصب عني اضحك موبيدي ماكنت كذا ابدااا ومشكورين |
فعلا موقف غررررررررررررريب مين له نفس يضحك ذيك الوقت انا لما يرمي علي كلمه احس ان البيت مو اخذني وقلبي يدق بسرعه عموما ما تمرين به نعمه
تحسدين عليها |
ههههههههههه .. سبحان الله .. تصدقين اني نفس مشكلتك .. ما ادري ليش اتيني الضحكه .. مع اني من داخلي متضايقه واحس قلبي مقموت من كلامه .. المشكله من اضحك زوجي يعصب زياده ويقول تستهينين بكلامي .. مع اني لا استهين ولا شي .. بس ما ادري ليش اتيني الضحكه لدررجه ما اقدر امسك نفسي .. آخر شي توقعته اني اشوف احد عنده نفس هالمشكله الغريبه .. بانتظار حلول الأعضاء
والله يهديك ويهديني |
والله يكون شكلهم يموت ضحك وانا مثلك
والله امسك دموعي في عيوني عشان ما يشوف ضعفي ولكن ضحكتي ما اقدر امسكها مره عمره رح يوقف العصبيه ويقول ما تعمل معها مفعول خليكي هيك افضل كووووول يعني واحد بارد وواحد حامي احسن ما يكونو الاثنين حاميييين وينقلب بزعل |
معناه ياشوشو ان شخصيتك اقوى منه وان هواشه مايهمك انا زوجي لمايعصب ويكون بايبدي شئ يطيح مني من الخوف ومافيه امل اتا مل بوجهه وكلماته كانها خطبه ماشالله عليه مايخطئ ويقول شئ يحرقك من جوا الله يحفظه لك |
ماحد فاهمني غير جوري يمكن لانها تمر بللي مريت فيه
زوجي شخصيته قوية جدا وعصبي وعلى فكرة لما يعصب مررة اخاف منه لدرجة احيانا مارد عليه من الخوف واحاسبه لما اشوفه مرووق اما الوضع الان تغير 00 لما نتناقش ويحاول يسمع مني الكلام يبدا كل واحد يدافع عن نفسه فجأة لما اشوف وجهه اضحك!! والله ماكنت كذا اول ابداااا بالعكس كنت اناقشه بكل جديه!! والمشكلة اضحك وانا محروقة من جوا ابغى اناقشه ابغى اعاتبه لكن شكلي ماله داعي اضحك واعاتب!! ع فكرة لما اضحك اكون اضحك وانا معصبة!! مادري فاهمين علي او لا بعدين احاول اتماسك واكمل النقاش 0 بس اكيد راح يحتقر زعلي مادري والله وش حاصل لي!! الف شكر للي ردو علي |
أهلين شوبارد عودا حميدا ..
كيف( كتكوتك) أتمنى يكون بخير.. حقيقة ضحكتك ما لها داعي ,, ويحق لك تتضايقي من تصرفك !! وأتوقع كل ما حاولت تتفاعلين مع موقف زوجك وتتفهمين سبب ودواعي غضبه بيكون عندك دافع للجم تلك الضحكة !! ويكفي شعورك يا شوبارد أنها ما لها داعي ! |
شيهانه
الحمدالله كتكوتي بخير ع فكرة لما اضحك اكون برضو زعلانه واحيانا هو يكون غلطان علي يارب ياكريم تبعد عني هالضحكة بوقت الزعل |
لا ما تبعدبها
لانها تطفي حدة الوضع قليلا |
اهلين اختي شوبارد .. وين هالغيبه يا عزيزتي ؟؟ بصراحه انا مت من الضحك وانا اقرا موضوعك .. لان اختك مثلك .. و حتى زوج اختك كمان مثلك ..خخخخ شوفي انا نادر ما تصير مشكله بيني و بين زوجي .. لكن احيانا تصير اختلاف في وجهات النظر و كل واحد يرمي كلمه على الثاني وكل واحد يمثل ان ماد بوزه. ونظل ساكتين ما نكلم بعض لكن يا شيخه من اطالع في وجهه و هو ماد بوز امسك ضحكتي بقوه واذا هو يبغى يطلب مني شي مثلا كاسة شاي او اي شي يبان عليه ان ماااسك ضحكته بقوه لان كل واحد فينا يعرف انه يمثل على الثااااني ... خخخخخ مدري فهمتي شي من اللي كتبته واذا ما فهمتي قولي لي عشان اشرح لك اكثر .. لا تشيلي هم ياقلبي حمليها خفيف على قولة حبيبة قلبي قرين .. |
