|
مشكلتي في كوي الغتر
السلام عليكم ورحمة الله و بركاته
مشكلتي ما اعرف اكوي الغتر .. يطلع شكلها طيب بس بعد ما يالبسها زوجي تتفتح عليه و ماتلصق الطبقتين في بعض .. فياليت تساعدوني في كيفية كوي الغتر بالشكل الصحيح .. و اتمنى ارفاق صور اذا امكن .. لاني اتمنى اني اعرف اكويها ... شاكرة لكم ... |
افضل طريقة هي كوي الشماغ على البخار في المغسلة 99 % من الرجال يقومون بكوي شمغهم بالمغسلة لأن كوي البيت لا يضبط مع الشماغ يعني اغسلي شماغه في البيت ثم يروح يكويه في المغسلة بلحظة افضل واريح وارتب
|
وعليكم السلام ورحمة الله وبركاته الافضل ان يكون لديك مكواة مثل الي عند المغاسل ولكنها صغيرة الحجم مريحة للغاية وسهلة الاستخدام وتوفر عليك الوقت والتعب وسعرها معقول جدا تجعل الشماغ 100 بالمية وهذه صورة لها |
المكواه الي نزل صورتها العابر كويسه بالكوي ، ولكنها تخرب بسرعه للأمانه اعرف ناس كثار عندهم هالمكوى ومادامت معهم ،،، ورأيي من رأي ناصر 2007 انا لي 4 سنين اتبع هالطريقه ، زوجتي تغسل الشمغ والغتر في البيت واكويهم بالمغسله .
|
ينقل إلى مكانه الأنسب
قسم المنزل |
ريحتـوا حريمكم جزاكم الله خير ,,, المكوى الي حطيتوها .. من جد تخرب مادامت عندنا كثير مالك غير تسرلينهن للمغسـله ... |
اختي الكـريـمة الحين صـار الوضع في كوي الشماغ إنه يغسـل بالبيوت وكيه يكون بالمغـاسـل هـي اللي تضبطـه صـح وفـرصـة ترتاحين من كوي الشماغ عزوبي:21: بس:d رجل:30: |
ماشاء الله عليك متفانية
ريحي حالك و خليه يوديها المكوجي و إنتهينا |
انا اكويها بالبيت واحط لها نشا
لكن اصلا زوجي يحبها مربعة وما اصفطها إلا عند اللبس يعني مريحني من كويها وهي مصفطة :) يعني عادي اغسلها واكويها وهي مفتوحة بالكامل مع النشا |
اقتباس:
ليس جميعهن كما قلتي بعض الشركات انتاجها ممتاز مثل شركة OMNIA عندي بالبيت لها اكثر من ثلاث سنوات ونستخدمها لكل الملابس القطع الصغيرة والكبيرة وماشاء الله مازال عطائها مستمر ..ماشاء الله هناك نقطة مهمة لكي تعيش اكثر وهي عدم اضافة اليها الماء للبخار بكثرة لأن كثرة استخدام بخارها يتلفها وينقص من عمرها وبالتالي التوقف عن العمل واستخدم الرش اليدوي بالمرشة افضل |
حسستوني من ردودكم على الاخت اني المراه السنعه
زوجي اشمغته وغتره واثيابه كلهن بالبيبت ينغسلن وينكون والكوي ماعليه مرتب والله الله يعافي النشا واذا ضبطتي الصفطه هانت السالفه كلها ماغير رشي عليها نشا وضبطي المرزام وبس والصور تلقينها في النت لاني حاولت افتحها وارفعها لك ماانفتحت معي |
حبيبتي jeans مو لازم تحسين أنك أنتي المرأه السنعه
أهم شيء طويل العمر يحس ويدري خليه يقرأ هالموضوع علشان يعرف قيمه اللي عنده وأنك مريحته على الآخر وماكلفتي عليه :d |
جينز مو مسألة سنعة او غير سنعة المسألة أن كوي الشماغ بالمكواة اصغيرة الموجودة باللبيت ما تضبطه وتكون اطرافها مو حلوة مو مثل البخار يخليه منطبقة على بعض ما بينها فضاوه
|
أختي lolo y , الغتر أو الشمغ اللي ما تلصق وتتفتح اذا لبستها هذي غالباً تكون نوعيه وخامه الشماغ والغتره ردئيه
ما أعتقد ان لها دخل بالغسيل أو الكوي أنا مجرب أكثر من نوع بالشمغ أكثرها تتفتح ( الرخيص مخيس ) , ولي الآن 3 سنوات مستقر على البسام , خليه يشتري نوعيه ممتازة مثل البسام ويجرب تنفتح ولا لا أما اذا كانت النوعيه اللي عنده البسام وتتفتح فالمشكله فيك :23: |
اشكر الجميع على الردود الطيبة
و فعلا كنت اغسل الغترة و هو يكويها عند المكوجي ولكن الان جاتني خدامة فخلاص قال انتي اكويها فلو كانت في ست شاطرة في الكوي ياليت تكوي الغترة و تصورلنا و مرة ثانية اشكر الجميع |
راح احاول اشرح لك طريقتي واللي الحمدلله تزبط فيها الغترر لانوو انا عندي كل انواع الغتر والاسوأ كمان في الخامات ماخلا شئ زوجي ماجابه من انواع الغتر والاشمغه بس يبغالها مجهود كبير اول شئ تفردي الغتره مربعه وتكويها مربعه بشكل كامل وجه وقفى وهييه مفرووده وبعد كذا تطبقيها مثلث وتكوي بالمريتوو وجه وقفى ولما تكوي من عند الطبقه حقت الغتره وتمسحي الهوا اللي متجمع لطرف الغتره ولاتشدي فيها واضغطي فيها شوي واخر جزء تسويه هوه انك ترشي مريتوو على الجزء اللي على الراس وتكوي تمام وترشي مريتو على الجهتين وتثبتيها تمام بالنشاا والكوي من طرف الغتره اللي فوق عند الراس لتحت لطرف الغتره وفي الاخير تثنيها بشويش .. ودايم حركتك معاها بهدوووء وبالراحه عشان لاتخربي على نفسك تعبك كله انا الغتره الوحده تاخذ مني نص ساعه وتلاقيني يدوب اكوي اثنين وخلاص اوقف عن الكوي كله الشماغ اخف واسهل بالكوي منها ان شاءالله تفهمي شرحي واكون ساعدتك لو بالقليل تحياتي لك وموفقه بأذن الله |
اشكرك اختي على مجهودك
|
اقتباس:
جربي موبي >>> دعاية .. لاوالله زوجتي تستخدمه .. كذا:22: |
اختي امل اللقاء اشكرك لانك نبهتيني على خطأي في كوي الغتر
و اليوم كويت الغترة زي ما قلتيلي و طلع كويها تمام و الحمد الله اشكرك من كل قلبي |
العفوو اختي المهم اني قدرت اقدم لك اللي يساعدك لاني عانيت مثلك في بداية زواجي الين عرفت الطريقه الصح
ولانه زوجي مايحب ياخذ ملابسه لمحلات الكوي فأنجبرت اتعلم واكوي ملابسه كلها وانا جربت غير مريتوو اخي اصغر اخوانه بس ماحبيت ريحتهم بالملابس مريتوو مميز عندي والله يديك العافيه اختي ويساعدك بالصحه والعافيه وتقدري تكملي كل شئ في بيتك موفقه بأذن الله |
شاكرة لك اختي الكريمة
و جازاك الله باعلى الجنان و انا زوجي مثل زوجك ما يحب ملابسة تنكوي برة البيت .. و الله يعيننا |
| الساعة الآن 07:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©