وعليكم السلام
عين وصابتكم ليش تتخانقون وتعصبون وتحرقون دمكم ودم ابنك و الي جاي بلطريق زوجك وعرفتي طبعه كل ما جا يعصب من منظره خذي هذه الخطه الجاي لهذا الاسلوب وقت النقاش اعطيه ظهرك وحطي ايدك على فمك و ابعدي كم متر و اضحكي ضحكه مكتومه و بس تروح الضحكه اتركي الغرفه و اعملي زعلانه يكون هو خلص الخطبه و الصلاه على محمد و اله وصحبه وسلم ويحس انه تعب يجي للغرفه يرتاح او يكون فجر طاقه الغضب ويرضيكي و رتبي افكارك وكلماتك و بعدين من يروق قولي الي بخاطرك ووقتها تكوني انت الي كسبانه لا متوتره ولا معصبه و اضحكي براحتك من غير ما يحتقر زعلك و تدريجي حيعرف الطريقه الجديده بلنقاشو المصارحه وتبعدو عن الصراخ و العصبيه و خاصه ابنك بيكبر ويفهم |
انانفس المشكله كل مايعصب اكتر اضحك اكتر واحاول اخبي وجهي بس مافي فايده مفضحوحه
وهو لمايشوفني بضحك بيخف |
تذكري موقف محزن علشان ماتضحكين
|
لاتكون باينه إنها ضحكة استحقار واستهتار بأعصابه ؟!!
لأنه فعلاً بيكون موقفك مو حلو قدامه وبيحس إنك ماتحترمينه ! |
الحااااال من بعضه ياشوبارد...اكون معصبه وهوكذلك لكن لما يقعد يهزء اقعد اضحك ومن جوااااي حكي وش كثررره...واذا شافني اضحك خلالالالاص ظمن ان انا الغلطانه وهو الصح...يله عاد وش يحلها...الله يسخره لي ويحنن قلبه علي..
|
أعتقد ان رد فعلك هذا مؤقت و انك رح ترجعي تخافي منه و يروح الضحك
|
الله يهدي سركم ويحفظكم لبعض
|
ههههههههههههههههههههههههههههه وقسمن فطست ضحك عليك .. بس ترا الشخصيه العصبيه مااااااااااااينفع معاهم هالأسلوب اخاف يصكك بكف الا والضحكه مالت 180 درجه خخخخخخخخخخخخخخخخخخخخخخ عشان كذا انتبهي على حالك لايقلب عليك .. الله يعييييييييييينك |
ساعات الواحد من كثر قهره يضحك..
شر البليه مايضحك.. لكن ساعات وخاصه إذا اشتد النقاش وحمى الوطيس.. نحتاج الضحكة شوي عشان تلطف الموقف.. |
حياكِ الله أختي شوبارد
افتقدنا طلتك على المنتدى عموماً بالنسبة للضحكة وسط التعصيب فعلاً أحيانا ً إذا أنا أناقش و بجدية ممكن أضحك من حركة يسويها اللي قدامي و خصوصاً أخواني الأقل مني بالعمر و أنا أناقشهم بقلب المشكلة >>واحد من اخواني (في أولى جامعه) أحياناً يتعمد يسوي حركة مضحكة عشان أضحك !!!! بس ماصرت كل مرة أعديها للجد وقته و للمزح وقته شوي شوي حاولت أتحامل على نفسي و ما أضحك وقت الجد عشان ما يفقد الموضوع أهميته أو ينقلب محور النقاش!! |
والله ماأتوقع أني راح أضحك لما أتهاوش مع زوجي إذا تزوجت مستقبلاً إن شاء الله ..
لأني بصراحة إذا زعلت زعلت !! وأصير جديّة بقووووووووووة !!! مشكلة والله ! ! |
اقتباس:
خفة دم فيك غير طبيعيه .......... |
مرحبا .........
كيف تقولين ان شخصيته قويه .....وتقولين يبي يسوي نفسه قوي و رجال البيت !!!!!!! |
اهلييييييين اختي شوبارد الحمدلله على رجوعك للمنتدى بسلامه طولتي الغيبه والله فقدتك...
اما بنسبه لموضوعك الاخوات ماقصروا ونتي حاولي تطبقين الحلول وان شاء الله تضبط معك حاولي تفكرين بشي محزن حاولي تنزلين وجهك او تلفينه عنه بحيث مايشوفك واذا ماقدرتي اطلعي من الغرفه واجلي النقاش على انك بتغيرين للولد |
أنا مثل الأخت مشكلة والله لا يمكن أضحك أبدددددا إذا كنت زعلانه لاني لما ازعل ... أزعل من دااااااخل قلبي يعني من الصميم :d
متأكدة ياشوبارد إن سبب الضحكة هو ما كتبتيه ؟!!< تخيلت الموقف وتوقعت سبب آخر:confused: . عموماً لا تحمّلي الموضوع كثير .. سبحان الله ما تدري يمكن هالضحكة:d سبب في تخفيف حدة الأمور . يعني لا تنظري لها للجانب السلبي . ولن يحتقر زعلك .. أظن إذا في شي بقلبك ما رح تخلي الموضوع يعدّي بدون ما تعاتبيه وتطلعي كل اللي بقلبك بس تخيري الوقت المناسب وطلعي اللي بقلبك والله يوفقكم .. ويجعل أيامكم كلها عسل بعسل |
شوبارد أنا أعاني من نفس مشكلتك
مع كبر المشكلة لما أاطالع وجهه أضحك وأحاول أصد عشان ما يشوفني يقول هاذي ما هميتها ولا يقلبها زعل اكثر ويكون الحق معه بدل ما يكون عليه وزي ما قلتي أنا ما كنت كذا أبدا ما أدري أيش صار لي؟؟ الله يستر تكفووووووووووووون أسعفونا بالحل شر البلية ما يضحك |
والله انا مثلك ...
اذا زعلت منه ... ووعلى اساس اني زعلانه... واول ما اشوفه اضحك ضحكه شقاقيه ... تحسيني هبله ... منه يهون زعلي في قلبه ... بس صدقيني لو كنت محتره حييييييييل ماراح اضحك لانها صارت معي ... يمكن لانّا تعودنا على رتم هالنوعيه من المشاكل |
أنا مازلت إلى الآن أذكر موقف حصل لي مع ولد جيراننا(أكبر مني بسنة أو سنتين) وصراحة أغبطه على موقفه
وهو أنني تحملت حركاته وعبثه بداخل سيارتي لفترة بسيطة وبعدها أنفجرت عليه بكلمات عمري ماأقولها ، وهو قابل انفجاري بضحك (ليس استهزاء وإنما احتواء للمشكلة) ، المهم تركته ورحت لمنزلنا ولكني والله مبسوط جداً في داخلي ، فضحكه لطف علي الجو وعطاني فرصة أني اتراجع. ولطالما تمنيت أن تكون هذه الصفة في شريكة حياتي وكل من حولي ، حيث يمتصون غضبي بهذه الطريقة ويكون لي خط رجعه بدل من أن ينفتح هم وغم ونكد ثاني . وأتمنى ان يكون لضحكاتك نفس التأثير على زوجك. على فكرة تذكرت ، حصل هذا الموقف مع زوجتي كذا مرة حيث نحن في حدة الزعل وتأتيها ضحكات ماأدري من وين وكنت اعتقد أنها من داخلها مبسوط وغير زعلانة ولكنها كانت تقول لي انها زعلانه ولكنها لاتستطيع كتمان الضحكات ، المهم بالنسبة لتأثير هذه الضحكات علي كانت تخفف حدة الزعل كثيراً حتى مع توقعي انها تتمهزأ . |
شوبارد اولا كيفك
عادي هذا يدل على ان شخصيتك مرحة الله يوفقك |
يا بختك
ليتني مثلك |
أضحكتني كثيرا... اذ أن هذا الموقف يحدث معي ولكن بطريقة أخرى... خطيبي (زوجي) من النوع الذي يحب المزاح والضحك وكذلك أنا...فحينما يحدث نقاش حاد ويكون غاضبا أقوم أنا لا شعوريا بمد لساني وصنع أشكال مخيفة بوجهي فلا يتمالك نفسه من الضحك وتنتهي المشكلة... وكثيرا ما أكون غاضبة واناقشه في أمور تكون مهمة بالنسبة لي فأراه يضحك فأثور "ليش تضحك" فيرد علي "آسف بس انت وايد صغيرة!!!" وانسى المشكلة حينها :d موضوع خفيف عزيزتي.. |
عادي حبيبتي
انا تصير معايا احيانا ان زوجي لما يعصب يبدا يفتح خطب ومواعظ ودروس في الحياه وانا مااهتم وهو في كامل جديته فيجيني الضحك لما اشوفه متحمس ههههههههههههههههه |
الأخت (شو بارد) الغالية
ضحكتيني من قلبي "الله يسعدك" لما اتخيلت الموقف عادي الحياة حلوة و صدقيني مرحك و ضحكك يخفف من وطأة الغضب و الزعل و يشتت تركيز زوجك على الموضوع اللي كان يناقشك فيه أو اللي راح يزعلك :dو يصير يفكر في اسباب ضحكك :22: الدنيا قصيرة لذا عيشي حياتك "زعلك و فرحك" ببسمة أو ضحكة :) تحياتي الخالصة,, Mrs. Ordinary |
عاااااااااااااااااادي حبيييييييييييبتي انا نفسج لما يعصب زووووووووجي ماعرف ليش اضحـــــــــك حتى اذا كنت من داخلي زعلاااااااانه وامعصبه بس مااعرف اكششر اكون امعصبه والابتسااااااامه على وجهي >>>> غريييييييييبه صح
|
حاولي انك ما تطالعين في وجهة وقت يكون معصب ويرمي سيل من الكلمات الغاضبة
كتمي وطالعي في الأرض من غير التركيز على تعابير وجهه أوحركاته وكانت تجيني هذه الحالة أيام الدراسة إذا صارت المعلمة تهاوش وبحماس وتشوفين الدم بيتفجر من عروقها من الغضب أحس تجيني الضحكة والموقف مو ناقص |
بس انتبهي حبيبتي ان ضحكك يفهمه زوجك انه استهزاء به ويزيد غضبه
حاولي تنظري في الارض لما يعصب ولا تردي عليه |
الف الف شكر للجميع وجزاكم الله خير
وانا اقرا ردودكم استرجعت بعض المواقف واتوقع عرفت السبب اول لما يعصب كنت اخاف منه لدرجة اول ماشوف عيونه على طول ابعد احس انه راح يضربني !! ونظراته نظرات استحقار فكنت اقول بنفسي ليه حاقرني؟ يعني لاني مرأة بيقول هذي ضعيفة ويعاملني بقسوة واحتقار!! بعد ماتراضينا حاسبته على نظراته قلت ممكن تعصب ايه لانك بهالحالة حالة غضب لكن نظراتك اللي احس فيها اني ماسوى شي ماتحملها فقالي والله ماشوفك باستحقار بس لما اعصب تعابير وجهي تعطي هالشي لكن وانا اكلمك ابغاك تهديني عشان اهدى!! اتوقع اني اضحك لاني اشوف ملامح وجهه وادري انها تمثيل لعصبيته صح؟؟ يمكن صح تفسيري |
ياريت زوجتي تضحك بوجهي لما تشوفني معصب
هي لما تشوفني معصب يتـمدد بوزها بعرض محيط الكره الارضية ، ويتحول لسانها لراجمة صواريخ تقـذف فيه اكثر من عشرين الف كلمة قاتلة في الدقيقة الواحدة . ضحكك في وجهه دليل على طيبة قلبك وعفويتك |
| الساعة الآن 08:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©